மாஸ்கோவின் காவேரி - இன்பா

காதல்,காதல், காதல் போயின் சாதல் என்றார் பாரதி. காதலிக்காதவர்கள் எல்லாம் இந்த உலகத்தை ஒரு கண்ணால் மட்டும் பார்த்தவர்கள் என்றார் வைரமுத்து. வைரமும், முத்துவும் சேர்ந்து காதல் காந்தமாய் கவர்கின்றன 'மாஸ்கோவின் காவேரி' படத்தில் வைரமுத்துவின் பாடல வரிகள்.

வைரமுத்துவின் கவிதைகளுக்கு பின்னணி இசைத்திருக்கிறார் அறிமுக இசையமைப்பாளர் தமன் ('பாய்ஸ்'ஸில் ஒருவராக நடித்தவர்).

மேற்கு ரஷ்யாவில் பாயும், பனி படர்ந்த மாஸ்கோ நதிக்கும், குடகு மலை காவேரிக்கும் என்ன தொடர்பு? அமைதியான மாஸ்கோ நதி போன்ற குணமும், ஆரவாரமான காவிரியின் குணமும் கொண்ட காதலர்கள் ஒன்று சேரும் கதை என்கிறார் தனது முதல் படத்தை இயககும் ஒளிப்பதிவாளர் ரவிவர்மன்.
வேட்டையாடு விளையாடு இவரது ஒளி வண்ணதிர்கொர் உதாரணம்.

அழகான முரண்பாடு உள்ள காதலர்கள். அதிகாலை பூக்கள் மீது விளையாடும் மழைத்துளிகளை விரும்பும் நாயகி. மே மாத அக்னி வெய்யிலில், கடற்கரையில் விளையாடும் அலைகளை விரும்பும் நாயகன். அவளுக்கு ஜெயகாந்தன் கதைகளில் விருப்பம். இவனுக்கு வைரமுத்து கவிதைகளில் விருப்பம். வர்தனி தமன், சங்கர் மகாதேவன் பாடி இருக்கும் "அதிகாலை பூக்கள் மேலே " என்ற பாடல் படத்தின் ஒட்டுமொத்த கதையை உள்ளடக்கிய கவிதை.

காதலின் முரண்பாடுகள் போலி என்ற கான்செப்டில் "ஆணும், பெண்ணும் இல்லை என்றால்" மாலதி மற்றும் பிரியா பாடிஇருக்கும் பாடல.

காதலுக்கு கண்ணில்லை என்பது காதல் தேசத்து பழமொழி.

நீ ஒன்றும் அழகி இல்லை
ஆனால் எனக்கு
உன்னைப்போல்
இன்னொருத்தி அழகில்லை.

என தொடங்கும் பாடலை நவினும், ராகுல் நம்பியாரும் பாடிஇருக்கிறார்கள்.

கண்ணதாசனுக்கு தத்துவம் என்றால் வைரமுத்துவுக்கு கிராமியம்.
தான் மரணமடிந்தால், சொந்த கிராமத்தில் கல்லறை கட்டடா என மகனுக்கு கவிதை எழுதி வைத்திருக்கும் வைரமுத்து, பிறப்பும் இறப்பும் கிராமத்தில் நடக்க வேண்டும் என்ற ஆசையை "கிராமம் தேடி வாடா மச்சான்" பாடலின் மூலம் சொல்லி, மாட்டுமணி சத்தம் கேட்கவும், நல்ல காத்து வாங்குவதற்கும் இளைஞர்களுக்கு அழைப்பு விடுகிறார். பாடலை பாடிஇருப்போர் திப்பு, ரஞ்சித், ரிட்டா.
வெரைட்டியான இசையும் தரமுடியும் என தமன் உணர்த்தும் பாடல்.

கார்த்திக், சுசித்ரா பாடிஇருக்கும் கோரே பாடல மற்றும் சுசித்ரா,நரேஷ் அய்யர் பாடிவுள்ள தேன் முத்தம் போன்ற பாடல்கள் காலர் டோன்களுக்கான டூயட். கார் ஸ்பீகர்களுக்கான இசை கலெக்க்ஷன்.

விற்கிற விலைவாசியில், காதல் பரிசாக இனி பூக்களுக்கு பதிலாக "மாஸ்கோவின் காவேரி" போன்ற படங்களின் ஆடியோ சிடிக்களை தரலாம்.

- இன்பா