சிவகங்கை - விருதுநகர் - என்ன நடந்தது ?

நேற்று மத்திய மந்திரி ப.சிதம்பரம், வைகோ போட்டியிட்ட தொகுதிகளில் தேர்தல் முடிவை அறிவிப்பதில் இழுபறி ஏற்பட்டது. இரண்டு பேரும் தோல்வியை தழுவியிருந்தால் நாட்டுக்கு நல்லாதாக இருந்திருக்கும்.

மத்திய உள்துறை மந்திரி ப.சிதம்பரம் போட்டியிட்ட சிவகங்கை தொகுதியில், அ.தி.மு.க வேட்பாளராக தமிழக முன்னாள் அமைச்சர் ராஜகண்ணப்பன் போட்டியிட்டார். இந்த தொகுதியில் நேற்று ஓட்டுகள் எண்ணப்பட்டபோது காங்கிரஸ் வேட்பாளர் ப.சிதம்பரம் குறைந்த ஓட்டு வித்தியாசத்தில் பின்தங்கி இருந்தார். இறுதிச்சுற்று ஓட்டுகள் எண்ணப்பட்டு முடிவை அறிவிப்பதில் தாமதம் ஏற்பட்டதால் குழப்பம் ஏற்பட்டது. இறுதியில், காங்கிரஸ் வேட்பாளர் ப.சிதம்பரம், அ.தி.மு.க. வேட்பாளர் ராஜகண்ணப்பனை விட 3 ஆயிரத்து 354 ஓட்டு வித்தியாசத்தில் வெற்றி பெற்றதாக அதிகாரபூர்வமாக அறிவிக்கப்பட்டது.

ம.தி.மு.க. பொதுச்செயலாளர் வைகோ போட்டியிடும் விருதுநகர் தொகுதியில், ஓட்டுப்பதிவு நாளன்று 7 லட்சத்து 44 ஆயிரத்து 880 ஓட்டுகள் பதிவானதாக அறிவிக்கப்பட்டது. நேற்று 15 சுற்றுகள் வாக்கு எண்ணி முடிக்கப்பட்டபிறகு பதிவான வாக்குகள் 7 லட்சத்து 66 ஆயிரத்து 242 என்று தெரிவிக்கப்பட்டது. இது முதலில் அறிவிக்கப்பட்டதை விட 21 ஆயிரத்து 332 ஓட்டுகள் அதிகமாகும்.

இந்த தொகுதியில் வெற்றி பெற்ற காங்கிரஸ் வேட்பாளர் மாணிக்தாகூர் 15 ஆயிரத்து 764 ஓட்டுகள் மட்டுமே கூடுதலாக பெற்றுள்ள நிலையில், பதிவான ஓட்டுகளில் உள்ள வித்தியாசம் ஏற்புடையது அல்ல என்றும், முடிவை அறிவிப்பதை நிறுத்தி வைக்க வேண்டும் என்றும் வைகோ தரப்பில் தெரிவிக்கப்பட்டது. இதுதொடர்பாக எழுத்து மூலமாக ஆட்சேபனை மனுவை பெற்றுக்கொண்டபின், தலைமை தேர்தல் அதிகாரி விளக்கம் தருவார் என்று உறுதி அளிக்கப்பட்டதை தொடர்ந்து, காங்கிரஸ் வேட்பாளர் வெற்றி பெற்றதற்கான சான்றிதழ் வழங்கப்பட்டது. இருந்தாலும் மதிமுக இத்தொகுதியில் மறு தேர்தல் நடத்த வேண்டும் என்று வலியுறுத்தி உள்ளது.

மின்னணு வாக்குப்பதிவு இயந்திரம் அதன் நடைமுறை என்ன ? ....

அரசு அதிகாரிகளிடம் பேசிய போது, அவர்கள் சொல்லும் நடைமுறையைப் பார்த்தால், ப்ரோகிராமில் மாற்றுவது இயலவே இயலாது எனத் தெரிகிறது.

* ஒரு வோட்டிங் மெஷின் ரெடியானதும், ரிட்டர்னிங் ஆஃபிஸர் (இவர் டெபுடி ஐ ஏ எஸ் ரேங்கில் இருப்பவர்) கையில் ஒப்படைக்கப்படுகிறது.

* அவர் எல்லாக் கட்சி ஏஜெண்டுகளையும் அழைத்து, எல்லா பட்டனிலும் வாக்கு போட்டு, மீண்டும் அதை சரிபார்த்து கையெழுத்து வாங்கிக்கொள்கிறார்.

* பின்னர் அந்த மெஷின்கள் காவல்துறை வசம் ஒப்படைக்கப்படுகின்றன.

* மீண்டும் காலையில் வோட்டிங் துவங்கும்போது, மெஷினில் ரீசெட் பட்டன்கள் எல்லா ஏஜெண்டுகளின் முன் அமுக்கப்பட்டு, பதிவான வாக்குகளின் எண்ணிக்கை பூஜ்யம் என உறுதி செய்யப்படுகிறது.

* வாக்குப் பதிவு முடிந்ததும், ஒவ்வொரு மெஷினிலும் எத்தனை வாக்குகள் பதிவாகியிருக்கின்றன எனப்தை மெஷினிலேயே எல்லா ஏஜெண்டுகளிடம் காண்பித்து, அதில் கையெழுத்தும் வாங்கிக்கொள்கிறாகள்.

* மெஷின்கள், எல்லாக் கட்சி ஏஜெண்டுகளிடமும் கையெழுத்து வாங்கப்பட்ட படிவங்களுடன், பெட்டிக்குள் வைத்துப் பூட்டப்படுகின்றன. ஏஜெண்டுகளின் மோதிர முத்திரையோடு கூடிய அரக்கு சீல் வைக்கப்படுகிறடு.

* வாக்கு எண்ணிக்கையின்போது திறக்கப்படும் பெட்டிகளில், இந்த அரக்கு சீல் முத்திரையை ஏஜெண்ட் ஒப்புக்கொண்ட பின்பே, எண்ணிக்கை ஆரம்பிக்கிறது.

* ஒவ்வொரு மெஷினிலும் பதிவான வாக்குகளின் எண்ணிக்கையை ஏஜெண்ட் சரி பார்க்கிறார். வாக்குப் பதிவின் போது நடந்த எண்ணிக்கையும் இதுவும் ஒன்றா என சரிபார்க்கப்படுகிறது. பின்பு மெஷினில் ஒவ்வொரு எண்ணுக்கும் வாக்குகள் காண்பிக்கப்படுகின்றன. எண்ணும் கட்சியும் ஒப்பு நோக்கப்பட்டு கட்சிக்கான வாக்குகள் பதிவு செய்யப்படுகின்றன. இதை ஒவ்வொரு பூத் ஏஜெண்ட்டும் சரி பார்த்து கையெழுத்துப் போடுகிறார்கள்.

* நாம் சந்தேகப்படுவது போல் ப்ரோகிராம் செய்திருந்தால், ஒரு மெஷினில் அதிமுக 0 மற்றும் திமுக 4000 என வந்திருக்கவேண்டும். இப்படி வந்தால், எந்த ஏஜெண்ட்டும் சந்தேகித்துவிடுவான். எனவே இது நடக்க வாய்ப்பில்லை.

* ஒட்டுமொத்த மெஷினும் எண்ணிக்கையும், பூத் போலிங் எண்ணிக்கயும் ஒப்பிடப்பட்டு தேர்தல் முடிவுகள் அறிவிக்கப்படுகின்றனவாம்.

* ஒரு மெஷினில் 1000 வாக்குகள் மட்டுமே அளிக்க இயலும். எனவே ஒரு பூத்தில் 1000க்கு உட்பட்ட மக்கள் வாக்களுக்குமாறு பார்த்துக்கொள்கிறார்கள். கூடினால் அவரை இரண்டு பூத்துகளாகப் பிரிக்கப்படும். அல்லது அருகில் குறைந்த வாக்காளர்கள் எண்ணிக்கையுள்ள பூத்துடன் இணைக்கப்படும்.

* அப்படியானால், சிதம்பரம் வென்றதாக நடந்த இடத்தில் நடந்த விஷயம் என்ன? ஆபிசர் மிரட்டப்பட்டு, ஏஜெண்டுகள் விலைக்கு வாங்கப்பட்டு, அதிகாரிகளுக்குத் தெரியாமல், அப்சர்வர் (இரண்டு அதிகாரிகள்) விலைக்கு வாங்கப்பட்டு, எத்தனை வாக்குகள் பதியப்பட்டனவோ அதற்கு இணையான வாக்குகளை ஒரு மெஷினில் பதிந்து, இந்த மெஷினை வைத்தால் மட்டுமே இது சாத்தியம். இருக்கும் குறைவான நேரத்தில் இது சாத்தியமா?

* வைகோ விஷயத்தில் நடந்தது பெரிய மர்மம்தான். 27000 வாக்குகள் எங்கிருந்து வந்தன? புதியதாக மெஷின்கள் சேர்க்கபப்ட்டிருந்தால் மட்டுமே இது சாத்தியம். இதை எளிதாகக் கண்டுபிடுத்துவிடலாம். எத்தனை மெஷின்களுக்கு பூத் ஏஜெண்ட்டுகள் கையெழுத்துப் போட்டிருக்கிறார்கள் எனப் பார்த்து அவற்றைப் பிரிக்கவேண்டும். அவற்றில் ஏதேனும் காணாமல் போய், அதற்குப் பதிலாக புதிய மெஷின்கள் இருந்தால் (அதிக மெஷின்கள் சேர்க்க வாய்ப்பில்லை. ஏனென்றால், ஒரு மெஷின் என்பது ஒரு பூத். திடீரென இரண்டு பூத்துகளை யார் சேர்க்கமுடியும்) அதை உறுதி செய்யவேண்டும். செய்தால், இருக்கும் ஒரே வழி, எந்த இரண்டு மெஷின்க்ள் காணாமல் போனதோ, அந்த இரண்டு பூத்துகளில் வாக்குப்பதிவே.


* இதிலிருந்து தெரிவது என்ன? ஒரு குறிப்பிட்ட இடத்தில், மிரட்டி என்ன வேண்டுமானாலும் செய்யமுடியும் என்றாலும், அதைக் கண்டுபிடிக்க பல வழிகள் இருக்கின்றன. அதை செய்யப்போவது யார்? ஆனால், ஒரு கட்சிக்கு வாக்களித்தால் இன்னொரு கட்சிக்குப் போகுமாறு செய்யமுடியாது என்பது உண்மைதான்.