பாயும் வேகம் ஜெட் லீ தாண்டா
பன்ச் வெச்சா இட்லி தாண்டா
Rated PG - for Pseudo-DK, DMK, Liberals, Marxists....
ஊர்ல சொல்றது சொலவடை
உண்மையைச் சொல்றது இட்லிவடை

Friday, April 24, 2009

வார்த்தைக்கு வார்த்தை - பி.கே.சிவகுமார்

வார்த்தை ஒரு வருடம் நிறைவு - ஹரன் பிரசன்னாவின் பதிவுக்கும் அதன் பின்னூட்டங்களுக்கும் பி.கே.சிவகுமாரின் பதில்...

இந்தப் பதிவைப் படித்தேன். கட்டுரையாசிரியர் நண்பர் ஹரன் பிரசன்னாவிற்கும் கருத்துச் சொன்னவர்களுக்கும் வெளியிட்ட இட்லிவடை குழுவினருக்கும் நன்றி.

முக்கியமாக ஹரன் பிரசன்னா இப்போதெல்லாம் எழுத்தில் எளிமையைப் பாராட்டுகிற அளவுக்கு மாறி வளர்ந்திருப்பதே மகிழ்ச்சியளிக்கிறது :-) எளிமையான எழுத்துகளை மேலோட்டமானவை என்று அவர் எள்ளலுடன் புறக்கணித்த இணையக் குழுமங்களின் காலங்கள் நினைவுக்கு வருகின்றன. இதைப் போன்ற விஷயங்களே வார்த்தையின் உண்மையான சாதனை. மற்றபடி, வார்த்தையின் தலையங்கம் உள்ளிட்ட பிற மீதான விமர்சனங்கள் எதிர்பார்த்தவையே, ஏற்கனவே சில அறிவுஜீவிகளால் கேட்டவையே. கடந்த ஓராண்டில் வார்த்தையில் வெளியான வாசகர் கடிதங்களில் பெரும்பாலானவை இரண்டு விஷயங்களைப் பாராட்டி வந்தவை. 1. வார்த்தையின் தலையங்கம். 2. ஓர் ஆரம்பப்பள்ளி ஆசிரியனின் குறிப்புகள். கடந்த ஓராண்டு வார்த்தை இதழ்கள் கையில் இருக்கிற யாரும் இதைச் சரிபார்த்துக் கொள்ளலாம்.சாதாரண வாசகர்களுக்குப் பிடிப்பவை அறிவுஜீவி வாசகர்களுக்குப் பிடிக்காமல் போவதில் ஆச்சரியமில்லை.

ஆகவே, சில அறிவுஜீவி நண்பர்களுக்கு வார்த்தையின் தலையங்கம் பிடிக்காமல் போவதற்கு அரசியல்சார்ந்த காரணங்கள் இருக்கலாம். அதை மீறி அந்த அறிவுஜீவி நண்பர்கள் எதிர்காலத்தில் வளர்வார்கள் என்ற நம்பிக்கையும் இருக்கிறது. வார்த்தையில் தலையங்கம் எழுதுவது எனக்கும்கூட உவப்பான காரியமாக இல்லை. ஆனாலும், தெரிந்த விஷயங்களைக் கூட அதன் வெளிவராத மற்றும் கவனம் பெறாத பரிமாணங்களுடன் அணுக ஆளில்லையே என்றுதான் நான் எழுதுகிறேன். இந்திரா பார்த்தசாரதி, கே.எஸ். சுப்பிரமணியன் உள்ளிட்ட பலர் தலையங்கத்தைத் தனிப்ப்ட்ட முறையில் பாராட்டியும் இருக்கிறார்கள். ஹிந்துத்த்துவத்தைத் தலையங்கம் தொடர்ந்து எதிர்ப்பது சிலருக்கு உவப்பில்லாமல் இருக்கலாம். அரசியலை மீறிக் கட்டுரையை வாசிக்கிற முதிர்ச்சி அவர்களுக்குக் கிடைக்கட்டும்.

வார்த்தை அக்டோபர் 2008 இதழ் தலையங்கம் படித்துவிட்டு இந்திரா பார்த்தசாரதி எழுதிய தனிப்பட்ட கடிதத்தைக் கீழே தந்துள்ளேன்.

Dear Sivakumar,
I have never read a more balanced, well-argued and immensely convictional editorial than yours in the recent times vide the latest 'Vaarthai'. It almost looks like we have reached the point of no return in our casteist and communal politics. It is a pity that such a wonerful and purposeful piece of writing has only a minority readership in this country.

Best regards,
IP


இதேபோல்தான், ஜெயஸ்ரீயின் கட்டுரையும். எழுத்தாளர் பாவண்ணனுக்கு ஜெயஸ்ரீயின் எழுத்துகள் பிடித்திருக்கின்றன. இங்கே பலருக்குப் பிடிக்கவில்லை. பிராமணக் குடும்ப பழக்க வழக்கங்கள் நிறைந்த சிறுவயது நினைவுகளை தமிழில் வேறு எந்தப் பத்திரிகையும் அது பிராமணப் பின்னணியுடையது என்பதாலேயே பிரசுரிக்குமா என்று தெரியாது. வார்த்தை பிரசுரித்து வந்திருக்கிறது. ஜெயஸ்ரீயின் எழுத்தை மீறி, சமூகத்தில் எந்தக் குலத்துப் பின்னணியுடையவர்களின் சிறுவயது நினைவும் சம அளவில் முக்கியமானதே என்பதை அக்கட்டுரைகளைப் பிரசுரித்ததன் மூலம் உணர்த்தியிருக்கிறோம். பலருக்கு இம்மாதிரியான விஷயங்கள் புரியாமல் போவது சகஜம்தான்.

தமிழில் தொடர்ந்து ***தரமாக*** அச்சு இதழ்களில் புனைகதை, கவிதைகள் எழுதுகிற அளவுக்கு அதிகம் பேர் இல்லை என்பது நிதர்சனமான உண்மை. இது மாறும், வளரும் என்று நம்புகிறேன். ஆனாலும்,புதிதாக எழுதுகிறவர்கள் சுமாராக எழுதினாலும் (எது சுமார் என்ற என் அளவுகோலுக்கு பொதுவில் விளக்கம் சொல்வது ரகசியத்தைச் சொல்லிவிடுவது மாதிரி.ஆகவே சொல்ல மாட்டேன்.) அவர்களுக்கு வாய்ப்புக் கொடுப்பதன் மூலம், அவர்கள் வளர வார்த்தை உதவுகிறது. புதியவர்கள் முதலில் சுமாராக எழுதினாலும், வாய்ப்பு கொடுத்திருக்கிறோம். தொடர்ந்து சுமாராக எழுதினால், வார்த்தை அதைப் பிரசுரிக்க இயலாமலும் வருந்தியிருக்கிறது.

மற்றபடி, நிறையோ குறையோ வார்த்தையைப் பற்றி நீங்கள் அனைவரும் பேசுவதைக் கேட்க மகிழ்ச்சியாகவே இருக்க்கிறது. பேசுங்கள். கேட்கிறேன். என்னைப் பொருத்தவரை வார்த்தையின் மிகச் சிறப்பான அம்சம் - இரா. முருகன் உள்ளிட்ட பல நண்பர்கள் ஏற்கனவே சொன்ன - ஓர் ஆரம்பப்பள்ளி ஆசிரியனின் குறிப்புகள் தான். பொய்மையும், போலித்தனமும், இலக்கியம் என்ற பெயரில் புரியாத மொழியும், மேதமைத்தனமான வேஷமும் இல்லாது குழந்தைகளோடு குழந்தையாகப் பழகிய ஓர் அன்பு கனிந்த ஆசிரியனின் நினைவுக் குறிப்புகள் அவை. தமிழில் இதுமாதிரி வேறு ஏதும் வந்துள்ளதா என்று எனக்குத் தெரியவில்லை. அதை எழுதுகிறவர் என் தந்தையார் என்பதால் இவ்வுண்மையைச் சொல்வதில் எனக்குத் தயக்கமும் இல்லை.

பிரசன்னாவிற்கு: கலைஞரைப் பற்றி மட்டுமில்லை, ஜெயலலிதாவைப் பற்றியும் சோ ராமசாமியைப் பற்றியும் கூட கடந்த ஒரு வருட வார்த்தையில் அதிகம் விமர்சனம் வைக்கப்படவில்லை. :-) அதே நேரத்தில்,கே.எம். விஜயன் போன்ற பலர் கலைஞர் மீது ஒகேனக்கல் பிரச்னை உள்ளிட்ட பிரச்னைகளில் வைத்த விமர்சனங்களை வார்த்தை பிரசுரித்தே வந்திருக்கிறது. ஒருவரைத் திருப்திப்படுத்துவதற்காக யார் மீதும் வார்த்தை விமர்சனம் வைக்காது. அதே நேரத்தில், விமர்சனக் கருத்து கவனத்துக்குரியது என்றால் வார்த்தை பிரசுரிக்கும். எல்லாரின் அரசியலையும், அபிலாஷைகளையும் வார்த்தையால் பூர்த்தி செய்ய இயலாது. வார்த்தை இதழ் கட்டுரைகளில் விமர்சனம் இருக்கிறதோ இல்லையோ, வன்மமோ, வெறுப்போ இல்லாமல் பார்த்துக் கொள்ள வேண்டும் என்பதில் கவனமாக இருக்கிறோம். இதில் சறுக்க நேரிடலாம். சறுக்கினால் திருத்திக் கொள்வோம்.

இங்கே பலர் மிகவும் தவறாக வார்த்தையை இலக்கிய இதழ் என்று நினைத்துக் கொண்டிருக்கிறீர்கள் என்பது கருத்துகளைப் படிக்கும்போது தெரிகிறது.வார்த்தை இலக்கிய இதழ் என்று நினைத்தால் உங்கள் நினைப்பை மாற்றிக் கொள்ளுங்கள். வார்த்தை இலக்கிய இதழ் இல்லை. இலக்கிய இதழாகும் ஆசையும் இல்லை. குமுதம், விகடன் அளவுக்கு விற்பனையை வளர்க்க வேண்டும் என்பதே எங்கள் நோக்கம். நிறைவேறினால் நல்லது. நிறைவேறவில்லையென்றாலும் நல்லது.

அன்புடன்,
பி.கே. சிவகுமார்

பி.கே.சிவகுமார் உங்க பதில் நல்லவேளை தலையங்கம் போல இல்லை! ;-)

7 Comments:

லவ்டேல் மேடி said...

அட..... அப்புடியா........????

பத்திரிக்கையை வாங்கி படிக்க ஆரபிச்சுட்டா போச்சு .... ...

சண்முகசுந்தரம் said...

//கடந்த ஓராண்டில் வார்த்தையில் வெளியான வாசகர் கடிதங்களில் பெரும்பாலானவை இரண்டு விஷயங்களைப் பாராட்டி வந்தவை. 1. வார்த்தையின் தலையங்கம். 2. ஓர் ஆரம்பப்பள்ளி ஆசிரியனின் குறிப்புகள். கடந்த ஓராண்டு வார்த்தை இதழ்கள் கையில் இருக்கிற யாரும் இதைச் சரிபார்த்துக் கொள்ளலாம்.//

ஆமாங்க... தயவுசெய்து இனிமே மற்ற கட்டுரைகளைப் பாராட்டி வர்ற கடிதங்களையும் வெளியிடுங்க... அதீதமான சுயசொரிதல் ஆபத்தானது.

//வார்த்தையில் தலையங்கம் எழுதுவது எனக்கும்கூட உவப்பான காரியமாக இல்லை. //

ஆமாமா... நாலு முதல் ஆறு பக்கம் நீங்க விருப்பமில்லாம எழுதும்போதே தெரியுது...

//ஆனாலும், தெரிந்த விஷயங்களைக் கூட அதன் வெளிவராத மற்றும் கவனம் பெறாத பரிமாணங்களுடன் அணுக ஆளில்லையே என்றுதான் நான் எழுதுகிறேன்.//

அதென்னங்க அது, கவனம் பெறாத பரிமாணங்கள்? அதெல்லாம்தான் நியூஸ்பேப்பர்ல போட்டுத் தொவச்சு எடுக்கறாங்களே?. ஓ... ஒருவேளை அட்லாண்டிக்குக்கு அப்பால் நியூஸ்பேப்பர் கிடைப்பதில்லையோ?

//ஹிந்துத்த்துவத்தைத் தலையங்கம் தொடர்ந்து எதிர்ப்பது சிலருக்கு உவப்பில்லாமல் இருக்கலாம். அரசியலை மீறிக் கட்டுரையை வாசிக்கிற முதிர்ச்சி அவர்களுக்குக் கிடைக்கட்டும்.//

இப்போ சொன்னீங்களே இது பாயிண்ட்டு... தன்னை விமர்சிச்ச திண்ணைய சாருநிவேதிதா என்ன சொல்லி திட்டினாரு தெரியும்ல? இந்துத்துவத்தளம்னு... பதில் சொல்ல முடியலேன்னா இது மாதிரி எதாவது சொல்லி தப்பிச்சுக்கலாம்... நல்ல இலக்கியவாதியாகப் பரிமளித்துகொண்டிருக்கிறீர்கள்! இன்னொரு விஷயம் சொல்லிக்குடுங்க சார்... 'அரசியல் கட்டுரையை' அரசியல் மீறி எப்படி வாசிப்பது. கொஞ்சம் விளக்கினால் நன்றாக இருக்கும். முடிந்தால் அடுத்த தலைவலி-யங்கத்திலேயே கூட சொல்லலாம்.

//வார்த்தை அக்டோபர் 2008 இதழ் தலையங்கம் படித்துவிட்டு இந்திரா பார்த்தசாரதி எழுதிய தனிப்பட்ட கடிதத்தைக் கீழே தந்துள்ளேன்.//

அடக்கடவுளே! சாதாரண வாசகர்களுக்குப் பிடிக்கக்கூடிய விஷயம் இ.பா போன்ற அறிவுஜீவிக்குப் பிடித்தது எப்படி? அது சரி அவர் 'தேசியம் ஒரு கற்பிதம், சோழர் கால தேசியம் வேறு'ன்னு எழுதற அளவுக்கு முதிர்ச்சியுள்ள ஆளுல்லா??

//தொடர்ந்து சுமாராக எழுதினால், வார்த்தை அதைப் பிரசுரிக்க இயலாமலும் வருந்தியிருக்கிறது.//

அடக்கடவுளே! அதனால்தான் கமல்ஹாசனின் ஒரே ஒரு கவிதை மட்டும் வெளியாகியிருக்கிறதா?

//மற்றபடி, நிறையோ குறையோ வார்த்தையைப் பற்றி நீங்கள் அனைவரும் பேசுவதைக் கேட்க மகிழ்ச்சியாகவே இருக்க்கிறது. பேசுங்கள். கேட்கிறேன். //

எப்படி? இப்போ பிரசன்னாவின் வளர்ச்சி சந்தோஷமாக இருக்கிறது. இன்னும் வளர்வீர்கள் என்று நம்புகிறேன்னெல்லாம் சொன்னீங்களே அது மாதிரியே கேட்டுக்கிட்டு இருப்பீங்களா?

//இங்கே பலர் மிகவும் தவறாக வார்த்தையை இலக்கிய இதழ் என்று நினைத்துக் கொண்டிருக்கிறீர்கள் என்பது கருத்துகளைப் படிக்கும்போது தெரிகிறது.வார்த்தை இலக்கிய இதழ் என்று நினைத்தால் உங்கள் நினைப்பை மாற்றிக் கொள்ளுங்கள். வார்த்தை இலக்கிய இதழ் இல்லை. இலக்கிய இதழாகும் ஆசையும் இல்லை. குமுதம், விகடன் அளவுக்கு விற்பனையை வளர்க்க வேண்டும் என்பதே எங்கள் நோக்கம். நிறைவேறினால் நல்லது. நிறைவேறவில்லையென்றாலும் நல்லது.
//

ஓ.. அதனாலதான் தமிழச்சியின் முப்பது பக்க பேட்டி + அட்டைப்படமா? கூடிய விரைவில் த்ரிஷா, நமீதா, அசினையெல்லாம் எதிர்பார்க்கலாம்னு சொல்லுங்க!!

Anonymous said...

அண்ணன், தம்பி ஒரு டீம், அப்பா-பையன் இன்னொரு டீம் என்று எழுதுவதால் வார்த்தையை குடும்ப இதழ் என்று
விளம்பரப்படுத்தலாம்.அடுத்த
தலைமுறையில் யாராவது எழுதினால் சேலம் சிவராஜ் வைத்தியர் போல் ( (தலைமுறை தலைமுறையாக எழுதும் எழுத்தாளர்கள்) போட்டோ போட்டு விளம்பரபடுத்திக் கொள்ளலாம்.
ரூபாய் 20 கொடுத்து ஒரு இதழை
வாங்கிப் படித்துவிட்டேன்.அய்யா
சாமி, ஆளை விடுங்கள். இலவசமாகக் கொடுத்தாலும்
வேண்டாம்.

Anonymous said...

'குமுதம், விகடன் அளவுக்கு விற்பனையை வளர்க்க வேண்டும் என்பதே எங்கள் நோக்கம். நிறைவேறினால் நல்லது. நிறைவேறவில்லையென்றாலும் நல்லது.'

அண்ணே, இப்போது சர்க்குலேஷன் எவ்வளவு- 2000/3000?

Anonymous said...

I think PKS was decent enough to give a better reply. Shanmugasundaram/Anonymous are trying to provoke something out of him. I think they still have to mature!!

சுழியம் said...

//முக்கியமாக ஹரன் பிரசன்னா இப்போதெல்லாம் எழுத்தில் எளிமையைப் பாராட்டுகிற அளவுக்கு மாறி வளர்ந்திருப்பதே மகிழ்ச்சியளிக்கிறது //

//ஆகவே, சில அறிவுஜீவி நண்பர்களுக்கு வார்த்தையின் தலையங்கம் பிடிக்காமல் போவதற்கு அரசியல்சார்ந்த காரணங்கள் இருக்கலாம். அதை மீறி அந்த அறிவுஜீவி நண்பர்கள் எதிர்காலத்தில் வளர்வார்கள் என்ற நம்பிக்கையும் இருக்கிறது. //

அதாவது....

வார்த்தையில் வெளியிட அனுமதிக்கப்படும் படைப்புகள் மற்றும் தலையங்கங்களை பாராட்டுவதுதான் வளர்ச்சியின் அடையாளம்.

இத்தனை நாட்களாக “எது இலக்கியம்”, “யார் இலக்கியவாதி” என்பதில்மட்டும்தான் சண்டை இருந்தது. இனிமேல் “வளர்ச்சியின் அளவுகோல் மற்றும் உச்சம்” குறித்துத் தமிழ்நாட்டுக்கே உரிய இலக்கிய அரசியல்களை எதிர்பார்க்கலாமா? :) !!

எனது கேலி இருக்கட்டும்.

உண்மையில் மற்ற பத்திரிக்கைகள் பரப்பும் கலாச்சாரத்தில் இருந்து வார்த்தை இதழ் தப்பி இருப்பது பாராட்டப்பட வேண்டிய ஒன்றுதான். பிகே சிவக்குமாருக்கு அந்தப் பாராட்டுக்கள் போய்ச் சேரவேண்டும்.

ஹரன் ப்ரசன்னாவுடைய விமர்சனங்கள் உபயோகமானவை - புதிதாகப் பத்திரிக்கை ஆரம்பிப்பவர்களாவது உபயோகப்படுத்தி உச்சத்தை மீறலாம்.

அவரது விமர்சனம் வழக்கம்போல நிதானமாகவும், நடுநிலைமையாகவும் இருக்கிறது. நேர்மையான எழுத்துக்களைப் படிக்கும் மகிழ்ச்சியை அவர் தருகிறார். அவருக்கு நன்றி.

சிற்றிதழ் இலக்கியங்களின் உச்ச நிலையில் உள்ள வார்த்தை இதழை தமிழர் அனைவரும் விரும்ப வேண்டும் என்பது ஒரு நலம் விரும்பும் எதிர்பார்ப்பு.

அதனால் (இப்படி முடிக்காவிட்டால் இந்துத்துவவாதி என்று சொல்லிவிடுவார்கள். அதனால்....) தமிழரின் இலக்கிய ஆர்வம் சரோஜா தேவி, ஆனந்த விகடன், குமுதம், விருந்து, இன்ப ராணி போன்ற பத்திரிக்கைகளைத் தாண்டி வளர எல்லாம் வல்ல ஏசுவைத் தொழுகிறோம். இன்ஷா அல்லாஹ் !

சுழியம் said...

//I think PKS was decent enough to give a better reply. Shanmugasundaram/Anonymous are trying to provoke something out of him. I think they still have to mature!!//

"better" is a word used in comparative sentence. If we go by this "anonymous" comment (about Shanmugasundaram/Anonymous' comments), then the derived meaning is that PKS is responding to another reply of lesser quality. But, that is not true.

In addition, this comment also indirectly implies that PKS could be too immature and would get provoked by such comments.

Let me refrain from questioning the integrity or intention of this politicking anonymous, as that would be unparliamentary.

So, we can only conclude that this "anonymous" is weak in English, but continue to flaunt it. So typical.