பாயும் வேகம் ஜெட் லீ தாண்டா
பன்ச் வெச்சா இட்லி தாண்டா
Rated PG - for Pseudo-DK, DMK, Liberals, Marxists....
ஊர்ல சொல்றது சொலவடை
உண்மையைச் சொல்றது இட்லிவடை

Friday, April 24, 2009

இலங்கை இனப் பிரச்னை - அடுத்த கட்டம் - பத்ரி

இலங்கை இனப் பிரச்னை - அடுத்த கட்டம் - பத்ரி

ஒருபக்கம் மக்கள் கொல்லப்பட்டு, தனிக் கூடாரங்களில் அடைக்கப்பட்டு, அடிப்படை வசதிகள் இல்லாமல் திண்டாடும் நேரம், மறுபக்கம் இலங்கை, இந்திய/தமிழக அரசியல் தளத்தில் என்ன மாறுதல்கள் நிகழலாம்?

1. பிரபாகரன் உயிருடன் பிடிக்கப்படுவதற்கான வாய்ப்புகள் இல்லை. கொல்லப்பட்டோ அல்லது சயனைட் விழுங்கியோ இறந்தால், அதுவும் மே 13-க்குள் நடந்தால்...

* தமிழகத்தில் ஆங்காங்கு கலவரங்கள் ஏற்படும். வைகோ சொன்னமாதிரி ரத்த ஆறு ஓடாவிட்டாலும் ரத்தம் சிந்தப்படும். காவல்துறைக்கும் தெருவில் இறங்கி தம் எதிர்ப்பைக் காண்பிப்பவர்களுக்கும் இடையில் தள்ளுமுள்ளு, துப்பாக்கிச் சூடு வரை போகலாம்.

* தமிழகத்தில் பேருந்துகள் கொளுத்தப்படும். பொதுச்சொத்துகளுக்கு சேதம் வரும்.

* தமிழகம், புதுச்சேரியில் காங்கிரஸ் அனைத்துத் தொகுதிகளிலும் (16) தோற்கும். திமுக கூட்டணி மொத்தமாக வாஷ் அவுட் அல்லது அதிகபட்சமாக 2 சீட் கிடைக்கலாம். இப்போதே, என் கணிப்பு, அவர்களுக்கு 10 தாண்டாது என்பது.

2. பிரபாகரன் வெறு நாட்டுக்குத் தப்பிச் சென்றால்...

இதை பிரபாகரன் வெறும் வீரப் போராட்டமாகவும், புறநானூற்று பாணியில் நெஞ்சில் வாள் காயம் பட்டு மடிவேன் என்று நினைக்காமலும் இருந்தால், வேற்று நாட்டுக்குச் சென்று பதுங்குவதே சரி. இலங்கையில் இனப் போராட்டம் என்பது பிரபாகரனுக்கு முன்னும் இருந்தது, பின்னும் இருக்கும். பிரபாகரனின் ஆயுதப் போராட்டம்தான் இலங்கையை பேச்சுவார்த்தைக்கு அழைத்து வந்தது. ஆனால் விக்ரமசிங்கே/ரஜாபக்‌ஷே பூவா/தலையாவில் பிரபாகரன் ராஜபக்‌ஷேயை மறைமுகமாகத் தேர்ந்தெடுத்ததில்தான் இன்றைய நாசத்தின் ஆரம்பம் உள்ளது.

இதனை இரண்டு ஆண்டுகளுக்கு முன்னமேயே நான் குறிப்பிட்டிருந்தேன். அப்போது விடுதலைப் புலிகளும் சரி, இணையத்தில் எழுதும், பின்னூட்டம் போடும் ஈழத்தமிழர்களும் சரி, ஒரே மாதிரியான மனநிலையையே கொண்டிருந்தனர். விக்ரமசிங்கே மறைந்திருந்து குத்துவார்; ராஜபக்‌ஷே நேராகக் குத்துவார், எனவே இரண்டாமவரே மேல் என்பது ஒன்று. புலிகள் போர்மூலமாக வெல்வது உறுதி என்பது அடுத்தது. விக்ரமசிங்கேயுடன் நிச்சயமாக அமைதியை நோக்கிய ஒரு பயணத்தை மேற்கொண்டிருக்க முடியும் என்பது என் கருத்தாக இருந்தது.

இப்போது, புலிகள் முற்றிலுமாக அழிந்துவிட்ட நிலையில், மீண்டும் இலங்கையில் நியாயமான அமைதி ஏற்பட வெகுகாலம் பிடிக்கும். தமிழர்களுக்கான நியாயத்தை முன்னெடுத்துவைக்க யார் தலைமை தாங்கப்போகிறார்கள் என்பதில் பெரிய குழப்பம் நேரிடும். டக்ளஸ் தேவானந்தாவா? கருணாவா? ஆனந்தசங்கரியா? கொடுமையல்லவா இது?

பிரபாகரன் தப்பிச் சென்றாலும், செய்யக்கூடியது ஒன்று உண்டு. அடுத்தகட்ட அரசியல், டிப்ளோமேடிக் தலைவர்களை உருவாக்குவது. வெளிநாடு சென்று படித்த ஈழத்தமிழ் இளைஞர்கள் உலகம் முழுவதுமான அரசியல் பரப்புரையில் ஈடுபடுவது. அதைச் செய்யும்போது கொஞ்சம் sophisticated முறையில் செய்தால் நல்லது.

3. ஈழப் பிரச்னையில் இந்தியாவின் தாக்கம்?

காங்கிரஸ் தமிழகத்தில் இடங்களை இழந்தாலும், மறுபக்கம் பாஜக காங்கிரஸைவிட சோனியாக (அந்த சோனியா... இல்லை) உள்ளது. இப்போது நடக்கும் குத்துச்சண்டை, ஓமகுச்சி நரசிம்மனுக்கும் இன்னொரு தொத்தலுக்கும் நடப்பதுபோல, பார்க்கவே சகிக்கவில்லை. ஒருபக்கம் லாலுவும் முலாயமும் காங்கிரஸை எச்சில் இலை பொறுக்கவந்த பரதேசியைப் போலவே பார்க்கின்றனர். மறுபக்கம் பாஜக இந்துத்துவ சாயம் ஏறிய, தீண்டத்தகாத கட்சியாகவே கருதப்படுகிறது. தேவைப்படும்போது சந்திரபாபு நாயுடு, நவீன் பட்நாயக், தேவ கவுடா எல்லாம் தீண்டிக்கொள்வார்கள். அடுத்த நாளே வெளியே வந்து, மதச்சார்பின்மையே முக்கியம் என்பார்கள். இந்தத் தேர்தலில் பாஜகவுக்கு சென்ற தேர்தலில் கிடைத்த அளவு இடங்கள் கிடைக்குமா என்பதே சந்தேகம்.

இந்த நிலையில், காங்கிரஸ்/பாஜக இல்லாத யார் ஆட்சி அமைத்தாலும் அதற்கு ஆயுசு 18 மாதங்கள்தான். அப்போது இலங்கைப் பிரச்னையைப் பற்றி யாரும் கண்டுகொள்ளவே மாட்டார்கள். இலங்கையில் லட்சக்கணக்கான தமிழர்கள் வாய்க்கு சோறு இல்லாமல், கொட்டடியில் மாடுகள் போல அடைக்கப்பட்டிருக்கும்போது, தமிழ்க் கட்சிகள் தங்களுக்கு எவ்வளவு மினிஸ்ட்ரி கிடைக்கும் என்று கடித்துக் குதறும். அப்படியே கேட்டாலும் வெளியுறவுத்துறையை வாங்குவார்களா என்றால் அதுதான் இல்லை.

வெளியுறவு, ராணுவத்தின் துணை அமைச்சர் பதவிகளாவது கிடைத்தால்தான், இலங்கை தொடர்பான கொள்கையை ஓரளவுக்கு மாற்றமுடியும். அதிலும் அஇஅதிமுக இந்த இடங்களை பெற்றது என்றால், ஈழத்தமிழர்களுக்கு ஒரு பிரயோசனமும் இல்லை.

காங்கிரஸே மீண்டும் ஆட்சிக்கு (எப்படியாவது) வந்துவிட்டால், ஈழத்தமிழன் கதி அதோகதிதான். உதவ வரும் பிற நாடுகளையும் துரத்திவிடும் காரியத்தை காங்கிரஸ் சரியாகச் செய்துவிடும்.

பாஜக (வாய்ப்பே இல்லை!) ஆட்சிக்கு வந்தாலும், அவர்கள் வாய்கிழியப் பேசிய எதையும் செய்யமாட்டார்கள். தமிழர் பிரச்னை முக்கியமா, ராமர் கோயில் முக்கியமா? பாடப்புத்தகத்தை மாற்றி எழுதுவது, பெண்கள் முழங்காலுக்கு மேல் ஸ்கர்ட் அணியலாமா, கூடாதா போன்ற விவாதங்களில் ஈடுபடுவது என்று போய்விடுவார்கள்.

4. தமிழகத்தில் ஈழப்பிரச்னையை எப்படி முன்னெடுப்பார்கள்? அரசியலில் என்ன மாற்றங்கள் ஏற்படலாம்?

* காங்கிரஸ் எப்படியாவது மத்தியில் ஆட்சிக்கு வந்தால், தமிழகத்தில் திமுக ஆட்சி பிழைக்கும். ஆனால் தமிழகத்திலிருந்து திமுக கூட்டணி மிகச் சில இடங்களை மட்டுமே கொடுத்தால், பதிலுக்கு காங்கிரஸ் மாநில ஆட்சியில் பங்கு கேட்கும்.

* திமுக வாஷ் அவுட் ஆகி, காங்கிரஸ் ஆட்சி அமைக்க அஇஅதிமுக கூட்டணியின் இடங்கள் தேவை என்றால், தமிழகத்திலும் ஆட்சி மாற்றம் நடக்கும். மிஞ்சிய இரண்டு ஆண்டுகளுக்கு திமுக எதிர்க்கட்சியாகவேண்டும்.

அப்போது ஆட்சியில் இருப்பவர்கள் என்ன செய்வார்கள், எதிர்க்கட்சியான திமுக என்ன செய்யும் என்று யோசிக்கவேண்டும். என்னால் உடனடியாக எந்த முடிவுக்கும் வரமுடியவில்லை.

* மத்தியில் குழப்பமான மூன்றாவது ஒரு கூட்டணி ஆட்சியில் இருந்தால், தமிழகத்தில் ஆட்சி மாற்றம் நிகழலாம், நிகழாமலும் இருக்கலாம்.

தமிழகக் கட்சிகளைப் பொருத்தமட்டில், ஈழப்பிரச்னையில் தெளிவின்மையே தென்படுகிறது. தமிழகத்தில் ஒருமித்த கருத்தை உருவாக்காவிட்டால், தமிழக எம்.பிக்களால் மத்தியில் பெரும் மாற்றத்தை ஏற்படுத்திவிடமுடியாது. எனவே அடுத்த ஆறு மாதங்கள் கட்சிகளிடமிருந்து பெரிதாக எதையும் எதிர்பார்க்கமுடியாது.

பொதுமக்கள் ஆங்காங்கு தொடர்ந்து தங்களது ஆதரவை ஈழத்தமிழர்களுக்குத் தருவார்கள். ஆனால் அந்த ஆதரவை செயலாக மாற்றுவது எளிதாக இருக்காது. வெறும் பேச்சும் துயரமும் மட்டுமே எஞ்சும்.

- பத்ரி
(இட்லிவடையின் வேண்டுகோளின்படி...)

இதில் எது நடந்தாலும் நடக்காவிட்டாலும், இது நிச்சயம் நடக்கும் - திரும்பவும் முழு அடைப்பு என்று ஜல்லியடித்து, சன் டிவியில் சரவணாவுக்கு பதில் வேறு நல்ல படமும், கலைஞர் டிவி/கே.டி.வில் 'ஆனந்தம்' படத்துக்கு பதில் பேரானந்தம் என்று படத்தை போட்டு வருவாயை கூட்டுவார்கள்.

27 Comments:

ந.லோகநாதன் said...

//தமிழகம், புதுச்சேரியில் காங்கிரஸ் அனைத்துத் தொகுதிகளிலும் (16) தோற்கும். திமுக கூட்டணி மொத்தமாக வாஷ் அவுட் அல்லது அதிகபட்சமாக 2 சீட் கிடைக்கலாம். இப்போதே, என் கணிப்பு, அவர்களுக்கு 10 தாண்டாது என்பது.

தி.மு.க கிட்டா , நிறைய பணமும், ஆள் பலமூம் இருக்கு.. அதனால எப்படியும் 15 சீட்டுக்கு குறையாது... எழுதி வச்சிக்கிங்க...

UMA said...

நன்றாக கணிக்கப்பட்டுள்ளது. இலங்கை தமிழர்களுக்கு , தமிழ் நாட்டு மக்களால் அல்லது அரசியல் வாதிகளால், அரசாங்கத்தால் எதுவும் பயன் ஏற்படப் போவது இல்லை என்று உடனடியாக சொல்லமுடியாது.

இலங்கை போர் முடிந்தால் மீண்டும் நல்ல வாழ்கையை ஏற்படுத்த புனரமைப்பு செய்ய வேண்டியது நமது கடமை. அதை செய்வார்கள். ஆனால் அப்போதும் நமக்குள் ஒற்றுமை ஏற்படாது என்பது தான் கொடுமையான உண்மை.

இப்போதே தமிழக தலைவர்கள் ஒன்று பட்டிருந்தால் முடிவு வேறு மாதிரி இருந்திருக்கும்.

காவிரி விவகாரமும்,ஹோகநேகல் திட்டமும் ,கர்நாடக அரசியல் வாதிகளிடம் இருக்கும் ஒற்றுமை இங்கு தமிழகத்தில் இல்லை . அது ஏற்பட்டால் தான் தமிழனுக்கு விடிவு காலம் வரும்.

Anonymous said...

இமெயில் வந்த பிறகு, தமிழகம் முழுக்க தந்தி அலுவலகங்கள் மூடப்பட்டு விட்டன. ஆனால் ஈழத்தில் போரை நிறுத்தக் கோரி கலைஞர் மட்டும் இன்னும் மன்மோகன் சிங்குக்கு தந்தி அனுப்பிக் கொண்டிருக்கிறார்.

வழக்கொழிந்து போன சமாச்சாரங்களை கடை பிடிக்கும் போக்கு கலைஞருக்கு இருப்பதால், கீழ்வரும் பழைய பாணிநடவடிக்கைகளை கடைபிடித்து சோனியா, மன்மகான் இவர்களின் கவனத்தை கவரலாம்.

சமயத்தில் ராசபக்சேயிடம் கூட...சபாஷ் நன்னா இருக்கு, என்று பேஷ், பேஷ் வாங்கலாம்.


1. தந்திக்கு பதில் இரண்டு காலி தீப்பெட்டி டப்பாக்களை வாங்கி, ஒரு தீப்பெட்டியில் நூலை கட்டி, மன்மோகன் சிங்கின் அலுவலகத்தில் மாட்ட சொல்லி விடலாம். ஆனால் மன்மோகன் சிங் இந்த தீப்பெட்டியை காதில் மாட்டிக் கொண்டே அலைய வேண்டும். இப்படி அலைந்தால் மட்டுமே, கலைஞர் தன்னிடம் பேசும் போது மன்மோகன் சிங் பதில் தரமுடியும்.
காரணம், இந்த தீப்பெட்டி போன் டிரிங்..டிரிங்...என்று மணி அடிக்காது.


2.கலைஞர் நல்ல ரேஸ் புறாக்களை வாங்கி வளர்க்கலாம். இந்த புறாக்களின் காலில் கடிதத்தை கட்டி மன்மோகன் அலுவலகத்திற்கும், சோனியா அலுவலகத்திற்கும் அனுப்பலாம். ஆனால் புறாவுக்கு தீனி போட்டு அது கொழுத்த புறவாக இருக்க கூடாது. சிங்குக்கு ஏற்கனவே எலும்பு பலவீனம். அவர் புறாக்கறி சாப்பிட ஆசைப்பட்டு, இம்சை அரசன் இரண்டாம்புலிகேசி வடிவேலு மாதிரி புறாவை சூட்டான் கறி போட்டு சாப்பிட்டு விடக்கூடாது. பிறகு கலைஞர் தான் ரொம்பவும் சிரமப்பட்டு, கழக உடன்பிறப்புகளிடம் நிதி பெற்று புறாக்களை புதிதாக வாங்க வேண்டியதிருக்கும்.


3. பழைய தண்டோராக்கள் எங்கும் கிடைத்தால் அதனை வாங்கி , மெகாசைசில் புதிய தண்டோராக்களை செய்ய சொல்லலாம். இந்த தண்டோராக்களை தமிழ்நாட்டின் உள்ள மலைகளில் வைத்து பெரிய, பெரிய உருட்டுக்கட்டைகளை வைத்து டெல்லிக்கு கேட்பது போல் ராட்சத தனமாக அடித்து, இதனால் சகலமானவர்களுக்கும் தெரிவிப்பது என்னவென்றால்.....என்று இங்கிரு்ந்து கொண்டே கத்தலாம். தண்டோரா அடி ராசபக்சே காதை கிழிக்கும் அளவுக்கு போனால், வேறு வழியில்லாமல் ராசபக்சே கூட இந்த இடி அடியை நிறுத்த சொல்லி கலைஞரின் காலில் வந்து விழக்கூடு வாய்ப்புண்டு.


4. மனிதர்கள் நாகரீகம் தெரியாத காலத்தில், பாறைகளில் சங்கேத எழுத்துகளை எழுதி தங்களுக்குள் செய்தி பரிமாறிக் கொண்டார்கள். இது போல், கலைஞரும் ஒரு தாளில் கண்டமாதிரி கிறுக்கி அதனை கடிதம் என்று சொல்லி மன்மோகன், சோனியா, ராசபக்சே உள்பட உலக நாடுகளின் தலைவர்களுக்கு அனுப்பலாம்.இந்த எழுத்துகளில் ஏதோ ரகசியம் இருக்கிறது. என்னவோ நடக்கப் போகிறது என்று நினைத்து உலக தலைவர்கள் அனவரும் தமிழ்நாட்டுக்கு ஓடோடி வருவார்கள். அப்போது அவர்களை உட்கார வைத்து பேசி, இந்த தலைவர்களிடம் இருக்கும் சேடிலைட் போன்கள் மூலம் (கலைஞரிடம் இருப்பது தீப்பெட்டி போன்) ராசபக்சேவை தொடர்பு கொண்டு மிரட்டி, ராசபக்சேவை மீண்டும் அவனது தாய்மண்ணாண ஒரிசாவுக்கே விரட்டி விடலாம்.

5. கலைஞர் அனுப்பும் தந்திகள் கிடைப்பதில்லை என்று மன்மோகன் சிங் பொய் சொல்ல வாய்ப்புண்டு. எனவே இது உண்மையா, பொய்யா என்று கண்டுபிடிக்க மலையாள மாந்தீரிகர்களை அழைத்துவந்து வெத்தலையில் மை தடவி பார்க்கலாம்.

6. தமிழ்நாட்டில் கள் இறக்க கூடாது என்று டாஸ்மாக்கை வளர்த்து விட்டிருப்பதால், பனை ஒலைகளை மட்டும் எடுத்து ஓலைச்சுவடி போல் எழுத்தாணி வைத்து எழுதி சாமகொடன்கிகள் வழியாக மன்மோகனுக்கு கொடுத்துவிடலாம். அவர்களும் டெல்லிக்கு போய், மன்மோகன் எந்த வேலையும் இல்லாமல் தூங்கும் நேரத்தில் உடுக்கையை அடித்து எழுப்பி விட்டு கலைஞர் எழுதிக் கொடுத்து ஓலைசுவடியை ஒப்படைத்து விடுவார்கள். மன்மோகனும் உடுக்கைகாரர்களை பார்த்து பயந்து விடுவார். உடனே ஈழத்தமிழர்களை காப்பாற்ற இந்திய ராணுவத்தை அனுப்பலாம்.

7. இதற்கெல்லாம் ஒன்றும் ஆகாவிட்டால், கடைசியாக ஒரு வழி இருக்கிறது. அது மன்மோகன்சிங், சோனியா, ராசபக்சே இவர்கள் மேல் குட்டிசாத்தான்கள், குறளிகள், பில்லி, சூனியத்தை ஏவிவிடுவது.

பகுத்தறிவை நம்பினாலும் கூட ஒரு முயற்சிக்காவது, இதை கூட செய்து பார்த்துவிட்டேன். இவர்கள் மசிவது போல் தெரியவில்லை. ஈழத்தமிழர்களுக்காக அழுவதை தவிர என்ன செய்ய முடியும் என்று கரகாட்டக்காரர்கள், பரவை முனியம்மா போன்றவர்களை அழைத்து வந்து ஒப்பாரி வைக்கலாம.

இதற்கு திட்ட மிட்டு தர கனிமொழிக்கு உத்தரவிடலாம்.
காரணம், சென்னை சங்கமம் நடத்திய தமிழர்கலைகளை உலகம் முழுவதும் கொண்டு சென்ற ஒரே அறிவுச்சுரங்கம் அவர்.

8. தமிழர்களை விட்டு என்னை கடலில் தூக்கி போட சொல்லி விடுவேன். தூக்கி எறியப்பட்ட நான் கட்டு மரமாக மிதப்பேன். அதில் தமிழ்நாட்டில் இருக்கும் தமிழர்கள் ஏறி இலங்கைக்கு வந்து விடுவார்கள். தமிழ்நாட்டில் இருக்கும் தமிழர்களும் போராட இலங்கைக்குள் நுழைந்தால் சிஙகள ராணுவம் காலி. கூடவே அங்கிருக்கும் இந்திய ராணுவமும் பலி என்ற அவச்சொல்லை தவிர்க்கவும் நான் நான் கட்டுமரமாக மாறாமல் இருப்பது முக்கியம். எனவே மன்மோகன் சிங் நான் அனுப்பும் தந்திகளை கண்டிப்பாக படிக்க வேண்டும் என்று மிரட்டலாம்.

9. மன்மோகன் சிங், சோனியாகாந்தி, ராசபக்சே இவர்கள் எல்லாம் ஈழத்தமிழர்களுக்காக என்ன தான் செய்வார்கள் ,என்று முன்னமே தெரிந்து கொள்ள கும்பகோணம் வைத்தீஸ்வரன் கோயிலுக்கு ராஜாத்தி அம்மாளை அனுப்பி ஏடு பார்க்க சொல்லலாம்.

10. தமிழ்நாட்டில் தண்ணீர் மேல் மிதப்பவர்களை வரச்சொல்லி அவர்களை இலங்கை கடல் எல்லைக்குள் மிதக்க உத்தரவிடுவேன். இதனால் இலங்கை மீனவர்கள் மீன்களை பிடிக்க முடியாது. ராசபக்சே மீன் குழம்பு சாப்பிட முடியாது என்று மிரட்டலாம்.

11. தமிழ்நாட்டில் இருக்கும் கொசுக்களை எல்லாம் இலங்கை மீது ஏவி விடுவேன். கொசுக்கடிக்கு யாரும் தூங்க முடியாது.
கண்டிப்பாக இந்த கொசுக்களின் கடி, ஈழத்தமிழர் மீது சிங்கள ராணுவம் வீசும் ரசாயன குண்டுகளை விட மோசமாக இருககும். எனவே உடனடியாக ராசபக்சே போரை நிறுத்த வேண்டு்ம் என்று கொசுக்களை உதாரணம் சொல்லி ராசபக்சேவை பயமுறுத்தலாம்.

12. இதெல்லாம் முடியாவிட்டாலும், திமுக கழகத்தில் தற்போது பிரச்சார பீரங்கியாக இணைந்த நடிகை ரம்பா போன்ற பீரங்கிகளை கொழும்பிற்கு அனுப்பி வைத்து இடிமுழக்கம் செய்வேன் என்று கர்ஜிக்கலாம்.

13. ஓரு பக்கம் சாதிக்கூட்டத்தில் கலந்து கொண்டு எஙகள் சாதி தான் உலகத்திலேயே வீரத்தில் பழம் தின்று கொட்டை போட்டது என்று குமுறி விட்டு, இந்த புறத்தில் வந்து சமூக சீர்திருத்தக் கருத்துகளை அள்ளி விட்டு தமிழர்களுக்கு பட்டை நாமம் சாத்தும் சின்னக்கலைவானர்( தூ..தூ) விவேக்கை ராசபக்சேவின் கொழுமண்டபத்திற்கு அனுப்பி வைப்பதாக மிரட்டலாம். கூடவே கள்ளிக்காட்டு இதிகாசம் எழுதிய வைரமுத்துவையும் அனுப்பி விடலாம். இவர் அங்கு போய் தமிழர்களின் வீரத்தை புகழ்ந்து, ராசபக்சேவை பாட்டினால் பயமுறுத்தி ஈழத்தை வாங்கலாம்.

Source:http://www.maduraispeaks.blogspot.com/

Inba said...

குடும்ப தொலைக்காட்சிகளின் வருமானத்தை கூட்ட
பந்த் நடத்தும் கருணாநிதி வரும் தேர்தலில் வெற்றி பெற்றால்
தன் வீடு நாய்குட்டிகும் அமைச்சர் பதவி கேட்பார்

ஆனால் வெளிஉறவு மற்றும் ராணுவ அமைச்சர் பதவிகளை மட்டும்
தோழைமை கட்சிகளுக்கு தியாகம்(?) செய்வார்

Anonymous said...

http://ramanstrategicanalysis.blogspot.com/2009/04/approaching-end-of-dreaded-tiger.html

Anonymous said...

பா.ஜ.க பற்றிய கருத்துக்கள், "இவன் ரொம்ப நல்லவன்" என்று பெயர் வாங்குவதற்காக செருகப்பட்டிருக்கின்றன. இலங்கைப்பிரச்சினை பற்றிய கட்டுரையை, காவி, பெண்கள் ஆடை என்று பா.ஜ.க மீது சாணியடிக்காமலும் எழுதலாம். உண்மையில், பெரும்பான்மை ஊடகங்களும் காங்கிரஸ் கட்சியும் இதை எந்த issue -வும் இல்லாத தேர்தலாக நடத்தி முடித்து விட முனையும் போது, பா.ஜ.க மட்டும் தான் கறுப்புப் பணத்தை ஒரு முக்கிய பிரச்சினையாக்கி மெனக்கெடுகிறது. Hindu கூட தலையங்கத்தில் இதைப் பாராட்டியிருக்கிறது.

என்ன எழுதவதாக இருந்தாலும், பா.ஜ.க பற்றிய அதே நாலு வார்த்தைகளைச் செருகுவதை விடுங்கள். நாணயம் இல்லாத காரியம் அது.

Anonymous said...

Sun Tv: முத்து குமாருக்கு இரங்கலாக முத்து படமும்....
K'o'langar Tv: ஈழத்திற்கு இரங்கலாக மானட மார்பாட part 10.....

தமிழன் சோற்றால் அடித்த பிண்டம் தானெ... அதையும் அமைதியாக பார்போம்........

மானஸ்தன் said...

கேள்வி எண் 3.
ரொம்ப நிதர்சனமான உண்மைகள். பணம் பண்ண வழி உள்ள பல துறைகள் உள்ளன. ஆகவே ஓணானை மடியில் கட்டிக்கொள்வதற்கு சமமான "வெளியுறவுத்துறை" அமைச்சர் பதவிக்கு யாரும் அடித்துக்கொள்ள மாட்டார்கள்.

முதல் கேள்வியையும் அதற்கான முதல் இரண்டு பதில்களையும் தவிர்த்து இருக்கலாம் என்பது என் கருத்து.

Anonymous said...

ஒரு வேளை தி.மு.க இந்த தேர்தலில் வெற்றி கணிசமான வெற்றி பெற்று மத்தியில் காங்கிரசும் வெற்றி பெற்று விட்டால் கருணாநிதியின் செயல் திட்டங்கள் எப்படி இருக்கும் .

1) தி.மு.க பொது குழு கூடி மாவீரன் அஞ்சாநெஞ்சன் அழகிரிக்கு மதிய காபினெட் மந்திரி பதவி கொடுக்க முடிவெடுக்கும் .
2) கனிமொழியின் இதனை வருட அரசியல் மற்றும் மகளிர் இட ஒதுக்கீட்டின்படி அவருக்கும் மந்திரி பதவி வழங்கப்படும் .
3) கலைஞரின் உடல் நலம் கருதி தி.மு.க பொது க்குழு ஸ்டாலினை முதல் மந்திரியாக்க முன் மொழியும்.
4) அழகிரி அல்லது ஸ்டாலின் மகன்கள் இருவரில் ஒருவர் தி.மு.க இளைஞர் அணி செயலாளராக நியமிக்கபடுவார்கள்.
5) பழையபடி தயாநிதி தொலை தொடர்பு துறை மந்திரியாக்கப்படுவார்.
6) இருவரில் ஒருவர் தி.மு.க இளைஞர் அணி செயலாளராக நியமிக்கபடுவார்கள்.
5) பழையபடி தயாநிதி தொலை தொடர்பு துறை மந்திரியாக்கப்படுவார்.
6) அழகிரியின் மகள் மகளிர் அணி தலைவியாக நியமிக்க படுவார்
7) கலைஞர் ஈழ தமிழருக்காக கடிதமும் , கவிதையும் எழுதிகொண்டே இருப்பார்
8) ஜெயா மற்றும் வைகோ விருக்கு எதிராக தினம் ஒரு அறிக்கை வெளிஇட்டு கொண்டு இருப்பார்.

குடும்பத்தை செட்டில் பண்ணிய சந்தோஷத்தில் 'கண்கள் பனிக்கும் இதயம் இனிக்கும்'

chutneysambhar said...

//பாஜக (வாய்ப்பே இல்லை!) ஆட்சிக்கு வந்தாலும், அவர்கள் வாய்கிழியப் பேசிய எதையும் செய்யமாட்டார்கள். தமிழர் பிரச்னை முக்கியமா, ராமர் கோயில் முக்கியமா? பாடப்புத்தகத்தை மாற்றி எழுதுவது, பெண்கள் முழங்காலுக்கு மேல் ஸ்கர்ட் அணியலாமா, கூடாதா போன்ற விவாதங்களில் ஈடுபடுவது என்று போய்விடுவார்கள்.//

I don't agree with this comment.

BJP has always shown better approach in important issues and handled them much better than congress.

Ex):-
1. Handling hurriyat conference in J & K.There were many rounds of talks with the home ministry that time.

2. Border talks with China started during that time.

3. Aid for afghan reconstruction.

So please do not underestimate BJP. This mangalore pub issue was created by Sri ram sena and highlighted by the likes of renuka chowdhary and secular media.

If they form the central govt with the support of ADMK & MDMK ,iam sure there will be lot of policies and actions for rehabilitation of tamils.

One difference badri forgot to mention is that of Vaiko contesting Loksabha elections from virudhu nagar. His main aim of contesting is to highlight the tamil issue in parliament.iam sure many readers will agree that he is the only politician from TN who is capable of speaking things abt tamils in parliament.

Does anyone remember any MP from TN speaking/actively participating in any debates of Lok Sabha??

Another NRI said...

Appreciated we should give our support to the suffering Srilankans, but the policitians in Tamil Nadu, instead of talking and taking Srilanka issue as the center-satge should first tackle the issue in TN such as Electricity Problem, Inflation, Caurvery Issue, etc.,
I guess we people in TN will always we choosing an lesser evil candidate then a good one for the next 300 years (Becos in 300 yrs, I guess there wont be election and stuff).

மானஸ்தன் said...

மொதல்ல வைகோ ஜெயிக்கணும்.
அப்பொறம் நாடாளுமன்றம் "ஒழுங்கா" நடக்கணும். அப்டி ஒரு வேளை நடந்தா, வைகோவுக்கு பேச சான்ஸ் குடுக்கணும்
அப்டி குடுத்தாலும் அவர் பேசி முடிக்கறவரைக்கும் கூச்சல் குழப்பம் இல்லாம - session adjourn ஆகாம இருக்கணும்.
இது எல்லாம் நடந்தாலும், இந்தப் பேச்ச நாடாளு மன்றப் "பெருந்தலைகள்" இந்தக் காதுல வாங்கி அந்தக் காதுல விடாம இருக்கணும்.

எல்லாத்துக்கும் மேல இப்போ உள்ள நெலமைல இந்தத் தேர்தலுக்கு முன்னாடியே இலங்கைல "எல்லாத்தையும்" முடிச்சுராம இருக்கணும்.

இவர்கள் நடத்தும் இந்த அரசியல் நாடகத்தினால் இலங்கையில் "தமிழ் சமூகம்" இன்னலுக்கு ஆட்படுத்தப்படுகிறது என்பதே மிகவும் வருத்தமான உண்மை.

Anonymous said...

புலிகளினால் இதுவரை இலங்கை தமிழர்கள் அழிந்து முடிய இனி அடுத்த கட்ட அழிவுக்கு பத்ரி என்பவர் வழி சொல்கிறர். இதற்கு இட்லிவடை வேண்டுகோள்!?

Anonymous said...

புலிகளினால் இதுவரை இலங்கை தமிழர்கள் அழிந்து முடிய இனி அடுத்த கட்ட அழிவுக்கு பத்ரி என்பவர் வழி சொல்கிறர். இதற்கு இட்லிவடை வேண்டுகோள்!?//

\\
நச் கமெண்ட்!

பிரபாகரன் இருக்கும் வரை வன்முறை ஓயாது. அவர் ஒழிந்தால் தமிழருக்கு உரிமை கிட்டுகறதே இல்லையோ உயிர் வாழ வழி கிட்டும்!!!

REFLEX said...

I have a doubt. All the north Indian News channels are interviewing subramanyam Swami or Cho if they need anything about LTTE and Sri Lankan issue.

I don't understand why ???????. Do they think that there is no one to talk about LTTE / Ceylon issue other than these 2 ???.

IdlyVadai said...

//I have a doubt. All the north Indian News channels are interviewing subramanyam Swami or Cho if they need anything about LTTE and Sri Lankan issue.

I don't understand why ???????. Do they think that there is no one to talk about LTTE / Ceylon issue other than these 2 ???.//

They interviewed MK and you know what happened right ?

REFLEX said...

True. But few days back when Swami criticised abt Vaiko / Nedumaran that they dont hav vote share in TN politics, the other person in the interview simply asked him how much vote share your party has in TN.!!!

In the beginning Swami and Cho said that the SriLankan issies is not at all an election issue but when JJ announced that they will spend 10000 Crore and joined the band wagon of SriLankan. If its not a election issue, why JJ is started supporting SL Tamils now. So even these 2 guys doesn't have enough knowledge about the pulse of Tamils. People should realize that without knowing the India's foreign policy towards SriLanka India cannot give such money to Tamils there. They can give but it will go to SL govt. As always said, India is waiting for the conflict to resolve to help the top business people to invest in SL. In this way JJ can help them in giving 10000 Cr.

But SL claims china as their friend and I am sure they are going to kick India's ass once the issue is resolved.
One thing is for sure.. Sl Tamils has to struggle for their own freedom than waiting for any external help !!!. A late lesson for them :(.

chutneysambhar said...

//But SL claims china as their friend and I am sure they are going to kick India's ass once the issue is resolved.//

They are not going to wait till the issue is resolved. Sri lanka or for that matter all our neighbours except bhutan are in no way dependent on us.If India does not supply military equipment, SL can always look for Pakistan and China for military assistance. Pakistan supplied huge arms and ammunition even during kargil war with India. Remember LTTE even made an attempt on the life of Pak high comm to sri lanka some time back.

So this is the main reason why the policy makers in the centre are not playing too much in the Sri Lankan affairs.Gone are the days of Black and white days of 80's and 90's when Lanka knew only India. They have grown up pretty well. For a change look at www.defence.lk .This website of lankan forces itself shows how smart they are nowadays.

Do read some more in this link.

http://chutneysambhar.blogspot.com/2009/03/indias-troublesome-neighborhood.html

Anonymous said...

“The levels of anger among Tamils and the sense of humiliation — as well as a desire for revenge — are unprecedented,” Mr. Keenan said.

http://www.nytimes.com/2009/04/25/world/asia/25lanka.html?_r=1&ref=world.

It's too much , too unrealsitic to expect SL to right's it wrong (by giving more than equal rights to Tamils) after this conflict. But that's the only long lasting way for peace, after being on a killing spree for couple of months.

It's sad that a nation wages war on it's own people, thus proving that they treat Tamils as not so equals.

If SL has WMD's it looks like they would have used here, with a justification that they are killing the terrorists.

SL cannot think that they can just bomb their way to a peaceful state.

-peace

Anonymous said...

பச்ச துரோகிகள் karunanidhi, sonia... dont vote for them!
No food for 45,000 people over there because of SONIA and Congress.. US, UN, England, France all these countries say to STOP the war... but so far, NO WORD FROM THE MOUTH OF SONIA OR MANMOHAN.. what a shame!

Dear Tamil people, Sonia and karunanidhi think we are இளிச்சவாயர்கள்... all we can do is to make them defeat in this election and let them know how serious this issue is!!

Anonymous said...

பச்ச துரோகிகள் karunanidhi, sonia... dont vote for them!
No food for 45,000 people over there because of SONIA and Congress.. US, UN, England, France all these countries say to STOP the war... but so far, NO WORD FROM THE MOUTH OF SONIA OR MANMOHAN.. what a shame!

Dear Tamil people, Sonia and karunanidhi think we are இளிச்சவாயர்கள்... all we can do is to make them defeat in this election and let them know how serious this issue is!!

Anonymous said...

No food for 45,000 people over there because of Prabhakaran and Tigers. what a shame!

UMA said...

நமது நாட்டில் நெறைய விஷயங்கள் உள்ளன .தேர்தல் நம்ம நாட்டுக்கு. நமக்கு நன்மை இ செய்கிற அரசாங்கம் அமைய நாம் ஒட்டு போடபோகிறோம். எனவே உருப்படியாக நன்கு ஆட்சி செய்யும் அரசாங்கம் அமைய நன்கு சிந்தித்து ஓட்டு போடவேண்டும்எதை திசை திருப்பவே வைகோ, ராமதாஸ் ஜெயா உதவியுடன் மக்களை குழப்புகிறார்கள். விஜயகாந்த் மட்டும் தான் நன்கு பிரசாரம் செய்து மக்கள் பிரச்சனைகளை எழுப்புகிறார். நல்ல ஆட்சி அமைய வேண்டியதன் அவசியத்தை மக்களுக்கு உணர்த்துகிறார். மற்ற அனைவரும் இலங்கை குட்டையை குழப்புகின்றனர்.

UMA said...

இலங்கை பிரச்சனை:
இலங்கை பிரச்சனை நம்ம பிரச்சனை அல்ல.மக்களை குழப்பவே அதை கிளப்புகிறார்கள்.இப்போது பிரபாகர் போர் நிறுத்தம் செய்துள்ளார். எனவே அதை விட்டு விட்டு நமது தலைவர்களை ஆராய்ச்சி செய்தால் பின் வருமாறு எண்ணம் வருகிறது. மக்களை குழப்பவே அதை கிளப்புகிறார்கள்.இப்போது பிரபாகர் போர் நிறுத்தம் செய்துள்ளார். எனவே அதை விட்டு விட்டு நமது தலைவர்களை ஆராய்ச்சி செய்தல் பின் வருமாறு எண்ணம் வருகிறது.

வைக்கோ :
வேலை இல்லை . அம்மாவால் இரண்டு வருடம் சிறை சென்றவர் . அப்போது தமிழகம் முழுவது உள்ள எல்லா கோர்ட்டுக்கும் வேனில் அலைக்கழிக்கப்பட்டவர். இப்போது அம்மாவிடம் நான்கு சீட்டுக்காக சரணடைந்தவர். இவருக்காக எராளமான தொண்டர்கள் தீக்குளித்தனர்.அவர்களுக்காக ஒப்பாரி வைத்ததுடன் வேறு ஒன்றும் செய்யவில்லை. அவர்கள் ஆவி இவரை மன்னிக்காது.

பாரதிராஜா:
சினிமா மார்கெட்டு போன பாரதிராஜா, சின்னதிரையிலும் மார்கெட்டு போனதால் இலங்கை பிரச்சினையை எடுத்துள்ளார். முன்பு காவிரி பிரச்சினையை எடுத்து நெய்வேலிக்கு அம்மாவிடம் பணம் வாங்கி டூர் அழைத்து வந்தவர். அப்போது ஏன்ன கிழித்தார் என்று தெரியவில்லை. கருணாநிதியா அது யார் என்று ராதிகாவிடம் கேட்டவர்.

ராமதாஸ்:
மகன் அன்புமணி மேல் மிகவும் பற்று உள்ளவர். அவருக்கு ராஜிய சபா சீட்டு தரவில்லை என்று முன்பு அம்மாவிடமிருந்து கோபித்து கொண்டு கலைஞரிடம் வந்தவர். வெற்றி பெரும் இடம் எது என்று தெரிந்து கூட்டணி அமைப்பவர். இப்போது ஏமாற போகிறார்.அம்மா கூட்டணியில் தோற்கபோகும் இடங்கள் இவருடைய இடங்கள் தான்.

ஜெயா:
பிறரை அடக்கி ஆள்வதில் வல்லவர். மிகவும் புத்திசாலி. ஆனால் அதை மக்களுக்கு ன்மை செய்ய பயன்படுத்த மாட்டார். எப்போதும் கலைஞரை குறை கூறுவதிலேய காலம் கழிப்பவர். சென்னையில் கட்டப்பட்டுள்ள எராளமான மேம்பாலங்களை குறை கூறுபவர் . போன தேர்தல் போது ஜெயா தொலைகாட்சியில் மேம்பாலத்தை உபயோகித்தவருக்கு மாலை
( கிண்டலாக) போட்டவர். அரசு நிலத்தை ( டான்சி ) அடிமாட்டு விலைக்கு வாங்கியவர். ஆனால் சப் ரிஜித்தர் ஆபிசுக்கு வந்து பத்திரத்தில் கையெழுத்து போட்டவர் தானல்ல என்று கோர்ட்டில் சொன்னவர். யாரோ போட்ட கையெழுத்து என்று சொல்லிவிட்டார்.ஒரே உத்தரவில் ஒரு லக்ஷம் பேரை டிஸ்மிஸ் செய்தவர். வைகோவை உள்ளே போட்டவர்.
தமிழ் நாட்டை பங்கு போட்டு சசிகலாவின் உறவினர்களுக்கு பிரித்து கொடுத்தவர். ( விளக்கம் சில தினங்களுக்கு முன்பு வந்த தினமலரில் உள்ளது. ( வேட்பாளர்கள் யார் யார் தேர்ந்தெடுத்தார்கள் என்று ). அதில் கருணாநிதிக்கு சோடை போகவில்லை.

கருணாநிதி: எப்போதும் தேர்தலில் ராசி இல்லாத பகுத்தறிவு வாதி. நிறைய ரோடுகள் , பாலங்கள் ,மேம்பாலங்கள் கட்டியவர். புத்தம் புது பேருந்துகளை விட்டவர். அரசு உழியர்களுக்கு அதிக சம்பளம் தந்தவர். விவசாய கடன் தள்ளுபடி செய்தவர். ஆனால் கூட்டணி தலைவர்களை தக்க வைத்துக்கொள்ள தெரியாதவர். ராமதாசுடனும் காங்கிரசுடனும் சேர்ந்து கூட்டணி மந்திரிசபை அமைத்திருந்தால் சுகமாக இருந்திருக்கலாம் . கெடுத்தது ஆற்காட்டார் என்று தெரிந்தும் ஒன்றும் செய்ய முடியவில்லை. எப்போதும் போல மக்கள் எதை சிந்தித்து ஓட்டு போடா மாட்டார்கள். 2001 இல் இப்படித்தான் மக்கள் கடைசி நேர ஜெயாவின் ஸ்டாண்டுக்கு பலியானார்கள்.சட்டத்துக்கு புறம்பாக வேண்டுமென்றே நான்கு தொகுதிகளை வேட்பு மனு தாக்கல் செய்து அவைகளை தள்ளுபடி செய்யவைத்து அனுதாப அலையை மக்களிடம் உண்டாகி ஜெயா வெற்றி பெற இவர் மண்ணை கவ்வினார்.

விஜயகாந்த்: கருப்பு எம்ஜியார் எனப்படும் இவர் அரசியலுக்கு புதுசு. எனவே ஊழல் செய்தவர். மக்களுக்கு நன்மை செய்யவேண்டும் என்ற எண்ணம் உள்ளவர். மக்கள் இவர் பேச்சை கேட்க அலையென கூடுகிறார்கள் .கணிசமான் வோட்டுக்களை பெறுவார். ஆனால் சீட்டு வாங்க முடியாது.அடுத்த தேர்தலில் ( சட்டசபை ) தேர்தலில் மகத்தான வெற்றி பெறலாம்.

UMA said...

சொன்னதும் சொல்லாததும்:

தமிழ் ஈழம் தான் ஒரே வழி: ஜெயலிதா

மேலை நாடுகளில் பொருளாதார நெருக்கடி தெரிந்ததே . அதனால் ஆட்குறைப்பு நடவடிக்கைக்காக அமெரிக்கர் அல்லாதோரை திருப்பியனுப்ப அமெரிக்கா முயற்சி. அதில் இந்தியர்களும் குறிப்பாக தமிழர்களும் அடங்கும் . எனவே அவர்களை காப்பற்ற தமிழ் அமெரிக்கா மற்றும் தமிழ் மலேஷியா வேண்டும். எனக்கு ஒட்டு போடுங்கள் வாங்கி தருகிறேன் .ஜெயா அதிரடி அறிவிப்பு. தமிழ் அமெரிக்கா மற்றும் தமிழ் மலேஷியா தான் அங்குள்ள தமிழர்கள் திருப்பி அனுப்பாமல் இருக்க ஒரே வழி. எனவே மக்கள் எனக்கு ஒட்டு போட்டு தமிழ் அமெரிக்கா மற்றும் தமிழ் மலேஷியா மலர வழி செய்யுங்கள் என்று ஜெயா சொன்னாலும் சொல்லலாம்.

UMA said...

விஜயகாந்த்: ஊழல் செயயாதவர் என்பது தவறாக செய்தவர் என்று வந்து விட்டது.
( மன்னிக்கவும் ப்ளீஸ்). எங்கள் தொகுதியான கடலூர் மற்றும் பக்கத்து தொகுதியான கள்ளக்குறிச்சியும் அவரின் முதல் பார்லிமெண்ட் அடியாக இருக்கப்போகிறது.

Anonymous said...

தமிழ்நாட்டில் இருக்கும் தமிழர்களி அடிப்படை பிரச்சனைகள் பெரும்பாலும் நிறைவேறிட்ட நிலையில் ஜெயலலிதா புலிகளினதும் தமிழ்நாட்டில் தமிழ் பற்றாளர் என்று சொல்லி கொள்பவர்களினதும் விருப்பமான தனி தமிழ் ஈழத்தை அமைத்து கொடுக்க போகிறார். ஆகவே இனியாவது ஐ.நா மற்றும் பல நாடுகள் கேட்டுகொண்டபடி புலிகள் ஆயுதங்களை கைவிட்டு சரணடைய வேண்டும். அப்பாவி இலங்கை தமிழர்கள் அழிவில்லாமல் நிம்மதியாக வாழலாம்.