பாயும் வேகம் ஜெட் லீ தாண்டா
பன்ச் வெச்சா இட்லி தாண்டா
Rated PG - for Pseudo-DK, DMK, Liberals, Marxists....
ஊர்ல சொல்றது சொலவடை
உண்மையைச் சொல்றது இட்லிவடை

Tuesday, April 28, 2009

தமிழகத்தில் 75% கோடீஸ்வர வேட்பாளர்கள்

பல்வேறு இடங்களில் கண்டுபிடித்த சொத்து விவரங்கள். அக்ஷயத்ருதீயை ஸ்பெஷல் என்று வைத்துக்கொள்ளுங்கள் :-)

லோக்சபா தேர்தலில் போட்டியிடும் பெரும்பாலான வேட்பாளர்கள் லட்சாதிபதிகளாகவும், கோடீஸ்வரர்களாகவும் உள்ளனர். குறிப்பாக தமிழகத்தில் போட்டியிடும் வேட்பாளர்களில் 75 சதவீதம் பேர் கோடீஸ்வர வேட்பாளர்கள் என்பது குறிப்பிடத்தக்கது. இவர்கள் தான் ஏழை மக்களுக்காக குரல் கொடுக்க போவதாக சவடால் பேசிவருபர்கள். இதே நிலை நீடித்தால் சாமானிய மக்கள் தேர்தலில் போட்டியிட முடியுமா? என்ற கேள்வி எழுந்துள்ளது.



கடந்த 2004 தேர்தலில் போட்டியிட்டு வெற்றி பெற்ற பல எம்.பி.,க்கள் இந்த முறையும் தேர்தலில் போட்டியிடுகின்றனர். மனு தாக்கலின் போது அவர்கள் காட்டிய சொத்து விவரம், அதிகாரிகளை மட்டுமின்றி மக்களையும் அதிர்ச்சியடைய செய்துள்ளது. 10 லட்சம் மதிப்பு காட்டிய வேட்பாளர்கள் கூட இன்று 10 கோடி ரூபாய் வரை சொத்து இருப்பதாக கணக்கு காட்டியுள்ளனர். தமிழகத்தில் மட்டுமல்ல, நாடு முழுவதும் இதே நிலை தான் நீடிக்கிறது.குறிப்பாக தமிழகத்தில் கடந்த பல தேர்தல்களோடு ஒப்பிடுகையில், இந்த லோக்சபா தேர்தல் சற்று வித்தியாசமாக தெரிகிறது. பண பலம் படைத்தவர் மட்டுமே வேட்பாளர் என்ற நிலை உள்ளது. குறைந்தபட்சம் லட்சாதிபதியாக உள்ளவர் தான் வேட்பாளராக களம் இறக்கப் பட்டுள்ளார். ஒவ்வொரு அரசியல் கட்சியும் அறிவித்துள்ள வேட்பாளர்களில் 75 சதவீதம் பேர் கோடீஸ்வரர்கள் என்பது குறிப்பிடத்தக்கது.

தற்போது போட்டியிடும் கோடீஸ்வர வேட்பாளர்கள் சிலருடைய சொத்து விவரம்:


தி.மு.க: மதுரை அழகிரி - 19 கோடி ரூபாய், கரூர் பழனிசாமி- 75.53 கோடி ரூபாய், ஸ்ரீபெரும்புதூர் டி.ஆர்.பாலு - 8 கோடி ரூபாய், பெரம்பலூர் நெப்போலியன் - 15.33 கோடி ரூபாய், ராமநாதபுரம் ரித்தீஷ் - 6 கோடி ரூபாய், அரக்கோணம் ஜெகத்ரட்சகன் - 5.91 கோடி ரூபாய், பொள்ளாச்சி சண்முகசுந்தரம் - 5.74 கோடி ரூபாய். இப்படி தி.மு.க.,வில் கோடீஸ் வர்கள் பட்டியல் நீள்கிறது.



அ.தி.மு.க: திருப்பூர் சிவசாமி - 5.07 கோடி ரூபாய், பொள்ளாச்சி சுகுமார் 2.22 கோடி ரூபாய், சேலம் செம்மலை 2 கோடி ரூபாய் என கணக்கு காட்டியுள்ளனர். இவர்கள் தவிர கட்சியின் புதுமுகங்கள் வேட்பாளர்களாக அறிவிக்கப்பட்டுள்ளவர்கள் உட்பட 15 வேட்பாளர்கள் கோடீஸ்வரர்கள்.



காங்கிரஸ்: சேலம் தங்கபாலு - 10.87 கோடி ரூபாய், ஈரோடு இளங்கோவன் - 2.84 கோடி ரூபாய், திருச்சி சாருபாலா - 58.62 கோடி ரூபாய், திண்டுக்கல் சித்தன் - 1.50 கோடி ரூபாய், தேனி ஆரூண்-25 கோடி ரூபாய், சிவகங்கை சிதம்பரம் 27.50 கோடி ரூபாய், கோவை பிரபு - 22.43 கோடி ரூபாய் என கணக்கு காட்டியுள்ளனர். காங்., கட்சியில் போட்டியிடும் 16 பேரில் 10க்கும் மேற்பட்டோர் கோடீஸ்வரர்கள்.



தே.மு.தி.க: திருச்சி விஜயகுமார் - 4.5 கோடி ரூபாய், சேலம் மோகன்ராஜ் - 5.70 கோடி ரூபாய், நாமக்கல் மகேஸ்வரன் - 7.50 கோடி ரூபாய், கள்ளக்குறிச்சி சுதீஷ் - 5.20 கோடி ரூபாய், நெல்லை மைக்கேல் ராயப்பன் - 26 கோடி ரூபாய், தர்மபுரி இளங்கோவன் - 1.40 கோடி ரூபாய், அரக்கோணம் சங்கர் - 2 கோடி ரூபாய், விருதுநகர் பாண்டியராஜன் - 6.50 கோடி ரூபாய், நீலகிரி செல்வராஜ் - 1.10 கோடி ரூபாய் உள்ளிட்ட 20 பேர் கோடீஸ்வரர் பட்டியலில் இடம் பெற்றுள்ளனர்.



ம.தி.மு.க., வேட்பாளர் ஈரோடு கணேசமூர்த்தி - 2.22 கோடி ரூபாய், பா.ம.க., வேலு - ஒரு கோடி ரூபாய், தர்மபுரி செந்தில் 1.40 கோடி ரூபாய், ஸ்ரீபெரும்புதூர் ஏ.கே.மூர்த்தி - 1.40 கோடி ரூபாய், பா.ஜ., வேட்பாளர் திருச்சி லலிதாகுமாரமங்கலம் - 4.95 கோடி ரூபாய், விருதுநகர் கார்த்திக் - 5.70 கோடி ரூபாய், கொங்குநாடு முன்னேற்ற பேரவை பொள்ளாச்சி பெஸ்ட்ராமசாமி - 49.56 கோடி ரூபாய், கொங்கு இளைஞர் பேரவை நாமக்கல் தனியரசு - 5.60 கோடி ரூபாய் என அனைத்து கட்சியிலும் கோடீஸ்வரர் வேட்பாளர் பட்டியல் நீண்டு கொண்டே போகிறது.



மனு தாக்கல் செய்துள்ளவர்கள் காட்டியுள்ள சொத்து மதிப்பு மிக மிக குறைத்து மதிப்பிடப்பட்டு, அதன் அடிப்படையில் காட்டப்பட்டுள்ள சொத்து கணக்கு தான். அதை தான் மனுவுடன் கமிஷனுக்கு சமர்ப்பித்துள்ளனர். இதில் காட்டப்படாத, கணக்கில் வரதாக சொத்து மதிப்பு எத்தனை கோடியோ என்ற கேள்வி ஓட்டுப் போடும் மக்கள் மத்தியில் எழுந்துள்ளது. பொருளாதார நெருக்கடியில் நாடு சிக்கி தவிக்கிறது என்று அரசியல்வாதிகள் கூறி வருகின்றனர். அடித்தட்டு மக்களுக்கும், சாமானியர்களுக்கும், மாதச் சம்பளம் வாங்குவோருக்கு மட்டும் தான் பொருளாதார நெருக்கடி பிரச்னை. 'ஏசி' அறையில் அமர்ந்து கொண்டு, 'பொருளாதார நெருக்கடி' என பேசும் அரசியல்வாதிகள் பெரும்பாலானோர் கோடீஸ்வரர்கள் தான். இவர்கள் தான் இந்த தேர்தலில் பெரும்பாலான தொகுதியில் போட்டியிடுகின்றனர். இவர்கள் தான் ஏழை, நடுத்தர மக்களின் பிரச்னைக்காக பார்லியில் குரல் கொடுக்க போகின்றனராம். பொருளாதார நெருக்கடியெல்லாம் இவர்களுக்கு மட்டும் சாமானியம் தான்.

-0o0-

தமிழகத்தில் போட்டி யிடும் வேட்பாளர்களின் சொத்து பட்டியலில் முதலிடம் பிடிப்பவர் கரூர் தி.மு.க வேட்பாளர் கே.சி.பழனி சாமி இவரது சொத்து மதிப்பு 77.12 கோடி கடந்த 2004 இல் இவரது சொத்து மதிப்பு 51.48 கோடி. அடுத்த இடத்தை பிடிப்பவர் திருச்சி காங்கிரஸ் வேட்பாளர் சாருபாலா தொண்டைமான் இவரது சொத்து மதிப்பு 56.62 கோடி அடுத்த மத்திய மைச்சர் ப.சிதமபரத்தின் சொத்து மதிப்பு 27 கோடி கடந்த 2004 ஆம் அண்டு இவரது சொத்து மதிப்பு 10 கோடி. திண்டுக்கல் தே.மு.தி.க வேட்பாளர் முத்து வேல் ராஜின் சொத்து மதிப்பு 27 கோடி, அடுத்து நெல்லை தேமு.தி. க வேட்பாளர் மைக்கேல் ராயப்பனின் சொத்து மதிப்பு 23 கோடி. அடுத்த இடத்தை பிடிப்பவர் கோவை காங்கிரஸ் வேட்பாளர் பிரவி அவரது சொத்து மதிப்பு 22 கோடி கடந்த 2004 சொத்து மதிப்பு 10.24 கோடி, மதுரை தொகுதி தி.மு.க வேட்பாள அழகிரியின் சொத்து மதிப்பு 13 கோடி ராமநாதபுரம் தி.மு.க வேட்பாளர் கே.ரித்திஷ் சொத்து மதிப்பு 10 கோடி சேலம் காங்கிரஸ் வேட்பாளர் கே.வி.தங்க பாலுவின் சொத்து மதிப்பு 9.92 கோடி கடந்த 2004 சொத்து மதிப்பு 6.37 கோடிதூத்துக்குடி தி.மு.க வேட்பாளர் ஜெயதுரை சொத்து மதிப்பு 9.1 கோடி

தென்காசி தொகுதியில் போட்டியிடும் சிபி.ஐ வேட்பாளர் லிங்கம் தான் மிகஏழ்மையான வேட்பாளர் அவருக்கு 5000 மதிப்பில் பெட்டிக்கடையும், 85,000 மதிப்பில் வீடும் அனட்த வீட்டின் பெயரில் 25 ஆயிரம் கடனும் உள்ளது.

வேட்பாளர்களும் சொத்துக்கணக்கும் - ஜெ. ராகவன்

பொதுத் தேர்தலில் போட்டியிடும் வேட்பாளர்கள் வேட்பு மனு தாக்கலின் போது தனியாக பிரமாணப் பத்திரத்தில் தங்களது சொத்து விவரங்களைக் குறிப்பிடுகின்றனர். இதனால் வாக்காளர்களுக்கோ அல்லது பொது மக்களுக்கோ எந்தவித பலனும் இருப்பதாகத் தெரியவில்லை. இதைவைத்து ஒருவரை வாக்காளர்கள் மதிப்பிடமுடியாது. இவை எல்லாவற்றையும் விட இந்தத் தகவல்கள் முழுமையானதா என்பதும் சந்தேகமே.

பெரும்பாலான வேட்பாளர்கள் பிரமாண பத்திரத்தில் தெரிவித்துள்ள சொத்து விவரங்கள் தவறானவையாகவோ அல்லது குறைத்து மதிப்பிடப்பட்டோ இருக்கக்கூடும் என்று தெரிகிறது. உதாரணமாக முன்னாள் பிரதமர் தேவெகௌடா, ராஜீவ் காந்தி மகன் ராகுல் காந்தி, தேசியவாத காங்கிரஸ் கட்சித் தலைவர் சரத்பவார் உள்ளிட்ட தலைவர்களின் சொத்து விவரங்களைப் பார்த்தால் தெரியும்.

சில வேட்பாளர்கள், "எங்களுக்கு சொந்தமாக வீடு கிடையாது, சொந்தமாக கார் கிடையாது' என்று தெரிவித்துள்ளனர். இன்னும் சிலர் தங்கள் குடும்பத்தினரிடமிருந்தே கடன் வாங்கியிப்பது போல் தெரிவித்துள்ளனர்.

நேரு குடும்பத்தைச் சேர்ந்தவரான ராகுல் காந்தி, தனது பிரமாணப் பத்திரத்தில் தில்லி அருகே 5 ஏக்கரில் பண்ணை நிலமும் வீடும் இருப்பதாகக் குறிப்பிட்டுள்ளார். இதன் மதிப்பு ரூ.9.8 லட்சம்தானாம்.

தேர்தலில் மீண்டும் போட்டியிடும் வேட்பாளர்களின் சிலரின் சொத்து விவரங்களைப் பார்த்தால் அவர் முந்தைய தேர்தலில் கொடுத்த சொத்துக்களின் மதிப்பைவிட இப்போது கொடுத்துள்ள சொத்துக்களின் மதிப்பு கணிசமாக அதிகரித்திருப்பது தெரியவரும்.

இதேபோல சில அரசியல்வாதிகள் வேட்புமனு தாக்கலின் போது குறிப்பிட்டுள்ள சொத்து விவரங்களுக்கும், அவர்களின் உண்மையான சொத்து விவரங்களுக்கும் பெருத்த இடைவெளி இருப்பது தெரியவரும்.

வேட்பாளர் யார்? அவரது பின்புலம் என்ன? அவரது சொத்து மதிப்பு என்ன? என்பதை வாக்காளர்கள் தெரிந்துகொள்ள வேண்டும் என்பதற்காகத்தான் அவற்றை வேட்பு மனு தாக்கலின்போது பிரமாணப் பத்திரத்தில் குறிப்பிடுகின்றனர். ஒருவேளை ஊழல் புகார்கள் எழுந்தால் அவரது உண்மை நிலை என்ன? இப்போது உள்ள நிலை என்ன என்பதைத் தெரிந்துகொள்வதுதான் இதன் நோக்கம்.

வேட்புமனு பரிசீலனையின் போது ஒருவர் சொத்து பற்றிய விவரங்களை தவறாகக் கொடுத்திருப்பது தெரியவந்தால் தகுதி இழப்பு செய்யப்பட மாட்டார். குறுகிய காலத்தில் ஒருவரின் சொத்து விவரங்களை ஆய்வு செய்வது என்பது இயலாத காரியம். ஆனால், தேர்தலில் வெற்றிபெற்ற ஒருவர், தனது சொத்து பற்றிய விவரங்களைத் தவறாகத் தந்திருந்தது தெரியவந்தால் அவரது எம்.பி. பதவியோ அல்லது எம்.எல்.ஏ. பதவியோ பறிக்கப்பட வேண்டும். இதற்கு இப்போது சட்டத்தில் இடம் இருக்கிறதா என்று தெரியவில்லை. இல்லையெனில் இதை நடைமுறைக்கு கொண்டுவர வேண்டும். அப்போதுதான் மக்களாட்சி நடைபெறுவதாக அர்த்தம் கொள்ள முடியும்.

தில்லியில் காங்கிரஸ் வேட்பாளர் ஒருவர், தனக்கு ரூ.4.28 கோடி சொத்து இருப்பதாகத் தெரிவித்துள்ளார். இவரை எதிர்த்துப் போட்டியிடும் பாஜக வேட்பாளர், நான் மட்டும் என்ன சளைத்தவனா என்றுகூறி தமக்கு ரூ.6.17 கோடி சொத்து இருப்பதாகத் தெரிவித்துள்ளார்.

இவர்கள்தான் இப்படி என்றால் சுயேச்சை வேட்பாளர்களும் கோடீஸ்வரர்களாகத்தான் இருக்கிறார்கள். கிம்ஜி படாடியா என்ற சுயேச்சை வேட்பாளரின் சொத்து மதிப்பு என்ன தெரியுமா? மலைத்துப் போய்விடாதீர்கள் ரூ. 500 கோடிக்கு மேல். குருúக்ஷத்திரம் மக்களவைத் தொகுதியில் போட்டியிடும் தொழிலதிபர் நவீன் ஜிண்டாலின் சொத்து மதிப்பு ரூ.125 கோடி. ஆனால், இவர் தாக்கல் செய்துள்ள பிரமாணப் பத்திரத்தில் தனக்கு ரூ.1.2 கோடி மதிப்புள்ள சொத்துகளும், ரூ.5 கோடி மதிப்புக்கு நகைகளும், ரூ.6 கோடி மதிப்புக்கு நிலங்களும், எல்.ஐ.சி.பாலிசி ரூ.4.5 கோடிக்கு உள்ளதாகக் குறிப்பிட்டுள்ளார். இதில் ஆச்சரியம் என்ன வெனில் இவருக்கு சொந்தமாக வீடோ, காரோ இல்லையாம். இது எப்படி இருக்கு?

இதற்கு ஒரே வழி, தேர்தலில் போட்டியிட்டு வெற்றி பெற்றவர்கள் தங்கள் சொத்து விவரங்களைத் தவறாகக் கொடுத்திருந்தாலோ, அல்லது மக்களுக்கு எதுவும் செய்யாமல் இருந்தாலோ அல்லது தொகுதி வளர்ச்சியில் கவனம் செலுத்தாமல் இருந்தாலோ அவர்களைத் திரும்ப அழைக்கும் வகையில் மக்கள் பிரதிநிதித்துவச் சட்டத்தில் திருத்தம் கொண்டு வரவேண்டும்.



தேர்தல் களத்தில் கோடீஸ்வரர்கள்! - இரா. செழியன்
ஒரு வேட்பாளர் மீது நீதிமன்றங்களில் குற்றம்சாட்டப்பட்டிருந்தாலும், தண்டனை தரப்பட்டிருந்தாலும், அவற்றுக்கான விவரங்களை ஓர் உறுதி ஆவணம் மூலம் நியமன மனு பரிசீலனை செய்வதற்கு முன் வேட்பாளர் தர வேண்டும் என்ற விதிமுறை 2004 தேர்தலில் ஆரம்பித்தது.

அதேபோல், வேட்பாளருக்கு உள்ள சொத்து விவரங்களையும், அவரின் துணைவி அல்லது துணைவர் மற்றும் அவர் பராமரிப்பில் உள்ள உறவினர்கள் ஆகியவர்களின் சொத்து விவரங்களையும் மற்றோர் ஆவணம் மூலம் தேர்தல் அதிகாரியிடம் தாக்கல் செய்ய வேண்டும்.

தேர்தலுக்குத் தேர்தல் கட்சி மூலமாகவும், ஏராளமாகச் செலவழிக்கக்கூடிய வேட்பாளர்கள் மூலமாகவும் நேர்மையான தேர்தலைப் பணநாயகம் வெகுவாகப் பாதிக்கிறது என்பது பொதுவாக பொதுமக்களால் உணரப்பட்டது. பணபலத்தின் ஆதிக்கம் பெருகி வருவதை வேட்பாளர்கள் தரும் சொத்து விவரங்கள் ஓரளவு வெளிப்படுத்துகின்றன.

2004 பொதுத் தேர்தலுக்குப் பிறகு நாடாளுமன்ற உறுப்பினர்களாக இருப்பவர்களின் சொத்து விவரங்களை சில தனியார் நிறுவனங்கள் ஆராய்ந்தன. இந்திய மக்கள்தொகையில் 75 சதவிகித மக்களுக்கு சராசரியாக நாளொன்றுக்கு தலா 20 ரூபாய்க்கும் குறைந்த வருமானம்தான் இருக்கிறது.

இவ்வாறு பரம ஏழைகளாக உள்ளவர்களின் வாக்குகளைப் பெற்று 2004-ல் நாடாளுமன்றத்துக்குச் சென்ற பிரதிநிதிகளின் சொத்து விவரங்களை ஆராய்ந்ததில், மாநிலங்களவை உறுப்பினர்களில் பாதிப் பேருக்கு மேலும், மக்களவையில் மூன்றில் ஒரு பகுதியினரும் கோடீஸ்வரர்களாக இருப்பது தெரிய வந்தது.

இந்தியாவில் பொருளாதார வளர்ச்சிமிக்க மாநிலமாக விளங்கும் மகாராஷ்டிரத்தில் தற்போதைய 2009 தேர்தலில் போட்டியிடும் 1,625 வேட்பாளர்களில் 200 கோடீஸ்வரர்கள் இருக்கிறார்கள். அவர்களில் 64 பேர் காங்கிரஸ், 36 பேர் சரத் பவாரின் கட்சி, 23 பேர் பா.ஜ.க., 25 பேர் சிவசேனா எனக் கட்சிகள் பங்கு போட்டுள்ளன.

2009 தேர்தலில், இதுவரை வந்துள்ள விவரங்களின்படி, பெரும் செல்வந்தராக இருக்கும் வேட்பாளர் மேற்கு தில்லி தொகுதியில் போட்டியிடும் தீபக் பரத்வாஜ் (பகுஜன் சமாஜ் கட்சி). அவருக்குள்ள சொத்து ரூ. 603 கோடி. அடுத்து குஜராத் மாநிலம் ராஜ்கோட் தொகுதியில் போட்டியிடும் கிம்ஜி பட்டாடியா. அவருக்கு இருக்கும் சொத்து 524 கோடி ரூபாய்.

கடந்த இரண்டு ஆண்டு காலத்தில் உலகளாவிய பொருளாதார நெருக்கடியில் இந்திய நாட்டின் மொத்த ஆண்டு வருமானமும் சரிந்துவிட்ட நிலையில், விலைவாசிகள் உயர்ந்து, வருமானம் குறைந்து பெரும்பாலான மக்கள் அல்லற்பட்டாலும் தற்பொழுதுள்ள நாடாளுமன்ற உறுப்பினர்களில் பலர் மீண்டும் 2009 தேர்தலில் போட்டியிட முற்பட்டபொழுது அவர்கள் தந்துள்ள சொத்து விவரங்களைப் பார்த்தால், கடந்த ஐந்தாண்டு காலத்தில் ஆச்சரியப்படும் வகையில் சொத்துகள் வேக வேகமாக வளர்ந்துள்ளன.

ஆந்திரத்தில் எல். ராஜகோபாலின் (காங்., விஜயவாடா) சொத்து 2004-ல் ரூ. 10 கோடி என இருந்து 2009-ல் ரூ. 299 கோடியாக உயர்ந்துவிட்டது. 30 பங்கு பிரம்மாண்டமான வளர்ச்சி.

ஆந்திரத்தின் முதலமைச்சர் ஒய்.எஸ். ராஜசேகர ரெட்டியின் சொத்து 2004-ல் ரூ. 4.26 கோடி என இருந்து, 2009-ல் ரூ. 1.34 ஆகக் குறைந்துவிட்டது. கடப்பா மாவட்டத்தில் புலிவெந்துலா சட்டசபைத் தொகுதியில் அவர் போட்டியிடுகிறார். அவர் போட்டியிடும் சட்டசபைத் தொகுதியை உள்ளடக்கிய கடப்பா நாடாளுமன்றத் தொகுதியில் அவர் மகன் ஜகன்மோகன் ரெட்டி போட்டியிடுகிறார். மகனுக்கு உள்ள சொத்தின் மதிப்பு ரூ. 60 கோடி. தந்தையைவிடப் பல மடங்கு அதிகமான சொத்தை மகன் திரட்டியிருப்பது தந்தை மகனுக்கு ஆற்றிய கடமை என்றுதான் கூற வேண்டும். தேர்தல் போட்டியில் தந்தை மகனுக்கும் மகன் தந்தைக்கும் அரும்பாடுபட்டு ஆதரவு திரட்டுகிறார்கள். கட்சி வளர்ச்சிக்காக ஒரு குடும்பம் எவ்வாறு பாடுபடுகிறது, பாருங்கள்!

அகில இந்திய அளவில் உள்ள அரசியல் குடும்பத்தின் தேர்தல் பங்கீட்டைப் பார்க்கலாம். சோனியா காந்தி 2006-ல் ராய் பரேலி தொகுதியில் போட்டியிட்டபொழுது அவருக்கு இருந்த சொத்து ரூ. 95 லட்சம். 2009 தேர்தலில் அவர் தந்த சொத்து விவரம் 1 கோடியே 38 லட்சம் ரூபாய். சொந்தத்தில் இத்தாலியில் அவர் பெயரில் உள்ள ஒரு வீடு 18 லட்சம் ரூபாய் மதிப்புடையது. அதுவும் ஆவணத்தில் காட்டப்பட்டுள்ளது. இந்தியாவில் அவருக்கு வீடு, கார் என எதுவும் கிடையாது.

ராகுல் காந்தியின் சொத்து 2004-ல் ரூ. 63 லட்சம் என இருந்தது. 2009 தேர்தல் காலத்தில் அது 2 கோடியே 33 லட்சம் ரூபாய் என வளர்ந்துவிட்டது. கோடீஸ்வரியாக இருந்த சோனியா காந்தி லட்சாதிபதியாக மாறினார், லட்சாதிபதியாக இருந்த ராகுல் கோடீஸ்வரராக ஆகிவிட்டார். ராகுல் காந்திக்கும் சொந்தமாகக் கார் கிடையாது.

இப்படி இருப்பதுதான் அரசியல் குடும்பங்களின் பாரம்பரிய வளர்ச்சி.

தேர்தல் களத்திற்கு வரும் கோடீஸ்வரர்களின் எண்ணிக்கை வளர்வதைப்போல, குற்றவாளி வேட்பாளர்களின் பங்கும் வேகமாக வளர்ந்து வருகிறது. 2009 தேர்தலில் இதுவரை வந்துள்ள விவரங்களின்படி 1,425 வேட்பாளர்களில் 222 பேர் குற்றவாளிகள் பட்டியலில் இடம்பெற்றுள்ளார்கள். செல்வம் குவிகிற வேகத்தில் குற்றங்கள் புரிவதும் வேகமாகப் பெருகி விடுகிறது. அதேபோல் குற்றங்கள் பல புரிந்தால்தான் கோடீஸ்வரராக ஆக முடியும் என்ற நிலைமையும் உண்டாகிவிட்டது. ஒன்றுடன் ஒன்று இணைந்து தேர்தல் களத்தை ரணகளமாக ஆக்கிவிட்டன.

தனிப்பட்டு கோடீஸ்வரர் என்பதாலேயே ஒவ்வொரு வேட்பாளரும் வெற்றி பெற்று விடுவார் என்று கூற முடியாது. 2004 நாடாளுமன்றத் தேர்தலில் 365 கோடீஸ்வரர்கள் போட்டியிட்டார்கள், அவர்களில் 80 பேர் மட்டுமே - அவர்களும் ஏதாவது ஒரு முக்கியக் கட்சியின் ஆதரவைப் பெற்றதால்தான் - வெற்றி பெற்றனர். அதேசமயம் போட்டியிட்ட கோடீஸ்வரர்களில் 88 பேர் தமது வைப்புத் தொகையை (டெபாசிட்டை) இழந்தனர் என்பதும் குறிப்பிடத்தக்கது.

நாகாலாந்து நாடாளுமன்றத் தொகுதியில் 2004 தேர்தலில் நான்கு பேர் போட்டியிட்டனர். அவர்களில் நியம்துங்கோ என்ற வேட்பாளர் தந்த சொத்து விவரம் 9,000 கோடி ரூபாய். அந்தத் தொகுதியின் மொத்த வாக்காளர்களின் எண்ணிக்கை 10 லட்சத்து 41 ஆயிரம். அந்தத் தேர்தலில் பதிவான வாக்குகள் 9 லட்சத்து 55 ஆயிரம். நாகாலாந்து மக்கள் முன்னணியின் வேட்பாளர் 6 லட்சத்து 98 ஆயிரம் வாக்குகள் பெற்று, இரண்டாம் இடத்தைப் பெற்ற காங்கிரஸ் வேட்பாளரை 4 லட்சத்து 52 ஆயிரம் வாக்குகள் வித்தியாசத்தில் தோற்கடித்தார். 9,000 கோடி ரூபாய் சொத்துடைய நியம்துங்கோ நான்காவது இடத்தில் 3,687 வாக்குகளுடன் படுதோல்வி அடைந்தார். வெற்றி பெற்ற வேட்பாளருக்கு இருந்த சொத்து 2 லட்சத்து 15 ஆயிரம் ரூபாய்தான். இதனால் வேட்பாளர் ஒரு கோடீஸ்வரர் என்பதாலேயே வாக்காளர்கள் தமது ஆதரவைத் தருவதில்லை. நாகாலாந்து மாநிலத்தில் இருப்பது ஒரே ஒரு நாடாளுமன்றத் தொகுதிதான்.

மேலும் காங்கிரஸ் - பா.ஜ.க. இரண்டு கட்சிகளுக்கும் தேசிய அளவில் நாகாலாந்து மக்கள் முன்னணி ஆதரவு தரவில்லை. இருப்பினும், நாகாலாந்து வாக்காளர்கள் ஒரு தொகுதி என்றாலும் அலட்சியப்படுத்தாமல் தமது மாநிலக் கட்சி வேட்பாளரையே வெற்றி பெறச் செய்தார்கள்.

தமது சொத்து 9,000 கோடி ரூபாய் என்று நாகாலாந்து வேட்பாளர் தந்த விவரம் சரியானதா என்ற கேள்வி அப்பொழுதே பத்திரிகைகளில் எழுப்பப்பட்டது. வேட்பாளர் தரும் குற்றப்பட்டியல் - சொத்து விவரம் ஆகிய இரண்டும் சட்டப்படியான அத்தாட்சி பெற்ற ஆவணங்கள் ஆகும்.

அவற்றில் உண்மையான விவரங்களை மறைப்பதும், பொய்யான விவரங்களைத் தருவதும் தெரிய வந்தால், தேர்தல் சட்டப்படியும் இந்திய குற்றவியல் சட்டப்படியும் ஆறு மாத சிறைத் தண்டனையும், அபராதமும் விதிக்கப்படலாம்.

சொத்து ஆவணத்தில் உண்மைக்கு மாறான விவரங்களை ஒரு வேட்பாளர் தந்திருந்தால், அதுபற்றிய ஆட்சேபனையை அங்கு போட்டியிடும் மற்றொரு வேட்பாளர்தான் ஓர் உறுதி ஆவணம் மூலம் வேட்பு மனுக்களைப் பரிசீலிக்கும் தேர்தல் அதிகாரியிடம் தரலாம். அதற்குத் தகுந்த விளக்கத்தைச் சம்பந்தப்பட்ட வேட்பாளர் தந்தால் தேர்தல் அதிகாரி அதற்கு மேல் ஒன்றும் செய்வதில்லை.

வேட்பாளர் தரும் சொத்து விவரங்களைத் தேர்தல் அதிகாரி அங்குள்ள வாக்காளர்களுக்கு அறிவிப்பதற்காக, இரண்டு செய்தித்தாள்களில் - அதில் ஒன்று அங்கு பொதுமக்களுக்கு விளங்கக்கூடிய மொழியில் - வெளியிட வேண்டும் என்று சட்டப்படியான கட்டாயம் இருக்கிறது. இதுவரை வேட்பாளர்கள் தரும் சொத்து விவரங்களை முழுமையாகப் பரிசீலனை செய்வதற்கான வழிமுறைகள் எதையும் எவரும் கையாளவில்லை.

2004 பொதுத் தேர்தலுக்குப் பிறகு வேட்பாளர்கள் தந்த சொத்து விவரங்கள் பற்றிய எல்லா ஆவணங்களின் நகல்களைத் தேர்தல் தலைமை, மத்திய நிதி அமைச்சகத்தின் கவனத்துக்கு அனுப்பி வைத்தது. நிதி அமைச்சரோ, வருமான வரி அதிகாரிகளோ, அந்த ஆவணங்களை ஆராய முற்படவில்லை. வேட்பாளர்களின் வருமான - சொத்து விவரங்கள் நிதி அமைச்சகத்தின் வரிகள் பற்றிய பிரிவுகளில்தான் இருக்கும்.

சொத்து விவரங்களை ஆய்வு செய்வதற்குத் தேவையான பின்னணிக் குறிப்புகளும், சட்ட - விதிமுறைகளும் வாக்காளர்களுக்கோ, மற்ற வேட்பாளர்களுக்கோ சிறிதும் இல்லாத காரணத்தால், வேட்பாளர்கள் தரும் விவரங்கள் எத்தகைய கண்காணிப்புக்கும் இதுவரை உட்படாமல் இருக்கின்றன. உறுதி ஆவணங்களை வாங்குவதற்கான நோக்கத்தை நிறைவேற்ற, இனியாவது அந்த ஆவணங்களை வருமான வரி நிறுவனங்கள் முறையாகப் பரிசீலனை செய்ய வேண்டும்.

நமது நாட்டில் பணத்துக்குத் தனி மதிப்பு உண்டு. பணம் உள்ளவனைப் பார்த்தால் "பணக்காரன்' என்பார்கள். லட்சத்துக்கு உரியவன் என்றால், "லட்சாதிபதி' - லட்சத்துக்குத் தலைவன் - என்று மதிப்பார்கள். கோடி ரூபாய் சொத்துடையவர் என்றால், கோடீஸ்வரர் - கோடிக்கு ஈசுவரர், கடவுள் என்று கும்பிடுவார்கள்.

தேர்தல் களத்தில், கோடீஸ்வரர்கள் தரும் பணத்துக்கு மட்டும் வாக்காளர்கள் கட்டுப்படுவதில்லை. பணத்தைத் தரும் கோடீஸ்வரர்கள் பணத்துடன் அந்தந்தப் பகுதியில் உள்ள ஈஸ்வரனின் படத்தையும் வைத்து உறுதிமொழி வாங்கி விடுகிறார்கள்.

கோடி ரூபாயையும், கோவில் ஈஸ்வரனையும் எதிர்த்து எதிர்த்தரப்பு வேட்பாளர்கள் வெற்றி பெறுவது கடினம்.

1962 தேர்தலில் மோட்டார் முதலாளிக்குச் செலவிடப்பட்ட பணத்தையும் அத்துடன் வைக்கப்பட்ட திருப்பதி வெங்கடேசப் பெருமாள் படத்தையும் அறிஞர் அண்ணாவால் சமாளிக்க முடியவில்லை. ஆயினும், அடுத்து வந்த 1967-தேர்தலில் பெரும்பாலான தமிழ்நாட்டு வாக்காளர்களின் பேராதரவைப் பெற்று அவர் மாநில முதல்வராக ஆனார்.

இளமை முதல் தன்னுடன் தோழனாக இருந்த ஏழைக் குசேலனை துவாரகை மன்னரான கண்ணபிரான் மறந்துவிடவில்லை. குசேலன் தந்த அவலுக்குத்தான் அவர் அதிகமான மதிப்பைத் தந்தார். கடவுளின் அவதாரமான கண்ணபிரானே ஏழையாக இருந்த உண்மைத் தோழனுக்குத்தான் ஆதரவு தந்தார் என்பதை வாக்காளர்கள் மறந்துவிடக் கூடாது!

ஜூவியில் வந்த கட்டுரையிலிருந்து சில பகுதிகள்






சுவிஸ் வங்கியில் அக்கவுன்ட் தொடங்க வேண்டும் என்றால், பாஸ்போர்ட் அவசியம். அதற்கு, 'அந்த பாஸ்போர்ட் இவருக்கு சொந்தமானதுதான், இவர் இன்னார்தான்' என்று அந்தந்த நாட்டின் உள்துறையிடமிருந்து சான்றிதழ் பெற்றிருக்க வேண்டும். இப்படி இந்திய அரசின் உள்துறை மூலம் எத்தனை பாஸ்போர்ட்களுக்கு அங்கீகாரம் வழங்கப்பட்டிருக்கிறது என்கிற விவரத்தை வெளியிட்டால் - சும்மா அதிருமில்ல !


மத்திய சென்னை ம‌க்களவை தொகு‌தி தி.மு.க வேட்பாளர் தயாநிதி மாறனின் மொத்த குடும்ப சொத்து ரூ.3.89 கோடி என வே‌ட்புமனு‌வி‌ல் குறிப்பிட்டுள்ளார். சன் டிவியில் பத்து செகண்ட் விளம்பரத்துக்கு எவ்வளவு ? ஒரு வருடத்துக்கு எவ்வளவு விளம்பரம் என்று கணக்கு போட்டு அதில் 1% கூட 3.89 கோடிக்கு மேல் வரும்.


வெளிப்படையாகக் கொடுத்த கணக்கிலே இவ்வளவு ஸ்பெக்ட்ரம் தெரிகிறது என்றால் ?

யாராவது கொலை கொள்ளை என்று பட்டியல் போடலாம். பதிவை பொறுத்து ஆட்டோ அல்லது லாரி அனுப்பி வைக்கப்படும்

( நன்றி: தினமலர், மாலைமலர், தினமணி, ஜூவி மற்றும் பல.. )

20 Comments:

மானஸ்தன் said...

///சுவிஸ் வங்கியில் அக்கவுன்ட் தொடங்க வேண்டும் என்றால், பாஸ்போர்ட் அவசியம். அதற்கு, 'அந்த பாஸ்போர்ட் இவருக்கு சொந்தமானதுதான், இவர் இன்னார்தான்' என்று அந்தந்த நாட்டின் உள்துறையிடமிருந்து சான்றிதழ் பெற்றிருக்க வேண்டும். இப்படி இந்திய அரசின் உள்துறை மூலம் எத்தனை பாஸ்போர்ட்களுக்கு அங்கீகாரம் வழங்கப்பட்டிருக்கிறது என்கிற விவரத்தை வெளியிட்டால் - சும்மா அதிருமில்ல !///


பா.ஜ.க. தலைவரோ, இல்லை இரண்டாம் நிலைத் தலைவர்களோ RTI சட்டத்தின் படி, உள்துறை சான்று அளித்த நபர்களின் பெயரைக் கேட்டு பெற்று வெளியிடலாமே? (கறுப்புப் பணத்தைக் கொண்டுவரும் முயற்சியின் முதல் படியாக!)

மானஸ்தன் said...

//மத்திய சென்னை ம‌க்களவை தொகு‌தி தி.மு.க வேட்பாளர் தயாநிதி மாறனின் மொத்த குடும்ப சொத்து ரூ.3.89 கோடி என வே‌ட்புமனு‌வி‌ல் குறிப்பிட்டுள்ளார்//.


"மனசாட்சியின் கடைக்குட்டி" பல ஆயிரம் கோடிகளுக்கு அதிபதி என்றாலும், தன் (சொத்து) மதிப்பு 3.89 கோடிதான் என்று பறைசாற்றி, தன்னையும் கூட இருப்பவர்களையும் "பிச்சைகாரர்கள்" நிலைக்கு தாழ்த்திக்கொண்டுள்ளார்!

M Arunachalam said...

These 75% of Lok Sabha contestants in TN, particularly those belonging to DMK & Sonia Cong., could not declare their full assets value since our laws prohibit investments in foreign countries. So, they are unable to include their Swiss Bank balances. Thats why they are so poor. Of course, assets lying in benami's names are also can't be included for this purpose.

If all these are added, Bill Gates will look like a beggar in front of our "Morons".

Anonymous said...

When these millionaires become MPs & MLAs how any policeman or Judge or Election commissioner ,drawing not more than Rs50,000 can honestly discharge their duties without fear or favour. The MP can pay rowdies much more than what the government servants are paid.

mazhai said...

ஸ்விஸ் வங்கிக்கு எல்லாம் போக வேண்டாம்னு தோணுது...பேசாம இவங்க கிட்ட ரைடு நடத்தினாலே போதும்

mazhai said...

//மத்திய சென்னை ம‌க்களவை தொகு‌தி தி.மு.க வேட்பாளர் தயாநிதி மாறனின் மொத்த குடும்ப சொத்து ரூ.3.89 கோடி என வே‌ட்புமனு‌வி‌ல் குறிப்பிட்டுள்ளார்// அட நீங்க வேற ஒரு சைபர போட்டு புள்ளிய வெளிய எடுங்க....கணக்கு சரியா வரும். ஏதோ பிரிண்டிங் mistake-கு போயி.. ...................

Anonymous said...

இட்லி வடை, உம்ம சொத்து மதிப்பு எவ்வளவு? ஹி... ஹி....!

Navaneeth said...

மிகப் பெரிய பண நாயக நாடாகிவிட்டோம்.

R.Gopi said...

//ஸ்ரீபெரும்புதூர் டி.ஆர்.பாலு - 8 கோடி ரூபாய்//

இவருக்கு கப்பலே சொந்தமா 8-10 இருக்கே.......அவ்வ்வ்வ்வ்வ்வ்வ்வ்வ்

****************

//நேரு குடும்பத்தைச் சேர்ந்தவரான ராகுல் காந்தி, தனது பிரமாணப் பத்திரத்தில் தில்லி அருகே 5 ஏக்கரில் பண்ணை நிலமும் வீடும் இருப்பதாகக் குறிப்பிட்டுள்ளார். இதன் மதிப்பு ரூ.9.8 லட்சம்தானாம்..//

இங்க இருந்தா, "தல" ஆட்டைய போட்டு இருப்பாரு........

****************

//ஆந்திரத்தின் முதலமைச்சர் ஒய்.எஸ். ராஜசேகர ரெட்டியின் சொத்து 2004-ல் ரூ. 4.26 கோடி என இருந்து, 2009-ல் ரூ. 1.34 ஆகக் குறைந்துவிட்டது.//

ஐயோ பாவம்.........

//ராகுல் காந்தியின் சொத்து 2004-ல் ரூ. 63 லட்சம் என இருந்தது. 2009 தேர்தல் காலத்தில் அது 2 கோடியே 33 லட்சம் ரூபாய் என வளர்ந்துவிட்டது. கோடீஸ்வரியாக இருந்த சோனியா காந்தி லட்சாதிபதியாக மாறினார், லட்சாதிபதியாக இருந்த ராகுல் கோடீஸ்வரராக ஆகிவிட்டார். ராகுல் காந்திக்கும் சொந்தமாகக் கார் கிடையாது.//

இத படிச்சுட்டு "தல" நகைத்தார் என்று செய்தி வந்த வண்ணம் உள்ளன.....

//நமது நாட்டில் பணத்துக்குத் தனி மதிப்பு உண்டு. பணம் உள்ளவனைப் பார்த்தால் "பணக்காரன்' என்பார்கள். லட்சத்துக்கு உரியவன் என்றால், "லட்சாதிபதி' - லட்சத்துக்குத் தலைவன் - என்று மதிப்பார்கள். கோடி ரூபாய் சொத்துடையவர் என்றால், கோடீஸ்வரர் - கோடிக்கு ஈசுவரர், கடவுள் என்று கும்பிடுவார்கள்.//

என்னிடம் எந்த கோடியும் இல்லை.... மேலும் கடவுள், ஈஸ்வரர் போன்றவைகளில் நம்பிக்கை இல்லை - "தல"

//மத்திய சென்னை ம‌க்களவை தொகு‌தி தி.மு.க வேட்பாளர் தயாநிதி மாறனின் மொத்த குடும்ப சொத்து ரூ.3.89 கோடி என வே‌ட்புமனு‌வி‌ல் குறிப்பிட்டுள்ளார். சன் டிவியில் பத்து செகண்ட் விளம்பரத்துக்கு எவ்வளவு ? ஒரு வருடத்துக்கு எவ்வளவு விளம்பரம் என்று கணக்கு போட்டு அதில் 1% கூட 3.89 கோடிக்கு மேல் வரும். //

பாவம் எவ்வளவு ஏழை........ அதனால்தான், அவர் தன் தாத்தாவிடம் சென்று அழுது புலம்பி, இப்போது அனைவரும் ஒன்றாக இணைந்து ..... நாட்டை .... போடுகிறார்கள் ஆட்டை...............

ஆனா, ஒண்ணு இருக்குங்க..... நான் என்ன சொல்றேன்னா, இந்த வேட்பாளர்களின் சொத்து விபரங்களிடையே உள்ள புள்ளிகளை அகற்றிவிட்டு பாருங்கள். உதாரணம் :

தயாநிதி மாறன் : ரூ.3.89 கோடிகள். இடையில் உள்ள புள்ளியை அகற்றி விட்டால் அவரின் சொத்து ரூ.389 கோடிகள் என்று வரும். இது கூட, அவரின் மொத்த மதிப்பில் ஒரு 10% சதவீதம் இருக்குமா?? அதைவிட குறைவு என்று நினைக்கிறேன்.

வண்ணத்துபூச்சியார் said...

எவ்வளவு கூட்டி கழிச்சு பார்த்தாலும் கணக்கு சரியா வராது. யப்பா. தலை சுத்துது.

சித்து said...

/* வண்ணத்துபூச்சியார் said...
எவ்வளவு கூட்டி கழிச்சு பார்த்தாலும் கணக்கு சரியா வராது. யப்பா. தலை சுத்துது.*/

வரும் ஆனா வராது.

R.Gopi said...

யாரு வேணும்னா, என்ன வேணும்னா சொல்லுங்க......... "தல" க்ரூப்ல இருக்கற எல்லாரும் எவ்வளவு பணம் இருந்தாலும், எவ்ளோ அடக்கமா, கொஞ்சம்தான் இருக்குன்னு சொல்றாங்க..........

இதுக்காகவே அவங்களுக்கு "ஏதாவது" ஒரு விருது குடுக்கலாமே.........

"தல" விருது..........

தோமா said...

அடியேய் நமக்கெல்லாம் தெரு கோடி தான்

Anonymous said...

IV i an addicted reader of your blog. I open IV 10 - 15 times a day.

Apart from posts criticizing politicians why dont you devote 10% of your writing(10 posts on MUKA and Others and 1 post on us) criticizing people and why a bad thing happens and what we need to do, not them. I will be very happy if such a thing happens and that will be initiative towards change.Comments in such posts will change people minds not in crores but even in single digit it is noble.

Naama enna thappu panrom therinja than athai mathavan pannamma ella athu repeat agama thadukka mudium...

Rasigarin anbu korikkai ethu..

IdlyVadai said...

//Apart from posts criticizing politicians why dont you devote 10% of your writing(10 posts on MUKA and Others and 1 post on us) criticizing people and why a bad thing happens and what we need to do, not them. I will be very happy if such a thing happens and that will be initiative towards change.Comments in such posts will change people minds not in crores but even in single digit it is noble.//

Good idea!
Can you write and send me I will be glad to publish it.

Anonymous said...

"//Apart from posts criticizing politicians why dont you devote 10% of your writing(10 posts on MUKA and Others and 1 post on us) criticizing people and why a bad thing happens and what we need to do, not them. I will be very happy if such a thing happens and that will be initiative towards change.Comments in such posts will change people minds not in crores but even in single digit it is noble.//"

I am not a good writer. But will try...

Inba said...

சமுக படம் எடுப்பதற்கு
ஏசி அறையில்
விஸ்கி பாட்டிலோடு உட்கார்ந்துகொண்டு
விவாதிக்கும் சினிமா இயகுனர்களுகும்

மக்களுக்கு சேவை செய்ய கிளம்பி இருக்கும்
இந்த கோடிஸ்வர வேட்பாளர்களுக்கும்

வித்தியாசம் எதுவும் இல்லை

sundaikai said...

ஏன் சார் உண்மையா எவ்வளவு இருக்குதுன்னு சொன்னா இவ்வளவானு கேக்கறீங்க, அடக்கி வாசிச்சா இன்னும் எவ்வளவு பதுக்கிஇருகான்னு தெரியலைனு சொல்றீங்க - பாவம் என்னதான்பண்ணுவாங்க?

இத்தனைக்கும் நாலைஞ்சு பொண்டடிங்க அவங்க குடும்பதுகாரங்க எல்லாருக்கும் கொடுத்த மிச்சம் தான் கணக்குகான்பிசிருகங்கா - முதல்ல திரிஷ்ட்டிகழிக்கனும்

Siraj-Kuwait said...

அடங்கொய்யா??????? அம்புட்டு பேர்ட்டயும் அம்புட்டு பணமா?....

இந்தியா வளர்ந்து வரும் நாடு தான்....அரசியல்வாதிகளுக்கு மட்டும்.

லவ்டேல் மேடி said...

தேனுங் இட்லி வடையாரே ...... இப்புடியே ஒவ்வொன்னா கோர்ர்த்துட்டுகிட்டே இருங்க.....!!! நெம்ப சிறப்பா இருக்கும்......!!!!