இட்லிவடை பதில்கள் - 18-04-2009

நீண்ட நாட்களுக்கு பிறகு சில கேள்வி பதில்கள்


அனானி கேள்விகள்
1. உங்க கேள்வி பதில் பதிவு ஏன் இப்போதெல்லாம் வருவதில்லை ?
இதே கேள்வியை கொஞ்ச நாள் கழித்து திரும்பவும் கேட்கவும்.

2. சர்தாஜி - சிதம்பரம் - செருப்பு உங்க கருத்து என்ன ?
சிங்(கம்) சிங்கிளாத்தான் வரும்.

3. கையும் களவுமாக மாட்டினால் என்ன செய்வீர்கள் ?

ஒரு ஊரில் ஒரு வண்டு இருந்தது. அரண்மனைத் தோட்டத்தில் சும்மா பறந்துகொண்டிருந்தது அதற்கு ஒரு நாள் ஒரு ஆசை ஏற்பட்டது. நம்மை யாருமே கவனிக்கமாட்டேன் என்கிறார்களே, இப்படி அனாமதேயமாக வாழ்க்கை வாழ்கிறோமே என்று எண்ணி ஏதாவது செய்ய திட்டமிட்டது. ஒரு நாள் ராஜகுமாரன் தூங்கிக்கொண்டிர்ந்தபோது அவனைக் கொட்டியது. அவன் அலறினான். ராஜாவுன் ராணியும் ஓடி வந்தார்கள் அவர்களையும் ஒரு கொட்டு கொட்டிவிட்டு பறந்தது. 'ஐயோ' என்று அலறினார் ராஜா. உடனே சேவகர்கள் ஓடிவந்தார்கள். அவர்களையும் கொட்டியது. அவர்களுடைய அலறல்களைக் கேட்டு மந்திரிகள் ஓடிவந்தார்கள் அவர்களையும் கொட்டியது. தளபதிகள் வந்தார்கள் அவர்களுக்கும் அதேகதிதான். ராஜா, வலி தாங்கமுடியாமல் குதிக்க, குதிக்க அவரை தோளில், மார்பில், மூக்கில், காதில், காலில், கையில் என்று கொட்டிக்கொண்டேயிருந்தது. ராணியும் ராஜாவுன் அலற... வண்டைப் பிடிக்க முயன்ற ஒவ்வொருவரும் அதனிடம் கொட்டுப்பட்டார்கள். ஊரெங்கும் செய்தி பரவ கூட்டம் கூட்டமாக மக்கள் அரண்மனைக்கு ஓடிவந்தார்கள். ஊரே ஸ்தம்பித்தது. நிர்வாக வேலைகள் நின்றன. குழப்பம் கூத்தாடியது. கடைசியில் ஒருவழியாய் அந்த வண்டைப் பிடித்து, அடித்துக் கொன்றார்கள். சாகுமுன் அது தனக்குத்தானே சொல்லிக்கொண்டது. பிறவி என்றால் இப்படி ஏதோனும் செய்துவிட்டு சாகவேண்டும். எல்லோரும் என்னை பற்றி பேசும்படி பண்ணிவிட்டேன். உயிர் போனால் போகட்டும்.

4. தமிழ் நாட்டில் இந்த தேர்தலில் அம்மா கூட்டணிக்கு எவ்வளவு சீட் கிடைக்கும் ? அய்யா கூட்டணிக்கு எவ்வளாவு சீட் கிடைக்கும் ?

அம்மா கூட்டணி - 20 - 25
அய்யா கூட்டணி - 10 - 15

5. நேற்று ஜெயலலிதா அறிமுகம் செய்து வைத்த விழாவை ஜெயா டிவியில் நேரடி ஒளிபரப்பை பார்த்தீர்களா ?

பார்த்தேன்.
அதிமுக வேட்பாளர்கள் அம்மாவை வணங்கினார்கள். மற்ற கட்சி வேட்பாளர்கள் மக்களை வணங்கினார்கள். கடைசியாக ஜெயலலிதா
"நாளை நமதே நாற்பதும் நமக்கே" என்ற போது "நாமம் உங்களுக்கே" என்று என் காதில் விழுந்தது. உங்க காதில் ?

6. தேர்தல் டீம் உறுப்பினர்கள் ஏன் பதிவு எழுதுவதில்லை ?
இட்லிவடையை ஜெயலலிதா போல் நினைத்துவிட்டார்கள். அதனால் பேசாமல் இருக்கிறார்கள்.

மானஸ்தன் கேள்விகள்
7. தென் சென்னைக்கு ஏன் இன்னும் கருப்பு-செவப்பு கொடி போடலை?
சரத்பாபு வருவார் என்ற நப்பாசையில்.

8. செய்தி: 4 வருஷம் கிரிக்கெட் ஆடிய தோனிக்கும், பல "கலர்" படங்களில், "பச்சையான" சிரிப்பு வசனங்களைப் பேசி சிந்தனையைத் தூண்டிய "சின்னக் கலைவாணருக்கும்" விருது!!!. "பத்ம" விருதுகள் ராணுவ அதிகாரிகளுக்கும், நாட்டின் தலை சிறந்த விஞ்ஞானிகளுக்கும் மட்டுமே வழங்கப் பட வேண்டும் என்பது என் கருத்து. நீங்க என்ன நினைக்கிறீர்கள்?

பத்ம விருதுகள் விளையாட்டு தனமாகவும், காமெடியாகவும் ஆகிவிட்டது. ராணுவ அதிகாரிகளும், விஞ்ஞானிகளும் டிவியில் வருவதில்லை, வந்தால் அவர்களுக்கும் கொடுப்பார்கள்.

9. உங்களின் உண்மையான பெயர் என்ன? வீடு எந்த ஏரியா-ல இருக்கு?? யாரும் ஆட்டோ அனுப்ப மாட்டாங்க!! தைரியமா சொல்லுங்க!

என் பெயரை மாட்டும் சொன்னால் எங்க குருப்பில் இருக்கும் மற்றவர்கள் கோவித்துக்கொள்வார்கள். எல்லா பேரையும் சொன்னால் ஆட்டோவிற்கு பதில் லாரி அனுப்ப வேண்டியிருக்கும்.

10. IIT-JEE pattern change springs surprise" முன் அறிவிப்பு இல்லாமல் இந்த மாதிரி மாற்றங்கள் செய்வது சரியா? ஏற்கனவே நமது மாணவ-மாணவிகள் மிகவும் "மன-அழுத்தத்திற்கு" உள்ளாக்கப் பட்டு உள்ளார்கள். இந்த கூடுதல் அழுத்தம் தேவையா?

மாற்றங்கள் செய்வதை நான் வரெவேற்கிறேன். அப்ப தான் அவர்களின் உண்மையான அறிவு வெளிப்படும். மாணவ மாணவிகள் கையில் ஐபாடு இல்லாமல் இருந்தால் இந்த பாடு பட வேண்டாம்.

அனானி கேள்வி
11. நீங்க தான் எ.அ.பாலா என்று பேசிக்கொள்கிறார்கள். அப்படி இருக்க ஏன் பதிவு எழுதிய பின் "Test Comment" போடுவதில்லை ?

அதற்கு தான் R.Gopi, மானஸ்தன் போன்றவர்கள் இருக்கிறார்களே !

தொடந்து இதே பதிவில் கேள்வி கேட்கலாம். பதில் அடுத்த சனிக்கிழமை :-)