திண்ணை காலியானால் படுத்துக்கொள்ள நினைக்கிறார் ஜெ - கலைஞர்

இன்று திமுக செயற்குழு கூட்டத்தில் கலைஞர் கொஞ்சம் ஓவராக புலம்பியுள்ளார்.

- போராட்டம் நடத்தி தி.மு.க. ஆட்சியை கவிழ்க்க சதி
- தமிழ்நாட்டில் சிலர் திடீரென இலங்கை தமிழர்களுக்கு ஆதரவாக போராடுகிறோம் என்று "பாவ்லா'' காட்டிக் கொண்டிருக்கிறார்கள்.
- இலங்ëகை பிரச்சினைக்காக போராடுவதாக கூறி ஆட்சியைக் கவிழ்க்க ராமதாஸ், ஜெ சதி செய்கிறார்க்ள்
- திண்ணை காலியானால் ஜெயலலிதா வந்து படுத்துக் கொள்ளலாம் என்று நினைக்கிறார்
மேலும் புலம்பல் கீழே...

தி.மு.க. செயற்குழு கூட்டம் சென்னை அறிவாலயத்தில் இன்று நடந்தது. கூட்டத்தில் முதல்- அமைச்சர் கருணாநிதி பேசுகையில்,. தமிழ்நாட்டில் சிலர் திடீரென இலங்கை தமிழர்களுக்கு ஆதரவாக போராடுகிறோம் என்று "பாவ்லா'' காட்டிக் கொண்டிருக்கிறார்கள்.


டாக்டர் ராமதாஸ் எல்லாம் முதல்- அமைச்சர் தான் சொல்ல வேண்டும் என்றார். என்னை எல்லாம் சொல்ல வைத்து எனக்கும், மத்திய அரசுக்கும் விரோதம் ஏற்படுத்தி, இவர் தனது செல்வாக்கை நிலைநிறுத்திக் கொள்ள நினைக்கிறார்.


இந்த ஆண்டுக்குள் தி.மு.க. முடிந்து எங்கள் ஆட்சி வரும் என்று ஜெயலலிதா கூறினார். இலங்ëகை பிரச்சினைக்காக போராடுவதாக கூறி ஆட்சியைக் கவிழ்க்க சதி நடக்கிறது. நாங்கள் வெளியேறி விடுவோம் என்று நினைக்கிறார்கள். திண்ணை காலியானால் ஜெயலலிதா வந்து படுத்துக் கொள்ளலாம் என்று நினைக்கிறார். அண்ணனும் சாக மாட்டான், திண்ணையும் காலி ஆகாது என் பதை தெரிவித்துக் கொள்கிறேன். ஈழம் பற்றி பேச வெளி நாட்டு தமிழர்கள் பற்றி பேச, திராவிட இயக்கங்கள் தவிர வேறு யாருக்கும் அந்த உரிமை கிடையாது. தமிழர்களுக்காக போராடுவது போல சிலர் நாடகம் ஆடுகிறார்கள். இலங்கைத் தமிழர்களை பாதுகாக்க தமிழர்கள் அனைவரும் ஒன்றுபட வேண்டும். இவ்வாறு கருணாநிதி பேசினார்.

பொதுக் கூட்டம்: தி.மு.க. செயற்குழு தீர்மானம்

இலங்கைத் தமிழர் வாழ்வுரிமையைப் பெற்றுத் தரவும்-அந்த நாட்டில் போர் நிறுத்தம் ஏற்பட்டு அமைதியான நிலை தோன்றவும்-ஜனநாயக முறையில் அந்த நாட்டில் ஒரு தீர்வு காணவும்- ஒத்தக் கருத்துடைய சமுதாய இயக்கங்கள், தமிழ்ச் சான்றோர் கள், மற்றும் அரசியல் கட்சி களைக் கொண்டு- "இலங்கைத் தமிழர் நல உரிமைப் பேரவை'' என்ற அமைப்பின் பெயரால்-தமிழகத்தின் பட்டிதொட்டியெங்கும் மக்களைத் திரட்டி விளக்கக்கூட்டங்கள், மக்கள் பேரணிகள், மனிதச்சங்கிலிகள், மாநாடுகள் போன்ற பிரச்சார சாதனங்களைப் பயன்படுத்தி அறப்போராட்டங்களை நடத்தி தமிழ்நாட்டு மக்கள் எழுப்பும் கோரிக்கைகளை இந்திய மத்திய அரசுக்கும் இலங்கை அரசுக்கும் எட்டுமாறு எழுச்சிப் பணிகளைத் தொடர்வது என்று இந்தச் செயற்குழு தீர்மானிக்கின்றது.

முதற்கட்டமாக இலங்கையில் தமிழர்கள் வாழும் வடக்கு மற்றும் கிழக்குப் பகுதிகளில் முழுமையான அதிகார பகிர்வும் சுயாட்சியும் கிடைக்கின்ற அளவிற்கு, நிரந்தர அரசியல் தீர்வு ஒன்றினை குறிப்பிட்ட கால வரையறைக்குள் உருவாக்கிச் செயல்படுத்திட, இந்திய அரசு உடனடியாக நடவடிக்கை எடுக்க வேண்டும் என்றும், அதற்கு இலங்கை அரசு முழுமையான ஒத்துழைப்பை வழங்க வேண்டு மென்றும் இந்தச் செயற்குழு நிறைவேற்றியுள்ள தீர்ம னத்தை, மக்கள் மன்றத்தில் விளக்கி, ஆதரவு திரட்டி வலிமை சேர்த்திட, தமிழகம் முழுவதும் மாவட்டத்தலை நகரங்களிலும், முக்கிய நகரங் களிலும் பிரச்சார விளக்கப் பொதுக்கூட்டங்களையும், பேரணிகளையும் வருகிற 7-ந்தேதி சென்னையிலும், 8, 9 ஆகிய நாட்களில் மற்ற மாவட்டத் தலைநகரங்களி லும் நடத்துவதென்று இச் செயற்குழு தீர்மானிக்கிறது.

கலைஞர் பேட்டி
தி.மு.க. செயற்குழு கூட்டம் முடிந்த பின்பு முதல்- அமைச்சர் கருணாநிதி நிருபர்களுக்கு பேட்டி அளித்தார்.

கே:- ஆட்சிக்கு எதிராக சதி திட்டம் என்கிறீர்களே? எதை வைத்துச் சொல் கிறீர்கள்?
ப:- தேவையற்ற கருத்துக் களை சொல்வதால். முதலில் முதல்-அமைச்சர்தான் எல்லாம் சொல்வார் என்கிறார்கள். பிறகு பிரதான கட்சியான தி.மு.க.வுக்கு அதிகாரப்பூர்வ அழைப்பு இல்லை. இது ஒன்று போதாதா?

கே:- 4-ந்தேதி முழு அடைப்பு பற்றி?
ப:- நான் ஒன்றும் சொல்ல விரும்பவில்லை. முதல்-அமைச்சர் என்ற முறையில் உச்சநீதிமன்ற தீர்ப்பை சுட்டிக் காட்ட விரும்புகிறேன்.

இதே போல் சேது சமுத்திர திட்ட பந்துக்கும் சொல்லியிருந்தால் நன்றாக இருக்கும்

கே:- முழு அடைப்பு போராட்டத்தால் பயன் ஏற்படாது என்று கம்யூனிஸ்டு தலைவர் வரதராசன் கூறி உள்ளாரே?
ப:- அவரது கருத்து வரவேற்க தகுந்தது.

கே:- இலங்கை தமிழர்கள் மீது தொடர்ந்து குண்டு வீசப்படுகிறதே?
ப:- சிங்களர்கள் அநியாயம் செய்கிறார்கள். தமிழர்கள் கொன்று குவிக்கப்படுகிறார்கள். அந்த அநீதி தடுத்து நிறுத்தப்பட தமிழர்கள் ஒன்றுபட வேண்டும் என்பது என் கருத்து.

கே:- இலங்கை பிரச்சினையில் ஐ.நா. தலையிட வேண்டும் என்று வற்புறுத்து கிறார்களே?
ப:- ஐ.நா. தலையிட்டால் நல்லது. அதை வரவேற்கிறேன்.

கே:- போரை இந்திய ராணுவம் நடத்துவதாக சொல்கிறார்களே?
ப:- இது பொய்யான குற்றச்சாட்டு. இதற்கு இந்திய பாதுகாப்பு மந்திரி பதில் அளித்துள்ளார்

இந்த முறை அறப்போராட்டங்களில் ராஜினாமா நாடகம் மிஸ்ஸிங். இல்லை கனிமொழி முதலில் தன் அப்பாவிடம் தன் ராஜினாமாவை முதலில் கொடுத்திருப்பார்.

படங்கள்: துக்ளக்