பாயும் வேகம் ஜெட் லீ தாண்டா
பன்ச் வெச்சா இட்லி தாண்டா
Rated PG - for Pseudo-DK, DMK, Liberals, Marxists....
ஊர்ல சொல்றது சொலவடை
உண்மையைச் சொல்றது இட்லிவடை

Friday, January 30, 2009

ஜெயலலிதா கேட்கும் சில கேள்விகள், கருணாநிதி பதில்கள்

ஜெயலலிதா கருணாநிதியிடம் கேட்கும் சில கேள்விகள்..
கருணாநிதி பதில்கள்..


ஜெ- கேள்விகள்
இலங்கையில் சமஉரிமைக்காக போராடும் தமிழர்களுக்கு அ.இ.அ.தி.மு.க. முழு ஆதரவு அளிக்கும் அதே சமயத்தில் ஆயுதம் ஏந்தி கட்டுக்கடங்காத வன்முறையில் ஈடுபடுவதை கடுமையாக எதிர்ப்பதாக அ.இ.அ.தி.மு.க. பொதுச்செயலாளர் செல்வி. ஜெயலலிதா தெரிவித்துள்ளார். இலங்கைத் தமிழர்கள் குறித்து கபட நாடகம் நடத்திக் கொண்டிருக்கும் கருணாநிதி, தமது மண்ணில் ராஜீவ்காந்தி கொடூரமான முறையில் கொலை செய்யப்பட்டதை ஆதரிக்கிறாரா என்றும் அவர் கேள்வி எழுப்பியுள்ளார்.

அ.இ.அ.தி.மு.க. பொதுச்செயலாளர் செல்வி ஜெயலலிதா வெளியிட்டுள்ள அறிக்கையில், இலங்கைத் தமிழர்கள் குறித்த தமது கருத்தை திரித்துக் கூறி, ஒட்டுமொத்த தமிழர்களின் நலனுக்கு எதிராக தாம் இருப்பது போன்று ஒரு மாய தோற்றத்தை உருவாக்க கருணாநிதி மெத்த சிரமப்பட்டு முயற்சிப்பது வேடிக்கையாக இருப்பதாகவும், இதுகுறித்து, தமது நிலைப்பாட்டை மீண்டும் தெளிவுபட சுட்டிக்காட்ட விரும்புவதாகவும், தெரிவித்துள்ளார். விடுதலைப்புலிகள் அமைப்பு மற்றும் தமிழீழ விடுதலை இயக்கம், தமிழ் மக்கள் விடுதலை இயக்கம், ஈழ மக்கள் புரட்சிகர விடுதலை முன்னணி, ஈழம் புரட்சிகர அமைப்பு போன்ற அமைப்புகளை இலங்கைத் தமிழர்களின் காவலர்கள் என்று ஒரு காலத்தில் அ.இ.அ.தி.மு.க. கருதியதை தாம் மறுக்கவில்லை என்றும் ஆனால் அடிப்படையில் தமிழ் சகோதரர்கள் என்பதை மறந்து மிதவாத அரசியல் அமைப்புகளான தமிழ் ஐக்கிய விடுதலை முன்னணி மற்றும் இதர அமைப்புகளின் தலைவர்களை விடுதலைப்புலிகள் ஒழித்துக்கட்ட ஆரம்பித்ததிலிருந்து தமிழர்களின் பிரதிநிதி, தமிழர்களின் நலனுக்காக போராடும் அமைப்பு என்று ஏற்கப்படும் உரிமையை விடுதலைப்புலிகள் இழந்துவிட்டதாகவும் அவர் குறிப்பிட்டுள்ளார். முன்னாள் பாரத பிரதமர் ராஜீவ்காந்தியை கொலை செய்த குற்றத்தின் மூலம் விடுதலைப்புலிகள் அமைப்பு நம்பத்தகுதியற்ற முதிர்ச்சியில்லாத ஆபத்தான அமைப்பு என்பது நிரூபணமானது - முன்னாள் பிரதமர் ராஜீவ்காந்தி கொலை செய்யப்பட்ட அந்த துரதிருஷ்டவசமான நாளிலிருந்து அ.இ.அ.தி.மு.க.வின் கொள்கை சீராகவும், தெளிவாகவும் இருந்து வருகிறது. இலங்கையில் வாழும் இலங்கைத் தமிழர்களை அந்த நாட்டின் இரண்டாம் தர குடி மக்களாக நடத்த இலங்கை அரசு எந்த முயற்சி எடுத்தாலும் அதனை அ.இ.அ.தி.மு.க. முழுமையாக எதிர்க்கும்- சுய நிர்ணயத்திற்காகவும், சம உரிமைக்காகவும் போராடும் இலங்கைத் தமிழர்களுக்கு அ.இ.அ.தி.மு.க. வின் முழு ஆதரவு உண்டு- அதே சமயத்தில் இந்த இலக்கை எய்துவதற்காக ஆயுதம் ஏந்தி போராடுவதையும் கட்டுக்கடங்காத கண்மூடித்தனமான வன்முறையில் ஈடுபடுவதையும் அ.இ.அ.தி.மு.க. கடுமையாக எதிர்க்கிறது- பேச்சுவார்த்தை மூலம் அமைதியான வழியில் அரசியல் தீர்வு காணப்படுவதே இந்த பிரச்னையை நிரந்தரமாக தீர்க்க உதவும் என அ.இ.அ.தி.மு.க. நம்புகிறது என்றும் செல்வி. ஜெயலலிதா விளக்கமாக எடுத்துக்கூறியுள்ளார்.

இலங்கையில் தமிழர்களுக்காக தனி நாடு உருவாக்கப்பட வேண்டும் என்பதற்காக, போராடுவது சாத்தியம் இல்லாத ஒன்று என்றும் தமிழர்கள் வாழும் பகுதிகளை உள்ளடக்கிய கூட்டுப்பேராட்சிக்குட்பட்ட சுயாட்சி கோருவதே நியாயமானது என்றும் அ.இ.அ.தி.மு.க. கருதுவதாகவும் செல்வி. ஜெயலலிதா தெரிவித்துள்ளார்.

இலங்கைத் தமிழர்கள் பிரச்னைக்கு தீர்வு காணப்படும்போது அது இலங்கையின் வடக்கு மற்றும் கிழக்கு மாகாணப் பகுதிகளில் வாழும் தமிழர்களுக்கு மட்டும் என்றில்லாமல், தோட்டத் தொழிலாளர்களாக உள்ள தமிழர்கள், இஸ்லாமியர்கள் மற்றும் இதர சிறுபான்மை அமைப்பினர்களையும் உள்ளடக்கியதாக இருக்க வேண்டும் என்று அ.இ.அ.தி.மு.க. கருதுகிறது- முதிர்ந்த பேச்சுவார்த்தை மூலம் அரசியல் ரீதியாக தீர்வு காணக்கூடிய முயற்சியில் அனைத்து தமிழ்மிதவாதிகளும், தமிழ் அரசியல் அமைப்புகளும் இடம்பெற வேண்டும்- இந்த பொறுப்பை தீவிரவாதிகளிடம் ஒப்படைப்பது தற்போதுள்ள சூழ்நிலையை மேலும் சீர்குலைப்பதோடு, மட்டுமல்லாமல் நீண்ட நாட்களாக பாதிப்புக்கு உள்ளாகியிருக்கும் மக்களின் மத்தியில் ஒற்றுமையின்மையை வளர்த்து அவர்களது துயரத்தை மேலும் அதிகரிக்கச் செய்யும்- சர்வாதிகாரத்தை அடைய வேண்டும் என்ற குறுகிய நோக்கத்துடன் செயல்பட்டுக் கொண்டிருக்கும் தங்களது தலைவனின் வழியில் குறுக்கிடுபவர்கள் என யாரை நினைத்தாலும் அவர்களை கொல்வது, பிற அரசியல் மற்றும் தீவிரவாத குழுக்களைச் சேர்ந்த மிதவாத தமிழ் சகோதரர்களையும், தலைவர்களையும் அழிப்பது போன்ற தீயச் செயல்களில் ஈடுபடுவதன் மூலம் தமிழர்களின் பிரதிநிதியாக செயல்படும் தார்மீக உரிமையை இழந்துவிட்ட எதேச்சாதிகார விடுதலைப்புலிகள் அமைப்பு இந்த அரசியல் தீர்வு காணும் நடவடிக்கையில் ஈடுபட முடியாது- ஈடுபடக்கூடாது என அ.இ.அ.தி.மு.க. கருதுகிறது-

விடுதலைப்புலிகள் அமைப்பு என்பது தங்களையும் தங்கள் தலைவனையும் பாதுகாப்பதற்காக வெட்கமில்லாமல் இளம் சிறுவர்களை தங்கள் படையில் வலுக்கட்டாயமாக இணைத்துக் கொண்டு, அப்பாவி இலங்கைத் தமிழர்களை மனித கேடயமாக பயன்படுத்திவரும் ஒரு தீவிரவாத அமைப்பாகும் என செல்வி. ​ஜெயலலிதா குற்றம் சாட்டியுள்ளார்.

தம்முடைய நிலைப்பாட்டை தெளிவாக விளக்கி விட்டதால், நிலையற்ற மற்றும் சஞ்சலமான நடவடிக்கைகளின் மூலம் அப்பாவி இலங்கைத் தமிழர்கள் குறித்து கபட நாடகம் நடத்திக் கொண்டிருக்கும் கருணாநிதியிடமிருந்து சில கேள்விகளுக்கு விளக்கம் கோருவதாகவும் செல்வி. ஜெயலலிதா தெரிவித்துள்ளார்.

தமிழ் மண்ணில் ராஜீவ்காந்தி கொடூரமான முறையில் கொலை செய்யப்பட்டதை கருணாநிதி ஆதரிக்கிறாரா? அப்படியானால் ராஜீவ்காந்தியின் காங்கிரஸ் கட்சியுடன் கூட்டணி வைத்துக் கொண்டு மைனாரிட்டி அரசின் முதலமைச்சராக பதவியில் ஒட்டிக் கொண்டிருப்பது கருணாநிதிக்கு வெட்கமாக இல்லையா? மனவுறுத்தலாக இல்லையா?


இலங்கைத் தமிழர்களுக்கு எதிராக இன்றளவிலும் இலங்கை ராணுவத்தினரால் பயன்படுத்தப்பட்டுக் கொண்டிருக்கும் ஆயுதங்களையும், நவீன சாதனங்களையும் இந்திய அரசு இலங்கை அரசுக்கு கொடுத்தபோது கருணாநிதி என்ன செய்து கொண்டிருந்தார்? தி.மு.க.வும் அதன் கூட்டணி கட்சிகளும் மத்திய அமைச்சரவையில் பங்கு வகிக்கின்றன- தி.மு.க. கூட்டணியில் உள்ள எந்த மத்திய அமைச்சருக்கும் அங்கு என்ன நடக்கிறது? என்பது தெரியாதா? ஏன் அவர்கள் ஆட்சேபனை தெரிவிக்கவில்லை? எதிர்ப்பை தெரிவிக்கும் வகையில் தங்களுடைய பதவியை ஏன் அவர்கள் ராஜினாமா செய்யவில்லை? இலங்கை ராணுவ வீரர்களுக்கு இந்திய அரசு சிறப்பு பயிற்சி அளித்தபோது கருணாநிதி என்ன செய்து கொண்டிருந்தார்- இலங்கை ராணுவ வீரர்கள் வருகை புரிந்ததையும் பயிற்சி பெற்று திரும்பியதையும் ஊடகங்கள் வெளிச்சம் போட்டு காட்டின- இருந்தபோதிலும், இலங்கைத் தமிழர்கள் குறித்து மிகுந்த வருத்தப்படுவதாக நாடகம் ஆடும் கருணாநிதியும், அவருடைய கட்சியின் முக்கியஸ்தர்களும், கூட்டணிக் கட்சியினரும் மௌனம் காத்தனர் - காஷ்மீர் மற்றும் இந்தியாவின் பிற பகுதிகளில் நிலவும் பிரிவினை கோரிக்கை குறித்து- அதாவது தனிநாடு கோரிக்கை குறித்து கருணாநிதி மற்றும் தி.மு.க. வின் நிலைப்பாடு என்ன? இலங்கையில் உள்ள தனித்தமிழ் ஈழம் குறித்து கருணாநிதி என்ன நிலைப்பாட்டைக் கொண்டுள்ளாரோ, அதே நிலையை இந்தியாவின் பிரச்னைக்குரிய மாநிலங்களுக்கும் அறிவுறுத்த விரும்புகிறாரா? என்றும் செல்வி. ஜெயலலிதா கேள்வி எழுப்பியுள்ளார். தமிழக மக்கள் மட்டுமில்லாமல் இந்தியாவிலுள்ள அனைத்து தரப்பு மக்களும் இந்த கேள்விகளுக்கு கருணாநிதியின் பதில் என்ன என்பதை தெரிந்து கொள்ள விரும்புகிறார்கள் - ஏனெனில் கருணாநிதியின் பதிலிலிருந்து அவர் ஓர் உண்மையான இந்தியரா, உண்மையான தமிழரா அல்லது மனைவிகள், குழந்தைகள், பேரக்குழந்தைகள் ஆகியோர் மீது அசாதாரணமான பற்றுள்ள வெறும் குடும்பத் தலைவரா என்ற உண்மை வெளிப்படுத்தப்பட்டுவிடும் என்றும் செல்வி. ஜெயலலிதா தெரிவித்துள்ளார்.





திரும்பவும் கேள்விகளாக கருணாநிதி பதில்கள்

கடுமையான முதுகுவலி, விலாப்புற வலிகளால் பாதிக்கப்பட்டு மருத்துவமனையில் இருக்கும் என்னிடம் முன் னாள் முதல்வரும், இந் நாள் எதிர்க்கட்சித்தலைவருமான ஜெயலலிதா சில கேள்விகளை கேட்டு, அதனை அறிக்கையாக வெளியிட்டிருக்கிறார்.

அவர் கேட்டுள்ள கேள்வி களும், அவற்றுக்கு என் பதில்களும் விவரம் வருமாறு:-

கேள்வி:- தமிழ் மண்ணில் ராஜீவ்காந்தி கொடூர மான முறையில் கொலை செய்யப்பட்டதை கருணா நிதி ஆதரிக்கிறாராப அப்படி யானால் ராஜீவ்காந்தியின் காங்கிரஸ் கட்சியுடன் கூட்டணி வைத்துக் கொண்டு அரசின் முதல்-அமைச்சராக பதவியில் ஒட்டிக் கொண்டி ருப்பது கருணாநிதிக்கு வெட்கமாக இல்லையா? மன வுறுத்தலாக இல்லையா?

கருணாநிதி:- 1991 பொதுத் தேர்தல் நேரத்தில் மே 21-ஆம் தேதி ராஜீவ் காந்தி கொலை, நடந்த போது அமைக்கப்பட்டிருந்த தேர்தல் கூட்டணியின் தலை வராக ராஜீவ்காந்தி இருந்தார். காங்கிரஸ், அ.தி.மு.க. உள்ளிட்ட கூட்டணி கட்சிகளுக்கு தேர்தல் பிரசாரம் செய்வதற்காகத் தான் சென்னைக்கு விமானம் மூலம் அவர் வந்தார்.

அப்போது அந்த கூட்டணிக் கட்சிகளின் தலைவரும், இந்தியப் பிரதமருமான ராஜீவ் காந்தியை வரவேற்க அந்த கூட்டணியிலே உள்ள கட்சிகளில் ஒன்றான அ.தி. மு.க. சார்பில் யாருமே சென்னை விமான நிலையத்துக்குப் போகவில்லை என்பது உண்மையா? பொய்யா? உண்மை என்றால் "ராஜீவின் படுகொலை'' முன் கூட்டியே அ.தி.மு.க. வினருக்கு தெரிந்திருக்கிறது என்று தானே நினைக்க வேண்டியுள்ளது? இது பற்றிய சந்தேகத்தை சுப்பிரமணிய சுவாமி அப்போதே எழுப்பியது உண்டா? இல்லையா?

அரசின் முதல்-அமைச்சராக பதவியில் ஒட்டிக் கொண்டிருப்பது எனக்கு வெட்கமாக இல்லையா? என்று ஜெயலலிதா கேட்டுள்ளார். "மைனாரிட்டி'' சமூக மக்களின் முன்னேற்றத்தையும் கருத்திலே கொண்டு ஓர் அரசு நடத்து வதில் வெட்கம் என்ன வந்து கிடக்கிறது.

மாறாக "மைனாரிட்டி'' மக்களுக்கு தொண்டாற்று வதைப் பெருமையாக கருதுபவன் நான். தேர்தல் ஆணையத்தாலேயே பொதுத் தேர்தலில் போட்டியிடதகுதியற்று, பின்னர் ஆளுநரின் ஒத்துழைப்போடு முதல்-அமைச்சராக இந்திய அரசியலமைப்புச் சட்டத் திற்கு முரணாகப் பதவி ஏற்று பிறகு நீதி மன்றம், `இவர் பதவியேற்றது செல்லாது' என்று தீர்ப்பு கொடுத்த போது இவருக்கு வெட்கம் வரவில்லை?

மனவுறுத்தல் ஏற்படவில்லையா? இளந் தலைவர் ராஜீவ் காந்தியின் துணைவியார் அன்னை சோனியா காந்தியை "வெளிநாட்டுக் காரி'' என்று விமர்சனம் செய்து விட்டு பிறகு அவருடன் தோழமை கொள்வதற்காக டெல்லியில் தேநீர் விருந்து வைத்த போது இவரது வெட்கம் எங்கே போயிற்று? என்ன இருந்தாலும் வெட்கம், மானம் பற்றி அவர் பேசக் கூடாது. அது ஏன் என்பது நாட்டுக்கே நன்றாகத் தெரியுமே?

கேள்வி:-இலங்கை தமிழர்களுக்கு எதிராக இன்றளவும் இலங்கை ராணுவத்தினரால் பயன்படுத்தப்பட்டுக் கொண் டிருக்கும், ஆயுதங்களையும், நவீன சாதனங்களையும் இந்திய அரசு இலங்கை அரசுக்கு கொடுத்த போது கருணாநிதி என்ன செய்து கொண்டிருந்தார். தி.மு.க.வும் அதன் கூட்டணிக்கட்சிகளும் மத்திய அமைச்சரவையில் பங்கு வகிக்கின்றன. தி.மு.க. கூட்டணியில் உள்ள எந்த மத்திய அமைச்சருக்கும் அங்கு என்ன நடக்கிறது என்பது தெரியாதா? ஏன் அவர்கள் ஆடம்சேபணை தெரிவிக்கவில்லைப தங்களுடைய எதிர்ப்பை தெரிவிக்கும் வகையில் தங்களுடைய பதவியை ஏன் அவர்கள் ராஜினாமா செய்யவில்லை?

கருணாநிதி: மத்திய அரசின் சார்பில் வெளிநாடுகளுக்கு ராணுவ உதவிகள் அனுப்புவதைப் பற்றி மாநில அரசுகளைக் கலந்து கொண்டோ, அல்லது மத்திய அமைச்சர்கள் அனை வரையும் கலந்து கொண்டோ செய்யப்படுவதில்லை என்ற சிறு விஷயம் கூட பத்தாண்டு காலம் முதலமைச்சராக இருந்த ஒருவருக்கு தெரியாமல் இருப்பது வேதனை தான். பாதுகாப்பு போன்ற துறைகளின் நடவடிக்கைகள் வெளிப்படையாக அனைவருக்கும் தெரிய நியாயமில்லை. இன்னும் சொல்லப் போனால், மத்திய அமைச்சர்கள் பிரணாப் முகர்ஜி ஆனா லும், பாதுகாப்புத் துறை அமைச்சர்கள் ஏ.கே.அந்தோணி ஆனாலும் இலங்கைக்கு இந்திய அரசு ஆயுதங்களை அனுப்பியதாகத் தெரிவிக்கவில்லை. மாறாக அதை மறுத்தும் இருக்கிறார்கள். ஆனால் ஜெயலலிதா என்னைப் பார்த்து என்ன செய்து கொண்டிருந்தேன் என்கிறார். ஜெயலலிதா முதலமைச்சராக இருந்த போது தான் இலங்கைக்கு மத்திய அரசு மூலம் ராணுவ உதவிகள் செய்யப்பட்டதாக சொல்லப்படுகிறது. அப்போது இவர் முதலமைச்சராக இருந்து கொண்டு என்ன செய்து கொண்டிருந்தார் என்று நான் திருப்பிக் கேட்க மாட்டேன். காரணம் ராணுவ உதவியெல்லாம் மாநில அரசுகளைக் கேட்டு கொண்டு செய்யப்படுவதில்லை என்பதை நான் அறிவேன்.

கேள்வி: இலங்கை ராணுவ வீரர்களுக்கு இந்திய அரசு சிறப்புப் பயிற்சி அளித்த போது கருணாநிதி என்ன செய்து கொண்டிருந்தார் என்ற "ஜே'' கேள்விக்கு என்ன பதில்?

கருணாநிதி: இரண்டாவது கேள்விக்கு அளித்துள்ள பதில் தான் இந்த கேள் விக்கும்! நான் என்ன செய்து கொண்டிருந்தேன் என்று திரும்பத் திரும்ப ஜெயலலிதா கேட்கிறார். கொட நாடு எஸ்டேட்டில் மாதக்கணக்கில் ஓய்வு, சிறுதாவூர் பங்களாவிலே வாரக் கணக்கில் ஓய்வு, பையனூர் மாளிகையிலே நாட்கணக்கிலே ஓய்வு, இதற்கிடையே ஐதராபாத் திராட்சை தோட்டத்திலே ஓய்வு என்று நான் எப்போதும் ஓய்வு எடுத்துக் கொண்டதில்லை. நான் என்ன செய்து கொண்டி ருந்தேன் என்று கேட்பதற்கு அவருக்கு எவ்வித அரு கதையும் எப்போதும் கிடை யாது. ஏனென்றால் நான் உழைக்கப் பிறந்த பிறவி. அவர் ஓய்வெடுக்கப் பிறந்த உல்லாசி!

கேள்வி: காஷ்மீர் மற்றும் இந்தியாவின் பிற பகுதிகளில் நிலவும் பிரிவினை கோரிக்கை குறித்து, அதாவது தனி நாடு கோரிக்கை குறித்து, கருணாநிதி மற்றும் தி.மு.க.வின். நிலைப்பாடு என்ன?

கருணாநிதி: தி.மு.கழகத்தின் பிரிவினைக் கொள்கை குறித்து பேரறிஞர் அண்ணா தன் கைப்படவே "எண்ணித் துணிக கருமம்'' என்ற தலைப்பில் நூலாகவே எழுதி வைத்துள்ளார். ஜெயலலிதாவிற்கு அதையெல்லாம் படித்திட நேரம் இருந்திருக்காது. மேலும் திராவிட முன்னேற்றக் கழகத்தின் கொள்கைகளை ஜெயலலிதா தெரிந்து கொள்ள வேண்டுமென்றால், கழக சட்ட திட்டப்புத்தகத்தில் விதி 2 மற்றும் விதி 3 ஆகியவற்றை படித்துப் பார்க்கட்டும்.

விதி2: `குறிக்கோள்' என்ற தலைப்பில் `இந்திய அரசியல் நிர்ணயச் சட்டத்தில் முழு நம்பிக்கையும், பற்றுறுதியும் கொண்டு சமதர்மம், சமயச் சார்பின்மை, ஜனநாயகம் ஆகிய லட்சியங்களில் முழு ஈடுபாடும் பற்றும் கொண்டு இந்திய நாட்டின் இறையாண்மை, ஒற்றுமை, ஒருமைப்பாடு ஆகியவற்றைக் கட்டிக் காப்பது என்பது தி.மு.கழகத்தின் குறிக்கோள் ஆகும்.

விதி3: `கோட்பாடு' என்ற தலைப்பில் "அறிஞர் அண்ணா அறிவுறுத்திய கடமை - கண்ணியம் - கட்டுப்பாடு அடிப்படையில், அரசியலில் ஜனநாயக உரிமைகளைப் பாதுகாத்து, ஆதிக்கமற்ற சமுதாயத்தை அமைத்திடவும், பகுத்தறிவு அடிப்படையில் மறு மலர்ச்சிக்கான சீர்த் திருத்தப்பணி ஆற்றிடவும், பொருளாதாரத் துறையில் வறுமையை வென்று, சமதர்ம அடிப்படையில் எல்லோரும் நல்வாழ்வு பெற வழிவகை கண்டிடவும். பிறமொழி ஆதிக்கத்திற்கு இடங்கொடாமல் அந்தந்த மாநில மொழிகளை வளர்த்திடவும் அவைகளுக் கான உரிய இடத்தைப் பெற்றுத்தரவும். மத்திய அரசில் குவிந்து கிடக்கும் அதிகாரங்கள் பரவலாக்கப்பட்டு, மாநிலங்களில் சுயாட் சியும் - மத்தியில் கூட்டாட்சியும் உருவாகிடவும் தொண்டாற்றுவது.

ஜெ - பதில்கள்
இலங்கைத் தமிழர்கள் குறித்து நான் வினவிய வினாக்களுக்கு பதில் அளிக்காமல், தன்னைத் தானே உழைப்பாளி என்று தம்பட்டம் அடித்துக் கொண்டு தான் ஓர் அசாதாரண பற்றுள்ள குடும்பத்த தலைவர் என்பதை தனது கடிதத்தின் மூலம் நிரூபித்துவிட்டார் கருணாநிதி.

என்னுடைய புகழுக்குக் களங்கம் கற்பிக்க வேண்டும் என்ற தீய எண்ணத்தில், என்மீது சில அவதூறு குற்றச்சாட்டுக்களை கருணாநிதி சுமத்தியுள்ளார். கருணாநிதியின் கடிதத்தில் எள்ளளவும் உண்மையில்லை என்பதை முதலில் தெரிவித்துக்கொள்கிறேன்.

1991_ல் " அப்போதைய'' பாரதப் பிரதமர் ராஜீவ் காந்தியை வரவேற்க அனைத்திந்திய அண்ணா திராவிட முன்னேற்றக் கழகத்தின் சார்பில் யாரும் சென்னை விமான நிலையத்திற்குப் போகவில்லை என்றும், எனவே ராஜீவ் காந்தியின் படுகொலை அ.தி.மு.க.வினருக்கு முன்கூட்டியே தெரிந்திருக்கிறது என்றும் தெரிவித்துள்ளார் கருணாநிதி. இது முற்றிலும் உண்மைக்குப் புறம்பானது. 1991_ம் ஆண்டு ராஜீவ் காந்தி பிரதமராக இல்லை என்பதை முதலில் கருணாநிதிக்கு தெரிவித்துக் கொள்கிறேன். 1991_ம் ஆண்டு பொதுத் தேர்தலின் போது அ.தி.மு.க._ காங்கிரஸ் கூட்டணியின் சார்பில் பொதுக்கூட்டம் சென்னை மெரீனா கடற்கரையில் நடைபெற்றது. அந்தக் கூட்டத்தில் நானும், ராஜீவ் காந்தியும் கலந்து கொண்டோம். அதற்கு முன்னதாக ராஜீவ் காந்தியை நானே நேரில் விமான நிலையத்திற்கு சென்று வரவேற்றேன். பின்னர் அகில இந்திய அளவில் ராஜீவ் காந்தியும் தமிழகத்தில் நானும் தேர்தல் பிரச்சார சுற்றுப் பயணம் மேற்கொண்டோம். வேறு எந்தக் கூட்டத்திலும் நானும், ராஜீவ் காந்தியும் கலந்து கொள்வதாக திட்டம் எதும் இல்லை. ஆனால் ஸ்ரீபெரும்புதூர் தொகுதி காங்கிரஸ் கட்சி வேட்பாளர் மரகதம் சந்திரசேகரின் வற்புறுத்தலின் பேரில் 21_5.1991 அன்று ஸ்ரீபெரும்புதூரில் நடைபெற்ற பொதுக் கூட்டத்தில் ராஜீவ் காந்தி கலந்து கொண்டார்.

இந்தப் பொதுக்கூட்டத்தில் தான் ராஜீவ் காந்தி கொடூரமான முறையில் படுகொலை செய்யப்பட்டார். இந்த ஸ்ரீபெரும்புதூர் கூட்டம் குறித்து எந்தவிதமான தகவலும் முன்கூட்டி எங்களுக்கு தெரிவிக்கப்படவில்லை. இந்தக் கொடூரச் சம்பவம் நடைபெற்ற போது நான் பர்கூரில் ஏற்கனவே திட்டமிட்டபடி தேர்தல் பிரச்சாரத்தில் ஈடுபட்டிருந்தேன். இப்படிப்பட்ட கொடூரச் சம்பவம் நடந்ததற்குக் காரணம் 1989 ஜனவரி முதல் 1991 ஜனவரி வரை நடைபெற்ற தி.மு.க. ஆட்சிக் காலத்தில் தமிழ்நாட்டில் விடுதலைப் புலிகளின் ஊடுருவல் அதிகமாக இருந்ததுதான். பத்மநாபா உட்பட 13 பேர் சென்னையில் நெரிசல் மிகுந்த பகுதியில் பட்டப் பகலில் படுகொலை செய்யப்பட்டனர்.

இந்திய இறையாண்மைக்கு எதிராக ரகசிய தகவல்களை கருணாநிதி விடுதலைப் புலிகளுக்கு அளித்தார் என்பதற்காக தி.மு.க. அரசு 1991_ம் ஆண்டு கலைக்கப்பட்டது. இவற்றை எல்லாம் கருணாநிதி மறந்து விட்டாரா என்று தெரியவில்லை.

ராஜீவ் காந்தி கொலையில் எனக்கு தொடர்பு இருப்பதாக டாக்டர் சுப்பிரமணியன் சுவாமி தெரிவித்தாக கருணாநிதி கூறி இருக்கிறார். ஆனால், ராஜீவ் காந்தி கொலையை விசாரித்த ஜெயின் கமிஷன் இதை மறுத்துள்ளதோடு மட்டுமல்லாமல், கருணாநிதியின் மீது சந்தேகத்தின் நிழல் படிந்திருப்பதாகக் குற்றம் சாட்டியுள்ளது. இதைக் காரணம் காட்டித் தானே 1997_ம் ஆண்டு மத்திய அரசுக்குக் கொடுத்த ஆதரவை காங்கிரஸ் திரும்பப் பெற்றது? இது கருணாநிதிக்குத்தெரியாதா? அல்லது தெரிந்தும் தெரியாதது போல் நாடகம் ஆடுகிறாரா?

மதுரையில் முன்னாள் பிரதமர் இந்திரா காந்தி 1977_ல் விஜயம் செய்தபோது அவருக்கு கருப்புக் கொடி காட்டி, கல்லால் அடித்துவிட்டு, பின்னர் பதவி சுகத்திற்காக 1980_ம் ஆண்டு `நேருவின் மகளே வருக, நிலையான ஆட்சி தருக' என்று சொன்ன கருணாநிதி: "பண்டாரம் பரதேசி'' என்று 1998_ல் பாரதிய ஜனதா கட்சியினரை திட்டிவிட்டு, பின்னர் 1999_ல் அதே பாரதிய ஜனதா அமைச்சரவையில் இணைந்து, ஐந்து ஆண்டு காலம் பதவி சுகத்தை அனுபவித்த கருணாநிதி, வெட்கத்தைப் பற்றிப் பேசுவது கேலிக்கூத்தானது.

இரண்டாவதாக, வெளி நாடுகளுக்கு ராணுவ உதவிகள் அளிப்பது குறித்து மாநில அரசுகளைக் கலந்து கொண்டோ, மத்திய அமைச்சர்கள் அனைவரையும் கலந்து கொண்டோ செய்யப்படுவதில்லை என்று தெரிவித்துள்ளார் கருணாநிதி.

மத்திய அமைச்சரவையில் யார் யாருக்கு எந்த எந்த இலாக்காக்கள் என்று அறிவிக்கப்படுவதற்கு முன்னரே அதை தெரிந்து கொண்டு மத்திய அரசை மிரட்டிய கருணாநிதிக்கு, தமிழர்களுக்கு எதிரான தீங்குகள் நிகழும் போது அதை தெரிந்து கொள்ளத் தெரியாதா? ஊடகங்களுக்குத் தெரியும் போது, மத்திய அரசை தாங்கிப் பிடித்துக் கொண்டிருக்கும் கருணாநிதிக்கு தெரியாதா? தெரிந்தும் தெரியாதது போல் நாடகம் ஆடிவிட்டு யார் காதில் பூ சுற்றப் பார்க்கிறார் கருணாநிதி?

யார் யாருக்கு என்னென்ன தெரியும் என்பது, ஐந்து ஆண்டு காலம் மாநிலங்களவை உறுப்பினராகவும், பத்து ஆண்டு காலம் தமிழகத்தின் முதலமைச்சராகவும் இருந்த எனக்கு நன்றாகத் தெரியும். எது எப்படியோ, இலங்கைக்கு நவீன ஆயுதங்கள் வழங்குவதிலும், இலங்கை ராணுவத்திற்கு பயிற்சி அளிப்பதிலும் தனக்கு பங்கு இருக்கிறது என்பதை கருணாநிதி மறைமுகமாக தன்னுடைய கடிதத்தின் மூலம் ஒப்புக் கொண்டிருக்கிறார். அவருடைய சுயரூபம் தெரிந்துவிட்டது.

மூன்றாவதாக, நான் முதலமைச்சராக இருந்தபோது தான் இலங்கைக்கு மத்திய அரசு மூலம் ராணுவ உதவிகள் அளிக்கப்பட்டதாகத் தெரிவித்திருக்கிறார். இதிலிருந்தே கருணாநிதிக்கு எதுவும் விளங்கவில்லை என்பது நன்றாகத் தெளிவாகிறது. நவீன ஆயுதங்கள் வழங்குதல், ராணுவப் பயிற்சி எல்லாம் கடந்த ஓரிரண்டு ஆண்டுகளாகத் தான் நிகழ்ந்து வருகின்றன என்பது அனைவரும் அறிந்த ஒன்று, மேலும், தமிழ்நாட்டில் நான் முதலமைச்சராக இருந்தபோதும், மத்திய அரசில் அங்கம் வகித்தது தி.மு.க.தான். எனவே, அதற்கும் கருணாநிதி தான் பொறுப்பு என்பதை சுட்டிக்காட்ட விரும்புகிறேன். அடுத்ததாக நான் கோடநாடு, சிறுதாவூர், பையனூர், ஐதராபாத் ஆகிய இடங்களுக்குச் சென்று ஓய்வெடுப்பதாகக் கூறியிருக்கிறார் கருணாநிதி. நான் பையனூர், ஐதராபாத் ஆகிய இடங்களுக்குச் சென்று பல வருடங்கள் ஆகிவிட்டன. கோடாநாடு, சிறுதாவூர் ஆகிய இடங்களுக்கு நான் சென்றாலும், அங்கு கட்சியினரை சந்தித்துக் கொண்டும், கட்சிப் பணிகளை கவனித்துக் கொண்டும், மைனாரிட்டி தி.மு.க அரசின் மக்கள் விரோதப் பணிகளை கண்டித்து அறிக்கைகளை வெளியிட்டுக் கொண்டும் தான் இருந்தேனே தவிர, ஓய்வு எடுப்பதற்காக நான் அங்கு செல்லவில்லை என்பதை சுட்டிக்காட்ட விழைகிறேன்.

ஆனால், முதலமைச்சராகப் பொறுப்பு வகித்துக் கொண்டிருக்கும் கருணாநிதி, மக்கள் நலப் பணிகளில் நாட்டம் செலுத்தாமல், மகாபலிபுரத்தில் ஓய்வு, பெங்களூரில் ஓய்வு, மருத்துவமனையில் ஓய்வு, புதுப் புது படங்களை பார்ப்பது, அருவருக்கத்தக்க தன்னுடைய கதைகளை எல்லாம் படமாக்கி பணம் சம்பாதிப்பது, புகழ் பாடுபவர்கள் மத்தியில் உலா வருவது, குறுந்தகடு வெளியீட்டு விழா என்று உல்லாசமாக நாட்களை வீணடித்துக் கொண்டிருக்கிறார். நான் முதலமைச்சராக இருந்தபோதும் சரி, தற்போதும் சரி என்னையும் திரைப்படத் தயாரிப்பாளர்கள் புதுப் படங்களை பார்க்கச் சொல்லி அழைப்பு விடுவார்கள், விடுகிறார்கள். ஆனால், நான் அதையெல்லாம் பொருட்படுத்தாமல் நாட்டு மக்களுக்குத் தேவையான நடவடிக்கைகளை மேற்கொள்வதில் கண்ணும் கருத்துமாக இருந்தேன். தற்போதும் அப்படித்தான் இருக்கிறேன். நான் ஆட்சியில் இருந்தபோது எனது இல்லத்தில் இரவு ஒரு மணி வரை அரசாங்க வேலைகள் நடக்கும், உயர் அதிகாரிகள் என்னுடன் தொடர்பு கொண்டு தேவையான அறிவுரைகளை பெற்றுச் செல்வார்கள். அதனால் தான் எனது ஆட்சிக் காலத்தில் சட்டம், ஒழுங்கு சிறப்பாக இருந்தது. விலைவாசி கட்டுக்குள் இருந்தது. மின்சாரம் தடங்கலின்றி வழங்கப்பட்டது. மக்கள் நிம்மதியாக வாழ்ந்தார்கள். ஆனால் தற்போது நிலைமை தலைகீழாக மாறிவிட்டது. இதிலிருந்தே உழைப்பாளி யார்? உல்லாசி யார்? என்பது தெள்ளத் தெளிவாகிறது.

பிரிவினைக் கொள்கை குறித்து நான் கேட்ட கேள்விக்கு, தொடர்பே இல்லாமல் பேரறிஞர் அண்ணா எழுதிய நூலை மேற்கோள் காட்டி அதுதான் தி.மு.க.வின் நிலைப்பாடு என்று தெரிவித்துள்ளார். பேரறிஞர் அண்ணாவின் பாசறையில் வளர்ந்தவன் என்று தம்பட்டம் அடித்துக் கொள்வதைத் தவிர, அண்ணாவின் எந்தக் கொள்கையும் கருணாநிதியால் பின்பற்றப்படுவதில்லை என்பது தான் நிதர்சனமான உண்மை. "கழகமே குடும்பம்'' என்ற அண்ணாவின் கொள்கையை, "குடும்பமே கழகம்'' என்று மாற்றிக் காட்டியவர் தான் மைனாரிட்டி தி.மு.க. அரசின் முதலமைச்சர் கருணாநிதி. பேரறிஞர் அண்ணா தன்னலமற்றவர். ஆனால் கருணாநிதியோ தனது குடும்ப உறுப்பினர்களுக்கு மாநிலத்தை பல பகுதிகளாக பிரித்துக் கொடுத்து தமிழகத்தை கொள்ளையடித்துக் கொண்டிருக்கும் ஒரு சுயநலவாதி. மக்களின் ஜனநாயக உரிமைகளை பறித்து, ஜனநாயகத்தைக் குழிதோண்டிப் புதைத்துள்ள கருணாநிதி, பேரறிஞர் அண்ணாவின் கொள்கைகளை சுட்டிக்காட்டுவது வேடிக்கையாகவும், நகைப்புக்கு உரியதாகவும் உள்ளது.

புரட்சித்தலைவர் எம்.ஜி.ஆரின் மறைவிற்குப் பிறகு, அ.தி.மு.க தலைமை பொறுப்பேற்றதில் இருந்து, கடந்த 21 வருட காலமாக நாட்டு நலன், மக்கள் நலன், கட்சிப் பணி ஆகியவற்றில் முழுக் கவனம் செலுத்தி, ஒரு பற்றற்ற சன்னியாசி போல் நான் வாழ்ந்து வருகிறேன். இவ்வாறு தமிழக மக்களுக்காக உழைத்துக் கொண்டிருக்கும் என்னைப் பற்றி குறை கூற, உல்லாச உலகத்தில் உலா வந்து கொண்டிருக்கும் மைனாரிட்டி தி.மு.க. அரசின் முதலமைச்சர் கருணாநிதிக்கு எந்தத் தகுதியும் அறவே கிடையாது என்பதைத் தெரிவித்துக் கொள்கிறேன்.

கருணாநிதி இதற்கு பதில் சொன்னல்( அல்லது திரும்பவும் கேள்வி கேட்டால் ) இங்கே அப்டேட் செய்கிறேன்...

23 Comments:

M Arunachalam said...

Very matured statement from Jaya.

But Karunanidhi as usual will try to divert attention from the questions & will start asking counter-questions because 1) that is his style and 2) he can't reply honestly.

கலைக்கோவன் said...

அறிக்கை நல்லாவே
எழுதி கொடுத்திருக்காங்க.

Anonymous said...

This shows JJ not even have basic knowledge on any subject. On going Sri Lankan War on Tamils in Not a War on Terrorism, it’s a WAR AGAINST TAMIL NATIONALISUM

1. India can’t be compared with Sri Lanka, Indian constitution at least on documents states all the people in India are equal, irrespective of Language, Religion, Caste etc. On Contrast, Sri Lankan Constitution states Non Shingala, Non Buddist can’t even become Head on Sri Lanka. Only Buddist , Shingala domination is guarantied in the Constitution.

2. From ancient times, Sri Lanka had 3 kingdoms, one for Tamils (Yazh Arrasu), 2 of Shingala (Kandi and Kottai). Later the colonial rulers brought under single governance as they did in India.

3. What is the composition of National Army ?, In India NO ethnic or language group will have representation more than 20% but in contrast 99.9% of Sri Lankan Army is made up of Shingala Buddist only.

4. The War and the recent victories are shown as Victory of Shingala Pride and celebrated across south Sri Lanka.

5. JJ and other Hindu outfits protest if any Hindu Temple is destroyed / damaged in Pakisthan or Bangaladesh, why they Keep mum when Hundreds of Hindu Temples were destroyed by Shingalies. Is their Hindu Blood is kept in freezer? Or they recogise Tamils are Not Hindus??

புலிகள் ஒன்றும் பொழுது போகாமல் சண்டை போடவில்லை. அவர்களின் மறுக்கப்பட்ட உரிமைகளுக்காக ஒட்டுமொத்த ஈழதமிழர்களின் சார்பாக போராடுகிறார்கள்.

ராஜீவ் கொல்லப்பட்டபோது காங்கிரசின் முக்கிய தலைவர்கள் ஏன் அவருடன் இல்லை, கூட்டணிக் கட்சித் தலைவியான ஜெயலலிதா, தமிழ்நாட்டில் ராஜீவ் கலந்துகொள்ளும் ஆகப்பெரிய பொதுக்கூட்டத்தில் ஏன் பங்கெடுக்கபோகவில்லை

கைப்புள்ள said...

முந்தைய பதிவில்
அடித்த அனல்காற்று
அடங்குவதற்குள்
அடுத்த பதிவா
முடியலை....

ஒரு பதிவுக்கும்
இன்னொரு பதிவுக்கும்
இடையே கூலா ஏதாவது
போடுப்பா முடியலை....

Anonymous said...

//மேலும் திராவிட முன்னேற்றக் கழகத்தின் கொள்கைகளை ஜெயலலிதா தெரிந்து கொள்ள வேண்டுமென்றால், கழக சட்ட திட்டப்புத்தகத்தில் விதி 2 மற்றும் விதி 3 ஆகியவற்றை படித்துப் பார்க்கட்டும்.//

இது என்னமோ முதல்வன் படத்துல ரகுவரன் அர்ஜூன்கிட்ட தடுமாறி சொல்ற பதில் மாதிரி இல்ல?

விட்டா இத்தனாவது பக்கத்துல எழுத்துப்பிழையும் இருக்குன்னு சொல்வாரு போல..

அய்யோ.. அய்யோ...

அமுதப்ரியன் said...

விவேக் ஸ்டைலில் படிக்கவும்:
ஏய் நீ என்ன சொல்ல வர?
...
அமுதப்ரியன்.

M Arunachalam said...

//ராஜீவ் கொல்லப்பட்டபோது காங்கிரசின் முக்கிய தலைவர்கள் ஏன் அவருடன் இல்லை, கூட்டணிக் கட்சித் தலைவியான ஜெயலலிதா, தமிழ்நாட்டில் ராஜீவ் கலந்துகொள்ளும் ஆகப்பெரிய பொதுக்கூட்டத்தில் ஏன் பங்கெடுக்கபோகவில்லை//

These anonymous morons seem more to be disappointed that Jaya did not participate in the Sriperumbudur meeting in 1991 along with Rajiv Gandhi and doesn't get killed rather than having any kind of remorse that a foreign terrorist outfit had killed a former PM of India.

It is high time cyber crime police in India start combing the Tamil websites & blogs to identify such terrorist supporters & bring them to justice.

Anonymous said...

To Know JJ's earlier stand on Sri Lankan Tamil's Issue, visit

http://idhuthanunmai.blogspot.com/2009/01/blog-post_960.html

Anonymous said...

Both have no concern for tamils,
tamils of india and tamils of sri lanka.they will use tamils as vote banks and to fulfill their selfish goals.

Anonymous said...

While reading the questions raised by JJ, a doubt naturally arises whether the questions are raised by herself or indirectly raised by the renovated relationship the author o the ENGE BRAHMANAN -
suppamani

Krish said...

எந்த கேள்விக்கும் தெளிவான பதில் சொல்லாம 'எஸ்கேப்' ஆகறதில கலைஞர் கில்லாடிதான்!

சீமான் ...சீமான் ...சீமான் ... said...

அனைத்து
திராவிட தமிழர்களே
பகுத்தறிவு பண்பாளர்களே
சேகுவராவின் ரத்தங்களே
எங்கப்பா
உங்க அன்பு தம்பி
உங்க போராளி
சீமான் அவர்களின்
சீறிய பேச்சை கேட்கமுடியாமல்
தமிழினம் தவித்துக்கொண்டுள்ளது

எங்கப்பா எங்க
தன்மான தலைவரு?

R.Gopi said...

கேள்விகளுக்கு (அதாவது தன்னால் பதில் சொல்ல முடியாத கேள்விகளுக்கு), பதில் அளிக்காமல், பதில் கேள்வி போட்டு தாக்குவது அண்ணன் விரசகவி / மஞ்சள் துண்டு மைனரின் ஸ்டைல் தானே..

இதில் ஆச்சரியப்பட என்ன இருக்கு??

வலைஞன் said...

தமிழகத்தின் தன்னிகரில்லா இரு தலைவ(லி)ர் காள்!
தலையை மொத்தமாக உங்களிடம் கொடுத்து விட்டோம்
ஆளும் கட்சிக்கு வலது காது
எதிர் கட்சிக்கு இடது காது
அப்படி சுத்து! சுத்து! சுத்து !
அப்படி சுத்து மல்லீப்பூவ!

Anonymous said...

muka..
In your 50 yrs of political life, you made your family as one of the top powerful and wealthiest families in Asia.

Pl. leave politics. Take rest, write for murasoli.
Write screenplay and stories(make your ministers and thondars to watch it).

Enna paavam seithom naanga. pl. leave us

ப்ரியா said...

சானியாவை சூனியான்னு சொன்னீங்களே??
நேத்து game பாத்தீங்களா??

வலைஞன் said...

என்ன இட்லி வடையாரே!

புரட்சி தலைவி பதில் கொடுத்து 24 மணிநேரம் ஆகியும் இன்னும் அதை போடாதது ஏனோ?
ஒருவேளை இன்று வாழும் வள்ளுவர் வாய் மொழியையும் சேர்த்து போடலாம் என்ற திட்டமோ?

சீக்கிரம்! சீக்கிரம்!!

பதில்களை பாராமல் தமிழினமே தவிக்கிறது!

Anonymous said...

finaly he dident tel any answer.he also ask question to jayalalitha.because he is a good scriept writer.

IdlyVadai said...

வலைஞன் அப்டேட் செய்திவிட்டேன் ;-)

viswam said...

ஜெயலலிதாவின் கேள்விகள் ஆணித்தரமாக வந்துள்ளன. கலைஞர் வழக்கம் போல் சொதப்புகிறார். இப்போதே கூட வைகோ போன்றவர்கள் தன் அணியில் இருந்தாலும் குழப்பாமல் விடுதலைப்புலிகள் மற்றும் இலங்கை குறித்த தன் நிலையை வெளிப்படையாகக் கூறுகிறார். பழைய கதையை விடுங்கள், இன்றைய தன் நிலையைக் கூட ஆணித்தரமாக கருணாநிதிக்கு சொல்ல முடியவில்லை என்பதே உண்மை. எம்.பிக்கள் ராஜினாமா முதல் ஆட்சியை விடத் தயார் அறிக்கை வரை எத்தனை எத்தனை நிலைகள். ஆஸ்பத்திரியில் சென்று படுத்ததைத் தவிர முடிவில் என்ன தான் செய்தார்?

வலைஞன் said...

//வலைஞன் அப்டேட் செய்திவிட்டேன் ;-) //

அப்படி போடு போடு போடு
அப்படி போடு வெப்சைட்டிலே!

நன்றி நன்றி நன்றி
(நவீன தமிழர் மரபு)

வலைஞன் said...

ஜேஜே: ஒரே கேள்வி ஒரே கேள்வி எந்தன் நெஞ்சிலே!

கேகே : ஒரே பதில்!

ஜேஜே: ஆஹா!

கேகே : ஒரே பதில் ஒரே பதில் எந்தன் நெஞ்சிலே!


தமிழர்கள்:எத்தனை காலம் தான் ஏமாத்துவார் இந்த நாட்டிலே சொந்த நாட்டிலே

Anonymous said...

கருணாநிதி கேட்கிறார்:
அப்போது அந்த கூட்டணி கட்சிகளின் தலைவரும், இந்திய பிரதமருமான ராஜீவ்காந்தியை வரவேற்க அந்த கூட்டணியிலே உள்ள கட்சிகளில் ஒன்றான அ.தி.மு.க. சார்பில் யாருமே சென்னை விமான நிலையத்திற்குப் போகவில்லை என்பது உண்மையா?, பொய்யா?

உண்மை என்றால் "ராஜீவின் படுகொலை'' முன்கூட்டியே அ.தி.மு.க.வினருக்கு தெரிந்திருக்கிறது என்று தானே நினைக்க வேண்டியுள்ளது? இது பற்றிய சந்தேகத்தை சுப்பிரமணியம் சுவாமி அப்போதே எழுப்பியது உண்டா, இல்லையா?


நான் கேட்கிறேன்:
அது போலவே ஏன் காங்கிரஸ்காரன் ஒருவனுமே சாகவில்லை என்று சோனியாவை கேட்டாயா? ராஜீவ் காந்தி படுகொலையின் போது மூப்பனார், வாழப்பாடி, தங்கபாலு, பிரபு, இளங்கோவன் உட்பட எல்லா காங்கிரஸ்காரர்களும் தொலைவில் இருந்து வேடிக்கை பார்த்தது ஏன்? இதனைப் பற்றி சோனியாவிடம் கேட்டாயா?