சிவராஜ் பாட்டீல் ராஜினாமா

மும்பையில் தீவிரவாதிகள் தாக்குதலில் எதிரொலியாக மத்திய உள்துறை அமைச்சர் சிவராஜ் பாட்டீல் ராஜினாமா செய்துள்ளார்.

அடுத்தது மராட்டிய முதல்-மந்திரி விலாஸ் ராவ் தேஷ் முக் - இன்றோ, நாளையோ பதவி விலகுவார் என்று தெரிகிறது.

மும்பை தாக்குதல் தொடர்பாக காங்கிரஸ் காரிய கமிட்டி கூட்டம் அவசரமாக நேற்று இரவு டெல்லியில் கூடி ஆலோசனை நடத்தியது. அப்போது பேசிய சில தலைவர்கள் உள்துறையின் செயல்பாடுகள், சரியாக இல்லை என்று சிவராஜ் பட்டீல் மீது புகார்களை அள்ளி வீசினார்கள். மராட்டிய முதல்-மந்திரி விலாஸ் ராவ் தேஷ் முக்கும் இந்த கூட்டத்தில் கலந்து கொண்டார். அவர் மீதும் சரமாரி புகார் கூறப்பட்டது. ப. சிதம்பரம், கமல்நாத், கபில்சிபல், பரத்வாஜ் ஆகியோர் உள்நாட்டு பாதுகாப்பு குறைபாடு குறித்து கடுமை யாக விமர்சனம் செய்தனர். அப்போது சிவராஜ் பட்டீல் எழுந்து, "மும்பையில் நடந்த சம்பவத்துக்கு நான் பொறுப்பு ஏற்றுக்கொள்கிறேன். இதற்காக நான் பதவி விலக தயாராக இருக்கிறேன்'' என்று தலைகுனிந்தபடி தெரிவித்தார். காரிய கமிட்டி எடுக்கும் எந்த முடிவுக்கும் நான் கட்டுப்படுகிறேன் என்றார். கூட்டம் முடிந்த பிறகு காங்கிரஸ் பொதுச்செயலாளர் ஜனார்த்தன் திவேதியிடம் நிருபர்கள் சிவராஜ் பட்டீல் ராஜினாமா செய்வாரா? என்று கேட்டபோது, "காலம் பதில் சொல்லும்'' என்று மட்டும் தெரிவித்தார். இந்த நிலையில் இன்று அனைத்துக்கட்சி கூட்டம் நடக்கிறது