போட்டுத்தாக்கு

அரசியலில் காமெடி செய்திகளுக்கு என்றுமே பஞ்சம் இல்லை....

ராஜீவ்காந்தி கொலைக்கு விடுதலைப்புலிகள் காரணம் அல்ல, அமெரிக்க உளவுத்துறையினர் தான் காரணம் - திருமாவளவன்


இந்த செய்தியை படித்துவிட்டு விடுதலை புலிகள் தலைவர் பிரபாகரனே வாய்விட்டு சிரித்தார் என்று பேசிக்கொள்கிறார்கள்


எம்.எல்.ஏ.க்கள் கூட்டம் நடப்பதே எனக்கு தெரியாது. எனக்கு அழைப்பு வரவில்லை. தொடர்ந்து என்னை புறக்கணித்து வருகிறார்கள். - எஸ்.வி.சேகர்


முன்னாடி உங்க டிராமா பார்த்து சிரித்தோம் இப்ப உங்களை பார்த்து. கலைஞர் டிவியில் உங்க காமெடி டிராமா எப்ப வரும் ?


என் மகள் திருமணத்திற்கு வரவேண்டும்; என் மகன் படபூஜைக்கு வர வேண்டும்; இன்று போல் என்றும் அன்பு காட்ட வேண்டும் என்று ஜெயலலிதாவுக்கு 3 நிபந்தனை விதித்து தான் அதிமுகவில் சேர்ந்தேன். - எஸ்.வி.சேகர்


மைலாப்பூர் தொகுதிக்கு அவசியமான நிபந்தனைகள் தான் இவை. திருமணத்துக்கும், பூஜைக்கும் வர அம்மா என்ன குருக்களா ?


விஜயகாந்துக்கு தலைவராகும் தகுதியோ, அரசியல் நடத்தும் தகுதியோ கிடையாது. அவரிடம் அரசியல்வாதி அந்தஸ்து, கட்சி நடத்தும் தகுதி எதுவுமே இல்லை. - ராமதாஸ்

ரஜினிகாந்த் அரசியலுக்கு வரக்கூடாது. அரசியல் அவருக்கு கெட்டப் பெயரை ஏற்படுத்தி கொடுத்து விடும் என்று அவருக்கு நன்றாக தெரியும். ரஜினி ஒரு நல்ல நடிகராக இருக்கலாம். ஆனால் அரசியலில் வெற்றி பெற முடியாது. எனவே அவர் அரசியலில் இறங்க கூடாது. - ராமதாஸ்


இந்த மாதிரி பேசுவதற்கு எந்த தகுதியும் வேண்டாம் என்று புரிகிறது



ஒபாமா, பாகிஸ்தான் உள்பட 15-க்கும் மேற்பட்ட நாட்டு தலைவர்களுடன் பேசி விட்டார். ஆனால் இன்னும் அவர் இந்திய பிரதமர் மன்மோகன் சிங்குடன் இன்னும் பேசவில்லை. - செய்தி


எதற்கும் சோனியாவிடம் விசாரித்து பாருங்க, அவரிடம் பேசினாலும் பேசியிருப்பார்.


தேவாரம், திருப்புகழ் என்று கூறி தமிழர்கள் சீரழிந்து கொண்டிருக்கிறார்கள். - கனிமொழி


புலிக்கு பிறந்தது பூனையாகுமா ? கனிமொழி = கலைஞர்மொழி