பாயும் வேகம் ஜெட் லீ தாண்டா
பன்ச் வெச்சா இட்லி தாண்டா
Rated PG - for Pseudo-DK, DMK, Liberals, Marxists....
ஊர்ல சொல்றது சொலவடை
உண்மையைச் சொல்றது இட்லிவடை

Wednesday, October 29, 2008

வலையுலக கிருஷ்ண பரமாத்மா இட்லிவ்டை - எ.அ.பாலா

யாருக்கும் சந்தேகம் வர கூடாது என்று பாலா எழுதிய பதிவு மாதிரி இருக்கு :-). சினிமாவில் டபுள் ஆக்ட் கொடுப்பதில்லையா அதே மாதிரி தான் இதுவும்.


எனக்கு ரத்னா கேப் இட்லிவடையையும் பிடிக்கும், தமிழ் வலையுலக இட்லிவடையையும் பிடிக்கும்:) இன்று (27-10-2008), அதாவது 'தீபாவளி' அன்று, ஐந்தாம் ஆண்டு நிறைவைக் கொண்டாடும் இட்லிவடையாருக்கு முதலில் "பாரா"ட்டுகளும், வாழ்த்துகளும்... இந்த 5 வருடங்களாக, கிருஷ்ண பரமாத்மா மகாபாரதத்தில் அடித்த லூட்டிக்கு இணையான ஒன்றை இவர் தமிழ் வலைப்பதிவுலகில் அடித்து வருகிறார் ;-)

முதலில் ஒன்றைக் குறிப்பிட வேண்டும். வலைப்பதிவு பிரபலங்கள் கூட "என்னை இட்லிவடை என்று நினைக்கிறார்கள்" என்ற விஷயத்தை உள்ளுக்குள் சற்று பெருமையாக உணரும் / அதை வெளிப்படுத்தவும் செய்யும் உளவியலிலும், இ.வ-வின் அயராத உழைப்பிலும், தொழில்நுட்பத் திறமையிலும் தான் அவரது வெற்றியின் ரகசியம் அடங்கியிருக்கிறது :) அவரது வலைப்பதிவின் side bar சமாசாரங்களையும், அடிக்கடி மாறும் கொண்டையையும் (அதாங்க, அவரது கிராபிக் Blog Header!) பார்க்கும்போது, அவர் மென்பொருள் வல்லுனர் என்று சொல்ல முடியும். இ.வ வலைப்பதிவின் பிளாக் கவுண்டர், 12 லட்சத்து 38 ஆயிரச் சொச்ச எண்ணிக்கையை காட்டுகிறது. தமிழில் எழுதப்படும் ஒரு வலைப்பதிவுக்கு, இத்தகைய பரந்த வாசகர் வட்டத்தை இ.வ தக்க வைத்திருப்பது, மிக நிச்சயமாக ஒரு சாதனையே!

இட்லிவடையை நான் வாசிக்க ஆரம்பித்தது, நான் வலைப்பதிவு தொடங்கிய சமயத்திலிருந்து, அதாவது ஜூலை 2004-லிலிருந்து. "பத்ரிக்கு Temporary ரஜினி ரசிகனின் கடிதம்" என்று ஆகஸ்ட் 2004-இல் ஒரு பதிவு போட்டு கொஞ்சம் சர்ச்சையாகியவுடன், அருண் வைத்தியநாதன் வேண்டுகோளுக்கிணங்க அப்பதிவை இ.வ பெருந்தன்மையாக நீக்கி விட்டார். அவர் மேல் சற்று மதிப்பும் வந்தது, தொடர்ந்து இந்த 5 ஆண்டுகளில் (தன் பதிவுகளுக்கு காட்டமான மறுமொழிகள் வந்தாலும்) அமைதியாகவும், நகைச்சுவையாகவும் பதிலளித்து வருகிறார்.

இ.வ வுக்கு இயல்பாக நகைச்சுவை (பாடிகாட் முனீஸ்வரன் கடிதங்கள்!) கை கூடி வருவதும், அவருக்கு வெட்டி வேலை (cut & paste) பிடித்திருப்பதும், நல்ல கட்&பேஸ்ட் சமாசாரங்களை அவர் கவனத்திற்கு எடுத்து வர பல "செகரட்டரிகள்" அவருக்கு இருப்பதும், எதிலும் ரொம்ப தீவிரம் இல்லாமல் இயல்பாக இருப்பதும் இட்லிவடையின் நீண்ட வலையுலக இன்னிங்க்ஸுக்கு சில காரணங்கள் என்று நினைக்கிறேன்!

ஆரம்ப காலத்தில், நான் என் பதிவுகளில் (ஆச்சரியக்குறி) "!" அதிகம் பயன்படுத்தியதை வைத்து என்னை பயங்கரமாக ஓட்டியிருக்கிறார், அதன் விளைவாக நானும் "!"ஐ சற்று குறைவாகவே பயன்படுத்தி வருகிறேன் :) ஜெயேந்திரர் கைதின்போது நான் எழுதிய பதிவுக்கு தனது முதல் பின்னூட்டத்தை இட்டு, எனது இப்பதிவின் கருத்துகளுடன் தனக்கு உடன்பாடு இல்லை என்றும், தனது கருத்துகளை டாப் 10 - ஜெ ஜெ சில குறிப்புகள் என்ற இடுகையில் கூறியிருப்பதாகவும் எழுதியிருந்தார். இ.வ வின் அந்தப் பதிவில் "கிருமி கண்ட சோழன்" "ரங்கராஜன் நம்பி"க்கு செய்த அநியாயத்திற்கு ஒருவர் பொங்கியெழுவதற்கு இணையான ஒரு கோபம் தெரிந்தது ! That was our first & only direct encounter :)

இட்லி வடையார் வலதுசாரி ஆதரவாளர் என்று சொல்வதில் பெரிய ஆச்சரியம் எதுவும் இல்லை. தமிழ் வலையில் எழுதுபவர்களில் 80% பேர் வலதுசாரி சிந்தனை உடையவர்கள் தான், எல்லாரும் ஒத்துக் கொள்வதில்லை, அதான் மேட்டர்!!! எதிர்கருத்து உடையவர்களை ராவுவதற்கும், சில சமயங்களில் 'கில்மாஸ்' ஃபோட்டோ போடுவதற்கும் அனானிமஸாக இருப்பது இ.வ வுக்கு உதவியாக இருக்கிறது. அதோடு, இ.வ வின் resourcefulness என்னை மிகவும் கவர்ந்த விஷயம்! அதற்கு உதாரணம், ஒரு "மாபெரும்" வலைப்பதிவு சந்திப்பு சென்னையில் நடந்தபோது, அங்கு எடுத்த புகைப்படங்களை சந்திப்பு நடந்து கொண்டிருக்கும்போதே இட்லிவடை வலையேற்றியதைச் சொல்லலாம் :) அவருக்கு எப்படி இவ்வளவு (தினம் update செய்வதற்கு) நேரமும், உந்துதலும் கிடைக்கிறது என்பது புதிராகவே உள்ளது. இட்லிவடை, நிறைய சொத்து இருக்கிற, வேலைக்குப் போகத் தேவையில்லாத ஆளாக இருக்கலாம் எனபது என் அனுமானம் ;-)

2005-ஆம் ஆண்டு இறுதியில் இட்லிவடை எழுதிய 2005 டாப் டென் (- 2) வலைப்பதிவுகள் என்ற இடுகை satire வகை நகைச்சுவைக்கு ultimate எடுத்துக்காட்டு என்று கூறுவதில் எனக்கு தயக்கம் இல்லை. தமிழ்வலையின் Alltime டாப்-5 நகைச்சுவைப் பதிவுகளில் அப்பதிவுக்கு என்றுமே இடமுண்டு, குறிப்பிட்ட பதிவில் அவர் என்னை கலாய்த்திருந்தாலும் கூட :) அப்போது அவ்விடுகையை வாசிக்காதவர்கள் இப்போது வாசித்து விட பரிந்துரை செய்கிறேன்!

எனது வலைப்பதிவின் 301-வது இடுகையை, என்னைப் பற்றிய ஒருவிமர்சனப் பதிவாக இட்லிவடை எழுதித் தந்தார்! மிக நேர்மையான விமர்சனம் அது. இறுதியாக, இட்லிவடை மேல் எல்லாருக்கும் +/- விமர்சனம் இருக்கும், அதே சமயம் No one can ignore him/her and therein lies இட்லிவடை's popularity and success !!!!!!!!!!!!!!!!!!!!!!!!!!!!!!

என்றென்றும் அன்புடன்
பாலா
!!!

10 Comments:

இலவசக்கொத்தனார் said...

போன பதிவை சரியா முடிக்காததுனால தொடர்ந்து எழுதிய பீலிங்! :)

rajkumar said...

அரசியல்வாதிகளை காட்டிலும் ரொம்ப அலப்பறயா இருக்கு. அஞ்சு வருசம் வலைபதிவுகளில் குப்பை கொட்டினதுக்கு வாழ்த்துகள்.

ஆனா ஆளாளுக்கு எழுதுறதெல்லாம் ரொம்ப ஓவர்

Blogeswari said...

வாழ்த்துக்கள் இட்லிவடை ! ஹெட்டரில் ஃபைவ் ஸ்டாருக்கு பதில் பஞ்சாமிர்தம் போடலாமே?

Anonymous said...

Bala is Ki a a ?????

Badri said...

// "பத்ரிக்கு Temporary ரஜினி ரசிகனின் கடிதம்" என்று ஆகஸ்ட் 2004-இல் ஒரு பதிவு போட்டு கொஞ்சம் சர்ச்சையாகியவுடன், அருண் வைத்தியநாதன் வேண்டுகோளுக்கிணங்க அப்பதிவை இ.வ பெருந்தன்மையாக நீக்கி விட்டார்.//

இந்த விஷயம் எனக்கு மறந்துபோய்விட்டது. (வயசானது ஒரு காரணம்.) இட்லிவடை அதை மீள்பதிவு செய்யமுடியுமா? நன்றி. இது நான் “வேலையத்த ஜப்பானியர்கள்” என்ற பதிவுக்கான எதிர்வினையா?

IdlyVadai said...

பத்ரி - எந்த பதிவுக்கு அதை எழுதினேன் என்று கூட மறந்துவிட்டது. அதை மீள் பதிவா சரி சரி நான் நிம்மதியா இருப்பது உங்களுக்கு பிடிக்கவில்லையா ?

enRenRum-anbudan.BALA said...

//போன பதிவை சரியா முடிக்காததுனால தொடர்ந்து எழுதிய பீலிங்! :)
//
அடி மேல் அடி அடிச்சா அம்மியும் நகரும் என்று பார்க்கிறீர்கள் போலத் தெரிகிறது ;-)

enRenRum-anbudan.BALA said...

//
Bala is Ki a a ?????
//
I too have the same doubt ;-)

enRenRum-anbudan.BALA said...

//இது நான் “வேலையத்த ஜப்பானியர்கள்” என்ற பதிவுக்கான எதிர்வினையா?
//
Your memory is still good !

கட்டபொம்மன் said...

அப்படியே நம்ம பக்கமும் வந்துட்டு போங்க


கட்டபொம்மன்
http://kattapomman.blogspot.com