பாயும் வேகம் ஜெட் லீ தாண்டா
பன்ச் வெச்சா இட்லி தாண்டா
Rated PG - for Pseudo-DK, DMK, Liberals, Marxists....
ஊர்ல சொல்றது சொலவடை
உண்மையைச் சொல்றது இட்லிவடை

Wednesday, October 29, 2008

இட்லிவடை பற்றி கி.அ.அ.அனானி

கே.கே.எஸ்.எஸ்.ஆர் மாதிரி தன் பேருக்கு முன்னாடி நிறைய எழுத்தை கொண்டவர் இவர். இவர் தான் எ.அ.பாலாவா அல்லது எ.அ.பாலா தான் இவரா என்று எனக்கு அடிக்கடி சந்தேகம் வருவதுண்டு.

பாலா பதிவில் அடிக்கடி வந்து சிக்ஸ்ர் அடித்துவிட்டு போகும் இவர் இட்லிவடையை பற்றி...

ஒரு அனானி பற்றி இன்னொரு அனானி - இட்லிவடை பற்றி கி.அ.அ.அனானி

2005 கடைசியோ அல்லது 2006 ஆ ஞாபகமில்லை? சென்னையில் ஒரு பதிவர் கூட்டம் நடந்து கொண்டிருக்கும் போதே அது பற்றி புகைப்படங்களுடன் செய்தி வெளியிட்டு விட்டார் என தமிழ் வலையுலகில் அங்கங்கே சரம் வெடித்துக் கொண்டிருந்த போது தான் பரபரப்பாக அப்படி செய்தது யார் என்று தேடுகையில் கவனித்தது " இட்லி வடை " என்ற வலைப்பதிவு.

அன்றிலிருந்து கிட்டத்தட்ட தொடர்ந்து " இட்லி வடை " பதிவை வாசித்துக் கொண்டிருக்கிறேன். நிறைய (முக்கால்வாசி) "கட்&பேஸ்ட்" செய்திகளாக இருந்தாலும் "இட்லி வடை" தனக்கென சில பாணிகளை வைத்திருப்பது "இட்லிவடை ஸ்பெஷாலிடி"

அவற்றில் சில கீழே:

அரசியலுக்கு வருவாரா, மாட்டாரா என ஆளாளுக்கு ஜோசியம் சொல்லிக் கொண்டிருக்க,வந்தால் நல்லா இருக்குமே என்று ஆசையுடன் சிலரும், அய்யய்யோ வந்துரப் போறாரே என பீதியுடன் சிலரும் கவனித்துக் கொண்டிருக்க "வந்தா தடுக்க முடியாது,வராட்டி இழுக்க முடியாது" என்பது போன்ற டயலாக்குகள் சொல்லி "நழுவு மீனாகவே" இருக்கும் ரஜினிகாந்த் போல , அனைத்து தமிழ் வலையுலக மக்களையும் "அவரா இருக்குமோ? இவரா இருக்குமோ, தனி ஆளா இல்லை நிறைய பேர் சேர்ந்த குழுவா" என்று கெஸ்ஸிலேயே வைத்திருந்து அதை 5 வருடங்களாக மெயின்டெயின் பண்ணுவதும் அப்படி இருந்தும் கூட தன்னடக்கத்துடன் ?!!! ////ஒளிந்து கொண்டு எழுதுவதில் ஒரு சிறு சந்தோஷம் அவ்வளவுதான்.

இவ்வாறு எழுதுவதில் எனக்கு மிகவும் தெரிந்தவரை கிண்டல் செய்யமுடிகிறது, ஏன் என்னை நானே கிண்டல் செய்துக் கொள்கிறேன். இது ரொம்ப நாள் நீடிக்காது. மனிதர்கள் தப்பு செய்வார்கள். பல நாள் திருடன் ஒரு நாள் அகப்பட்டு கொள்வான். It is only a matter of time !. காத்திருங்கள்//// என்று கூறுவது " வலையுலக சூப்பர் ஸ்டார்" இட்லி வடை ஸ்பெஷாலிடி.

தமிழ் நாட்டில் நகர்ப் புறங்களில் 2 மணி நேரம் மற்றும் கிராமப்புறங்களில் 5 மணி நேரத்துக்கும் மேலாக என்று ஆரம்பித்து போகப் போக கூடிக் கொண்டே போய் தமிழ் நாட்டையே இருளில் மூழ்கடித்தும் கொண்டிருந்த/இருக்கும்,சிறு மற்றும் நடுத்தர மக்களின் வாழ்வாதாரத்தைக் குலைத்துக் கொண்டிருக்கும் மின்வெட்டைப் பற்றி மக்களுக்கு அறிக்கை அல்லது செய்தி மூலமாக நிலமை என்ன என்று உண்மையை உடனுக்குடன் தெரிவிக்காமல் மின் வெட்டு இல்லை , இல்லை என பொய் சொல்லி சாதித்து , பின் அறிவிக்கப்பட்ட / படாத என்று சொதப்பி காலங்கடத்திக் கொண்டிருந்து விட்டு, ரொம்ப நாள் கழித்து , 3 வயசு குழந்தை கூட நம்ம ஏரியாவுல 3 டு 5 கரண்ட் இருக்காது என மழலையில் "அப் டு டேட்" நியூஸ் சொல்லும் நிலை வந்த பின்னால் சாவகாசமாக "ஆமாம் தமிழகத்தில் மின் பற்றாக்குறை " என்று தலையைச் சொறியும் " அவுட் ஆஃப் டேட் " அமைச்சர் ஆற்காடு வீராசாமி மாதிரியில்லாமல் நல்லதோ கெட்டதோ செய்திகளை உடனுக்குடன் சூடு குறையாமல் தருவது "இட்லி வடை ஸ்பெஷாலிடி" 3

முதலமைச்சர் கருணாநிதி வருடம் தவறாமல் "குல்லா போட்டு " ரம்சான் நோம்புக்கஞ்சி குடித்தும் ,டிசம்பர் 25 அன்றும் ஒசாமா பின் லாடனும்,ஜார்ஜ் புஷ்ஷும் முறையே ஆப்கான் பதுங்கு குழியிலும் அமெரிக்க வெள்ளை மாளிகையிலும் இருந்தாலும் அவர்கள் முதற்கொண்டு அனைத்து உலக முஸ்லிம் மற்றும் கிருத்துவர்களுக்கு ரம்சான் மற்றும் கிருஸ்துமஸுக்கு மறக்காமல் வாழ்த்துச்சொல்லி அனைத்து இந்துப் பண்டிகையும் மறக்காமல் மறந்து ஓரவஞ்சனை செய்யும் ஓட்டு அரசியல் போலல்லாமல் , தமது பதிவுகளுக்கு எதிர்த்தோ ஆதரித்தோ வரும் அனைத்து பின்னூட்டங்களையும் வெளியிடுவது "இட்லி வடை ஸ்பெஷாலிடி"

15 வருடங்களுக்கும் மேலாக எந்த ஒரு பெளலருக்கும் ஆசை, இந்த ஆளை அவுட் ஆக்கி விட வேண்டுமென்று. அதே போல எந்த ஒரு பேட்ஸ் மேனுக்கும் ஆசை இவரது ரெக்கார்டை முறியடிக்காவிட்டாலும் குறைந்த பட்சமாக இவரைப் போலவாவது பேட்டிங் செய்ய மாட்டோமா என்று. இவரது சாதனைகளை கணக்கெடுத்துப் பார்த்து எங்காவது ஓட்டை இருக்கிறதா, ஏதாவது குறை சொல்ல முடியுமா என தேடித் தேடி கடைசியில் "இவர் க்ரேட்தான் " என எதிரணியினர் கூட ஒத்துக்கொள்ளும் "மாஸ்டர் ஃப்ளாஸ்டர்" போல, எதிரணியினரே வலையுலக வாக்குப் பதிவு நடத்தி, அதில் "மாட்ச் பிக்ஸிங்" மாதிரி "சாய்ஸ்"களையும் வைத்தாலும் 272பேர் கலந்து கொள்ள அதிலும் 61 சதவிகதம் பேர் (167 பேர்) ஆதரவுடன் , எதிரணியினரே கூட இவர் சிறந்த வலைப் பதிவர்தான் என அரை குறை மனசுடன் ஒத்துக்கொள்ளும் படி 5 வருடங்களாக அடித்து ஆடி அசர வைப்பது வலையுலக சச்சின் டெண்டுல்கர் "இட்லிவடை ஸ்பெஷாலிடி"

சின்னத்திரை என்று சொல்லப்படுகின்ற தமிழ் டிவி சானல்கள் ஸ்டீரியோ டைப் மெகா சீரியல்களிலும் ,பிட் சினிமா நிகழ்சிகள் மற்றும் சினிமா காமெடி கருமங்களில் பார்வையாளர்களை இம்சை செய்து கொண்டிருந்த போது "கலக்கப் போவது யாரு?,ஜோடி ந 1 போல New concept, ரியாலிடி மற்றும் என்டெர்டெய்ன்மென்ட்களை புகுத்தி வித்தியாசமான நிகழ்சிகளை வழங்க கொஞ்சமேனும் முயன்ற விஜய் டிவி போல வலையிலும் "மை டியர் பாடி கார்ட் முனீஸ்வரனே" போன்ற பதிவுகளை தந்தது ( சன் மற்றும் கலைஞர் டி வி இந்த நிகழ்ச்சிகளை தங்களது சானலில் ஈ அடிச்சான் காப்பி அடித்தது போல் வலையிலும் பலர் இந்தப் பதிவுகளை காப்பி அடித்தனர் என்பதே இது எவ்வளவு பாப்புலர் பதிவு என தெரிந்து கொள்ளலாம்), செய்தி பதிவாக இருந்தாலும் கீழே மஞ்சள் பெயின்ட் அடித்த அவருக்கே உரித்தான "பன்ச் கமெண்ட்" போன்றவை சந்தேகமே இல்லாமல் "இட்லி வடை ஸ்பெஷாலிடி"
இப்படி இன்னும் சொல்லிக் கொண்டே போகலாம் .இவ்வளவு ஸ்பெஷாலிட்டி நிறைந்த "இட்லி வடை" பற்றி ஆனந்த விகடன் "ஒரு இணையம் அளவுக்கு நிறைவான வலைப்பூ!" என்று பாராட்டியதில் ஆச்சரியமே இல்லை .

Congratulations...IDLI VADAI for completing 5 exciting years in Tamil Blogdom & still Going Strong.

கி அ அ அனானி.
உங்களுக்கு ஒரு கேள்வி - ஏன் கடைசியில் "என்றென்றும் அன்புடன் கி.அ.அ.அனானி" என்று போடவில்லை :-)

5 Comments:

இலவசக்கொத்தனார் said...

அந்த வாக்கெடுப்பு மேட்டர் இது வரை யாரும் சொல்லவே இல்லை பாருங்க. கி அ அ அ அண்ணாச்சி எங்கயோ போயிட்டாரு!! ஜூப்பரு! :)

Anonymous said...

Nice one.

Best wishes to you Idlyvadai.

Anonymous said...

பதிவைப் போட்டதுக்கு இட்லி வடைக்கும், பின்னூட்டம் போட்டதுக்கு இலவசக்கொத்தனாருக்கும் நன்றி.(தனித்தனியா சொல்லவேண்டிய அவசியமில்லையோ ?):)

கி அ அ அனானி

Anonymous said...

///உங்களுக்கு ஒரு கேள்வி - ஏன் கடைசியில் "என்றென்றும் அன்புடன் கி.அ.அ.அனானி" என்று போடவில்லை :-)///

ஏன்னா நான் அவரில்லை :)

கி அ அ அனானி

Anonymous said...

//இவர் தான் எ.அ.பாலாவா
அல்லது
எ.அ.பாலா தான் இவரா///

ஒரே விஷயத்தை வேற வேற மாதிரி யோசிச்சா வேற வேற விஷயமாயிடுமா?

இட்லி வடை, மேலே நீங்க கேட்டுருக்குற ரெண்டு கேள்விக்கும் என்ன வித்தியாசம்?:)