"ச முத்திரத்தில் நெடில் மிகுந்து" - கவிதை கருணாநிதி

நேற்று ஜன சத்தி நாளிதழில் சமுத்திரம் எழுதிய கட்டுரைக்கு( நான் அதை தேடிக்கொண்டிருக்கிறேன்), (வழக்கம் போல்) கலைஞர் கவிதை...


கருப்பாயி; கருப்பாயி; நீ சிவப்பாகிக்

கட்டுரை யொன்று தீட்டியதைக் கண்டேன் ஜன சக்தியிலே

கவிதை நான் எழுதுவதைக் கிண்டல் கேலி செய்துள்ளாய்-

"காலுக்கு செருப்புமில்லை; கால் வயிற்றுக் கூழுமில்லை

வீணுக்குழைத்தோமடா எந்தன் தோழா'' என்று அண்ணன் ஜீவா

எழுதியதும் கவிதை தானே!

"சொத்துரிமை இல்லாத மக்கள்

சொறி நாய்போல் எரி நெருப்பின்

பெரு நாக்கில் சிக்கிவிட்ட சீரழிவை

ஒரு நாக்கால் சொல்வதற்கா முடியுமய்யா?''

இப்படி நான் எழுதியது மட்டும் கவிதையல்ல; கத்தும் "கழுதை'' என்று!

செப்பிடுவீர்; இந்த ஜெகம் சிரிக்கட்டும் உமைப்பார்த்து

கனிமொழி என் கண்மணி நான் பெற்றெடுத்த பொன்மணி-

கம்யூனிஸ்ட் விழாக்களில் எல்லாம் அவர் கலந்து கொள்ள வேண்டுமென்று

கனிவுடனே அழைத்துச் சென்றீர்-இன்று அவர்

கழக நாடாளுமன்ற உறுப்பினர்-களைப்பின்றி அலுப்பின்றி

கடமை ஆற்றுகின்றார் சமூக சேவையில்-

கலை, இலக்கியம், கல்வித்துறைகளிலே

கடுமையாய் உழைக்கின்றார் மகளிர் சிறந்திடவே

கம்யூனிஸ்டு ஏடு ஜனசக்திக்கு அதேன் கசக்கிறதோ?

கனிமொழி காத்திருப்பது மந்திரி பதவிக்காக என்று

கம்யூனிஸ்ட் ஜனசக்தியில் கருப்பாயி கட்டுரை தீட்டுகிறார்-

அண்டை நாடு ஈழத்தில் இனச் சண்டை இன்னும்

அடங்காத காரணத்தால் - இங்குள்ள கட்சிகளிடை

அரசியல் மோதல் வேண்டாமென்று

அடக்கமாக இருப்போம் என்றால்

அம்மாவின் அடியொற்றி

ஆரம்பம் செய்கின்றார் அமளிக்கென்றால்;

பூகம்பம் ஒன்றும் வந்துவிடாது;-நாம்

பொறுமையாகத் தொடர்ந்து இருப்பதாலே;

ஆனாலும் அமைச்சர் பதவி குறித்து

அவதூறு கூறுவோர்க்கு அவர் வாய் மூட

அவர்கள் வரலாறே சான்று கூற வந்து நிற்குமய்யா!

குமாரமங்கலம் ஜமீன்தார் சுப்பராயன்

அமைச்சராக இருந்ததும்-பின்னர்

அவர் மகன் மோகன் குமாரமங்கலம்

அமைச்சராகப் பதவி பெற்றதும்-பிறகு

அவர் மகன் ரெங்கராஜன் குமாரமங்கலம்

அமைச்சராகப் பொறுப்பு வகித்ததும் அவரவர் திறமையினாலா?

அல்லால்; அவர் குடும்பப் பெருமையினாலா?

"ஜனசக்தியில் சமுத்திரம் கட்டுரை;''

"ச முத்திரத்தில் நெடில் மிகுந்து"

"நெடியேறும் விதமாக;'' எமைத் தாக்கி

வந்தது தான் அவலம், அவலம்!

(சேது) சமுத்திரம் என்றாலே கலைஞர் டென்ஷன் ஆகிவிடுவார் போல...