பாயும் வேகம் ஜெட் லீ தாண்டா
பன்ச் வெச்சா இட்லி தாண்டா
Rated PG - for Pseudo-DK, DMK, Liberals, Marxists....
ஊர்ல சொல்றது சொலவடை
உண்மையைச் சொல்றது இட்லிவடை

Friday, October 31, 2008

மைடியர் பாடிகாட் முனீஸ்வரனே! - 31-10-08

நீண்ட நாட்களுக்கு பிறகு முனிக்கு எழுதும் கடிதம்

மைடியர் முனி,

தீபாவளி எல்லாம் ஆச்சா ? உங்களுக்கு அடித்த தந்தி வந்ததா ? இல்லை நீங்களும் தந்தி அடிக்க போயிட்டீங்களா ?

இங்கே தமிழ் நாட்டில் தந்தி இலாகா மேலே கருணாநிதி, ஜெயலலிதா, காங்கிரஸ் கட்சி எல்லாருக்கும் சமீபத்தில் ரொம்பவே பாசம் வந்துவிட்டது எல்லாவற்றிற்கும் தந்தி அடிக்கச் சொல்றாங்க. தந்தி பாரம் (Form) தட்டுப்பாடு வந்து விடுமோ என பயமாக இருக்கு

தட்டுப்பாடு என்றவுடன் இந்தப் பொருளாதார சிக்கல் ஞாபகம் வருகிறது. அது கொஞ்சம் கொஞ்சமாக விஸ்வரூபம் எடுத்து தினசரி பேப்பரில் ப்யம் காட்டுகிறமாதிரி செய்திகள் வருதே. நீங்க பேப்பர் படிப்பீங்கதானே. ஒருவேளை நீங்க பாரதி ராஜா மாதிரியோ

நம்ம நிருபர்கள் சும்மா இல்லாமல் பாரதிராஜாவிடம் "உங்களை கைது செய்ய வேண்டும் என ஜெயலலிதா கூறியுள்ளாரே?" என்று கேட்டதற்கு ரொம்ப டென்ஷனாகி ""நான் பேப்பர் படிப்பது கிடையாது. எனவே, உங்களுக்கு தெரிந்தது, எனக்கு தெரியவில்லை" என்று பதில் சொல்லியிருக்கார்.

பேப்பர் படிப்பதில்லை ஆனால் பத்திரிக்கை படிக்கிறார் பாரதிராஜா - குமுததில் கேள்வி பதில், ஜூவியில் பேட்டி இப்படி கலக்குகிறார். சமீபத்தில் தமிழ் திரையுலகம் ஈழத் தமிழர்களுக்காக பேரணி எல்லாம் நடத்தி சூப்பராக பேசினார்கள். பாரதிராஜா ஈழத் தமிழர்கள் தான் தமிழ் திரையுலகையே வாழ வைப்பதாக பத்திரிக்கை பேட்டியில் கூறியுள்ளார். படம் ரிலீசான அடுத்த நாளே இணையத்தில் பரப்புவதை சொன்னாரோ என்னவோ.

பேப்பர் படிக்காத பாரதி ராஜா பேப்பரில் ஏன் காய்ச்சி காய்ச்சி எழுதறீங்கனு கேட்டு தினமலர் ஆபிசுக்குக்கு நேரிலே போய் மனு கொடுத்தார் பேசாம தந்தி அடிச்சிருக்கலாம் பாருங்க முனி இந்த "காய்ச்சி" அப்படினு சொல்றப்பவே சாராயம் நியாபகத்துக்கு வருது

முனிக்கு சாராயம் தான் படைப்பார்கள் என்று கேள்விப்பட்டேன். படையல் எல்லாம் தீபாவளிக்கு எப்படி இருந்தது ? விஷயம் தெரியுமா ? கடந்த ஆண்டு தீபாவளிக்கு தமிழகம் முழுவ தும் ரூ.60 கோடிக்கு பிராந்தி, விஸ்கி பாட் டில்கள் காலியாகின. சென்னையில் மட்டும் ரூ.4 கோடி சரக்குகள் விற்று தீர்ந்தன. இந்த ஆண்டு இரண்டு நாள் விடுமுறை என்பதால் மொத்தம் 200 கோடிக்கு 'டாஸ்மாக்'க்கில் விற்பனை நடந்திருக்கிறது ஆக 'நல்ல நாள்' என்றால் 'பட்டை' அடித்துவிட்டு கொண்டாடுகிறார்கள் தமிழர்கள். ராமதாஸ் என்னடா என்றால் மது ஒழிப்பு என்று கூவிக்கிட்டு இருக்கார்.

காமராஜ் ஆட்சி உண்டாவதற்கு தமிழக காங்கிரஸ் நல்லதொரு ஷார்ட்கட் கண்டுபிடிச்சிருக்கு

"திமுக ஆட்சியே காமராஜ் ஆட்சி தான்" - இதான் அந்த சூட்சுமம் கண்டுபிடிப்பு: கே.வி.தங்கபாலு ஆனால் அதற்கு பதிலாக ஈ.வி.கே.எஸ் இளங்கோவன். "திமுக ஆட்சி காமராஜ் ஆட்சி என்றால் கலைஞரே கூட ஒப்புக் கொள்ள மாட்டார்" என்கிறார்.

ஒருவேளை தான் நடத்துவது அண்ணாவின் ஆட்சிதான் வேறெதுவும் இல்லை என்று கலைஞர் சொல்லிட்டால் இருக்கவே இருக்கிறது கலைஞரை நேரில் சந்தித்து மன்னிப்பு வருத்தம் எல்லாம் சொல்லும் டெக்னிக். இளங்கோவனுக்குத் தெரியாதா

அப்புறம் கலைஞர் தான் காம்ராஜ் என சொல்லிடுவார் தங்கபாலு. அதுக்கு கலைஞர் மறுப்பு சொல்ல முடியாதே

அது கிடக்கட்டும் தீபாவளி அன்று டிவி நிகழ்ச்சி எல்லாம் பார்த்தாயா ?
நடிகர் விவேக் அப்துல் கலாமை பேட்டி கண்டார் அதை பார்த்தா யா ? சுவாரசியமான கேள்விகளுக்கு தகுந்த பதில் சொன்னார் கலாம். உதாரணத்துக்கு அவர் திருஷ்டி கழிய பூசணிக்காயை உடைப்பது பற்றி அவர் சொன்ன பதில். நடுநடுவே விவேக்கின் காமெடியை போட்டு எரிச்சலை கிளப்பியது. இந்த நிகழ்ச்சிக்கு திருஷ்டி பூசணிக்காய் உடைக்கவில்லை போலும்.

இத்தனை பெரிய பெர்சானாலிட்டியான கலாமிடம் ரொம்பவே அமெச்சூரா மெச்சூரிட்டி இல்லாத மாதிரியே விவேக் பேட்டி கண்டதை நீங்க மன்னிச்சுடுவீங்கதானே

உயிர்மையில் உயிர்மை புத்தகத்தின் விமர்சனம் வரும், வார்த்தையில் எனி இந்தியன் புத்தகத்தின் விமர்சனம் வரும், அதே போல கிழக்கு பதிபகத்தின் விமர்சனம் பிரசன்னாவின் வலைப்பதிவில் வருகிறது. அதுல பத்ரி மொழிபெயர்த்த புத்தகத்தின் விமர்சனத்தில் இப்படி எழுதியிருக்கிறார்


"ஒரு பிரெஞ்சு நாவலை நான் படிக்கிறேன் என்றால் என் நினைவிலி கட்டமைப்பில் என் மனம் பிரெஞ்சு நாவலை நான் படிக்கிறேன் என்று ஆழமாகப் பதிந்துகொண்டிருக்கும். அப்படிப்பட்ட நாவலில் திடீரென 'ங்கோத்தா' என்றும் 'மசுராண்டி' என்றும் வரும்போது, அந்த நினைவிலி கட்டமைப்பில் இருந்து நான் பிடுங்கப்பட்டு சென்னையில், அதுவும் 250 வருடங்கள் தூக்கி எறியப்பட்டு நிகழ்காலத்தில் நடப்படுகிறேன்"


ஆனாலும் பத்ரி பிலியண்டா மொழி'பெயர்த்துள்ளார்' என்று சொல்லிகிறார்.

ஒரு பாதயாத்திரை எழுத்தாளரும் மொட்டைமாடி எழுத்தாளரும் பேசுவைத்துக்கொண்டு எழுதுகிறார்கள் என்று சொல்லுகிறார்கள். அப்படியா ? இருவரும் கூகிள் சாட்டில் ஒரே நேரம் லாகின் ஆகிறார்கள். அப்படியே ஒரே நேரம் லாகௌட் ஆகிறார்கள். இருவரும் ஒருவரை ஒருவர் சும்மா திட்டிக் கொள்வதாகவும் அவர்கள் நல்ல சிநேகிதத்தில் இருப்பதாகவும் தெரிகிறது. நம்மளை வைத்து இவர்கள் காமெடி கீமடி பண்ணலியே ?

காமெடி என்று சொன்னவுடன் தான் நினைவுக்கு வருது - இன்று எஸ்.வி.சேகர் முதல்-அமைச்சர் கருணாநிதியை நேரில் சந்தித்து இலங்கை தமிழர்களுக்காக ரூ.25 ஆயிரம் நிவாரண நிதி கொடுத்திருக்கிறார். என்ன தில்லு இவருக்கு ? நேற்று அம்மா குருபூஜைக்கு போனார். இவருக்கு என்னிக்கு பூஜையோ ? ஒரு சினிமா விழாவுல ”எல்லாரும் அம்மா அம்மாங்கறாங்க நீ என்ன அய்யாங்கறேனு” பேசினார். இப்ப அவரும் அம்மாவை அய்யோனு விட்டுட்டு அய்யாகிட்டே வந்துட்டாரானு தெரியல

இந்த சிரஞ்சீவி படா உஷார் பார்ட்டி முனி. பிரஜா ராஜ்ஜியத்துக்குள் நுழையும் எந்த அரசியல்வாதியையும் நம்ப முடியாதுனு அதனால நீங்க எல்லாம் உளவு பார்த்து சொல்லுங்க என்று தன்னுடைய Tech Fansசிடம் பேசிருக்காரு. அதுவுமில்லாமா மத்த கட்சிக்காரங்க என்ன செய்யறாங்கனு உளவு பார்க்கவும் சொல்லிருக்காரு. ஆனா நீங்க யாரும் எனக்கு நம்பிக்கை தூரகம் செய்யக்கூடாது என்று சொல்லியிருக்கார். இதுல என்ன கூத்துனா இவர் பேசியதையே ஒருவர் உளவு பார்த்து youtubeல் போட்டுவிட்டார்.


நார்மலா முனிதான் அடிக்கும் முனியை யாரும் அடிச்சிராம இருக்கனும் அதனால ஜாக்கிரதையா இரு சொல்லிபுட்டேன்.
(நேற்று டிராபிக் சிக்னலில் ரொம்ப நேரம் நின்னப்ப விசயகாந்த பேனரை பார்த்துக்கிட்டே இருந்தேன் அதான் இப்ப பஞ்ச் டயலாக் வருது)

என்றும் அன்புடன்,
இட்லிவடை

6 Comments:

மடல்காரன் said...

ரொம்ப நாளைக்கு பிறகு முனிக்கு கடிதம் எழுதறீங்க தீபாவளி ரிலீஸ் பார்த்தீங்களான்னு ஒரு கேள்வியும் கேக்கலையே ஏன்? இருந்தும் முனிக்கு மடல் எழுதியமைக்கு நன்றி. மாதம் ஒரு மடலாவது எழுதுங்க இல்லைன்னா முனி இட்லி வடையை மறந்துட போறாரு. முனி எப்போ பதில் போடப்போறாரோ அல்லது தந்தி அடிக்க போறாரோ? பொறுத்திருந்து பார்ப்போம்.
அன்புடன், கி.பாலு

lok said...

நடுவில் விவேக் காமடி போட்டாங்களே அது தான் திருஷ்டி

பாடி கார்ட் said...

எனக்கு என்ன கிறுக்கா பிடிச்சிருக்கு தந்தி அடிக்க

Sundar said...

IV is back!!

gopinath said...

Pray to your Muni
How do we educate our people to reduce the amount that they spend on temples and other procedures there to the minimum, and spend the money in education.

Anonymous said...

Muni Rocks again