எலி கறி உடல் நலத்துக்கு நல்லது - அமைச்சர்

தலைப்பை பார்த்துவிட்டு பயப்பட வேண்டாம், இது தமிழ்நாட்டில் இல்லை, பிகாரில்.

அரிசி உணவுக்கு பதில் எலிகறி சாப்பிடுங்கள்; பொதுமக்களுக்கு பீகார் அரசு வேண்டுகோள் விடுத்துள்ளது.

ஏழை மாநிலமான பீகார் மாநிலத்தில் கடந்த சில மாதங்களாக கடும் உணவுப் பொருள் தட்டுப்பாடு ஏற் பட்டுள்ளது.

நாளுக்கு நாள் உணவுப் பொருட்களின் விலை ஏறி வருவதால் நடுத்தர மற்றும் ஏழை மக்கள் கடும் அவதிக்குள்ளாகி இருக்கி றார்கள். மக்கள் பசியை போக்க என்ன செய்யலாம் என்று ஆலோசித்து வந்த பீகார் அரசு அதிரடியாக புதிய திட்டம் ஒன்றை அறி வித்துள்ளது.

எலிகறி உணவை பீகார் முழுவதும் பிரபலப்படுத்து வதே அந்த திட்டமாகும். அரிசி உணவு சாப்பிடுவதை தவிருங்கள். அதற்கு பதில் எலி கறி உணவை சாப்பிடுங்கள் என்று பொது மக்களுக்கு பீகார் அரசு வேண்டுகோள் விடுத்துள்ளது. உணவு விடுதிகள் மற்றும் பெரிய ஓட்டல்களில் எலிகறி உணவை அதிகாரப்பூர்வ உணவு வகைகளில் ஒன்றாக அறிவிக்கவும் பீகார் அரசு முடிவு செய்துள்ளது.

பீகார் பழங்குடி இன மக்கள் நலத்துறை மந்திரி ஜிதன் ராம் கூறுகையில், "உணவு பொருட்கள் கிடைப் பது மிகவும் கஷ்டமாக உள் ளது. எனவே நான் எலி கறி சாப்பிட தொடங்கி விட் டேன். ஏழை மக்கள் எலி கறிக்கு முழுமையாக மாற வேண்டும். எலி கறி உடல் நலத்துக்கு மிக, மிக நல்லது'' என்றார்.

பீகார் நல்வாழ்வுத் துறை அதிகாரி விஜய் பிரகாஷ் கூறுகையில், "எலி கறி சாப்பிடுவதால் 2 நன்மை கிடைக்கும். ஒன்று உயிர் களை அழிக்கும் எலிகள் குறையும், மற்றொன்று நமது உணவு பொருட்கள் இருப்பை அதிகரித்துக் கொள்ள முடியும்'' என்றார். இந்தியாவில் உற்பத்தியாகும் விளை பொருட்களில் பாதியை எலிகள் தின்று நாசமாக்குகின்றன என்பது குறிப்பிடத்தக்கது.

பிகு: ஊழல் பெரிச்சாலி லாலு கொஞ்சம் ஜாக்கிரதையாக இருக்கணும்.