‘ஜீ பூம்பா’ என்று சொல்லி ஊழலை ஒழிக்க முடியாது - விஜயகாந்த்

‘ஜீ பூம்பா’ என்று சொல்லி ஊழலை ஒழிக்க முடியாது' - விஜயகாந்த் பேட்டி

நடிகர் சிரஞ்சீவி கட்சி தொடங்குவதுபற்றி கேட்டபோது, Ôதமிழ்நாட்டில் நடிகர்கள் கட்சி தொடங்கும் வியாதி, ஆந்திராவிலும் பரவி விட்டதுÕ என்று ஜெயலலிதா கூறியிருக்கிறாரே?

நடிகர்கள் கட்சி தொடங்குவது வியாதி என்றால் அவருக்கென்ன பெருவியாதியா?

ஒகேனக்கல் பிரச்னையில் ரஜினி வருத்தம் தெரிவித்தது பற்றி உங்கள் கருத்து என்ன?

அவர் யாரைப்பற்றியும் எதுவும் சொல்வதில்லை. அதனால் நானும் அவரைப் பற்றி எதுவும் சொல்ல விரும்பவில்லை. அவரை உண்ணாவிரதத்துக்கு அழைத்தவர்களிடமே கருத்து கேளுங்கள். அவரை உண்ணாவிரதத்தில் உட்காரச் சொன்னவர்கள் இன்று அமைதியாக மறைந்திருக்கிறார்கள். அதிலும் அரசியல் இருக்கிறது.

அரசு கேபிள் டி.வி. தொடங்கியுள்ளது பற்றி?

தி.மு.க. உறுப்பினராக இருந்தால் உடனடியாக ஆபரேட்டர் உரிமை கிடைத்துவிடும்.

கூட்டணிக்கு அ.தி.மு.க. கதவு திறந்திருக்கிறது என்று ஜெயலலிதா கூறி இருக்கிறார். அதி.மு.கவுடன் கூட்டணி வைப்பீர்களா?

அந்த கதவு திறந்திருக்கட்டும். அதுபற்றி ஒன்றும் சொல்வதற்கில்லை. நிழலுக்கு நான் மாலை போட மாட்டேன். தேர்தல் அறிவிக்கட்டும். அதன்பிறகு கூட்டணியா? தனித்து போட்டியா என்று கூறுகிறேன். தனித்து போட்டியிட்டு ஆட்சியை பிடித்த வரலாறு தமிழகத்தில் உண்டு. அப்படி ஆட்சியில் உட்கார்ந்தால்தான் ஊழலை ஒழிக்கலாம். கூட்டணி ஆட்சி அமைத்தால் ஊழல் ஒழியாது.

உங்கள் தலைமையில் மூன்றாவது அணி உருவாகுமா?

அது எனக்கு தெரியாது.

டி.வி. தொடங்கப் போகிறீர்களா?

சேட்டிலைட் டி.வி. சேனல் தொடங்க அனுமதி கேட்டிருக்கிறேன். எளிதில் அனுமதி கிடைக்காது என்பது தெரியும். எப்போது அனுமதி கிடைக்கிறதோ கிடைக்கட்டும்.

அரசியலுக்கு வந்தபின் நடிக்கப்போவதில்லை எனறு சிரஞ்சீவி கூறியிருக்கிறார். நீங்கள் நடித்துக்கொண்டிருக்கிறீர்களே?

அது அவர் விருப்பம். அரசியல் வேலை அதிகமாக இருப்பதால் நடிப்பதை குறைத்திருக்கிறேன்.

விலைவாசி கடுமையாக உயர்ந்திருக்கிறதே?

விலை உயர்வு பற்றி பலமுறை கூறிவிட்டேன். கலைஞர் பதில் சொல்லவில்லை. ஊரக வளர்ச்சி திட்டத்துக்கு ஆயிரம் கோடி செலவிட்டதாக சொல்கிறார். மத்திய அரசிலிருந்து எவ்வளவு பணம் வந்தது; எவ்வளவுபணத்தை செலவிடாமல் திருப்பி அனுப்பினார் என்பதை அவர் கூறட்டும் பார்க்கலாம்.

நிலத்தை அபகரிக்கிறார்கள் என்று மற்றவர்களை திமுகவினர் கூறுகின்றனர். அந்த கட்சி மந்திரியே நிலம் அபகரித்தது பற்றி செய்திவெளியாகி இருக்கிறது. இவர்கள் மற்றவர்களை பற்றி பேசுகிறார்கள். யார் யாரோ அமைச்சராக இருக்கிறார்கள்.

நான் முதல்வர் பதவிக்கு ஆசைப்படுவதில் என்ன தவறு? நான் ஆட்சிக்கு வந்தாலும் ‘ஜி பூம் பா’ என்பதற்குள் ஊழலை ஒழித்துவிட முடியாது. அதற்கும் மூன்று, நான்கு ஆண்டுகள் ஆகும்.