புனித தோமையார் - சுப்ரமணிய சுவாமி அறிக்கை

ஜனதா கட்சித் தலைவர் டாக்டர். சுப்ரமணிய சுவாமியின் அறிக்கை – 8 ஜூலை 2008

புனித தோமையரின் (st. Thomas) கற்பனையாய் திரிக்கப்பட்ட பதினாறாம் நூற்றாண்டு கிருத்துவப்பிரச்சார நடவடிக்கைகளை சித்தரிக்கும் ஒரு மெகா திரைப்படத்திற்கு ஆதரவு அளிப்பதாய் தமிழக முதலமைச்சர் கருணாநிதியின் சமீபத்திய அறிவிப்பும், அதே சமயம் இந்து புனித யாத்திரைக்காரர்களுக்கு தங்குமிடங்களும், பிரயாண வசதிகளும் அமைக்க அமர்நாத் கோயில் வாரியத்திற்கான வனநில ஒதுக்கீட்டை ரத்து செய்த மத்திய அரசின் முடிவும் இந்துக்களை முற்றுகையிட்டு அழிக்க தொடரும் கொடிய ரகசிய நடவடிக்கைகளின் ஒரு பகுதியாகும். இந்த நடவடிக்கைகளை நான் கடந்த மூன்று ஆண்டுகளாக எச்சரித்துவருகிறேன் (பார்க்க என் நூல் : Hindus Under Siege: The Way Out)

பதினாற்றாம் நூற்றாண்டின் இடையில் இரு பெரும் இந்துவிரோத கொடுமைகள் வெளிநாட்டினரால் அரங்கேறின. இந்தியாவிவை ஆக்கிரமித்த கொள்ளையன் பாபரின் அல்லக்கையால் அயோத்தியில் அழிக்கப்பட்ட ஸ்ரீராம ஜன்ம்பூமி கோயில் முதலாவது இந்துவிரோத கொடுமை. போர்த்துகீசிய காட்டுமிராண்டிப் படைகள் பழம்பெரும் சிவன்கோயிலை அழித்தது இரண்டாவது வன்முறையாகும். இந்து சமுதாயம் இந்த பண்பற்ற கூட்டங்களை எதிர்கொள்ள அறிந்திருக்கவில்லை. ஆகவே, இந்த பேரழிவிற்கும், புனிதங்களை கெடுத்ததற்கும் மௌன சாட்சியாகவே இருந்துவிட்டது.

ஆனால், இந்நிலை இன்று மாறிவிட்டது. இந்துக்கள் விழித்தெழுந்துவிட்டார்கள். அதன் விளைவாக, இன்று அயோத்தியில் கோயிலை மீண்டும் எழுப்ப உறுதிகொண்ட ராமஜன்ம்பூமி இயக்கம் உள்ளது. கருணாநிதி-சோனியா கூட்டணியின் சேதுசமுத்திரம் திட்டத்தின்மூலம் ராமர்பாலத்தை அழிக்கும் முயற்சியும் இந்துக்களால் எதிர்க்கப்பட்டது. இந்த இரு தலைவர்களும் டெல்லியிலும், சென்னையிலும் ஆட்சியில் இருந்தபோதிலும், இவர்கள் உச்சநீதி மன்றத்தில் இந்த திட்டத்திற்கு ஆதரவாக சரியான வாதங்களை வைக்க இயலாமல் போயினர். இந்துக்களின் எதிர்ப்பு நிலைபெற்று, இன்று அந்த திட்டம் மீண்டும் வரைபடத்திற்கே சென்றுவிட்டது.

ஆகவே, இந்துக்களின் சார்பாகவும், தன் மூதாதையர்கள் இந்துக்களே என்று பெருமைகொள்ளும் மற்றவர்களின் சார்பாகவும், இந்த இரு தலைவர்களையும் நான் எச்சரிக்கிறேன். பழம்பெரும் சிவ ஆலயத்தை சிதைத்து சாந்தோம் தேவாலயத்தை எழுப்பிய போர்த்துகீசியர்களின் வன்முறையை நியாயப்படுத்தும் குறிக்கோளுடன், தமிழகத்தில் புனிததோமையரின் புரட்டு வரலாற்றை ஆதரிக்கும் முயற்சியை கைவிடுங்கள்.

சாந்தோம் தேவாலயம் மறைந்து அங்கே கபாலீச்சரர் கோயில் மீண்டும் எழுப்பப்படவேண்டும். நடுநிலையான, பண்பட்ட கிருத்துவர்களின் உதவி கிட்டினால் அவர்களுடனும், இல்லையேல் அவர்களை மீறி கட்டாயமாகவும், இந்துக்கள் இதை செய்துமுடிப்பர். இந்து சின்னங்களை புரட்டு வரலாற்றின் மூலமாக அசுத்தப்படுத்தி அழிக்க முயல்பவர்கள், 83 சதவீத இந்துக்களின் ஒற்றுமையில் மத-சுனாமியில் அடித்துச்செல்லப்படுவார்கள் என்பதை உணரட்டும்.
( Source : http://hindutva97.blogspot.com/2008/07/st-thomas-myth.html )