திருவல்லிக்கேணியை தி.கேணி என்று ஏன் எழுத கூடாது - கலைஞர்

நாடாளுமன்ற முன்னாள் எம்.பி. வெற்றிச் செல்வன் மகள் விமலா கஸ்தூரி- பாலச்சந்தர் திருமணத்தை முதல்- அமைச்சர் கருணாநிதி திருமணத்தை நடத்தி வைத்து பேசிய பேச்சு...

கழகத்தின் பொருளாளர் வீராசாமி பேசும்போது ஒன்றைச் சொன்னார், பேசியவர்கள் எல்லாம் ஒவ் வொருவரையும் குறிப்பிட்டு எப்படி அவரை விளித் தார்கள் என்பதை எடுத்துச் சொன்னார். என்னைப் பொறுத்தவரை நான் கவனித்த விஷயம் அதுவல்ல. வெற்றிச் செல்வனைப் பற்றி குறிப்பிடும் போதாகட்டும், அல்லது வேறு சில நண்பர்களைப் பற்றி குறிப்பிடும்போதாகட்டும், அப்போதெல்லாம் முன் னாள் நாடாளுமன்ற உறுப்பினர், முன்னாள் சட்டமன்ற உறுப்பினர் என்று குறிப்பிட்டார்கள்.

நாடாளுமன்றம் அப்படியே இருக்கிறது, அது ஒன்றும் முன்னாள் ஆகி விடவில்லை. சட்டமன்றமும் அப்படியே இருக்கிறது, அது ஒன்றும் முன்னாள் ஆகிவிடவில்லை. எனவே இனியாவது இது போன்ற மணவிழாக்களிலும் அல்லது வேறு விழாக்களிலும் கலந்து கொள்கின்ற சட்டமன்ற நாடாளுமன்ற உறுப்பினர்கள் ஏற்கனவே அந்தப் பதவிகளிலே இருந்து இப்போது இல்லாத வர்களாக இருந்தால், நாடாளுமன்ற முன்னாள் உறுப்பினர் -சட்டப் பேரவை முன்னாள் உறுப்பினர் என்று குறிப்பிட்டால் தமிழ் தப்பும்.

தி.நகர் என்றால் உங்க ளுக்குத் தெரிகிறது, திருவல் லிக்கேணி என்றால் உங்க ளுக்குத் தெரிகிறது. ஏன் தி. நகர் என்று பெயர் வைத்தார்கள் தெரியுமாப தியாகராய நகர் திராவிட இயக்கத்தை உருவாக்கிய முன்னோடித் தலைவர் தியாகராயர் பெயரால் ஒரு பகுதியே விளங்குகிறது என்பதை ஏற்றுக் கொள்ள முடியாத, விரும்பாத, இன்னும் சொல்லப் போனால் வெறுக்கின்ற ஒரு கூட்டத்தார், அதைத் தியாகராய நகர் என்று சொல்லி -அவர் பெயரை விளம்பரப்படுத்தத் தேவையில்லை என்று கருதி, அதைச் சுருக்கி தி.நகர் என்று வைத்து விட்டார்கள்.

( வேண்டாம்...வலிக்குது அழுதுடுவேன்....)

பேருந்துகளிலே கூட "தி.நகர்'' என்றுதான் எழுதிக் கொண்டிருந்தார்கள். நம்முடைய ஆட்சி வந்த பிறகுதான் தியாகராயநகர் என்று முழுப் பெயர் எழுதப்பட்டது. கேட்டபோது சொன்னார்கள், அது நீளமான பெயர், அதனால் தான் தி.நகர் என்று எழுது கிறோம் என்றார்கள். அது நீளமான பெயர் என்றால், திருவல்லிக்கேணியை தி.கேணி என்று எழுதுகிறார்களா? இல்லை.

(கருணாநிதி என்பதை சுருக்கி கலைஞர் என்று எழுதுவது போல தான் இதுவும் )

இவைகள் எல்லாம் விஷமத்தனமானவை. அந்த விஷமத்தனத்தைப் புரிந்து கொள்ளாத சில அப்பாவிகள் அதற்கு அடிமையாகிக் கொண் டிருக்கிறார்கள். நான் இந்தத் திருமண விழாவில் இந்தச் சொற்களைப் பற்றி யெல்லாம் சொன்னதற்குக் காரணம், இதிலே தமிழர்களுடைய பெருமை மறைந்திருக்கிறது, தமிழர்களுடைய மானம் புதைந்திருக்கிறது. அவைகளை நாம் இப்படி கொஞ்சம் கொஞ்சமாக இழந்து விடக் கூடாது. அதை நாம் இழப்பதற்கு காரணமாக இருப்பவர்களை அடையாளம் காண வேண்டும் என்பதற்காகத் தான் இதைச் சொல்கிறேன்.

அந்த வழியிலே சொல்லப்படுவது தான் நாடாளுமன்ற முன்னாள் உறுப்பினர் என்று சொல்வதை -வெற்றிச் செல்வனைப் பார்த்து நாடாளுமன்றத்தின் முன்னாள் உறுப்பினர் என்று சொல்வதற்குப் பதிலாக, முன்னாள் நாடாளு மன்ற உறுப்பினர் என்று சொல்லும்போது, நாடாளு மன்றமே இப்போதில்லை, முன்னாள் இருந்தது, இவர் முன்னாள் இருந்த நாடாளு மன்றத்திற்கு உறுப்பினர் என்ற நிலையிலே போய்ச் சேரும் என்பதற்காகத் தான் இதைச் சொல்லுகிறேன். அவரைப் பெருமைப்படுத்துவதாக இருந்தால் நாடாளு மன்றத்தின் முன்னாள் உறுப்பினர் என்று சொல்ல வேண்டும். அவரை சிறுமைப்படுத்துவதாக இருந்தால், முன்னாள் நாடாளுமன்ற உறுப்பினர் என்று கூறலாம் என்பதை மாத்திரம் நான் சொல்ல விரும்புகிறேன்.

வெற்றிச் செல்வனைப் பொறுத்தவரையில் அவர் இங்கே சொன்னாரே -அது நூற்றுக்கு நூறு உண்மை. என்னை அவர் உள்ளத்தால் -உணர்வால் -எந்த நேரத்திலும் நினைத்துக் கொண்டிருக்கின்ற ஒருவர். இந்த இயக்கத்தில் வெற்றிகளையும் சந்தித்திருக் கிறோம், தோல்விகளையும் சந்தித்திருக்கிறோம்.

இங்கே பேசிய நண்பர்கள் குறிப்பிட்டதைப் போல், வெற்றி அடைந்த போது நாம் வீறாப்பு கொண்டு அலைந்தது இல்லை. தோல்வி அடைந்த போதும் துவண்டு நின்றதில்லை. அடக்கு முறைகளுக்கு ஆளாகி யிருக்கிறோம், சிறைச் சாலைகளுக்குச் சென்றிருக் கிறோம், எந்த நேரத்திலும் நம்மோடு இருந்து -நம்மோடு தான் இருப்பேன் என்கின்ற அந்த உறுதியோடு -எதையும் தாங்கிக் கொள்கின்ற இதயத்தை அண்ணாவிடம் இருந்து நான் பெற்றதைப் போல, அவரும் பெற்று இந்த இயக்கத்திலே தன்னை ஈடுபடுத்திக் கொண்டிருக்கிறார்.

வருவார் -என்ன எம்.பி. சீட்டா என்றால் சிரிப்பார்- இல்லை, இந்த முறை இல்லை போ என்று சொன்னால் சரி என்று போய்விடுவார், இல்லை, கொடுத்துத் தான் தீரவேண்டும் என்று என்றைக்கும் அவர் பிடிவாதம் பிடித்ததில்லை.
( ஐயோ சிரிப்பு வருது )

அப்படி இருக்கின்ற ஒரு தம்பியாக இருக்கின்ற காரணத்தால் தான் சில நேரங்களில் அவர் கேட்காமல், நானே அவருக்குத் தந்திருக்கின்ற சம்பவங்கள் எல்லாம் நடைபெற்றிருக்கிறது. இதை எல்லா தம்பிமார்களும் பின்பற்றினால் அவர்களுக்கும் இந்த வாய்ப்பு நிச்சயமாக கிடைக்கும் என்பதற்காகத் தான் நான் வெற்றிச்செல்வனை எடுத்துக்காட்டாக உங்களுக்குச் சொன்னேன். அவருடைய குடும்பத்து விளக்குகளாக இன்றைக்கு ஏற்றி வைக்கப் பட்ட -மணமகனும் மண மகளும் எல்லா வளங்களும் பெற்று வாழ்க வாழ்க என்று வாழ்த்தி விடைபெறுகிறேன்.