பாயும் வேகம் ஜெட் லீ தாண்டா
பன்ச் வெச்சா இட்லி தாண்டா
Rated PG - for Pseudo-DK, DMK, Liberals, Marxists....
ஊர்ல சொல்றது சொலவடை
உண்மையைச் சொல்றது இட்லிவடை

Wednesday, April 16, 2008

தமிழ் புத்தாண்டு இவர்களுக்கு எப்படி இருக்கும் ?

இந்த தமிழ் புத்தாண்டு இவர்களுக்கு எப்படி இருக்கு ?

கடகம்

இதுவரை உங்கள் ராசிக்கு அஷ்டம ஸ்தானத்திலும், குடும்ப ஸ்தானத்திலும் சஞ்சாரம் செய்து வந்த ராகு-கேது பகவான்கள், வரும் 30.4.08 அன்று உங்கள் ராசிக்கும், சப்தம ஸ்தானத்திற்கும் செல்ல இருக்கிறார்கள். இந்த ஆண்டு இறுதிக்குப் பிறகு குரு பகவான் சப்தம ராசிக்குப் பெயர்ச்சி ஆகி, ராகு பகவானுடன் இணைந்து கேது பகவானைப் பார்வையிடுகிறார். இந்த ராகு-கேது பகவான்களின் பெயர்ச்சிக் கால கட்டம் முழுவதும் சனிபகவான் உங்களின் தனம், வாக்கு, குடும்ப ஸ்தானத்தில் ஏழரை சனியின் இறுதிக் காலமாக சஞ்சாரம் செய்கிறார்.

சப்தம ஸ்தானத்தில் சஞ்சரிக்கும் ராகு பகவான், உங்களின் நண்பர்களால் சிறு குழப்பங்களை உண்டாக்குவார். எனினும் குரு பகவானின் அருளால், "தலைக்கு வந்தது தலைப்பாகையுடன் போயிற்று' என்பதுபோல் கடைசி நேரத்தில் அவற்றிலிருந்து தப்பித்துவிடுவீர்கள். மேலும் அவர், உங்களை சில புது அனுபவங்களுக்கு உட்படுத்தி, உங்களின் மனோ பலத்தைக் கூட்டிக் கொடுப்பார்.

உங்களால் ஆன உதவிகளை ஏழைகளுக்கும், ஆதரவற்றவர்களுக்கும் அளிப்பீர்கள். விட்டுக் கொடுத்து உங்களின் காரியங்களைச் சாதித்துக் கொள்ளும் ஆற்றல் உண்டாகும். தத்துவ மார்க்கத்தை உங்கள் மனம் நாடும். கேது பகவான் அருளால் உங்கள் எண்ணத்தில் மன முதிர்ச்சியும், பக்குவமும் உண்டாகும். இல்லறத்தில் பற்றுதல் உண்டானாலும், மற்றவர்களின் நலத்தையும் தன்னலமாகவே கருதுவீர்கள்.

மொழிகளைப் புரிந்து கொள்ளும் ஆற்றல் கூடுமாகையால், புதிய மொழிகளை ஆர்வத்துடன் கற்றுக் கொள்வீர்கள். உங்களின் செயல்களின் வேகம் கூடும். இந்த ஆண்டு இறுதிக்குப் பிறகு, குரு பகவானின் சேர்க்கை ராகு-கேது பகவான்களுக்கு உண்டாவதால், வாழ்க்கையில் அதிர்ஷ்டங்களைக் காண்பீர்கள். சனி பகவான் குடும்ப ஸ்தானத்தில் குரு பகவானின் பார்வை பெற்று இந்த ஆண்டு இறுதிவரை அமர்ந்துள்ளதால், உங்களின் செல்வ வளம் கூடும். மன அமைதி உண்டாகும்.

உங்களின் பேச்சில் கடமை உணர்ச்சி மிகுந்து காணப்படும். நீங்கள் "நியாயாதிபதி' என்று பெயரெடுப்பீர்கள். அதே சமயம், இந்த ஆண்டு இறுதி வரையில் குரு பகவான் சற்றுப் பாதகமாக சஞ்சரிப்பதால், உங்களுக்கு சிறிது சோம்பேறித்தனம் கூடும்; தற்பெருமை பேசுவீர்கள்; தெய்வ ஈடுபாடு குறையும். இந்த ஆண்டு இறுதிக்குப் பிறகு இந்நிலைமை மாறி, உங்களின் வேதாந்த அறிவு கூடும். உங்களின் சகிப்புத்தன்மை மற்றும் பொறுமை உயரும். உங்களை நீங்களே அறிந்து சமுதாயத்திற்குப் பயன்படுவீர்கள் என்றால் மிகையாகாது.

உத்யோகஸ்தர்கள் அலுவலகத்தில் நிலவும் இறுக்கமான சூழ்நிலைகளில் சிக்கி, மன அழுத்தத்திற்கு ஆளாவார்கள். சிலர் விரும்பத்தகாத இடமாற்றங்களையும் சந்திக்க நேரிடும். அதே சமயம், உங்களின் திறமைகள் பளிச்சிடும். உங்களுக்கு வர வேண்டிய தொகைகள் வரும். எனினும் பயணங்களால் பலன் எதையும் எதிர்பார்க்க இயலாது.

வியாபாரிகள் கொடுக்கல், வாங்கல் விஷயங்களில் அனுகூலமான பலன்களைக் காண்பர். அதேநேரம் கடன் கொடுப்பதைத் தவிர்க்கவும். புதிய சந்தைகளை நாடிச் செல்லும்போது, மிக்க கவனத்துடன் செயல்படவும். கூட்டுத் தொழில் புரிவோர், நண்பர்களிடம் உஷாராக இருக்கவும். சிலர் வம்பு, வழக்குகளைச் சந்திக்க நேரிடும்.

விவசாயிகளுக்கு மகசூல் நன்றாக இருக்கும். பாசன வசதிகளுக்காகவும், உரங்கள் மற்றும் விவசாய உபகரணங்களுக்காவும் செலவு செய்வீர்கள். கால்நடைகளை வைத்திருப்போர் பராமரிப்புச் செலவுகளை செய்ய வேண்டி வரும். குத்தகைப் பாக்கிகளை அடைப்பீர்கள்.

அரசியல்வாதிகள் பொதுச் சேவையில் அனுகூலமான திருப்பங்கள் காண்பர். உங்களுக்கு எதிராகப் போடப்பட்ட வழக்குகள் சாதகமாகும். தொண்டர்களுக்கு, தேவையான உதவிகளைச் செய்வீர்கள். எதிர்கட்சியினருக்கு சாதுர்யமாகப் பதிலளிப்பீர்கள். எனினும் பேச்சில் கண்ணியம் குறையாமல் பார்த்துக்கொள்ளவும்.

கலைத்துறையினருக்கு புதிய ஒப்பந்தங்கள் கிடைக்கும். அதேசமயம் எதிர்பார்த்த பெயர், புகழ் கிடைக்கத் தாமதமாகும்; மனம் தளராமல், பொறுமையுடன் உங்கள் வேலைகளைச் செய்து வரவும். அது சிலருக்கு விருதுகளையும், பண முடிப்புகளையும் பெற்றுத் தரும். உங்களின் உற்ற நண்பருக்கு, தக்க நேரத்தில் உதவி செய்து மகிழ்வீர்கள்.

பெண்மணிகள் குடும்பத்தில் அனுகூலமான நிலைமைகளைக் காண்பார்கள். உடல் ஆரோக்கியம் சிறப்பாக இருக்கும். ஆடை, ஆபரணச் சேர்க்கை உண்டாகும். உற்றார், உறவினர்கள் இணக்கமாக இருப்பார்கள்.

மாணவமணிகள் படிப்பில் நல்ல மதிப்பெண்களைப் பெறுவார்கள். பெற்றோர்களின் ஆதரவால் உங்கள் தேவைகள் பூர்த்தியாகும். அதே சமயம், சக மாணவர்களுடன் வீண் விவாதங்கள் வேண்டாம்.



சிம்மம்

உங்கள் ராசிக்கு சப்தம ஸ்தானம் மற்றும் ராசியில் சஞ்சரித்து வந்த ராகு-கேது பகவான்கள், 30.4.08 அன்று ருண ரோக சத்ரு ஸ்தானத்திற்கும், அயன சயன மோக்ஷ ஸ்தானத்திற்கும் முறையே 6, 12 என்கிற ராசிகளுக்குப் பெயர்ச்சி ஆவது சிறப்பாகும். ருண ரோக சத்ரு ஸ்தானத்தில் பலமாக சஞ்சரிக்கும் ராகுபகவானால் உங்களின் தேக ஆரோக்கியம் பலப்படும். அறிவாற்றல் கூடும். கடன்கள் தீரும்.

பங்காளிகள் உங்களுக்கு உதவிகரமாக இருப்பார்கள். வழக்குகளில் சாதகமான தீர்ப்புகள் கிடைக்கும். அதேநேரம் அயன ஸ்தானத்தில் சஞ்சரிக்கும் கேது பகவான், உங்களின் தெய்வ வழிபாட்டிற்கு தக்க பலன்களை உடனுக்குடன் கிடைக்கச் செய்வார். நீங்கள் யோகா, ப்ராணாயாமம் போன்ற சூட்சுமக் கலைகளில் தேர்ச்சி பெறுவீர்கள். வெளிநாட்டுக்குச் சென்று வரும் வாய்ப்புகளும் உண்டாகும்.

அதேசமயம் சிலருக்கு, தாயின் உடல்நலம் கவனிக்கப்பட வேண்டிவரும். மேலும் சரியான நேரத்தில் உறக்கமோ, உணவு உண்பதோ இராது.
வரவு சீராக இருந்தாலும், செலவு சற்று கூடவே செய்யும். மற்றபடி அடுத்தவர்களின் முக பாவனையைக் கொண்டே அவர்களின் மனத்தைப் படித்துவிடும் திறமையும் உண்டாகும். இந்தக் கால கட்டத்தில் உங்கள் ராசியில் சஞ்சரிக்கும் சனிபகவான் இந்த ஆண்டு இறுதி வரை குருபகவானின் பார்வையில் உள்ளதால், உங்களின் செயல்களை ஓசையில்லாமல் முடித்துவிடுவீர்கள். உங்களின் யூகங்கள் பலிக்கும். தேக ஆரோக்கியம் நன்றாக இருப்பதுடன், மேனியில் நல்ல பொலிவு உண்டாகும். உற்றார்-உறவினர்கள், விலகிச் சென்ற நண்பர்கள் பகை மறந்து நட்புடன் பழகுவார்கள். இந்த ஆண்டு இறுதிக்குப் பிறகு, சனிபகவான் உங்களின் பொறுப்புகளைக் கூட்டுவார். அதேநேரம் சிலருக்கு பங்காளிகளுடன் பகை உண்டாகும்.

உங்களை அழகுப்படுத்திக் கொள்வதை நீங்களே அலட்சியப்படுத்திக் கொள்வீர்கள். உங்களின் கிரகிப்பு ஆற்றல் குறையும். அதேசமயம் இந்த ஆண்டு இறுதிவரை குரு பகவானின் பரிபூரண அருளால் உங்களின் அனைத்துச் செயல்களும் வெற்றி பெறும். சமூகத்தில் முக்கியஸ்தர் என்கிற அந்தஸ்தைப் பெறுவீர்கள். இந்த ஆண்டு இறுதிக்குப் பிறகு குரு பகவான் ராகு பகவானுடன் இணைவதால் வயிற்றுவலி, ஜீரணக் கோளாறு மற்றும் சிறு சட்டச் சிக்கல்கள் உண்டாகலாம்.

உத்யோகஸ்தர்கள் மேலதிகாரிகளின் நன்மதிப்பைப் பெறுவார்கள். அதேநேரம் சக ஊழியர்கள் சிலர், உங்களுடன் பகைமைப் பாராட்டுவார்கள். அனைவரிடமும் நல்ல முறையில் பேசிப் பழகவும். மற்றபடி, வருமானத்திற்குக் குறைவிராது. அலுவலக ரீதியான பயணங்களில் நல்ல பலனைக் காண்பீர்கள்.

வியாபாரிகள் சற்று கூடுதலான பலன்கள் காண்பர். கொடுக்கல், வாங்கலில் சராசரிக்கும் அதிகமான லாபம் இருக்கும். சமூகத்தில் புதிய அந்தஸ்து கிடைக்கும். பழைய கடன்களை திருப்பி அடைப்பீர்கள். வாடிக்கையாளர்களைக் கவர, புதிய திட்டங்களைத் தீட்டுவீர்கள். அதே சமயம், கூட்டாளிகளிடமும் நண்பர்களிடமும் கலந்தாலோசித்த பிறகே அனைத்து முயற்சிகளையும் நிறைவேற்றவும்.

விவசாயிகளுக்கு எதிர்பாராத பணவரவு உண்டாகும். இதனால் குடும்பத்தில் திருமணம் போன்ற சுபநிகழ்ச்சிகளை நடத்தி மகிழ்வீர்கள். மேலும் பழைய கடன்களை அடைத்து, நிம்மதிப் பெருமூச்சு விடுவீர்கள். புதிய நிலங்கள் குத்தகைக்கு வந்து சேரும். வங்கிக் கடன் கிடைக்கும். பால் வியாபாரம் செய்பவர்கள் அதிக லாபத்தைப் பெறுவார்கள்.

அரசியல்வாதிகளுக்கு பெயரும், புகழும் அதிகரிக்கும். அவர்களின் பணியாற்றும் திறனை கட்சி மேலிடம் பாராட்டும். தொண்டர்களை உற்சாகப்படுத்துவீர்கள். உடல் ஆரோக்கியம் நன்றாக இருக்கும். வெளியூர் பயணங்களில் வெற்றி பெறுவீர்கள்.

கலைத்துறையினருக்கு பழைய ஒப்பந்தங்களை முடித்துக் கொடுப்பதில் சிரமங்கள் ஏற்பட்டாலும், இறுதியில் அனைத்தும் சரியாக முடியும். உங்களின் திறமைகள் வெளி உலகுக்கு வெளிப்படும். அதே சமயம், ரசிகர்களின் ஆதரவைத் தக்க வைத்துக் கொள்ள, சற்று விட்டுக்கொடுத்து நடந்து கொள்ளவும்.

பெண்மணிகளுக்கு கணவரிடம் அன்பும், பாசமும் அதிகரிக்கும். ஆடை, ஆபரணச் சேர்க்கை உண்டாகும். குடும்பத்தில் ஒற்றுமை நிறையும். அதே சமயம் உற்றார், உறவினர்களிடம் மனம் திறந்து பேச வேண்டாம். மற்றபடி குழந்தைகளால் பெருமையடைவீர்கள்.

மாணவமணிகள் படிப்பில் கவனத்துடன் ஈடுபடவும். பெற்றோர்களையும், ஆசிரியர்களையும் அனுசரித்து நடந்து கொள்ளவும். மனதை ஒரு நிலைப்படுத்த, தியானம் மற்றும் யோகா போன்றவற்றில் ஈடுபடவும்.


இட்லிவடையின் ராசி :-)
ரிஷபம்

இதுவரை உங்கள் ராசிக்கு தொழில் ஸ்தானத்திலும், சுக ஸ்தானத்திலும் சஞ்சாரம் செய்து வந்த ராகு-கேது பகவான்கள், 30.4.08 அன்று உங்கள் ராசிக்கு பாக்ய ஸ்தானத்திலும், தைரிய ஸ்தானத்திலும் சஞ்சரிக்க இருப்பது சிறப்பான அம்சமாகும்.
உங்கள் ராசிக்கு அஷ்டமத்தில் சஞ்சரித்து வந்த குரு பகவான் உங்கள் ராசியின் பாக்ய ஸ்தானத்திற்குப் பெயர்ச்சி ஆகி, ராகு பகவானுடன் இணைகிறார். இந்தக் கால கட்டம் முழுவதும் சனி பகவான் உங்கள் ராசிக்கு சுக ஸ்தானத்தில் அர்தாஷ்டம சனியாகவே சஞ்சரிக்கிறார். பாக்ய ஸ்தானத்தில் உள்ள ராகு பகவான், உங்கள் நண்பர்கள் செய்யும் சூழ்ச்சியிலிருந்து காப்பாற்றிவிடுவார். உங்களின் செயல்களை அனைவரும் பாராட்டும் படியும் செய்வார்.

சிலர் வெளியூர், வெளிநாடுகளுக்குப் பயணங்களை மேற்கொள்வார்கள். வெளிநாட்டிலிருந்து நல்ல தகவல்களும் வந்து சேரும். பாக்ய ஸ்தானத்தில் உள்ள ராகு பகவான் இந்த ஆண்டு இறுதி வரை குரு பகவானின் சம்பந்தம் இல்லாமல் இருப்பதால், பெரியோர் மற்றும் அனுபவஸ்தர்களின் அறிவுரைகளையும், ஆசிகளையும் பெற்று நடக்கவேண்டும். தெய்வபலத்தையும் கூட்டிக் கொள்ளவும். அரசாங்க வகையில் சில கஷ்டங்கள் உண்டானாலும், தைரிய ஸ்தானத்தில் உன்னத பலத்துடன் சஞ்சரிக்கும் கேது பகவான் உங்களை தொழிலில் முன்னேற வைப்பார். மேலும் புதிய தொழில்களில் நீங்கள் கால் பதிக்கவும் கூடும்.

ரசாயனத்துறை, ஷேர் மார்க்கெட் போன்ற துறைகளில் இருப்போருக்கு வருமானம் பெருகும். விலை மதிப்புள்ள பட்டு வஸ்திரங்கள், நவரத்தினங்கள் உங்களிடம் சேரும். வாகனங்கள் வாங்கும் யோகமும் உண்டாகும். தேக ஆரோக்கியம் சீர்படும். மருத்துவச் செலவுகள் குறையும். இனிய சங்கீத கச்சேரிகளுக்குச் சென்று, உங்கள் பொழுதைக் கழிப்பீர்கள்.

இக்கால கட்டத்தில் சனி பகவான் உங்கள் ராசிக்கு சுகஸ்தானத்தில் குருபகவானின் பார்வை பெற்று அமர்ந்து இருப்பதால் உங்கள் சிந்தனா சக்தி கூடும். வாகனங்களில் செல்லும்போது விபத்துக்கள் ஏற்படாமல் இருப்பீர்கள். சுகமாகப் படுத்து உறங்க நவீன கட்டில், மெத்தைகளை வாங்குவீர்கள். அதேசமயம் ஆண்டு இறுதியில் நிலைமைகள் சற்று மாறும். சரியான நேரத்தில் உணவு உண்ண முடியாமல் போகும். அடுத்தவர்களின் பிரச்சினைகளை உங்களின் தலையில் போட்டுக் கொண்டு குழம்புவீர்கள். உங்களுக்கு கட்டுப்பட்டு உங்களின் சொல் கேட்டு நடந்த நண்பர்கள், சற்று விலகி நிற்பார்கள்.

குரு பகவான் சில சுப விரயங்களைக் கொடுத்தாலும், அதற்கேற்ப வருமானத்தையும் பெருக்குவார். உங்கள் ஆற்றல் கூடும். பிரபலமானவர்களின் நட்பு கிடைக்கும். சகோதர, சகோதரி வழியில் இருந்த பிணக்குகள் மாறும். இந்த ஆண்டு இறுதியில் ஏற்படப் போகும் குரு பெயர்ச்சி, உங்களுக்கு பெரியோர்களின் ஆசிகளை வாரி வழங்கும். பிதுரார்ஜித சொத்துக்களில் இருந்த சிக்கல்கள் மாறி, சுபிட்சங்கள் உண்டாகும். குழந்தைகள் உங்களின் மனம் கோணாமல் நடந்து கொள்வர்.

உத்யோகஸ்தர்கள் அலுவலகத்தில் சுமுகமான சூழ்நிலையைக் காண்பர். எதிர்வரும் இடையூறுகளைத் தன்னம்பிக்கையுடன் எதிர்கொள்வர். சக ஊழியர்களின் உதவியோடு உங்கள் வேலைகளைச் செய்து முடிப்பீர்கள். அதே சமயம், வேலைகளைப் புரிந்துகொண்டு செய்யவும். எதையும் தட்டிக் கழிக்கும் எண்ணங்களைத் தள்ளி வைக்கவும். தாமதமானாலும் மேலதிகாரிகள் உங்களின் வேண்டுகோள்களை நிறைவேற்றுவார்கள். அதே சமயம் இடமாற்றக் கோரிக்கைகளை மேலதிகாரிகளிடம் எடுத்துச் செல்ல வேண்டாம்.

இந்த ராசி வியாபாரிகளுக்கு லாபம் பெருகும். கொடுக்கல், வாங்கல் விஷயங்கள் லாபகரமாக அமையும். கூட்டாளிகள் உங்களிடம் நட்புடன் பழகுவர். பழைய சேமிப்புகளை முதலீடு செய்து வியாபாரத்தைப் பெருக்க நினைப்பீர்கள். வியாபாரத்தில் போட்டி சற்று கடுமையாக இருப்பினும், உங்கள் முயற்சி வெற்றியைக் கொடுக்கும்.

விவசாயிகளுக்கு கொள்முதலில் லாபம் கிடைக்கும். அதே சமயம் நீர்ப்பாசன வசதிகளைப் பெருக்க நீங்கள் எடுக்கும் முயற்சிகள் பலன் தராது. மற்றபடி உங்களின் விளைச்சலை சரியான நேரத்தில் சந்தைக்கு எடுத்துச் சென்று, வெற்றிகரமாக விற்று விடுவீர்கள். அரசு வகையில் நிர்ணயித்த மானியங்களும் உரிய நேரத்தில் உங்களை வந்தடையும். மற்றபடி விவசாயக் கூலிகளை அரவணைத்துச் செல்லவும். பழைய கடன்களை திருப்பிச் செலுத்த ஆரம்பிக்கவும்.

அரசியல்வாதிகள் கடின உழைப்பை மேற்கொள்வர். வேலைகளைத் திட்டமிட்டு வகுத்துக் கொண்டு செயலாற்றுவர். கட்சி மேலிடத்திடம் சுமுகமான உறவை வைத்துக் கொள்வீர்கள். மற்றபடி உட்கட்சி விவகாரங்களில் உங்களின் ஆலோசனைகளைக் கேட்டாலன்றி வெளிப்படுத்த வேண்டாம். வழக்கு விவகாரங்களில் கவனத்துடன் ஈடுபடவும். கூடுமானவரை சட்டச் சிக்கல்களுக்குள் செல்ல வேண்டாம்.

கலைத்துறையினர், தங்கள் துறையின் நுணுக்கங்களை நன்றாகப் புரிந்துகொள்வார்கள். அவற்றை உரிய நேரத்தில் உபயோகித்து, அனைவரின் பாராட்டுகளையும் பெறுவீர்கள். புதிய ஒப்பந்தங்களை சற்று தாமதத்துடன் முடித்துக் கொடுப்பீர்கள். உங்கள் சிந்தனைகள் தெளிவுடன் இருப்பதால், எத்தகைய கடினமான சூழ்நிலையையும் சரியாக உள்வாங்கிக் கொண்டு செயல்படுவீர்கள். ரசிகர்களின் ஆதரவும் எதிர்பார்த்த அளவுக்கு நன்றாக இருக்கும். புகழைத் தக்க வைத்துக் கொள்வீர்கள்.

பெண்மணிகள் "போதும்' என்கிற மனநிலையில் நிறைவைக் காண்பர். தெய்வ வழிபாட்டில் சிரத்தையுடன் ஈடுபடுவர். அதேநேரம் உடல்நலம் சுமாராகவே இருக்கும். சகோதர, சகோதரி வழியில் பெரிய நன்மைகளை எதிர்பார்க்க முடியாது. உங்களின் பேச்சை அவர்கள் தவறாகப் புரிந்து கொள்ள நேரிடும். அதனால் அனாவசியப் பேச்சுக்களைத் தவிர்த்திடுங்கள்.

மாணவமணிகளைப் பொறுத்தவரை உற்சாகமான மனநிலையுடன் கல்வியில் ஈடுபடுவர். உடல் வலிமை பெற உடற்பயிற்சிகளையும், மனவலிமை பெற யோகா போன்றவைகளையும் மேற்கொள்வர். வருங்காலத் திட்டங்களுக்காக அடித்தளம் போடுவர். விளையாட்டுகளிலும் சிறு வெற்றிகளைப் பெறுவர். தங்களின் தன்னம்பிக்கை படிப்படியாக உயரக் காண்பர்.
( ராசிபலன் தகவல் உதவி: தினமணி )

9 Comments:

லக்கிலுக் said...

கலைஞரின் ராசி கடகம். ரிஷபம் அல்ல :-)

IdlyVadai said...

லக்கி,
கடகம் பக்கதில் சிம்மம் இருந்தால் யோசித்தேன். நீங்க சொன்னா சரியாதான் இருக்கும். :-)

திருத்திவிட்டேன்.

தமிழ்நெஞ்சம் said...

தலைப்பைச் சரிசெய்யவும்.

ஒரு சிறு கடி கந்தசாமியின் தத்துவம் :
சேலை அணியும் பெண்கள் எல்லோரும் தலைப்பைச் சரி செய்வார்கள்.
ஆனால் எல்லாப் பெண்களும் சேலை அணிய மாட்டார்கள்.


சரி விசயத்துக்கு வருகிறேன்.
நான் சொன்னது பெண்கள் அணியும் சேலையின் தலைப்பைச் சரிசெய்வதைப் பற்றி அல்ல.

தமிழ் புத்தண்டு இவர்களுக்கு எப்படி இருக்கும் ?

இதை தமிழ் புத்தாண்டு இவர்களுக்கு எப்படி இருக்கும் ?"
என்று உங்களது இந்தப் பதிவின் தலைப்பினைக் குறித்தே ஆகும்.

ரொம்பக் கடிச்சிட்டேனா?

லக்கிலுக் said...

//கடகம் பக்கதில் சிம்மம் இருந்தால் யோசித்தேன். நீங்க சொன்னா சரியாதான் இருக்கும். :-)

திருத்திவிட்டேன்.//

கலைஞருடையது மட்டுமல்ல. நிறைய அரசியல்வாதிகளுக்கு எப்படியோ கடக ராசி வந்துவிடுகிறது. அன்னை இந்திரா கூட கடகம் தான்.

எனக்கு ரொம்பவும் தெரிந்த மடிப்பாக்கம் திமுக, பொறந்தவாக்கம் கிளையின் செயற்குழு உறுப்பினர் ஒருவர் கூட கடகம் தான் :-)

ஜயராமன் said...

இட்லி ஐயா,

இந்த "கிரகங்க"ளுக்கு எப்படி இருக்கும் என்பதை விட, இந்த கோள்களால் தமிழகத்துக்கு எப்படி இருக்கும் என்று கொஞ்சம் பார்த்து அதையும் போடுங்கள். நம்மூருக்கு எப்போ இவர்களிடமிருந்து நல்ல காலம் பொறக்குமாம்?

நன்றி

ஜயராமன்

Hariharan # 03985177737685368452 said...

முதல்ல கடக ராசி அய்யா
//அரசியல்வாதிகள் பொதுச் சேவையில் அனுகூலமான திருப்பங்கள் காண்பர்.//

மதுரை தினகரன் எரிப்பு பொதுச்சேவை திருப்பமா?
ஒகேனேக்கல் திருப்பமா?

//உங்களுக்கு எதிராகப் போடப்பட்ட வழக்குகள் சாதகமாகும்.//

எந்த வழக்கு லேட்டஸ்ட் அய்யோ கொல்ராங்களே வழக்கா? இல்லை பழைய வீராணம் மற்றும் சர்க்காரியா கமிஷன் ஊழல் வழக்குகளா?

//தொண்டர்களுக்கு, தேவையான உதவிகளைச் செய்வீர்கள். //

இலவச டிவி, இலவச நில திட்டங்களைச் சொல்றீங்களா??

//எதிர்கட்சியினருக்கு சாதுர்யமாகப் பதிலளிப்பீர்கள்.//

எப்படி காங்கிரஸ் அனந்தநாயகிக்குச் சொன்ன சாதுர்யமான "பாவாடையைத் தூக்கி நாடாவை அவிழ்த்துப்பார்" ரேஞ் பதில் மாதிரியா??

// எனினும் பேச்சில் கண்ணியம் குறையாமல் பார்த்துக்கொள்ளவும்.//

யாரு கருணாநிதி கண்ணியமா பேசணுமா?? கிழிஞ்சுது கிருஷ்ணகிரி!!

அடுத்து சிம்ம ராசி அம்மா
//அரசியல்வாதிகளுக்கு பெயரும், புகழும் அதிகரிக்கும். அவர்களின் பணியாற்றும் திறனை கட்சி மேலிடம் பாராட்டும். உடல் ஆரோக்கியம் நன்றாக இருக்கும். //

ஜெயலலிதாவுக்கு ஏது கட்சி மேலிடம்??

யூ மீன் உடன் பிறவாச்சகோதரி சசிகலா?

பணியாற்றும் திறன்னா?

ரெண்டு அறிக்கை விட்டு விட்டு ஹைதராபாத் திராட்சைத்தோட்டத்தில் ஓய்வு, கோத்தகிரி/கோடநாடு எஸ்டேட்டில் ஓய்வு எடுத்து பணியாற்றும் திறனா?

இவங்க அடிக்கடி எடுக்குற ஓய்வால் ஓய்வுக்கே ஓய்வு தேவையாமே!


கடகராசி கருணாநிதிக்கும், சிம்மராசி ஜெயலலிதாவுக்கும் தமிழ்ப்புத்தாண்டு எப்படி இருக்கும் என்பதை விட இந்த ரெண்டு பேரால் தமிழகத்து பொதுஜனத்துக்கு இந்தப் புத்தாண்டு எப்படி இருக்கிறது??

கருணாநிதியின் உதயசூரியனுக்கு ஓட்டுபோட்டு ஐந்து முறை முதல்வராக்கிவிட்டாலும் பொதுமக்களுக்கு இன்னும் நல்ல தரமான வாழ்வு வசதிகள் உதயமாகாமலே 40வருடம் ஓடிவிட்டது.

அடுத்து சிம்மராசி அம்மாவுக்கு இரட்டை இலைக்கு ஓட்டுப்போட்டு ரெண்டு முறை முதல் அமைச்சர் ஆக்கியதில் என்ன பயன்?? பொதுஜனத்தின் வாழ்வு வசதி முளைச்சு மூணு இலை விட்டு மேம்படாமல் இன்னும் அப்படியே தானே இருக்கு???

Anonymous said...

/// எனக்கு ரொம்பவும் தெரிந்த மடிப்பாக்கம் திமுக, பொறந்தவாக்கம் கிளையின் செயற்குழு உறுப்பினர் ஒருவர் கூட கடகம் தான் :-) ///

பகுத்து அறிவதற்கு முதல் தகுதி அவர்கள் சாதியை தெரிந்துகொள்ள வேண்டும். இரண்டாவது, அவர்களின் சாதகத்தை தெரிந்துகொள்ள வேண்டும்! இதுதான் மஞ்சள்-மகிமை பகுத்தறிவு!

தலைவருக்கும் அல்லக்கைகளுக்கும் ஒரே ராசிதான் எப்போதும்! இதில் என்ன ஆச்சரியம்.

Anonymous said...

//
கலைஞருடையது மட்டுமல்ல. நிறைய அரசியல்வாதிகளுக்கு எப்படியோ கடக ராசி வந்துவிடுகிறது. அன்னை இந்திரா கூட கடகம் தான்.

எனக்கு ரொம்பவும் தெரிந்த மடிப்பாக்கம் திமுக, பொறந்தவாக்கம் கிளையின் செயற்குழு உறுப்பினர் ஒருவர் கூட கடகம் தான் //

பகுத்தறிவுச் சிங்கம், திராவிட வாள், லக்கி லுக் வாழ்க...எம்புட்டு தெரிஞ்சு வச்சுக்கீறீங்க....சூப்பர்.

Anonymous said...

பகுத்தறிவு என்று வந்த பின் கருணாநிதி எந்த ராசிக இருந்தால் என்ன ?