கலைஞரே இது நியாயமா ?

காங்கிரஸ் தலைவர் சோனியா காந்தி கேட்டுக்கொண்டதன் பேரிலேயே ஒகேனக்கல் கூட்டு குடிநீர்த் திட்டத்தை தமிழக முதல்வர் கருணாநிதி ஒத்திவைத்தார் என்று முன்னாள் முதல்வரும், நிர்வாகச் சீர்திருத்த ஆணையத் தலைவருமான வீரப்ப மொய்லி தெரிவித்தார்.

பெங்களூரில் செவ்வாய்க்கிழமை நிருபர்களுக்குப் பேட்டியளித்த வீரப்ப மொய்லியிடம், ஒகேனக்கல்லில் தமிழக அரசு மேற்கொண்டுள்ள குடிநீர்த் திட்டம் குறித்து கேட்டபோது அவர் கூறியதாவது:


"ஒகேனக்கல் குடிநீர்த் திட்டத்துக்கு எந்த ஆட்சியில் ஒப்புதல் அளிக்கப்பட்டது, இதற்கு அனுமதி அளித்தது யார் என்று இப்போது விவாதிக்கத் தயாரில்லை.

இப் பிரச்னையால் தமிழகம், கர்நாடக மாநிலங்களில் ஏற்பட்ட பதற்றம் இப்போதுதான் தணிந்துள்ளது. எனவே மேற்கொண்டு இது பற்றி விவாதிக்க விரும்பவில்லை.

இரு மாநிலங்களிலும் அமைதி ஏற்பட ஒகேனக்கல் குடிநீர்த் திட்டத்தை தமிழக முதல்வர் கருணாநிதி ஒத்திவைத்துள்ளார், இதை நான் வரவேற்கிறேன்.

இதில் காங்கிரஸ் தலைவர் சோனியா காந்தியின் தலையீடு உள்ளது. கருணாநிதியுடன் சோனியா காந்தி தொலைபேசியில் தொடர்பு கொண்டு கேட்டுக்கொண்டதன் மூலம் இத் திட்டத்தை ஒத்திவைக்க கருணாநிதி சம்மதித்தார்.


இரண்டு நாட்களுக்கு முன் வந்த கேள்வி-பதில் அறிக்கை

கேள்வி:- காங்கிரஸ் கட்சியின் வேண்டுகோளுக்காகத் தான் தாங்கள் இவ்வாறு முடிவெடுத்திருப்பதாகச் சொல்கிறார்களே?

பதில்:- காங்கிரஸ் கட்சித் தரப்பிலிருந்து யாரும் அப்படிப்பட்ட வேண்டுகோளை என்னிடம் வைக்கவில்லை. இதைப்பற்றி பேசவும் இல்லை. அப்படி ஒரு கட்சியின் நலன் கருதி நான் அந்த அறிவிப்பை செய்யவில்லை. இரண்டு மாநிலங்களிலும் அப்பாவி மக்கள் பாதிக்கப்படுவதை எண்ணி எடுக்கப்பட்ட முடிவுதான் அது. அதாவது மனிதநேய முடிவு - மாநிலங்களின் ஒற்றுமைக்கான முடிவு!

இதற்காக சோனியா காந்திக்கு நன்றி தெரிவித்துக்கொள்கிறேன். கர்நாடகத்தின் மீது மிகுந்த அன்பு கொண்டவர் சோனியா காந்தி என்பதை இதன் மூலம் அவர் நிரூபித்துள்ளார் என்றார் வீரப்ப மொய்லி.


நான்கு நாட்களுக்கு முன் சத்தியராஜ் பேசிய வீர வசனம்

தமிழன் மனிதன் இல்லை, வெறும் மரம் என்றுதான் அவர்கள் நினைத்துக் கொண்டிருக்கிறார்கள்.

மரமாக இருந்தால் என்ன நடக்கும்? நாய் வந்து ஒண்ணுக்கு அடிக்கும். பிறகு எவனாவது வந்து மரத்தை வெட்டி எடுத்துக் கொண்டு போய் கட்டில் செய்து கால் மேல் கால் போட்டு ஆட்டிக் கொண்டிருப்பான். டேபிள் செய்து அதில் உட்காருவான். மொத்தத்தில் அந்த மரத்திற்கு மரியாதையே இல்லாமல் போய் விடும். எனவே தமிழா, நீ மரமாக இருக்காதே, மனிதனாகவும் இருக்காதே, தமிழனாக இரு என்று சொல்கிறேன்.

ஒகேனக்கலில் பாயும் காவிரி ஆற்றில் குடிநீர்த் திட்டத்தை தமிழக அரசு மேற்கொண்டபோது அதற்கு கர்நாடகம் எதிர்ப்பு தெரிவித்தது.

இதனால் இரு மாநிலங்களிலும் போராட்டங்கள் வெடித்தன. இது வன்முறையாக மாறியது. இரு மாநிலங்களிலும் அரசு பஸ்கள் அடித்து நொறுக்கப்பட்டன.

இந்நிலையில்தான் இத்திட்டத்தைத் தாற்காலிகமாக ஒத்திவைத்திருப்பதாக ஏப்ரல் 5-ம் தேதி தமிழக முதல்வர் கருணாநிதி அறிவித்தார். அதைத் தொடர்ந்து இரு மாநிலங்களிலும் அமைதி திரும்பியிருப்பது குறிப்பிடத்தக்கது.

கலைஞரே இதற்கு நீங்கள் கவிதை எழுதி எங்களை குழப்பாதீர்கள். நாங்கள் தெளிவாகவே இருக்கிறோம்.