பாயும் வேகம் ஜெட் லீ தாண்டா
பன்ச் வெச்சா இட்லி தாண்டா
Rated PG - for Pseudo-DK, DMK, Liberals, Marxists....
ஊர்ல சொல்றது சொலவடை
உண்மையைச் சொல்றது இட்லிவடை

Wednesday, March 05, 2008

திமுக - பாம(கா)

மாநிலங்களவை தேர்தலில் போட்டியிட பாமகவுக்கு சீட் கொடுக்க திமுக மறுத்துவிட்டதையடுத்து, கூட்டணியிலிருந்து வெளியேறுவது குறித்து சென்னையில் நாளை அவசரமாக கூடும் பாமக நிர்வாகிகள் கூட்டத்தில் முடிவெடுக்கப்படும் என்று கூறப்படுகிறது.

மேல்-சபை தேர்தலில் பா.ம.க. வேட்பாளரை நிறுத் தும் என்றும், அந்த வேட்பா ளருக்கு அ.தி.மு.க. தன் வசம் மீதமாகும் 32 ஓட்டுக்களை கொடுத்து உதவும் என்றும் ஆதாரம் இல்லாத யூகங்கள் வெளியாகி உள்ளன.




தமிழகத்தைச் சேர்ந்த மத்திய அமைச்சர் ஜி.கே.வாசன் (காங்கிரஸ்), ஆர்.சண்முக சுந்தரம் (திமுக), வக்கீல் ஜோதி, சையத்கான், பெருமாள், தங்க தமிழ்ச்செல்வன் (அதிமுக) ஆகிய 6 மாநிலங்களவை உறுப்பினர்களின் பதவிக்காலம் அடுத்த மாதம் 2ந் தேதியுடன் முடிவடைகிறது.

காலியாகும் 6 இடங்களுக்கு புதிதாக உறுப்பினர்களை தேர்ந்தெடுப் பதற்கான தேர்தல் வரும் 26ந் தேதி நடைபெறுகிறது. இதற்கான வேட்புமனு தாக்கல் 8ந் தேதி தொடங்குகிறது. கடந்த ஆண்டு மாநிலங்களவை தேர்தல் நடந்த போது திமுக கூட்டணி 4 பேரையும், அதிமுக கூட்டணி 2 பேரையும் நிறுத்தியதால், போட்டியில்லாமல் 6 பேரும் தேர்ந்தெடுக்கப்பட்டனர்.

ஆனால் இம்முறை திமுக கூட்டணி சார்பில் 5 உறுப்பினர்களை நிறுத்த முடிவு செய்திருப்பதாக கூறப்படுகிறது. அவ்வாறு திமுக அணி 5 உறுப்பினர்களையும், அதிமுக அணி 2 உறுப்பினர்களையும் நிறுத்தினால் போட்டி உறுதியாகிவிடும்.

சட்டசபையில் தற்போது உள்ள உறுப்பினர்களின் பலத்தின் அடிப்படையில் திமுக கூட்டணி எந்தவித சிரமமும் இன்றி 4 பேரை தேர்ந்தெடுக்க முடியும். அந்த கூட்டணியில் ஐந்தாவதாக ஒருவரை நிறுத்தினால் திமுக அணிக்கு மேலும் 4 எம்எல்ஏக்களின் ஆதரவும், அதிமுக அணிக்கு 2 பேரின் ஆதரவும் தேவைப்படும் (தேமுதிக தலைவர் விஜயகாந்த்தின் ஓட்டு முக்கியமானதாக கருதப்படும்).

இது ஒருபுறம் இருக்க, திமுக அணியில் 4 மாநிலங்களவை இடங்களுக்கு பெரும் போட்டி நிலவியது. காங்கிரஸ் கூடுதலாக ஒரு இடத்தையும், பாமக, மார்க்சிஸ்ட் கம்யூனிஸ்ட் ஆகியவை தலா ஒரு இடத்தையும் கேட்டதையடுத்து, கூட்டணியில் இடப்பங்கீடு பற்றிய முடிவெடுப்பதில் சிக்கல் ஏற்பட்டது.

பாமக தலைவர் ஜி.கே.மணி கடந்த இரண்டு நாட்களாக முதலமைச்சர் கருணாநிதியை சந்தித்து பாமகவுக்கு 18 எம்எல்ஏக்கள் இருப்பதால் ஒரு மாநிலங்களவை உறுப்பினர் பதவியை வழங்க வேண்டும் என்று வலியுறுத்தி வந்தார். ஆனால் பாமகவுக்கு இம்முறை சீட் கொடுக்க திமுக மறுத்துவிட்டதாக கூறப்படுகிறது.

மேலும், ஐக்கிய முற்போக்கு கூட்டணி தலைவர் சோனியா காந்தி, முதலமைச்சர் கருணாநிதியை தொலைபேசியில் தொடர்பு கொண்டு மாநிலங்களவை தேர்தல் குறித்து பேசியதையடுத்து, காங்கிரசுக்கு இரண்டு இடங்களை வழங்க கருணாநிதி முடிவு செய்து விட்டதாக கூறப்படுகிறது.

இதனை எடுத்துக் கூறி, வரும் 2010 ஆம் ஆண்டில் பாமகவுக்கு காலியாகும் இடத்தை அளிப்பதாக கருணாநிதி கூறியதாக தெரிகிறது. இத்தகைய சூழ்நிலையில் வரும் 7ந் தேதி நடைபெறுவதாக இருந்த திமுக கூட்டணி கட்சி தலைவர்களின் கூட்டம் திடீரென ஒத்திவைக்கப்பட்டுள்ளது.

பாமகவின் கோரிக்கையை திமுக பிடிவாதமாக மறுத்துவிட்டதால், பாமக நிறுவனர் ராமதாஸ் கடும் கோபம் அடைந்திருப்பதாக கூறப்படுகிறது. 2004 ஆம் ஆண்டு அன்புமணிக்கு மாநிலங்களவை சீட் ஒதுக்கியது கடந்த சட்டசபை தேர்தலுக்கு முன்பு நடந்தது என்றும், கடந்த ஆண்டு எந்தவித ஒப்பந்தமும் இல்லாமல் 6 எம்எல்ஏக்களை கொண்ட இந்திய கம்யூனிஸ்ட் கட்சிக்கு சீட் கொடுக்கப்பட்ட போது 18 எம்எல்ஏக்களுடன் கூட்டணியில் இரண்டாவது பெரிய தோழமைக்கட்சியாக இருக்கும் பாமகவுக்கு வாய்ப்பை மறுப்பதை ஏற்றுக் கொள்ள முடியாது என்று ராமதாஸ் கூறியுள்ளார்.

எந்தவித நிபந்தனையும் இன்றி திமுக அரசுக்கு பாமக ஆதரவு அளித்து வரும் நிலையில், திமுக இத்தகைய அணுகுமுறையை பின்பற்றுவதை புரிந்து கொள்ள இயலவில்லை என ராமதாஸ் கூறியுள்ளார். 9 எம்எல்ஏக்களை கொண்ட மார்க்சிஸ்ட் கம்யூனிஸ்ட் கட்சிக்கு ஒரு சீட் கொடுக்கப்படுவதும் தேர்தல் உடன்பாட்டில் இல்லாத ஒன்று என்று கூறிய ராமதாஸ், தைலாபுரத்தில் நேற்று தன்னை சந்தித்த பாமகவின் மாவட்ட செயலாளர்கள் மற்றும் நிர்வாகிகள், பாமகவுக்கு ஒரு எம்பி சீட் கொடுக்கப்பட வேண்டும் என்று வலியுறுத்தியதாக தெரிவித்தார்.

இத்தகைய சூழ்நிலையில் பாமகவின் நிர்வாகிகள் கூட்டம் நாளை சென்னையில் அவசரமாக கூட்டப்பட்டுள்ளது. இந்த கூட்டத்தில், பாமகவுக்கு மாநிலங்களவை எம்பி சீட் கொடுக்க திமுக மறுத்தது குறித்து விவாதித்து முடிவெடுக்கப்படும் என தெரிகிறது.

பல்வேறு பிரச்சனைகளில் ஏற்கனவே திமுகவுக்கும், பாமகவுக்கும் இடையே மோதல் ஏற்பட்டுள்ள நிலையிலும், மக்களவைக்கு விரைவில் தேர்தல் வரவிருக்கும் நிலையிலும், திமுக கூட்டணியை விட்டு வெளியேற பாமக முடிவு செய்யக்கூடும் என்று கட்சியின் நெருங்கிய வட்டாரங்கள் தெரிவிக்கின்றன. நாளை இதுகுறித்து முக்கிய முடிவு எடுக்கப்படும் என்று பரபரப்பாக எதிர்பார்க்கப்படுகிறது.

1 Comment:

Anonymous said...

Have you read this - Hilarious

http://jeyamohan.in/?p=303

கண்டு கேட்டு உண்டு உயிர்த்து உற்றறியும் ஐம்புலனும்
ஒண்டொடி கண்ணே உள’

என்ற ‘திரிக்குறள்’ பாடலை இம்மருத்துவத்துக்கான முக்கியமான ஆதாரமாகக் காணலாமென்பது அவர்தம் தரப்பாகும். இதில் உண்டு என்ற சொல் காதல்-காம மயக்க நிலையில் பெண்ணின் சிறுநீரை உண்ணுதலையே குறிக்கும் என்பது அவர் துணிபு. இதன் மூலம் புணர்ச்சிநீள்கிறது,வீரியம் கூடுகிறது என்பது அவர்தம் அனுபவ உண்மை. கண்டு என்பது சிறுநீர் கழிப்பதைக் காணுதலும் கேட்பதென்பது அவ்வொலியை செவிகூர்தலும் உயிர்த்தல் என்பது அதை முர்ந்து நோக்குதலும் உற்று என்பது அதை உடலெங்கும் பூசிக்கொள்ளுதலும் ஆகும்.
...............
ஆவின் பால்வளத்துறைபோல சுமூத்ரா, நீர்தன், Self Water போன்ற பெயர்களுடன் தனிவாரியம் அமைக்கலாம். சிறுநீர் உற்பத்தியை பெருக்க வீரிய வகைகளை உருவாக்குவதும் தகுமே. அனைத்துக்கும் மேலாக நம்மிடையே உள்ள மக்கள் செல்வம் காரணமாகவே உலகுக்கே நாம் தன்னீர் ஏற்றுமதிசெய்யலாம். அனைவரும் நோயற்றிருக்கும் நிலையை இந்தியா உலகுக்கு அளிக்கும்! ஆம் ,இந்தியா உலகுக்கு அளிக்கும் !