குள்ளமானவர்களுக்கு பொறாமை அதிகம்

"குள்ளமானவர்களுக்கு பொறாமை அதிகம்' என்பது, ஆய்வில் நிருபிக்கப்பட்டுள்ளது.

சர்வாதிகாரிகளாக விளங்கிய, நெப்போலியன், முசோலினி, ஹிட்லர் போன்றவர்கள், சராசரி உயரத்தை விட, குள்ளமானவர்கள். எனவே, இவர்கள், தங்களை மேம்படுத்தி காட்ட, அசாதாரணமான செயல்களில் ஈடுபட்டனர். இதை "நெப்போலியன் மனயான்மை' என்றே, அழைத்து வருகின்றனர். "குள்ளமானவர்களுக்கு பொறாமை குணம் உண்டா?' என்பது குறித்து, நெதர்லாந்தை சேர்ந்த, குரோநின்ஜென் பல்கலைக்கழக ஆராய்ச்சியாளர்கள் டாக்டர் ஆப்ரகாம் என்பவர் தலைமையில், ஆய்வு நடத்தினர். 119 ஆண்களும், 230 பெண்களும் ஆய்வுக்கு உட்படுத்தப்பட்டனர்.

ஆய்வின் முடிவுகள், "நியூ சயின்டிஸ்ட் ஜர்னல்' என்ற, நாளிதழில் வெளியிடப்பட்டுள்ளது. அதில் கூறியிருப்பதாவது:சாரசரி உயரம் இல்லாதவர்களுக்கு, எப்போதும், பாதுகாப்பின்மை மனப் பான்மை இருக்கும். மற்றவர்களை விட, தாங்கள் மேலானவர்கள் என்பதை காட்டிக் கொள்ள அசாதாரண காரியங்களில் ஈடுபடுவர். குள்ளமானவர்கள், தன்னை விட உயரமான நண்பர்களை, தோழிகளை காணும் போது, பொறமை கொள்வர். சராசரி உயரம் அல்லது அதை விட உயரமாக உள்ள ஆண்களுக்கு பொறாமை குணம் சற்று குறைவாக இருக்கும். பெண்களை பொறுத்தவரை, சராசரி உயரத்தை விட குள்ளமாக இருப்பவர்களுக்கும், உயரமாக இருப்பவர்களைப் பார்த்து பொறாமை குணம் இருக்கும். இவ்வாறு ஆய்வில் தெரிய வந்துள்ளது.

உங்க உயரம் என்ன ?

(செய்தி: தினமலர் )