பாயும் வேகம் ஜெட் லீ தாண்டா
பன்ச் வெச்சா இட்லி தாண்டா
Rated PG - for Pseudo-DK, DMK, Liberals, Marxists....
ஊர்ல சொல்றது சொலவடை
உண்மையைச் சொல்றது இட்லிவடை

Saturday, December 15, 2007

ஆற்காடு வீராஸ்வாமி x ராமதாஸ்

ஆற்காடு வீராஸ்வாமி டாக்டர் ராமதாஸுக்கு செய்திதாள்களில் தனியாக ஒரு பக்கம் ஒதுக்க வேண்டும் போல. இவர்களின் அறிக்கை போர் டைஜஸ்ட் கீழே...


ஆற்காடு வீராசாமி அறிக்கை ( 11/12/07 )
கடலூர் மாவட்டத்தில், கடலூர் கார்ப்பரேசன் என்ற நிறுவனம் 1320 மெகா வாட் மின்சாரம் உற்பத்தி செய்வதற்கு நரசிம்மராவ் பிரதமராக இருந்த போது, ஜெயலலிதா ஆட்சியில் ஒப்பந்தம் செய்து, ஏதோ காரணத்துக்காக அத்திட்டம் செயல்படுத்த முடியவில்லை.

ஆனால், 2006-ம் ஆண்டு தி.மு.க. ஆட்சிக்கு வந்ததும் நாட்டின் மின்சார உற்பத்தியை மனதில் கொண்டு அந்த நிறுவனத்திற்கு கடலூர் மாவட்டத்தில் மின்சாரம் உற்பத்தி செய்ய அனுமதி வழங்கியது. அந்த நிறுவனம் மின் உற்பத்தி செய்ய உள்ள கிராமங்கள் தியாகவள்ளி, குடிகாடு ஆகிய கிராமங்கள் ஆகும்.

அந்த கிராமங்கள் கடற்கரை ஓரங்களில் உள்ள கிராமங்கள் மட்டுமல்ல, மணல்பாங்கான பூமி. அங்கே ஒரு ஏக்கர் நிலத்தில் கூட யாரும் நெல் உற்பத்தி செய்வதில்லை.

அந்த நிறுவனத்தின் உரிமையாளர் எனக்கு சொந்தம் என்றும் டாக்டர் ராமதாஸ் பேசியுள்ளார். அவருக்கும், எனக்கும் உள்ள உறவு பற்றி பண்ருட்டி சட்டமன்ற உறுப்பினர் வேல்முருகனிடம் கேட்டால், டாக்டர் ராமதாசுக்கு உண்மை தெரியும்.

சாதனைகளை தடுக்க...

நாட்டில் மின்சாரம் உற்பத்தி செய்யக்கூடாது, துணை நகரங்கள் அமைக்க கூடாது, விமான நிலையத்தை விஸ்தரிக்க கூடாது, சிறப்பு பொருளாதார மண்டலங்களை அனுமதிக்க கூடாது, புதிய தொழிற்சாலைகளுக்கு அனுமதி அளிக்க கூடாது என்று பேசி வரும் டாக்டர் ராமதாஸ் தமிழ்நாடு காட்டுமிராண்டி காலத்தை போல் மாற வேண்டும் என்று நினைக்கிறார்.

ஆனால் டாக்டர் ராமதாஸ் மட்டும் ஒரு அறக்கட்டளையை நிறுவி, ஏரிக்கரையின் கீழ் உள்ள 250 ஏக்கர் விளைநிலங்களில் கல்லூரியை கட்டலாம்.

தி.மு.க. ஆட்சியில் தமிழக முதல்-அமைச்சர் கருணாநிதி செய்து வரும் சாதனைகளை தடுத்து நிறுத்த வேண்டும். அதன் மூலம், மக்களுக்கு தி.மு.க. மீது கோபமும், ஆத்திரமும் ஏற்படவேண்டும் என்பது டாக்டர் ராமதாசின் தணியாத ஆசை. இந்த ஆசைக்கு யாரும் பலியாக மாட்டார்கள்.



டாக்டர் ராமதாஸ் பதில் அறிக்கை ( 12/12/07 )

மின் உற்பத்தி செய்யக்கூடாது; துணை நகரங்களை அமைக்க கூடாது; விமான நிலையத்தை விஸ்தரிக்க கூடாது; சிறப்பு பொருளாதார மண்டலங்களை அமைக்க கூடாது; புதிய தொழிற்சாலைகளுக்கு அனுமதி வழங்க கூடாது என்று நான் பேசி வருவதாக அமைச்சர் ஆற்காடு வீராசாமி வீண் பழி சுமத்தியிருக்கிறார். மின் உற்பத்திக்கான புதிய மின் நிலையங்கள் அமைக்கப்படக்கூடாது என்று நான் ஒரு போதும் சொன்னது இல்லை.

பொதுத்துறை நிறுவனங்கள் எல்லாம் 200 ஏக்கர், 300 ஏக்கர் நிலத்தில் அமைக்கப்படுகிற போது, கடலூரில் அமைய இருக்கும் ஒரு தனியார் நிறுவனத்துக்கு மட்டும் 1300 ஏக்கர் நிலத்தை ஏன் தாரை வார்க்க வேண்டும் என்பதுதான் என்னுடைய கேள்வி. கடலூர் அருகே தியாகவள்ளி, குடிகாடு என்ற இடத்தில் அந்த அனல் மின் நிலையம் அமைய போகிறது என்றாலும், அதை சுற்றி 10 கிலோ மீட்டர் சுற்றளவில் உள்ள 20-க்கும் மேற்பட்ட கிராமங்களில் வசிக்கும் மக்கள் தங்களது வாழ்வாதாரம் பறி போகும் என்றும், விளை நிலங்கள் பாழாகும் என்றும் அஞ்சி அந்த திட்டத்தை எதிர்க்கிறார்கள்.

இந்த மின் திட்டத்தால் சுற்றுச் சூழல் பாதிக்கப்படும் என்று அந்த மக்கள் அஞ்சுகிறார்கள். எனவே, வேறு ஒரு பாதுகாப்பான இடத்தில், இந்த திட்டத்தை செயல்படுத்த வேண்டும் என்பது அந்த பகுதி மக்களின் கோரிக்கை.

இதற்கு எத்தனையோ மாற்று இடங்கள் இருக்கின்றன. மாற்று இடங்களை அடையாளம் காட்டுவதற்கு நான் தயாராக இருக்கிறேன்.

கடலூர் அனல் மின் நிலையத் திட்டம் நரசிம்மராவ் ஆட்சிக்காலத்தில் அனுமதி வழங்கப்பட்ட திட்டம் என அமைச்சர் கூறுகின்றார். பல ஆண்டுகளாக செயல்படுத்த முடியாமல் போன இந்த திட்டம் இப்போது, இங்கே ஆற்காடு வீராசாமி மின் துறை அமைச்சராக பொறுப்பேற்றதற்கு பின்னர் அவசர அவசரமாக உயிர் பெற்று எழுந்திருக்கிறது. இது எப்படி? இது ஒன்றும் வெளிவராத `அப்பு' (நடிகர் கமலஹாசன் நடித்த வேடம்) ரகசியம் அல்ல. ஒரு நாள் வெளிவந்தே தீரும்.

திருப்போரூர் காட்டாங்கொளத்தூர் பகுதியில் துணை நகரம் அமைக்கும் திட்டத்தை அந்த பகுதி மக்கள் எதிர்த்தார்கள். அவர்களோடு இணைந்து நானும் போராடினேன். துணை நகரம் திட்டம் கூடாது என்பதற்காக அல்ல. அந்த பகுதியில் 40-க்கும் மேற்பட்ட வருவாய் கிராமங்களை சேர்ந்த 110 சிற்றூர்களில் வசிக்கும் ஒன்றரை லட்சம் மக்களை விரட்டி அடித்துவிட்டு அவர்களது வாழ்வாதாரமாக விளங்கி வரும் 55 ஆயிரம் ஏக்கர் விளை நிலங்களை அபகரித்து, ஏரிகளையும், குளங்களையும், வனங்களையும் அழித்து விட்டு, குடியிருப்புக்களையெல்லாம் இடித்து நொறுக்கிவிட்டு துணை நகரத்தை உருவாக்க தேவையில்லை. அதற்கு பதிலாக வேறு மாற்று இடங்களை தேர்வு செய்யுங்கள் என்பது என்னுடைய வாதம்.

நான் எடுத்து வைத்த அந்த வாதத்தில் நியாயம் இருக்கிறது என்பதால்தானே, துணை நகரம் அமைக்கும் திட்டத்தை கைவிடுவதாக அன்று அரசு அறிவித்தது. என்னுடைய கோரிக்கை காட்டுமிராண்டி காலத்திற்கு மாறிவிட செய்யும் நிலைப்பாடு என்று இப்போது கூறும் இந்த மூத்த அமைச்சர், அன்றைக்கு முதல்-அமைச்சரிடம் இதை எடுத்து சொல்லி, துணை நகரம் அமைக்கும் திட்டத்தை கைவிட வேண்டாம் என்றும் அப்படி கைவிட்டால், அமைச்சர் பதவியை துறந்துவிடுவேன் என்றும் சொல்லி இருக்கலாமே? அதன் மூலம் தமிழகத்தை சொர்க்கபுரியாக மாற்றியிருக்கலாமே?

வாயில்லா பூச்சிகளாக வாழ்ந்து கொண்டிருக்கும் அடித்தட்டு மக்களுக்காக, நான் வாதாடுவதால் என்னை வளர்ச்சிக்கு விரோதி என்று முத்திரை குத்த முயன்றால், அதற்கெல்லாம் நான் அஞ்ச போவதில்லை. மக்கள் அதை நம்ப போவதும் இல்லை.


மின் பற்றாக்குறை என்பது திடீர் என்று ஒரே நாளில் ஏற்படுவதல்ல. மின்தேவையை எதிர்பார்த்து திட்டமிட்டு அதற்கான முன்னெச்சரிக்கை நடவடிக்கைகளை மேற்கொள்ளாதது யாருடைய தவறு?. இதற்கு விளக்கம் கேட்டால் ஏட்டிக்குப் போட்டி என்ற வகையில் ஏரிக்கரை விளை நிலங்களில் கல்லூரியை கட்டலாமா? என்று கூறி பிரச்சினையை திசை திருப்பப்பார்க்கிறார்.

கல்வியிலும், பொருளாதார வளர்ச்சியிலும் மாநிலத்திலேயே மிக மிக பின்தங்கிய மாவட்டங்களின் வரிசையில் முதல் இடத்தில் இருப்பது விழுப்புரம். அந்த மாவட்டத்தில் பெரும்பான்மையாக வசிக்கும் மிக பின்தங்கிய வன்னிய மக்கள் சேர்ந்து தொடங்கப்பட்டுள்ள கல்வி அறக்கட்டளைக்கு சொந்தமானது அந்த கல்லூரி. அங்கே பயிற்சி பெறுகிற மாணவர்களிடம் ஒரு ரூபாய் கூட கட்டணம் வசூலிக்கப்படுவதில்லை.

முதல்-அமைச்சர் கருணாநிதி தொடங்கி வைத்து இப்போது, தொடர்ந்து நடந்து கொண்டிருக்கிற ஐ.ஏ.எஸ். பயிற்சி வகுப்பில் சேர்ந்து படித்து வருகிற மாணவர்களிடமும் விண்ணப்பக் கட்டணம் என்ற வகையில் கூட ஒரு ரூபாய் அளவுக்கேனும் கட்டணம் வசூலிக்கப்படவில்லை.


அந்த கல்லூரி அமைந்துள்ள இடம் கடந்த நூறு ஆண்டுகளுக்கு மேலாக பயிரிடப்படாமல் கரம்பாகக் கிடந்த களர் நிலம். அதற்கு ஏரி பாசனம் என்பதே இல்லை. எனவே, அமைச்சருக்கு சவாலாக ஒன்றைக் கூறுகிறேன்.

சென்னையில் இருந்து மூத்த பத்திரிக்கையாளர்களை எல்லாம் அழைத்து வாருங்கள். மாவட்ட கலெக்டர் முதல், கிராம நிர்வாக அதிகாரி வரையிலான உங்களது அதிகாரப் பரிவாரங்களையும் உடன் கூட்டி வாருங்கள்.

அமைச்சர் பழி சுமத்தி இருப்பதைப்போல அந்தக் கல்லூரி ஏரிக்கரையின் கீழ் உள்ள விளை நிலங்களில் அமைந்திருக்கிறது என்று நிரூபித்தால் அரசியலை விட்டே விலக நான் தயார். அப்படி நிரூபிக்கத் தவறினால் பாவம் அந்த அமைச்சர் அரசியலில் நீடித்துவிட்டு போகட்டும். குறைந்தபட்சம் மக்களிடம் வருத்தம் தெரிவித்து மன்னிப்பு கேட்கவேண்டும். இதற்கு அமைச்சர் தயாரா?




டாக்டர் ராமதாஸ் சவாலுக்கு ஆற்காடு வீராசாமி பதில் 13/12/07

டாக்டர் ராமதாஸ் உருவாக்கியுள்ள அறக்கட்டளையின் சார்பில் கட்டப்பட்டு வரும் கல்லூரி அமைந்த இடம் நூறாண்டு காலத்திற்கும் மேலாக பயன்படுத்தப்படாமல் கரம்பாக கிடந்த களர் நிலம் என்றும் ``அங்கே விளை நிலங்கள் அமைந்திருந்தது என்று நிரூபித்தால் அரசியலை விட்டே விலகத் தயார், நிரூபிக்க தவறினால், பாவம் அந்த அமைச்சர் அரசியலில் நீடித்து போகட்டும், குறைந்த பட்சம் மக்களிடம் வருத்தம் தெரிவித்து மன்னிப்பு கேட்க வேண்டும். இதற்கு அமைச்சர் தயாரா? என்றும் டாக்டர் ராமதாஸ் சவால் விட்டிருக்கிறார்.

டாக்டர் ராமதாஸ் கல்லூரி நடத்துவதை பற்றியோ, அதில் வன்னிய மாணவர்களுக்கு உணவுக்கட்டணம் கூட வசூலிக்காமல் தரமான கல்வியை கொடுத்து கொண்டிருப்பதாலோ எனக்கு எந்த விதமான கருத்து வேறுபாடும் இல்லை. உண்மையில் மிகவும் பின்தங்கிய மக்களாகிய வன்னிய மக்களுக்காவது இலவசக் கல்வியும், இலவச உணவும் கொடுத்து வருவதற்கு எனது மகிழ்ச்சியையும் பாராட்டுக்களையும் தெரிவித்து கொள்கிறேன்.

ஆனால், நாட்டு மக்களை ஏமாற்றக்கூடிய அளவிற்கு, நெடுஞ்சாலையை ஒட்டியுள்ள அந்த கல்லூரி அமைந்துள்ள இடம் 100 ஆண்டுகளுக்கு மேலாக பயன்படுத்தப்படாமல் கரம்பாக கிடந்த களர் நிலம் என்று டாக்டர் ராமதாஸ் கூறியிருப்பது முழுக்க முழுக்க தவறான தகவல் ஆகும்.

ஒலக்கூர் கீழ்ப்பாடி கிராமத்தில் வாய்க்கால் அமைந்திருப்பதும், அந்த பகுதியிலும் அதை சுற்றியுள்ள பகுதிகளிலும் 1991-ம் ஆண்டு இந்த இடங்கள் கல்லூரி கட்டுவதற்காக வாங்கப்படும் வரை யார் யார் அங்கே என்ன என்ன பயிர் செய்து வந்தார்கள் என்பதற்கான விவரங்களையும், அதற்கான சர்வே எண்களையும், அவர்கள் அரசாங்கத்திற்கு செலுத்திய வரி விவரங்களையும் பின்வருமாறு தெரிவித்து கொள்கிறேன்.

வன்னியர் கல்வி அறக்கட்டளையால் கிரயம் பெறப்பட்ட நிலங்கள் சாகுபடிக்கு உரிய நிலங்களா என்பது குறித்து ஐந்தாண்டுகளுக்கு முந்தைய அடங்கல் விவரங்களை பார்வையிட்டால் அந்த நிலங்களில் சாகுபடி செய்யப்பட்டு வந்த உண்மையையும், அந்த பட்டா நிலங்கள் ஏற்கனவே விளைநிலங்களாக இருந்ததையும் அறியலாம்.

1. ஒலக்கூர் கீழ்பாதி (கிராமம்) - 229/2 (புல.எண்) - 4.00.0 (விஸ்தீரணம் ஹெக்டேரில்) - சவுக்கு (1411 ஆம் பசலி ஆண்டு (2001-2002) பயிர் செய்யப்பட்டது)

2.ஒலக்கூர் கீழ்பாதி- 230/1- 0.10.0 -பூஞ்செடி

3.ஒலக்கூர் கீழ்பாதி- 230/1 - 0.90.0- நெல்

4.ஒலக்கூர் கீழ்பாதி- 230/3 - 4.62.5- சவுக்கு

5.நல்லாத்தூர்- 54/1 முதல் 12 வரை- 3.93.0- சவுக்கு

6.நல்லாத்தூர்- 52/1 - 0.34.5- சவுக்கு

7.நல்லாத்தூர் -52/2- 0.15.0- சவுக்கு

8.நல்லாத்தூர் -52/3 -0.15.0 - சவுக்கு

இது தவிர, வன்னியர் கல்வி அறக்கட்டளையால் ஆக்கிரமிப்பு செய்யப்பட்ட அரசு புறம்போக்கு நிலங்களுக்கான ஆதாரம் வருமாறு:-

திண்டிவனம் வட்டம், ஒலக்கூர் கிராமத்தில் வன்னியர் கல்வி அறக்கட்டளைக்கு சொந்தமாக பட்டா எண்.300- 41.18.5 ஹெக்டேர் விஸ்தீரணம் புஞ்செய் நிலம் உள்ளது. மற்றும் நல்லாத்தூர் கிராமத்தில் பட்டா எண். 16 - 3.93 ஹெக்டேர் புஞ்செய் நிலம் வன்னியர் அறக்கட்டளைக்கு சொந்தமாக உள்ளது. மேற்படி இடம் முழுவதும் வன்னியர் கல்வி அறக்கட்டளையால் வேலியிடப்பட்டுள்ளது. இந்த வேலி வளைப்புக்கு உட்பட்ட பகுதியில் ஒலக்கூர் கீழ்பாதி கிராம எல்லைக்கு உட்பட்ட பின்வரும் அரசு புறம்போக்கு நிலங்கள் வன்னியர் கல்வி அறக்கட்டளையால் ஆக்கிரமிப்பு செய்யப்பட்டுள்ளது.

210 (புல.எண்) - 4.28.0 (மொத்த விஸ்தீரணம்) - 1.20.0 (ஆக்கிரமிப்பு விஸ்தீரணம்) - மேய்ச்சல் தரை (வகைப்பாடு)

236/2 (புல.எண்) - 0.06.5 (மொத்த விஸ்தீரணம்) - 0.06.5 (ஆக்கிரமிப்பு விஸ்தீரணம்) - அணைக்கட்டு (வகைப்பாடு)

232/2 (புல.எண்) - 0.20.0 (மொத்த விஸ்தீரணம்) - .20 (ஆக்கிரமிப்பு விஸ்தீரணம்) - அணைக்கட்டு (வகைப்பாடு)


இது போன்று நல்லாத்தூர் கிராம எல்லைக்கு உட்பட்ட பின்வரும் புல.எண் 52/4 இல் 1.96 ஹெக்டேர் நிலம் வன்னியர் கல்வி அறக்கட்டளையால் ஆக்கிரமிப்பு செய்யப்பட்டுள்ளது. இது அரசு புறம்போக்கு பகுதியாகும்.

இந்த இடம் முழுவதிலும் வேலி வளைப்பு செய்யப்பட்டு புல்செடிகள் வளர்க்கப்பட்டுள்ளது. புல.எண் 54/13 இல் 0.06.5 விஸ்தீரணம் கொண்ட மயான புறம்போக்கிற்கு பதிலாக வேறு இடம் தருவதாக இந்த வன்னியர் அறக்கட்டளையினர் கேட்டபோது நல்லாத்தூர் பொதுமக்கள் அனைவரும் சேர்ந்து எதிர்ப்பு தெரிவித்த காரணத்தினால் ஆக்கிரமிப்பு செய்யாமல், இந்த இடம் தப்பியது.

இந்த ஆதாரங்களில் இருந்து பல பயிர்கள் சாகுபடி செய்யப்பட்டு வந்த விளைநிலங்களும், அரசு புறம்போக்கு நிலங்களும் ஆக்கிரமிப்பு செய்யப்பட்டுத்தான் அங்கே கல்லூரி உருவாகி இருக்கிறது. நான் அதனை தவறு என்பதற்காக இந்த ஆதாரங்களை எல்லாம் தெரிவிக்கவில்லை. ஆனால் இது போன்ற நல்ல காரியங்களுக்காகவே பல இடங்களில் நிலங்கள் வாங்கும்போது, ஒட்டுமொத்தமாக அதனை எதிர்ப்பதால் அரசின் பல்வேறு நல்ல திட்டங்களின் பலன் மக்களுக்கு கிடைக்காமல் போக நேரிடுகிறது.

விளைநிலங்களில்தான் டாக்டர் ராமதாஸ் கல்லூரி கட்டி வருகிறார் என்பதற்கான ஆதாரங்களை தர முடியுமா? என்று கேட்டார். நான் இப்போது ஆதாரங்கள் தந்துள்ளேன். தேவைப்பட்டால், இன்னமும் ஏராளமான ஆதாரங்களை கொடுக்க தயாராக இருக்கிறேன்.

முடிவெடுக்க வேண்டிய பொறுப்பை டாக்டர் ராமதாசுக்கே விட்டு விடுகிறேன்.





ராமதாஸ் பதில் ( திருமண விழா பேச்சு, 13/12/07 )

கல்வியை தனியார் கொள்ளையடிக்க தாரை வார்த்திருக்கிறார்கள். ஆனால், அரசாங்கமே சாராயக்கடைகளை நடத்தி மக்களை குடிக்கச் சொல்கிறது. ஏழை, எளிய நலிந்த மக்களுக்காக விழுப்புரத்தில் வன்னிய சமுதாயம் கல்விக் கோயில் ஒன்றை உருவாக்கி வருகிறது. இதனை விளை நிலத்தில் கட்டி வருவதாக அமைச்சர் ஆற்காடு வீராசாமி சொல்லியிருக்கிறார்.

நாங்கள் ஒன்று சொன்னால் ஏட்டிக்கு போட்டியாக அவர் ஒன்றை சொல்வது என்ற ரீதியில் செயல்பட்டு வருகிறார். அது விளை நிலமா என்பதை வீராசாமி நேரில் வந்து பார்த்துச் சொல்ல வேண்டும். பாமகவை அழிப்பதற்கான முயற்சி நடைபெற்று வருகிறது. அதை உடனடியாக நிறுத்த வேண்டும். இந்த முயற்சி ஒருக்காலும் நடக்காது.

தமிழகத்தில் கள்ளச்சாராயம், தரமற்ற சினிமா, போதைப்பழக்கங்களுக்கு மாணவர்களும், இளைஞர்களும் அடிமையாவது, எங்கு பார்த்தாலும் கொலை, கொள்ளை, கற்பழிப்பு ஒரு அழிவுக்கலாச்சாரத்தை நோக்கி சென்று கொண்டிருக்கிறது. இதைத் தடுத்து நிறுத்தி தமிழகத்தையும், மக்களையும் வாழ வைப்பதில் அரசும், அமைச்சர்களும் கவனம் செலுத்த வேண்டும்.

வேற ஏதாவது அறிக்கை வந்தால் இந்த இடத்தில் அப்டேட் செய்கிறேன்.



ராமதாஸ் அறிக்கை ( 13/12/07)

கடலூரில் அமைக்கப்பட இருக்கிற தனியார் மின் உற்பத்தி நிலையத்துக்காக, 1,300 ஏக்கர் நிலம் கையகப்படுத்தப்பட இருப்பதாக வெளியான தகவலை அடுத்து அந்த பகுதியை சேர்ந்த 20-க்கும் மேற்பட்ட கிராம மக்கள் எதிர்ப்பு தெரிவிக்கிறார்கள். அவர்களின் எதிர்ப்பு நியாயமானது என்பது என்னுடைய வாதம். ஆகவே அவர்கள் பக்கம் நிற்கிறேன். இதைக்கண்டு அமைச்சர் ஆற்காடு வீராசாமிக்கு கோபம் வருகிறது.

திண்டிவனம் அருகே கோனேரிக்குப்பத்தில் வன்னியர் கல்வி அறக்கட்டளை தொடங்கியுள்ள கல்லூரி மீது சேற்றை வாரி இறைக்க தொடங்கி இருக்கிறார். ஏரிப்பாசனம் பெறும் விளைநிலத்தில் கல்லூரி கட்டப்பட்டிருப்பதாக, அவதூறு புரளியை கிளப்பி வருகிறார். இதற்கு நான் விளக்கம் அளித்ததும், வீராசாமி புதிதாக ஒரு அறிக்கையை வெளியிட்டு புஞ்சை நிலம் என்றும், சவுக்கு பயிரிடப்பட்ட நிலம் என்றும் ஆதாரத்தை தேடிப்பிடித்து கூறியிருக்கிறார்.

இவர் இந்த ஆதாரத்தை தேடிப்பிடித்தது எப்படி என்பதெல்லாம் எங்களுக்கு தெரியும். எதை எதை அடித்து, எப்படியெல்லாம் திருத்தி ஆதாரம் என்று வெளியிடப்போகிறார்கள் என்பது அவருக்கு தெரிவதற்கு முன்பே எனக்கும் விவரம் சொல்லப்பட்டது.

சவுக்கு பயிரிடப்பட்டுள்ள நிலம் என்கிறார். எந்த ஒரு விவசாயியும் ஏரிப்பாசனம் பெறும் வளமான நிலத்தில் சவுக்கு பயிரிட மாட்டார். வேறு பயிர் எதுவுமே விளையாது என்ற நிலையில்தான் வேறு வழியின்றி சவுக்கு பயிரிடுவார்கள். வந்தால் வரவு; வராவிட்டால் பெரிய இழப்பில்லை என்பதுதான் சவுக்கு விவசாயிகளின் நம்பிக்கை.

2002 முதல் 2006 தொடக்கம் வரையில் இந்த கல்லூரிக்காக பல கட்டங்களாக நிலம் வாங்கப்பட்டு இருக்கிறது. திடீரென ஒரே நாளில் நூற்றுக்கணக்கான ஏக்கர்களை சிலர் வாங்கி குவிப்பதை போல இந்த கல்லூரிக்கு நிலம் வாங்கப்படவில்லை. எந்த பயிரும் விளைவிக்க முடியவில்லை; கடைசியாக சவுக்கு பயிரிட்டோம்; அதுவும் கருகி போய்விட்டது என்ற நிலையில், நிலத்தின் சொந்தக்காரர்கள் அவர்களாகவே விருப்பப்பட்டு கல்லூரிக்கு நிலத்தை விற்க முற்பட்டார்கள். இந்த நிலம் வாங்கப்படுகிறது வரையில் அது எந்த பயிருக்கும் பயன்படாத தரிசாகவும், களர் நிலமாகவும்தான் இருந்தது. கல்லூரிக்காக, நிலம் வாங்கப்பட்டதற்கு பின்னர் வேறு இடங்களில் இருந்து மண் கொண்டு வரப்பட்டு கரடு முரடுமாக இருந்த நிலம் சமப்படுத்தப்பட்டு இருக்கிறது. அதற்கு முன்னர் அந்த நிலம் மேடு பள்ளமாகத்தான் காட்சியளித்தது.

வன்னியர் அறக்கட்டளைக்காக வாங்கப்பட்டுள்ள நிலத்தில் நெல் மற்றும் பூஞ்செடிகள் பயிரிடப்பட்டதாக அமைச்சர் குறிப்பிட்டிருக்கும் பரப்பளவு ஒரு ஹெக்டேர் அளவுக்குத்தான் உள்ளது. அதற்கு மேல் அமைச்சரால் ஆதாரம் காட்ட முடியவில்லை.

அடங்கலை பார்த்தால் சாகுபடி பற்றி அறிந்து கொள்ளலாம் என்று அமைச்சர் கூறியிருக்கிறார். யாரோ கொடுத்த தவறான தகவலின் அடிப்படையில் அமைச்சர் அப்படி கூறியிருக்கிறார். நிலத்திற்கான வரியை செலுத்தும் போது அந்த நிலம் எத்தகைய தன்மை கொண்டது என தெரிவிப்பது வழக்கம். நிலத்தை பயிரிடாமல் போட்டாலும் எந்த ஒரு விவசாயியும் அது பயிரிடப்படாத நிலம் என்றோ, தரிசு நிலம் என்றோ சொல்வது இல்லை. அதிகாரிகளும் அப்படி பதிவு செய்து கொள்வதும் இல்லை.

வன்னியர் கல்வி அறக்கட்டளையால் புறம்போக்கு நிலம் ஆக்கிரமிப்பு செய்யப்பட்டுள்ளது என்று ஒரு அபாண்ட பழியை வீராசாமி சுமத்தி இருக்கிறார். ஆக்கிரமிப்பு என்று அவர் குறிப்பிட்டுள்ள 4 இனங்களில் சம்பந்தப்பட்டுள்ள மொத்த நிலப்பரப்பு சுமார் 3 ஹெக்டேர். ஆனால் அமைச்சர் குறிப்பிட்டுள்ளது போல அங்கே புறம்போக்கு நிலம் ஆக்கிரமிப்பு செய்யப்படவும் இல்லை. வேலி போட்டு வளைத்து போடப்படவும் இல்லை.

அமைச்சரே நேரடியாக இங்கே வரலாம். இல்லாத ஒன்றை இருப்பதாக இட்டுக்கட்டி அவதூறு குற்றச்சாட்டை கூறி வன்னியர் கல்வி அறக்கட்டளையை கொச்சைப்படுத்தி இருக்கும் அமைச்சர் வீராசாமியின் வீண்பழி ஒன்றரை கோடி வன்னிய மக்களின் மனதை மேலும் புண்படுத்தி இருக்கும் என்பதில் சந்தேகம் இல்லை.
( அப்பாடா ஜாதி அரசியல் வந்துவிட்டது )

வன்னியர் கல்வி அறக்கட்டளை தொடங்க ஒரு ரூபாய், இரண்டு ரூபாய் அளவுக்கு கூட வன்னிய மக்கள் தங்களது பங்களிப்பை அளித்திருக்கிறார்கள். வீட்டுக்கு ஒரு உண்டியல் அளித்து ஆண்டுக்கு குறைந்தபட்சம் நூறு ரூபாயாவது கொடுங்கள் என்று கேட்டு, அவர்களும் மனம் உவந்து இந்த அறக்கட்டளைக்காகப் பணம் கொடுத்து வருகிறார்கள். சுற்றுப்பயணம் மேற்கொள்ளும் போது தனிபட்டவர்களின் வீடுகளுக்குச் சென்றால், அவர்களின் இல்ல நிகழ்ச்சிகளில் பங்கேற்றால் அவர்கள் அளிக்கும் ரூ.500, ரூ.1,000-த்தை பிச்சையெடுப்பதைப் போல் சிறுக, சிறுக சேர்த்து எழுப்பப்பட்டிருக்கிறது இக்கல்லூரி.

இன்றைக்குக் கூட உத்திரமேரூர், வந்தவாசி ஆகிய இடங்களில் நடைபெற்ற திருமணங்களில் நான் பங்கேற்றபோது இந்த கல்வி அறக்கட்டளைக்காக ஒரு லட்சம் ரூபாய் அளவுக்கு நன்கொடை வழங்கப்பட்டது. இப்படி வன்னிய மக்களின் ஒத்துழைப்போடும், அவர்களது பங்களிப்போடும், அவர்களுக்காக உருவாகி வரும் இக்கல்வி நிலையத்தை களங்கப்படுத்த அமைச்சர் ஆற்காடு வீரசாசாமி முயற்சி செய்கிறார். இதனை வன்னிய மக்கள் ஒரு போதும் மன்னிக்க மாட்டார்கள்.

வன்னியர் கல்வி அறக்கட்டளைக்காக வாங்கப்பட்டுள்ள நிலம், அமைச்சர் சொல்வதைப் போல் விளை நிலமல்ல. விவசாயத்துக்கு லாயக்கற்றது என்பதால் உரிமையாளர்களால் விரும்பி விற்கப்பட்ட நிலம். முக்கியமாக விளை நிலத்தில் கை வைக்காதே என்ற முழக்கம் எழுதுவதற்கு முன்பாகவே வாங்கப்பட்ட நிலம். அந்த முழக்கம் எழுந்த பிறகு ஒரு சென்ட் நிலம் கூட இக்கல்லூரிக்காக வாங்கப்படவில்லை. கல்லூரியைச் சுற்றி அரசுப் புறம்போக்கு நிலம் இருக்கலாம். ஆனால், அந்த புறம் போக்கு நிலத்தில் ஒரு சென்ட் நிலம் கூட ஆக்கிரமிப்பு செய்யப்படவில்லை. இதுதான் உண்மை.

அதே நேரத்தில் தமிழகம் முழுவதும் ஏரி புறம்போக்கு நிலங்கள் ஆக்கிரமிப்பு செய்யப்பட்டு கூறு போட்டு விற்கப்பட்டிருக்கின்றன. தொடர்ந்து விற்கப்படுகின்றன. இப்படி ஏரி புறம்போக்கு நிலங்களை கூறு போட்டு விற்ற குபேரர்கள் யார் என்பது ஊருக்கு நன்றாகவே தெரியும்.

ஊரை அடித்து உலையில் போட்ட இந்தக் குபேரர்கள் எல்லாம் எங்கே இருக்கிறார்கள்? யாருடைய தயவில் இருக்கிறார்கள்? எத்தகைய பதவியில் இருக்கிறார்கள். அவர்களுடைய தயவில் யார், யார் வளமாக வாழ்ந்து கொண்டிருக்கிறார்கள்? என்ற பட்டியல் எல்லாம் என்னிடம் இருக்கிறது. தேவைப்படுகிற போது அப்பட்டியல் வெளியே வரும். அப்போது வீராப்புப் பேசுகிறவர்களின் முகமூடி கிழியும். நாட்டு மக்களை ஏமாற்றுகிறவர்கள் யார்? உத்தமர்கள் போல் நடித்துக் கொண்டிருப்பவர்கள் யார்? என்பதை அப்போது மக்கள் அறியத்தான் போகிறார்கள்.

ஆற்காடு வீராஸ்வாமி பதில் அறிக்கை:(15/12/07)
பா.ம.க. நிறுவனர் டாக்டர் ராமதாஸ் ஆத்திரம் அறிவுக்கு `சத்ரு' என்று அறிக்கை விட்டு விட்டு, அவர் விரும்பியவாறு நான் ஆதாரங்களைத் தெரிவித்த பிறகு, அவரே ஆத்திர வயப்பட்டு அறிக்கை விடுகிறார், திருமண விழாக்களில் பேசுகிறார், என்னைப் பற்றி ஏதேதோ கூறுகிறார், ஒருமையில் என்னை விளித்து உருப்படாமல் போய் விடுவாய் என்கிறார். மின் வாரியத்தில் கிளார்க்காக வேலை பார்த்தாய் என்கிறார்.

இவைகளில் இருந்தே யார் ஆத்திரத்தில் பேசுகிறார்கள் என்பதை தெரிந்து கொள்ளலாம். ஆத்திரம் எப்போது வரும் என்றால், வாதத்தில் பலகீனம் ஏற்படும்போது தான். அவர் சவால் விட்டு ஆதாரம் கேட்டதால் தான் நான் அவைகளை வெளியிட நேர்ந்தது. அவரே ஆதாரத்தைக் கேட்டு விட்டு, அதற்காக என் மீது இவ்வளவு வார்த்தைகளை வாரி இறைத்துள்ளார்.

பொது நலத்துக்காக நிலம் கையகப்படுத்துவது என்பது நீண்ட காலமாக இருந்து வரும் முறை என்று குறிப்பிட்டுள்ள டாக்டர் ராமதாஸ், கடந்த ஓராண்டு காலமாகத் தான் அதற்கு எதிர்ப்பு தோன்றியுள்ளது என்றும் சொல்கிறார். அந்த எதிர்ப்புக்கெல்லாம் காரணம் சாட்சாத் இவர் தான் என்பதை இவரது மனச்சாட்சியே அறியும்.

வேறு சில தனியார் தங்கள் நிறுவனங்களைத் தொடங்க நூறு ஏக்கர், இருநூறு ஏக்கர் என்று நிலம் கையகப்படுத்துவதைத் தொடர்ந்து டாக்டர் ராமதாஸ் எதிர்த்த நிலையில் தான், அவரே கல்லூரி தொடங்குவதற்காக 200-க்கு மேற்பட்ட ஏக்கர் நிலங்களைக் கையகப்படுத்திய விவரத்தை நான் கூற வேண்டியதாயிற்று.

உடனே அவர் நூறாண்டு காலத்திற்கு மேல் அங்கே எதுவுமே சாகுபடி செய்யவில்லை, களர் நிலம் என்று கூறிய பிறகு, கடந்த சில ஆண்டுகளுக்கு முன்பு அந்த நிலம் வாங்கப்படும் வரையில் அங்கே என்னென்ன பயிர்கள் சாகுபடி செய்யப்பட்டன என்ற விவரத்தை அடங்கல் எண்களோடு நான் தெரிவிக்க நேர்ந்தது. தற்போது சவுக்கு என்பது பயிரே இல்லை என்கிறார். சவுக்கு மட்டுமல்ல, பூஞ்செடி, நெல் போன்றவைகளும் அங்கே சாகுபடி செய்யப்பட்ட விவரத்தை நான் தெரிவித்திருக்கிறேன்.

வன்னியர் சமுதாயத்திற்கே அவர்தான் பிரதிநிதி என்பதைப் போலவும், அவர்களுக்காகவே வாழ்ந்து கொண்டிருப்பதைப் போலவும், அந்த ஒட்டு மொத்த சமுதாயமே அவரிடம் இருப்பதைப் போலவும் சொல்லிக் கொண்டிருக்கிறார்.

தமிழ்நாட்டுச் சரித்திரத்திலேயே இது வரையில்லாத அளவிற்கு வன்னிய சமுதாயத்தைச் சேர்ந்த மூன்று அமைச்சர்கள் தற்போது கலைஞர் ஆட்சிக் காலத்திலே தான் முக்கிய துறைகளுக்குப் பொறுப்பேற்று சிறப்பாகப் பணியாற்றி வருகிறார்கள். அது மாத்திரமல்ல, கட்சியிலே கூட தலைமைக் கழகச் செயலாளர்களாக, மாவட்டக் கழகச் செயலாளர்களாக, ஒன்றியக் கழகச் செயலாளர்களாக மற்றும் பல்வேறு பொறுப்புக்களிலே இருந்து வருகிறார்கள்.

தி.மு.க.விலே மட்டுமல்ல, காங்கிரஸ் கட்சியிலே எடுத்துக் கொண்டால் கூட, அந்தக் கட்சியின் மாநிலத் தலைவரே அந்தச் சமுதாயத்தைச் சேர்ந்தவர் தான். இவ்வாறு ஒவ்வொரு கட்சியிலும் பல்லாயிரக்கணக்கான வன்னிய சமுதாயத்தைச் சேர்ந்த நண்பர்கள் இருந்து வருகிறார்கள். எனவே ஒன்றரை கோடி வன்னியர்களுக்கும் இவர்தான் பிரதிநிதி என்பதைப் போல கூறிக் கொள்வது விந்தையாக உள்ளது.

மேலும் அந்தக் கல்லூரியை அவர்கள் தொடங்குவது பற்றியும் எனக்கு எந்த வேறுபாடும் கிடையாது. உண்மையைச் சொல்லப் போனால் அந்தக் கல்லூரியின் தொடக்க விழாவின் போது, அன்றைய அரசாங்கம் அதற்கான அனுமதியை மறுத்து விட்ட நிலையிலும் கலைஞர் அந்த விழாவிற்காகச் சென்ற போது, அவரோடு சென்றவர்களில் நானும் ஒருவன்.

ஆனால், அந்தக் கல்லூரிக்காக வாங்கப்பட்ட இடம் முழுவதும் களர் நிலம் என்று கூறிய டாக்டர் ராமதாஸ் நேற்று வெளியிட்ட அறிக்கையில் "அமைச்சர் குறிப்பிட்டிருக்கும் பரப்பளவு ஒரு எக்டேர் அளவுக்குத் தான் உள்ளது'' என்று வழுக்கியிருக்கிறார். முதலில் இல்லவே இல்லை என்று சொன்னவர் தற்போது இந்த அளவிற்கு உண்மையை ஒப்புக் கொண்டிருக்கிறார்.

அதுபோலவே தான் முதலில் அரசு புறம்போக்கு நிலமே இல்லை என்று சொல்லி விட்டு, தற்போது மூன்று எக்டேர் புறம்போக்கு நிலம் என்று ஒப்புக் கொண்டு, ஆனால் அங்கே வேலி போடவில்லை என்று தெரிவித்திருக்கிறார். இதிலிருந்தே அவரது நியாயம் எந்த அளவிற்கு தடுமாறியுள்ளது என்பதை நடுநிலையாளர்கள் புரிந்து கொள்வார்கள்.

தன்னிடம் என்னைப் பற்றி ஏதோ பட்டியல் அவரிடம் உள்ளதாகவும், வீராசாமியைப் போல எத்தனையோ பேரை தான் சந்தித்திருப்பதாகவும் டாக்டர் ராமதாஸ் பேசியிருக்கிறார்.

ஒவ்வொருவருக்கும் ஒரு பட்டியல் உண்டு. ஒவ்வொரு நபருக்கும், ஏன் ஒவ்வொரு கல்லூரிக்கும் அது போலவே ஒவ்வொரு தனியார் மருத்துவ மனைக்கும், தனியார் மருத்துவக் கல்லூரிக்கும் பட்டியல் உண்டு.

என்னைப் பொறுத்தவரையில் டாக்டர் ராமதாஸ் கூறுவதற்கு முன்பே, வருமான வரித் துறை, வருவாய்க்கு மேல் சொத்துக் குவிப்பு என்பது போன்ற வழக்குகள் எல்லாம் வந்து அவற்றையெல்லாம் சந்தித்து என்னுடைய வாழ்க்கை ஒரு திறந்த புத்தகமாகத் தான் உள்ளது. அதுபற்றி டாக்டர் ராமதாஸ் எந்தப் பக்கத்தை வேண்டுமானாலும் புரட்டிப் பார்த்துக் கொள்ளலாம். நான் கிளார்க்காக இருந்தேன் என்கிறார் டாக்டர் ராமதாஸ். கிளார்க்காக பணியாற்றுவது ஒன்றும் பாவமான தொழில் அல்ல.

பொதுவாழ்க்கையில் ஈடுபட்டு எத்தனை முறை சிறை சென்றேன் என்ற கணக்கு எனக்குத் தெரியாது. மிசா காலத்திலே சிறையிலே அடைக்கப்பட்டு அடிவாங்கி இன்றளவும் என் காது கேட்காத நிலைமை உள்ளது ஒன்றே என்னைப் பற்றிய உண்மையை உலகத்திற்குத் தெரிவிக்கும்.

ஆனால், நான் சிறை பட்ட நேரத்தில் என்னுடைய குடும்பத்தினர் யாரும் மேலிடத்தைப் பார்த்து மன்னிப்பு கோரி மண்டியிடவில்லை என்ற வரலாறும் எனக்கு உண்டு.

இறுதியாக ராமதாஸ் நான் உருப்பட மாட்டேன் என்று சாபம் விடுத்திருக்கிறார். சாபம், விமோசனம் இதற்கெல்லாம் அப்பாற்பட்ட கட்சி தான் தி.மு.கழகம். ஏழைகளின் சிரிப்பில் இறைவன் இருக்கிறான் என்று சொன்ன அண்ணாவின் தம்பியாம் கலைஞரின் தலைமையில் கீழ் உள்ள நான் இவரது சாபத்திற்காக கவலைப்பட வில்லை. அவர் நன்றாக வாழட்டும். எந்தக் கட்சிக்கும் துணை புரியாமல் தாங்களே தனியாக 2011-ம் ஆண்டு ஆட்சிக்கு வரப் போவதாகக் கூறியிருக்கிறார்.

ஒவ்வொரு முறையும் மற்ற கட்சிக்கு துணை போய் ஆட்சிக்குக் கொண்டு வந்ததாகவும் கூறியிருக்கிறார். ஆனால், அப்படி ஆட்சியிலே ஒரு கட்சியை உட்கார வைத்து விட்டு, அந்த ஒவ்வொரு கட்சிக்கும் எந்த அளவிற்கு துணை இருந்திருக்கிறார் என்ற சரித்திரம் தமிழகத்தின் வரலாற்றில் என்றுமே பசுமையாக இருக்கத் தான் செய்யும்.

நான் என்னிடம் இருக்கும் விவரங்களை தெரிவிக்கிறேன்.

இவை தவறு என்றால் டாக்டர் ராமதாஸ் நீதிமன்றத்தில் என் மீது வழக்கு தொடரலாம். அதை நான் சந்திக்க தயார்.

18 Comments:

Anonymous said...

பூஞ்செடி,சவுக்கு சாகுபடி
செய்தால் அது விளைநிலம் அல்ல...

IdlyVadai said...

Update: ராமதாஸ் பதில்

ஹரன்பிரசன்னா said...

ராமதாஸ் மேல 100, ஆர்காடு மேல 200 கட்றேன்.

வெங்கி said...

பேசாம மருத்துவ குடி, ஆற்காடு இருவரையும்,, ஒரு போது இடத்துக்கு (நேரு ஸ்டேடியம் ) வரவழைத்து எல்லா டிவி சேனல் களையும் கவர் பண்ண சொல்லி........சொல்லி....ரெண்டு பேர் கையிலையும் பிஞ்ச செருப்பு, தொடப்ப கட்டை, சாணி மற்றும் இத்யாதி ஆயுதங்களை கொடுத்து...அடிச்சிக்க சொல்லணும்... பாக்க வே சூப்பர் காமெடி ஷோ மாதிரி...

டிவி யும் சம்பாதிச்ச மாதிரி இருக்கும்..ஒரு நல்ல டி ஆர் பி ரேட்டிங் கிடைக்கும்...

Anonymous said...

I think Arcot has a valid point, in terms of Ramadoss stopping the development. At the same time, Ramadoss also has some valid points in his side.

Unfortunately, both of them are theives who are trying to accumulate personal wealth.

If we look at the argument, Arcot is the clear winner, as Ramadoss has not answered properly to the "fertile land" detail provided by Arcot.

Anonymous said...

Indian Express earlier wrote that Ramadoss was occupying government land through the trust and govt. took no action. Now Veeraswamy has
confirmed this. The more they talk more we know how they violate the rules.

ஜோதிபாரதி said...

இவங்க இரண்டு பேரும் பொதுமக்களை வைச்சு காமடி கீமடி பண்ணலையே?

அன்புடன் ஜோதிபாரதி
http://jothibharathi.blogspot.com/

Anonymous said...

நன்றி இட்லிவடையரே! நல்ல scoop

Anonymous said...

ithukke thaniya oru blogspot thevai padum pola !!!

IdlyVadai said...

ராமதாஸ் அறிக்கை சும்மா சொல்ல கூடாது எல்லாம் விஷயமும் வெளியே வருது !

ragini said...

both of them r theives...
both of them r wealthy.. accumulated and accumulating wealth and tomoro they will say arasilla edhellam sagachamappa.........
finally people r only loosers...

செந்தழல் ரவி said...

அடுத்த அறிக்கை இங்கேயே அப்டேட் செய்யப்படுமா ?

வெங்கி said...

திமுக, பாமக இடையிலான மோதல் புதிய கட்டத்தை எட்டியுள்ளது.

தமிழகத்தில் மின் தட்டுப்பாடு குறித்து பாமக நிறுவனர் ராமதாஸ் ஆரம்பித்து வைத்த அறிக்கை போர் இப்போது அமைச்சர் வீராசாமிக்கும் ராமதாசுக்கும் இடையிலான தனிப்பட்ட மோதலாக மாறி, இப்போது கூட்டணியையே ஆட்டிப் பார்த்துக் கொண்டுள்ளது.

திமுக மாநாட்டுக்கு ராமதாசுக்கு இதுவரை மரியாதைக்குக்கு கூட அழைப்பு விடுக்காமல் தவிர்த்து வருகிறது அக் கட்சியின் தலைமை.

திமுக பொருளாளரும் மின்துறை அமைச்சருமான ஆற்காடு வீராசாமி கூறியுள்ளார்.

நேற்று ஆற்காடு வீராசாமியைத் தாக்கி மிகக் கடுமையான அறிக்கை விட்ட ராமதாஸ், பாமகவைச் சேர்ந்த ஒருவரின் திருமண விழாவில் பேசுகையில், மக்களுக்குத் தேவையான கல்வியை தனியாரிடம் கொடுத்துவிட்டு மதுக் கடைகளை மட்டும் அரசே ஏற்று நடத்துகிறது.

நம் சமுதாயம் இப்போது தான் முன்னேறி வருகிறது. ஆனால், அதை பொறுக்க முடியாமல் இந்த அரசு செயல்பட்டு வருகிறது. நம் சமுதாயத்தை அழிக்கப் பார்க்கிறது. சாராயம் குடித்து நம் சமுதாய மக்கள் அழிகின்றனர்.

சமுதாயம் திருந்த வேண்டும் என்று தான் கல்விப் பணியில் இறங்கினோம். கோனேரிக்குப்பம் என்ற இடத்தில் 100 ஆண்டுகளாக காடுமேடாகக் கிடந்த நிலத்தை இஸ்லாமியர்களிடம் இருந்து வாங்கி கல்லூரி கட்டினோம். அதில் எங்கோ அரை ஏக்கர், ஒரு ஏக்கர் புறம்போக்கு நிலம் உள்ளதாம். ஆற்காடு வீராசாமி சொல்கிறார்.

வீராசாமியைப் பற்றி எனக்குத் தெரியாதா. மின் வாரியத்தில் கிளார்க்காக வேலை பார்த்தபோது ஆளும்கட்சி குறித்து எதிர்க் கட்சிக்கு உளவு சொன்னவர் தானே இவர். நாங்கள் எத்தனையோ ஆற்காடு வீராசாமிகளைப் பார்த்திருக்கிறோம்.

இன்று தமிழகம் மின்சாரம் இல்லாமல் இருளில் மூழ்கிக் கிடக்கிறது. கேட்டால் நீ நிலத்தை அபகரித்துவிட்டாய் என்று பேசுகிறார் மின்சார அமைச்சர் என்று பேசிய ராமதாஸ் பல இடங்களில் வீராசாமியை கோபம் கொப்பளிக்க ஒருமையில் பிடித்து வாங்கினார்.

ஆற்காடு பதிலடி:

இந் நிலையில் ஆற்காடு வீராசாமி இன்று வெளியிட்டுள்ள அறிக்கையில்,

பாமக நிறுவனர் டாக்டர் ராமதாஸ் ஆத்திரம் அறிவுக்கு சத்ரு என்று அறிக்கை விட்டு விட்டு அவர் சவாலையேற்று நான் ஆதாரங்களைத் தெரிவித்த பிறகு அவரே ஆத்திரவயப்பட்டு அறிக்கை விடுகிறார்.

திருமண விழாக்களில் பேசுகிறார். என்னைப் பற்றி ஏதேதோ கூறுகிறார். ஒருமையில் என்னை விளித்து உருப்படாமல் போய் விடுவாய் என்கிறார். மின்வாரியத்தில் கிளார்க்காக வேலை பார்த்தாய் என்கிறார்.

இவைகளில் இருந்தே யார் ஆத்திரத்தில் பேசுகிறார்கள் என்பதை தெரிந்து கொள்ளலாம். ஆத்திரம் எப்போது வரும் என்றால், வாதத்தில் பலகீனம் ஏற்படும் போதுதான். அவர் சவால்விட்டு ஆதாரம் கேட்டதால்தான் நான் அவைகளை வெளியிட நேர்ந்தது. அவரே ஆதாரத்தை கேட்டுவிட்டு அதற்காக என் மீது இவ்வளவு வார்த்தைகளை வாரி இறைத்துள்ளார்.

பொது நலத்துக்காக நிலம் கையகப்படுத்துவது என்பது நீண்ட காலமாக இருந்து வரும் முறை என்று குறிப்பிட்டுள்ள டாக்டர், கடந்த ஓராண்டு காலமாகத்தான் அதற்கு எதிர்ப்பு தோன்றியுள்ளது என்றும் சொல்கிறார்.

அந்த எதிர்ப்புக்கெல்லாம் காரணம் சாட்சாத் இவர்தான் என்பதை இவரது மனசாட்சியே அறியும். வேறு சில தனியார் தங்கள் நிறுவனங்களைத் தொடங்க நூறு ஏக்கர், இருநூறு ஏக்கர் என்று நிலம் கையகப்படுத்துவதைத் தொடர்ந்து டாக்டர் எதிர்த்த காரணத்தில்தான் அவரே கல்லூரி தொடங்குவதற்காக 200க்கு மேற்பட்ட ஏக்கர் நிலங்களைக் கையகப்படுத்திய விவரத்தை நான் கூற வேண்டியதாயிற்று.

உடனே அவர் நூறாண்டு காலத்திற்கு மேல் அங்கே எதுவுமே சாகுபடி செய்யவில்லை. களர் நிலம் என்று கூறிய பிறகு, கடந்த சில ஆண்டுகளுக்கு முன்பு அந்த நிலம் வாங்கப்படும் வரையில் அங்கே என்னென்ன பயிர்கள் சாகுபடி செய்யப்பட்டன என்ற விவரத்தை அடங்கல் எண்களோடு நான் தெரிவிக்க நேர்ந்தது.

தற்போது சவுக்கு என்பது பயிரே இல்லை என்கிறார். சவுக்கு மட்டுமல்ல, பூஞ்செடி, நெல் போன்றவைகளும் அங்கே சாகுபடி செய்யப்பட்ட விவரத்தை நான் தெரிவித்திருக்கிறேன். டாக்டர் ராமதாஸ் எனக்கு கோபம் பொத்துக் கொண்டு வருவதாகத் தெரிவித்திருக்கிறார். என்னையும் டாக்டர் ராமதாசையும் தெரிந்தவர்களுக்கு யார் கோபப்படுவார்கள் என்பது நன்றாகத் தெரியும்.

வன்னியர் சமுதாயத்திற்கே அவர்தான் பிரதிநிதி என்பதைப் போலவும், அவர்களுக்காகவே வாழ்ந்து கொண்டிருப்பதைப் போலவும், அந்த ஒட்டு மொத்த சமுதாயமே அவரிடம் இருப்பதைப் போலவும் சொல்லிக் கொண்டிருக்கிறார்.

தமிழ்நாட்டுச் சரித்திரத்திலேயே இது வரையில்லாத அளவிற்கு வன்னிய சமுதாயத்தைச் சேர்ந்த மூன்று அமைச்சர்கள் தற்போது கலைஞரின் ஆட்சிக் காலத்தில்தான் முக்கிய துறைகளுக்குப் பொறுப்பேற்று சிறப்பாகப் பணியாற்றி வருகிறார்கள். அது மாத்திரமல்ல முதன் முதலாக வன்னியர் சமுதாயத்தைச் சேர்ந்த டி.ஜி.வெங்கட்ராமனை மத்திய அமைச்சராக அங்கம் வகிக்க செய்ததும் தலைவர் கலைஞர்தான்.

அதைப்போலவே கட்சியிலே கூட தலைமைக் கழகச் செயலாளர்களாக, மாவட்டக் கழகச் செயலாளர்களாக, ஒன்றியக் கழகச் செயலாளர்களாக மற்றும் பல்வேறு பொறுப்புகளிலே வன்னிய சமூகத்தினர் இருந்து வருகிறார்கள்.

திமுகவிலே மட்டுமல்ல, இன்னும் சில கட்சிகளிலும் வன்னியர் சமுதாயத்தினர் பொறுப்புகளில் உள்ளனர். இவ்வாறு ஒவ்வொரு கட்சியிலும் பல்லாயிரக்கணக்கான வன்னிய சமுதாயத்தைச் சேர்ந்த நண்பர்கள் இருந்து வருகிறார்கள்.

எனவே ஒன்றரை கோடி வன்னியர்களுக்கும் இவர்தான் பிரதிநிதி என்பதைப்போல கூறிக் கொள்வது விந்தையாக உள்ளது.

மேலும் அந்தக் கல்லூரியை அவர்கள் தொடங்குவது பற்றியும் எனக்கு எந்த வேறுபாடும் கிடையாது. உண்மையைச் சொல்லப்போனால் அந்தக் கல்லூரியின் தொடக்க விழாவின்போது, அன்றைய அரசாங்கம் அதற்கான அனுமதியை மறுத்து விட்ட நிலையிலும் தலைவர் கலைஞர் அந்த விழாவிற்காகச் சென்றபோது, அவரோடு சென்றவர்களில் நானும் ஒருவன்.

ஆனால் அந்தக் கல்லூரிக்காக வாங்கப்பட்ட இடம் முழுவதும் களர் நிலம் என்று கூறிய டாக்டர் ராமதாஸ் நேற்று வெளியிட்ட அறிக்கையில், அமைச்சர் குறிப்பிட்டிருக்கும் பரப்பளவு ஒரு ஹெக்டேர் அளவுக்குத்தான் உள்ளது என்று வழுக்கியிருக்கிறார். முதலில் இல்லவே இல்லை என்று சொன்னவர் தற்போது இந்த அளவிற்கு உண்மையை ஒப்புக் கொண்டிருக்கிறார்.

அது போலவேதான் முதலில் அரசு புறம்போக்கு நிலம் என்று ஒப்புக்கொண்டு, ஆனால் அங்கே வேலி போடவில்லை என்று தெரிவித்திருக்கிறார். இதிலிருந்தே அவரது நியாயம் எந்த அளவிற்கு தடுமாறியுள்ளது என்பதை நடுநிலையாளர்கள் புரிந்து கொள்வார்கள்.

தன்னிடம் என்னைப்பற்றி ஏதோ பட்டியல் அவரிடம் உள்ளதாகவும், வீராசாமியைப் போல எத்தனையோ பேரை தான் சந்தித்திருப்பதாகவும் டாக்டர் ராமதாஸ் பேசியிருக்கிறார். ஒவ்வொருவருக்கும் ஒரு பட்டியல் உண்டு. ஒவ்வொரு நபருக்கும், ஏன் ஒவ்வொரு கல்லூரிக்கும் அதுபோலவே ஒவ்வொரு தனியார் மருத்துவமனைக்கும், தனியார் மருத்துவக் கல்லூரிக்கும் பட்டியல் உண்டு.

என்னைப் பொறுத்தவரையில் டாக்டர் ராமதாஸ் கூறுவதற்கு முன்பே, வருமான வரித்துறை, வருவாய்க்கு மேல் சொத்துக் குவிப்பு என்பது போன்ற வழக்குகள் எல்லாம் வந்து அவற்றையெல்லாம் சந்தித்து என்னுடைய வாழ்க்கை ஒரு திறந்த புத்தகமாகத்தான் உள்ளது.

அதுபற்றி டாக்டர் ராமதாஸ் எந்தப் பக்கத்தை வேண்டுமானாலும் புரட்டிப் பார்த்துக் கொள்ளலாம். நான் கிளார்க்காக இருந்தேன் என்கிறார் டாக்டர் ராமதாஸ். கிளார்க்காக பணியாற்றுவது ஒன்றும் பாவமான தொழில் அல்ல.

பொது வாழ்க்கையில் ஈடுபட்டு எத்தனை முறை சிறை சென்றேன் என்ற கணக்கு எனக்குத் தெரியாது. மிசா காலத்திலே சிறையிலே அடைக்கப்பட்டு அடி வாங்கி இன்றளவும் என் காது கேட்காத நிலைமை உள்ளது ஒன்றே என்னைப் பற்றிய உண்மையை உலகத்திற்குத் தெரிவிக்கும்.

ஆனால் நான் சிறைபட்ட நேரத்தில் என்னுடைய குடும்பத்தினர் மற்ற அரசியல் கட்சித் தலைவர்களைப் போல யாரும் மேலிடத்தைப் பார்த்து மன்னிப்பு கோரி மண்டியிடவில்லை என்ற வரலாறும் எனக்கு உண்டு. இறுதியாக ராமதாஸ் நான் உருப்படமாட்டேன் என்று சாபம் விடுத்திருக்கிறார். சாபம், விமோசனம் இதற்கெல்லாம் அப்பாற்பட்ட கட்சிதான் திமுக.

ஏழைகளின் சிரிப்பில் இறைவன் இருக்கிறான் என்று சொன்ன அண்ணாவின் தம்பியாம் கருணாநிதியின் தலைமையில் கீழ் உள்ள நான் இவரது சாபத்திற்காக கவலைப்படவில்லை. அவர் நன்றாக வாழட்டும். எந்தக்கட்சிக்கும் துணை புரியாமல் தாங்களே தனியாக 2011ல் ஆட்சிக்கு வரப்போவதாகக் கூறியிருக்கிறார்.

ஒவ்வொரு முறையும் மற்ற கட்சிக்கு துணை போய் ஆட்சிக்குக் கொண்டு வந்ததாகவும் கூறியிருக்கிறார். ஆனால் அப்படி ஆட்சியிலே ஒரு கட்சியை உட்கார வைத்து விட்டு அந்த ஒவ்வொரு கட்சிக்கும் எந்த அளவிற்கு துணை இருந்திருக்கிறார் என்ற சரித்திரம் தமிழகத்தின் வரலாற்றில் என்றுமே பசுமையாக இருக்கத்தான் செய்யும். நான் என்னிடம் இருக்கும் விபரங்களைத் தெரிவிக்கிறேன். இவை தவறு என்றால் டாக்டர் ராமதாஸ் நீதிமன்றத்தில் என் மீது வழக்கு தோடரலாம். அதை நான் சந்திக்கத் தயார் என ஆற்காடு வீராசாமி கூறியுள்ளார்.

ஜோதிபாரதி said...

ஒரு சாதி மக்களுக்கு மட்டும் பாடுபடுவதாக சொல்லிக்கொள்ளும் மருத்துவர் ராமதாசு அய்யா, 2011-ல் எப்படி விருப்பு வெறுப்பின்றி பதவிப்பிரமாணம் எடுக்கப்போகின்றார். (தமிழகத்தில் நூற்றுக்கணக்கான சாதிகள் உள்ளனவே) எங்கேயோ இடிக்குதே. அல்லது மற்ற சாதியினரெல்லாம் எல்லா வழமும் பெற்று வாழ்ந்துகொண்டிருக்கின்றணரா?

அன்புடன் ஜோதிபாரதி
http://jothibharathi.blogspot.com/

IdlyVadai said...

//அடுத்த அறிக்கை இங்கேயே அப்டேட் செய்யப்படுமா ?//

ஆமாம் இதே பதிவில் வந்து பாருங்க. இல்லை இதுக்கே தனியாக யாராவது வலைப்பதிவு ஆரம்பிக்கலாம் :-)

வால்பையன் said...

என்ன கொடும சார் இது ?

venki said...

மாட்டு மருத்துவகுடிக்கு மனசுக்குள் மகாத்மா காந்தி என்று நினைப்பு வேறு...

இப்படியாகப்பட்டு மருத்துவகுடி ராமதாசு...அறிக்கை விடுவது...மொக்கை போடுவது...எல்லாம் 2011 ல் ஆட்சியை பிடிக்கும் எண்ணத்திலோ ?

இவரது மொத்த ஸ்வரூபமும் மக்களுக்கு நன்றாக தெரியும்... 2011 ல் பா.ம.க ஆட்சியை மட்டும் அல்ல எதையும் பிடிக்க முடியாது...

cga said...

இட்லிவடை இந்தவாரம் ஆவீயில் ஞானி எழுதிய 200கோடி விஷயம் படித்தீர்களா?