பாயும் வேகம் ஜெட் லீ தாண்டா
பன்ச் வெச்சா இட்லி தாண்டா
Rated PG - for Pseudo-DK, DMK, Liberals, Marxists....
ஊர்ல சொல்றது சொலவடை
உண்மையைச் சொல்றது இட்லிவடை

Friday, October 05, 2007

பேசாப் பொருளைப் பேச நான் துணிந்தேன்’

இன்று காலை கூகிள் சாட்டில் ஒரு நண்பர் வந்து, ஞாநி கலைஞரை பற்றி அக்கறையாக ஒரு கட்டுரை எழுதியிருக்கிறார் இன்னும் இட்லிவடையில் போடலையா என்றார். அவர் சொன்ன சமயம் நான் அந்த கட்டுரையை படிக்கவில்லை, சரி என்ன எழுதியிருக்கிறார் என்று படித்த போது, கொஞ்சம் எரிச்சலாக தான் இருந்தது. அதில் வரும் படங்களை பார்த்த போது, மேலும் எரிச்சலடைந்தேன். (இந்த கட்டுரைக்காக எடுத்த படங்கள் போல் இருந்தது. )...


பேசாப் பொருளைப் பேச நான் துணிந்தேன்’ என்பான் பாரதி. இந்த ‘ஓ பக்க’க் கட்டுரையும் அப்படித்தான்... பாரதி வழியில் பேசாப் பொருளைப் பேசத் துணியும் ஒரு முயற்சி! என்று இந்த வாரம் ஞாநி தன் கட்டுரையை ஆரம்பிக்கிறார் ஞாநி

கட்டுரையின் சாராம்சம் இது தான்

84 வயது முதியவர் ஒருவரை அவர் குடும்பமும் நம் சமூகமும் கொடுமைப்படுத்திக்கொண்டு இருப்பதைப் பார்த்து, நாம் ஏன் வாய் மூடிச் சகித்துக்கொண்டு இருக்கிறோம்? என்று கலைஞர் பாத்ரூமில் வழுக்கியது, உதட்டோரம் வழியும் எச்சிலை துடைக்கவில்லை, நடக்கமுடியவில்லை, இரு பக்கமும் பிடித்துக்கொள்ள ஆட்கள் தேவைப்படுகிறார்கள். உட்கார்ந்தால் எழுந்திருக்கவோ, நின்றிருந்தால் வாகாக உட்காரவோ, குழந்தையைப் போல அவருக்குப் பிடிமானம் தேவைப்படுகிறது. நன்றாக பேசிக்கொண்டிருந்தவர் பல வாக்கியங்களைப் பாதியில் விட்டுவிட்டு வேறொன்றுக்குப் போய்விடுகிறார். சட்டைப்பையில் வைத்த காகிதத்தை மறந்து-போய் வேறெங்கோ தேடியதையும், ஒரு காலில் கட் ஷூ கழன்றுபோனதுகூடத் தெரியாமலே தொடர்ந்து நடந்ததையும் ஆதாரத்துடன் ஞாநி சொல்லிவிட்டு,

சில கேள்விகளை கேட்கிறார்

முதலில் கலைஞர்

தன்னை உண்மையான பகுத்தறிவாளராக உரத்துச் சொல்வதற்குத் தடையாக இருக்கும் முதலமைச்சர் பதவி என்ற துண்டை உதறிவிட்டு, எழுத்தாளர் - இலக்கியவாதி - சமூகச் சிந்தனையாளராக சுதந்திரமாகச் செயல்பட, இந்த வயதில்கூட முடியாதென்றால் எப்படி?


அவருடைய பிள்ளைகளுக்கு
அவருடைய ரத்த வாரிசுகளும் அரசியல் வாரிசுகளுமான மு.க.அழகிரி, மு.க.ஸ்டாலின், கனிமொழி மூவருக்கும் ஒரு கேள்வி: ‘ஒரு தலைவராக அவரைப் பார்க்காமல், ஒரு தந்தையாக அவரைப் பாருங்கள். தினம் இப்படி உடல் உபாதைகளுடன் அவர் பொது வேலைகளைச் சுமந்துகொண்டு அலைக்கழிக்கப்படுவது உங்களுக்குச் சம்மதம்தானா? ஏன் அவருக்கு ஓய்வு தர மறுக்கிறீர்கள்?’


தி.மு.க-வினருக்கு
‘கட்சிக்குள் ஸ்டாலின்தான் அடுத்த முதலமைச்சர் என்பதை எழுதாத விதி-யாக ஏற்றுக்கொண்டுவிட்ட பிறகு, இப்போதே ஸ்டாலினை முதல்வராக்கு-வதில் உங்களுக்கு என்ன தயக்கம்? மன்மோகன் சிங்கை பிரதமர் ஆக்கிவிட்டு, சோனியா கட்சித் தலைவராக இருந்து காங்கிரஸை வழிநடத்துவது போல, கட்சித் தலைவராக மட்டும் இருந்து-கொண்டு கலைஞர் உங்களை வழிநடத்-தினால், உங்களால் அரசியல் எதிரிகளைச் சமாளிக்க முடியாமல் போய்விடும் என்று அச்சப்படுகிறீர்களா? உங்கள் அச்சத்தினால், ஒரு முதியவரை இப்படிக் கொடுமைப்படுத்த வேண்டுமா?’


பொதுமக்களுக்கு ஒரு கேள்வி
‘முதியவர்--களைத் தங்களோடு வைத்துக்-கொள்ள விரும்-பாமல் முதியோர் இல்லத்-துக்கு அனுப்பு-வது தவறுதான்; அதேசமயம், தங்கள் சுயநலத்துக்-காக, தங்களுட-னேயே வைத்துக்கொண்டு ஓய்வே தராமல் அவர்-களைக் கடுமையாக வேலை வாங்குவதும் தவறா, இல்லையா?


சீக்கிரம் ஓய்வெடுக்க போவிடுங்கள் என்று அப்பட்டமாக சொல்லுகிறார் ஞாநி. சொன்ன விதம் தவறு, ஞாநிக்கும் கலைஞருக்கும் கருத்து வேறுபாடு இருக்கலாம் அதற்காக அவர் முதுமையை பழிப்பது, படங்கள் எல்லாம் நாகரிகமானவை அல்ல.

இந்த கட்டுரைக்கு திமுக தரப்பில் மிகுந்த எதிர்ப்பு வரும் என்று நினைக்கிறேன், குறைந்தது, ஒரு கட்டு ஆனந்த விடனையாவது கொளுத்துவார்கள், பார்க்கலாம்.
இந்த கட்டுரையை இட்லிவடையில் போட என் மனம் இடமளிக்கவில்லை.

11 Comments:

Anonymous said...

ஞானியின் கேள்விகள் ஞாயமானவையே....படிக்கவே மனது பாரமாகிறது....

ஹரன்பிரசன்னா said...

இட்லி வடை ஏன் செண்டிமெண்ட்?

நான் இன்னும் ஆவி படிக்கவில்லை, படங்கள் பார்க்கவில்லை. நீங்கள் சொல்லியிருக்கும் விஷயங்களைப் பார்த்தால் ஞாநி மிகச்சிறப்பான தேவையான கேள்விகளைக் கேட்டிருக்கிறார். நான் எப்போதும் இதைத்தான் கேட்கிறேன்,இந்த வயதில்கூட ஓய்வில்லை என்றால் எப்படி? அப்படி பதவி வெறியா? ஏன் ஸ்டாலினை முதல்வர் ஆக்குவதில் இத்தனை தாமதம்? 84 வயதின் கஷ்டங்கள் தெரியுமா உங்களுக்கு? நிறைய சமயங்களில் ஒரு வயதானவர் படும் கஷ்டங்கள்தான் பாவமாக இருக்கிறது. ஞாநி சொன்னது போல கருணாநிதி பதவி விலகுவது அவர் உடல்நிலைக்கு தேவையானது.

IdlyVadai said...

ஹரன்பிரன்சன்னா செண்டிமெண்ட் எல்லாம் இல்லை. என் பார்வையை சொன்னேன்.

ஒரு வயதானவரை இப்படி எழுதுவது சரி என்று எனக்கு படவில்லை, பெரியார் காந்தி, சங்கிராசாரியார், போப், எல்லாம் வயதான பிறகு உழைக்கவில்லையா ?

காந்தியை இரண்டு பேர் கைத்தாங்கலாக அழைத்து வந்த போது ஏன் என்று யாராவது கேட்டார்களா ?

இது அவர்களின் குணம், அவ்வளவு தான்.

ஞாநி கேட்ட கேள்விகள் எல்லாம் சரி, ஆனால் உதாரணம், படங்கள் எல்லாம் தவிர்த்திருக்கலாம். முதலமைச்சர் என்பவர் மக்களால் தேர்ந்தெடுக்கபட்டவர், பிறகு தான் அவர் திமுக தலைவர். இவரை பிடிக்கவில்லை என்றால் அடுத்த முறை மக்கள் மாற்றுவார்கள்.

யார் அடுத்த தலைவர் என்று திமுக முடிவெடுக்கும் அது அவர்களின் வேலை.

சிலர் ரிடையர் ஆன பிறகு என்ன செய்வது என்று தெரியாமல் கஷ்டபடுவார்கள். அதனாலேயே அவர்களின் உடல் நிலை மோசகாகும். கலைஞரும் அதே போல் தான் அவரால் ஓவ்வெடுக்க முடியாது என்று நினைக்கிறேன்.

Anonymous said...

Gnani bayandhu bayandhu than karuthai sollierukkirar..Ezundhu nikka nadakka mudiyatha oruvar eppadi government run panna mudium..Straight and simple fact..

IdlyVadai said...

//Gnani bayandhu bayandhu than karuthai sollierukkirar..Ezundhu nikka nadakka mudiyatha oruvar eppadi government run panna mudium..Straight and simple fact..//

எம்.ஜி.ஆர் படுத்த படுக்கையாக இருந்த போதும் இதே நிலமை தான். யாரை தேர்ந்தெடுக்கனும் என்பது மக்கள் கையில் தான் இருக்கு.

Anonymous said...

இ.வா. நீங்கள் சொல்வதைப்பார்த்திதால் அவருக்கு வோட்டு போட்டுவிட்டு, அடுத்த தேர்தல் வரை அவரைப்பற்றி குறை சொல்ல கூடாது போல? Civil servant, அவர் க்ட்மையை சரி வர செய்வதில்லை எந்றால் மக்கள் அதை ஸுட்டிக்காட்டத்தாந் செய்வார்கள்.
1. if nyani hadn't put the photos, they'd complain that he had no evidence for his claims, so he was right in doing so.
2. gandhi & mgr lived in a different period, when media was not what it is now. with more media presence, there's more accountability. do you really think people believe that there's nobody mroe competent to run the state & that's why they elected him?
3. if he's in the public eye, he should be prepared for such exposure.nobody is forcing him. if you remember, shankar dayal sharma walked like a duck & made india a laughing stock when he visited other countries.

Anonymous said...

இட்லி வடை

எனக்கு ஞாநியைச் சுத்தமாகப் பிடிக்காது. ஒரு அஞ்ஞாநியைத் தூக்கி வைத்துக் கொண்டு விகடன் ஆடுகிறது. என் நண்பர் ஒருவர் சொன்னது போல இவர் ஞாலத்தின் நிர்மூடன் என்பதைச் சுருக்கி ஞாநி என்று வைத்துக் கொண்டுள்ளார். அணு விஞ்ஞானம் போன்ற அறிவியல் துறைகளில் முறையான அறிவு இல்லாத தற்குறியான இந்த ஞாநி அதைப் பற்றி பெரிய நிபுணர் போன்ற போலித் தோரணையில் எழுதுவது ஏமாற்று வேலை. திண்ணையில் அணு விஞ்ஞானி ஜெயபாரதன் அவர்கள் இதற்கு முன்பாகவே ஞாநியின் இந்த அறிவுப் பற்றாக்குறையையும் போலித்தனத்தையும் கடுமையாகச் சாடியுள்ளார். ஞாநியும் விகடனும் துறை அறிவில்லாமல் பல விஷயங்களில் உளறிக் கொட்டுகின்றன.



இதே ஞாநி முன்பு பாய்ஸ் படப் பிரச்சினையில் சுஜாதா ஏன் இன்னும் சாகவில்லை, செத்துத் தொலைய வேண்டியதுதானே என்று கேள்வி எழுப்பினார். அப்படிப் பட்ட வக்கிரம் பிடித்த மனநோயாளி இந்த அஞ்ஞாநி. ஆக இவர் வக்கிரமமாக எழுதுவது இது முதல் முறையல்ல. எம் எஸ் சுப்புலட்சுமி அவர்கள் இறந்த பொழுது மிகவும் ஆபாசமான முறையில் கீழ்த்தரமாகக் கட்டுரை எழுதியவர் இந்த ஞாநி. பத்திரிகை சுதந்திரம் பற்றி வாய் கிழிய பேசும் இந்த வக்கிரம் பிடித்த மனிதர் திண்ணையில் இவரைக் கேள்வி கேட்ட மாயவரத்தான் மீதும் திண்ணை மீதும் கேஸ் போடுவேன் என்று பேட்டை ரவுடி போலக் கீழ்த்தரமாக மிரட்டியவர். இவர் ஒரு போலி. இவருக்கு எதைப் பற்றியும் ஆழமான அறிவோ, ஞானமோ கிடையாது. இவர் ஏன் இப்படி வக்கிரம் பிடித்து அலைகிறார் என்பதற்கான மூல காரணம் இவரது சொந்த வாழ்க்கையைத் தெரிந்தவர்களுக்குத் தெரியும்,. அதை பொதுவில் சொல்லி ஞாநி அளவுக்கு கீழ்த்தரமாகப் போக நான் விரும்பவில்லை.



நிற்க. விகடனிடன், கருணாநிதியின் சீர்கெட்ட உடல் நலம் குறித்தும், ஸ்டாலினின் அபாயகரமான உடல நலம் குறித்தும் ஆதாரபூர்வமான தகவல்கள் கிட்டியுள்ளன. அதை வெளியிட்டால் பிரச்சினை வரும் என்பதால் செய்தியாக வெளியிடாமல் இது போல கட்டுரைகள் மூலம் வெளியிட்டு பரபரப்புத் தேடிக் கொண்டு விற்பனையை அதிகரித்துக் கொள்கிறார்கள். விகடனுக்கு பத்திரிகா தர்மம் நியாயம் எல்லாம் கிடையாது. வியாபாரம் நடக்க வேண்டும் என்றால் மன சாட்சி உட்பட எதையும் விற்கத் தயங்காதவர்கள்.



இந்த நேரத்தில் கருணாநிதியைப் பற்றி சொல்ல வேண்டும் ஞாநிக்குச் சற்றும் சளைத்தவர் அல்ல கருணாநிதி. எம் ஜி ஆர் உடல் நலம் குன்றிய பொழுது இதை விட ஆபாசமாகப் பேசியவர்தான் இந்தக் கருணாநிதி. அதை ஒப்பிடும் பொழுது ஞாநியின் வக்கிரம் ஒன்றுமேயில்லை. கெடுவான் கேடு நினைப்பான், முற்பகல் செய்யின் பிற்பகல் விளையும் என்பார்கள் நம் முன்னோர்கள். அது கருணாநிதி விஷயத்திலும் நடக்கிறது, இதற்காக நீங்கள் கருணாநிதி மேல் பற்று பாசம் கொண்டவர் போல நடிப்பது போலித்தனமாகவும், செயற்கையாகவும் உள்ளது. உள்ளூர பாயசம் வைத்து குடிப்பீர்கள் என்பது நான் அறிவேன். நீங்கள் அப்படிக் குடிக்கவில்லையென்றாலும் கூட நான் குடிப்பேன் என்பதை போலித்தனம் இன்றி நான் சொல்லிக் கொள்கிறேன். கருணாநிதி மிகவும் உடல் நலம் இன்றி இருக்கும் எதிர்க்கட்ச்சியினரை ஆபாசமாகப் பேசியது பல முறை நடந்துள்ளது.

ஞாநி கருணாநிதி பற்றி எழுதியதற்காக நாம் வருந்த வேண்டிய அவசியமில்லை ஆனால் அவர் சுஜாதா பற்றியும், எம் எஸ் பற்றியும் எழுதியதற்காக நாம் கடுமையான கண்டனம் தெரிவிக்க வேண்டியது மிக அவசியம். அப்பொழுதெல்லாம் மொளனம் காத்த இட்லி வடை இப்பொழுது போலியாக கருணாநிதிக்காக கண்ணீர் விடுவது வேடிக்கையாக உள்ளது

IdlyVadai said...

அனானி பெரிய பின்னூட்டதுக்கு நன்றி.
//
இதே ஞாநி முன்பு பாய்ஸ் படப் பிரச்சினையில் சுஜாதா ஏன் இன்னும் சாகவில்லை, செத்துத் தொலைய வேண்டியதுதானே என்று கேள்வி எழுப்பினார். அப்படிப் பட்ட வக்கிரம் பிடித்த மனநோயாளி இந்த அஞ்ஞாநி.//
ஆமாம் இதுவும் தப்புத்தான். ஒரு முறை இவரை டிரேயினில் சந்திக்கும் வாய்ப்பு கிடைத்தது. உடம்பு ரொம்ப முடியவில்லை என்று என்னிடம் சொல்லிக்கொண்டிருந்தார். இவர் மற்றவர்களை பார்த்து... நல்ல கூத்து.
//எம் எஸ் சுப்புலட்சுமி அவர்கள் இறந்த பொழுது மிகவும் ஆபாசமான முறையில் கீழ்த்தரமாகக் கட்டுரை எழுதியவர் இந்த ஞாநி. பத்திரிகை சுதந்திரம் பற்றி வாய் கிழிய பேசும் இந்த வக்கிரம் பிடித்த மனிதர் திண்ணையில் இவரைக் கேள்வி கேட்ட மாயவரத்தான் மீதும் திண்ணை மீதும் கேஸ் போடுவேன் என்று பேட்டை ரவுடி போலக் கீழ்த்தரமாக மிரட்டியவர். இவர் ஒரு போலி. இவருக்கு எதைப் பற்றியும் ஆழமான அறிவோ, ஞானமோ கிடையாது. இவர் ஏன் இப்படி வக்கிரம் பிடித்து அலைகிறார் என்பதற்கான மூல காரணம் இவரது சொந்த வாழ்க்கையைத் தெரிந்தவர்களுக்குத் தெரியும்,. அதை பொதுவில் சொல்லி ஞாநி அளவுக்கு கீழ்த்தரமாகப் போக நான் விரும்பவில்லை.//

அட ஆமாம். நினைவுபடுத்தியதற்கு நன்றி. கருத்துசுதந்திரம் என்பது ஒரு போலி வார்த்தை. மற்றவர்களை இழிவாக பேசும் போது அவாளா இருந்தா வலைப்பதிவர்கள் பேசாமல் இருந்துவிடுவார்கள், வேறு ஒருவராக இருந்தால் குதிப்பார்கள் இது தான் நடுநிலைமை/கருத்துசுதந்திரம்.

//கருணாநிதி. எம் ஜி ஆர் உடல் நலம் குன்றிய பொழுது இதை விட ஆபாசமாகப் பேசியவர்தான் இந்தக் கருணாநிதி. அதை ஒப்பிடும் பொழுது ஞாநியின் வக்கிரம் ஒன்றுமேயில்லை.//

எல்லாம் கடவுளின் திருவிளையாடல் :-)

ஹரன்பிரசன்னா said...

ஆவியில் போட்டோக்களை பார்த்தேன். நீங்கள் சொல்வது போல எதுவுமே இல்லை. சரியான படங்களைத்தான் வெளியிட்டிருக்கிறார்கள். மக்கள் தேர்ந்தெடுத்தார்கள் என்று நீங்கள் சொல்வதெல்லாம் செம காமெடி. கருணாநிதி ராமரைத் திட்டினால் கூட நீங்கள் சும்மா இருக்கவேண்டும். ஏனென்றால் அவர் மக்களால் தேர்ந்தெடுக்கப்பட்டவர். அப்படி அவர் தவறு செய்தாலும் நீங்கள் சும்மா இருக்கவேண்டும். ஏனென்றால் அந்தத் தவறை நினைத்து வருந்தி மக்கள் அவரை அடுத்த முறை தேர்ந்த்டுக்கமாட்டார்கள். பின் ஏன் நீங்கள் எழுதவேண்டும்? :)

காந்தியை இரண்டு பேர் கைத்தாங்கலாக கூட்டிக்கொண்டு வரும்போது அவர் போலிஸ் கமிஷனராக இருந்தாரா? கருணாநிதியும் பதவியில் இல்லாமல் இருந்தால் யார் அவரைக் கேட்கப்போகிறார்கள்? என்ன வகையான எடுத்துக்காட்டு நீங்கள் சொல்வது?

இந்தக் கட்டுரையில் ஞாநி சொல்லியிருக்கிற ஒவ்வொரு வரியும் சரியே. படங்களும் சரியே.

Subramanian said...

As Like Kalaignar"VIKATAN" IA ALSO CROSSING ABOUT 80 YEARS and differing in its own opinions and comments. Advise to Gnani to give his advie to VIKATAN also to retire.- SUPPAMANI

Anonymous said...

This article is actually initiated from Kalaignar side so that once anything appears in AV there is a major acceptance by many and hence transfer of power will be easier to MKS. This is a nice ploy. (2-3 days over; see there is no opposition to this article from DMK side or cadres)