இயல்பு வாழ்க்கை பாதிக்கப்படவில்லை - கலைஞர் பேட்டி

* தமிழ் நாட்டில் 16,000 பஸ் இருக்கு அதில் வெறும் 61 பஸ்ஸுகள் தான் ஓடியது - தலைமை செயலாளர்

* ரங்கநாதன் தெரு, உஸ்மான் ரோடு, பாண்டி பஸார் கடைகள் எல்லாம் மூடியிருந்தது.

* பாதுகாப்பு கருதி குழந்தைகளை பள்ளிகளுக்கு பெரும்பாலான பெற்றோர் அனுப்பவில்லை.

* வாகன வசதியில்லாததால் நிறைய பேர் பணிக்குச் செல்லவில்லை.

* இந்தியன் ஏர்லைன்ஸ் நிறுவனத்தின் 37 விமானங்கள் இன்று ரத்து செய்யப்பட்டன.

* கோயம்பேடு பேருந்து நிலையத்தில் நேற்று நள்ளிரவே பெரும்பாலான பேருந்துகளைக் காணவில்லை.

* ஆட்டோக்கள், ஷேர் ஆட்டோக்கள் மிக குறைந்த அளவில் ஓடியது.

* முழு அடைப்புப் போராட்டம் நடத்துவதில் எங்களுக்கு உடன்பாடு கிடையாது. ஆளும் கட்சியினர் உள்பட பல்வேறு அரசியல் கட்சிப் பிரமுகர்களின் மிரட்டல்களுக்கு பயந்தே முழு அடைப்புப் போராட்டத்துக்கு ஆதரவு தெரிவிக்கின்றோம் - கோயம்பேடு வியாபாரிகள்

* கலைஞர் டிவி நன்றாக தெரிந்தது.



தமிழ்நாட்டில் இன்று இயல்பு வாழ்க்கை பாதிக்கப்படவில்லை - கலைஞர் பேட்டி

உண்ணாவிரதப் போராட்டத்தை ஆதரித்து திமுக மற்றும் தோழமைக் கட்சித் தலைவர்கள் பேசினார்கள். அவர்களின் பேச்சை முதலமைச்சர் கேட்டுக் கொண்டிருந்தார். இந்த நிலையில் உச்சநீதிமன்றம் கடுமையான உத்தரவை பிறப்பித் திருப்பது குறித்து முதலமைச்சருக்கு தெரிவிக்கப்பட்டது.

அதை பார்த்ததும் முதலமைச்சர் கருணாநிதி பாதியிலேயே உண்ணாவிரதப் பந்தலிலிருந்து புறப்பட்டு அவசரம் அவசரமாக கோட்டைக்கு சென்றார். அவருடன் மற்ற அமைச்சர்களும் பதட்டமாக பின்தொடர்ந்து சென்றனர்.

உச்சநீதிமன்றத்தின் கருத்து குறித்து அவரிடம் கேட்டபோது அவர் கருத்து சொல்ல மறுத்து விட்டார். பின்னர் தலைமைச் செயலகாத்துக்கு சென்ற முதலமைச்சர் மு.கருணாநிதி நிருபர்களுக்கு அளித்த பேட்டியளித்தார்...


கேள்வி: தமிழக அரசின் செயல்பாடு குறித்து உச்சநீதிமன்றம் கருத்து தெரிவித்துள்ளதே?
பதில்: உச்சநீதிமன்றத்தின் உத்தரவு எதையும் நாங்கள் மீறவில்லை. தமிழகத்தில் இன்று இயல்பு வாழ்க்கை பாதிக்கப்படவில்லை.

கே: அரசியல் சட்ட அமைப்பு விதிமுறை மீறப்பட்டிருப்பதாக உச்சநீதிமன்றம் கூறியுள்ளதே?
ப: உங்களுக்கு அப்படி தெரியலாம். நீங்கள் சந்தோஷமாக செய்தி போடுங்கள். எந்த ஆட்சி வந்தால் எதால் அடிப்பார்கள். எங்கு அடைப்பார்கள் என்பது உங்களுக்குத் தான் தெரியும்.

கே: உச்சநீதிமன்றத்தில் அதிமுகவினர் சென்று உங்கள் அணியின் சார்பில் உண்ணா நோன்பு இருப்பதை பற்றி குறிப்பிட்ட போது, உச்சநீதிமன்றம் அதில் தெரிவித்துள்ள கருத்துக்களை பற்றி உங்கள் பதில் என்ன?

ப: உச்சநீதிமன்றத்தில் நேற்று என்ன சொன்னார்களோ அதன் படி தான் நடந்து கொண்டிருக்கிறோம். உண்ணாவிரதம் இருப்பதை பற்றி எந்த வழக்கும் கிடையாது. அதை பற்றி எதுவும் இல்லை. உச்சநீதிமன்றம் நேற்று தெரிவித்த கருத்து பற்றியும், எந்தவிதமான கருத்தும் யாரும் சொல்லவில்லை.