பாயும் வேகம் ஜெட் லீ தாண்டா
பன்ச் வெச்சா இட்லி தாண்டா
Rated PG - for Pseudo-DK, DMK, Liberals, Marxists....
ஊர்ல சொல்றது சொலவடை
உண்மையைச் சொல்றது இட்லிவடை

Sunday, October 14, 2007

வம்பு செய்தாரா சிம்பு...?

இந்த வாரம் ஜூவியில் வந்த கட்டுரை. படித்துவிட்டு சைடில ஓட்டு போடுங்க :-)



விஜய் டி.வி-யில் வரும் ‘ஜோடி நம்பர்-1’ என்கிற சின்னத் திரைக் கலைஞர்களுக்கான நடனப் போட்டியில் நடிகர் சிம்புவுக்கும் பிருத்விராஜுக்கும் நடந்த லடாய்தான் இப்போது கிச்சன்களில் மட்டுமல்லாமல், வரவேற்பறைகளிலும் பரபரப்பாக அடிபட்டுக்கொண்டிருக்கிறது.



இந்த நிகழ்ச்சியில் ஒவ்வொரு வாரமும் சரியாக ஆடாத ஒரு ஜோடியை நீக்கி விடுவது ஒரு விதிமுறை. கடைசியாக மிஞ்சும் ஜோடிக்குப் பத்து லட்ச ரூபாய் பரிசு.

கடந்த 6-ம் தேதி பிருத்விராஜ்-உமா ரியாஸ் ஜோடி டான்ஸ் ஆடியது. நடுவர்களில் ஒருவரான சிம்பு, உமாவின் நடனத்தை ‘ஆஹா, ஓஹோ’ என்று புகழ்ந்துவிட்டு, ‘பிருத்விராஜ் டான்ஸே ஆடவில்லை’ என்றார். ‘அதெப்படி அப்படிச் சொல்லலாம்..?’ என்று எதிர்ப்புக் குரல் கொடுத்தார் பிருத்விராஜ். ‘பாராட்டினால் பிடிக்குது, திட்டினால் கசக்குதா..?’

என்ற சிம்பு கோபத்துடன் அரங்கைவிட்டு வெளியேறினார். பின்பு விஜய் டி.வி-யைச் சேர்ந்தவர்கள் அவரைக் கெஞ்சிக் கூத்தாடி திரும்ப அழைத்து வந்தனர். இதெல்லாம் விஜய் டி.வி., சிம்பு, பிருத்விராஜ் மூவரும் சேர்ந்து நடத்திய ஸ்டன்ட் என்றே முதலில் பேசப்பட்டது.

ஆனால், சிம்புவுக்கும் பிருத்வி ராஜுக்கும் இடையிலான மோதல் இப்போது முற்றிவிட்டதாகத்தான் தெரிகிறது.

டி.ராஜேந்தரின் படத்தில் டீன்-ஏஜ் ஹீரோவாக அறிமுகமாகி இன்று சின்னத் திரைப் பிரபலமாக இருக்கும் பிருத்விராஜிடம் நடந்த சம்பவம் குறித்துக் கேட்டோம்.

‘‘ஆரம்பத்திலிருந்தே சிம்பு என்னை ஹர்ட் பண்ணிட்டிருந்தார். மற்ற நடுவர்களான டான்ஸ் மாஸ்டர் சுந்தரமும் நடிகை சங்கீதாவும் எனக்கு ஒன்பது மார்க் போட்டா சிம்பு வேணும்னே எட்டு மார்க் போடுவார். அன்னிக்கு நடந்த சம்பவத்துல உமா ரியாஸைப் பாரட்டினவர், என்னைப் பார்த்துச் சொன்ன கமென்ட்டில் ஷாக் ஆயிட்டேன். பிரச்னையை அதோட விடாம என்கிட்டே மைக்கைக் கொடுத்துப் பேசச் சொன்னார். ‘என் டான்ஸைப் பத்தி விமர்சனம் பண்ணுங்க. அதை விட்டுட்டு நான் ஆடவே இல்லைனா என்ன அர்த்தம்?’னு நான் கேட்டதும், ‘ஆடவே இல்லைனு சொல்லலை’னு பல்டி அடிச்சார். அவர் சொன்னது ரெக்கார்ட் ஆயிருக்கு. பிரச்னையான பிறகு அதை விஜய் டி.வி-யை சேர்ந்தவங்களே தூக்கிட்டாங்க.

என் கேள்விக்கு, ‘ஒரு நடுவரா என்னோட விமர்சனம் இதுதான்’னு கட் அண்ட் ரைட்டா அவர் சொல்லிட்டுப் போயிருக்கலாம். அதை விட்டுட்டு ‘எனக்குன்னு ஒரு ரசிகர் கூட்டம் இருக்கு. விஜய் டி.வி-யில நடக்கிற நிகழ்ச்சியில கலந்துகிட்டுதான் நான் பாப்புலராகணும்னு அவசியம் இல்லை’னு அனாவசியமா லூஸ் டாக் விட்டிருக்க வேண்டாமே?

என்னோட ஆடின வெங்கட், சிம்புவோட க்ளாஸ்மேட். அவரை எப்படியாவாது ஜெயிக்க வைக்கணும்ங்கிறதுதான் சிம்புவோட ஐடியா. அந்த வெங்கட், நான் ஏதோ தப்பு பண்ணினது மாதிரி, சிம்புவைப் பார்த்து ‘சிம்பு, நீங்க ரொம்ப நல்லவர்னு எனக்குத் தெரியும். நாங்கள்லாம் உங்க கூடவே இருக்கோம்’னு காக்கா பிடிச்சார்.

என்னை சிம்பு அவமானப்படுத்தின அன்னிக்கு ராத்திரி எல்லா டான்ஸர்ஸும் சந்தோஷமா பார்ட்டி வெச்சுக் கொண்டாடியிருக்காங்க. நான் ‘வானமே எல்லை’ படத்துல நடிச்சிட்டிருந்தப்போ டி.ராஜேந்தர் என்கிட்டே சிம்புவுக்கு டான்ஸ் சொல்லிக் கொடுக்கணும்னு கேட்டார். அப்போ சிம்புவுக்கு பத்து வயசு இருக்கும். நானும் தொடர்ந்து பத்து நாள் போய் சிம்புவுக்கு டான்ஸ் கத்துக் கொடுத்தேன்.

நான் சிம்புவுக்கு முன்னாடியே சினிமாவுக்கு வந்தவன். அந்த சீனியாரிட்டிக்குக்கூட அவர் மதிப்பு தரலை. ‘பிருதிவ், வா... போ’ன்னுதான் பேசினார், பேசுறார்.

நான் அடுத்த ரவுண்ட்ல கலந்துக்கணும்னா சிம்புகிட்டே மன்னிப்பு கேக்கணும்னு விஜய் டி.வி-யிலே சொன்னாங்க. அதுக்கு நான், ‘ஜோடி நெ-1 நிகழ்ச்சியில கலந்துக்கற ஜோடிங்க பெர்ஃபாமென்ஸ்ல உங்களுக்குப் பிடிச்சது யாருன்னு ஆடியன்ஸுக்கு எஸ்.எம்.எஸ். போட்டி வைக்கிறீங்கள்ல, அதுபோல இந்தப் பிரச்னையில யார் மேல தப்புன்னு சர்வே வைங்க. என்மேல தப்புன்னா நான் ஒப்புக்கிட்டு விலகிடறேன். அதை விட்டுட்டு சிம்புகிட்டே மன்னிப்புக் கேட்டு ஆடவேண்டிய அவசியம் இல்லே’னு சொல்லிட்டேன்.

என்ன ஒண்ணு... இந்தப் போட்டியில ஜெயிச்சிருந்தா என்னைவிட உமா ரொம்ப சந்தோஷப்பட்டிருப்பாங்க. அவங்க அம்மா கமலா காமேஷோட ஆபரேஷனுக்காக மூன்றரை லட்ச ரூபாய்வரை கடன் வாங்கியிருக்காங்க. இந்த புரோக்ராம்ல ஜெயிச்சிருந்தா அந்தக் கடனை அடைச்சிட்டு நிம்மதியா இருந்திருப்பாங்க. நான் ‘அரசி’ தொடர்ல அரவாணியா நடிக்கிறதால அரவாணிகள் அமைப்புக்கு ஒண்ணரை லட்ச ரூபாய் தரலாம்னு ஐடியா வெச்சிருந்தேன். எல்லாம் சொதப்பிடுச்சு. போகட்டும்... விஜய் டி.வி-யில சம்பாதிச்சுதான் இதையெல்லாம் செய்யணுமா என்ன..?’’ என்றார்

பிருத்விராஜின் புகார்களுக்கு சிம்புவிடம் விளக்கம் கேட்டோம்.

‘‘சிம்புன்னாலே ‘ஓவராப் பேசுவான். ரொம்ப ரொம்பத் திமிர் பிடிச்சவன்’னு பேசுறாங்க. அதுல கொஞ்சம்கூட உண்மையில்லை. சென்டிமென்டுன்னா எனக்கு உயிர். டைரக்டர் விக்கிரமன் படங்களை விரும்பிப் பார்ப்பேன். ஃபேமிலி சென்டிமென்ட் சீன் வரும்போது என்னை அறியாம அழுதுடுவேன்.

பிருத்விராஜ் என் வீட்டுக்கு வந்தது, டான்ஸ் கத்துக் கொடுத்தது எல்லாம் உண்மைதான். ஆனா, தொழில்ல யாருக்காகவும், எதுக்காகவும் காம்ப்ரமைஸ் பண்ணிக்க மாட்டேன். என்னை சினிமாவுக்கு அறிமுகப்படுத்தின என் அப்பாவே சரியா டான்ஸ் ஆடலேன்னாலும், ஆடலேன்னுதான் போல்டா சொல்வேன். இன்னொண்ணு, அவரை நான் ‘வா... போ’ன்னு சொன்னதில்லை. சொல்லவும் மாட்டேன். வெங்கட்டை நான் மனசிலே வெச்சிருக்கேன்ங்கிறதும் தப்பு. உண்மையில் இப்போ லீடிங்ல இருக்கிறது டிங்குதான். விஜய் டி.வி-யிலே பிருத்விராஜை டிஸ்குவாலிஃபை பண்ணி வெச்சிருந்தாங்க. நான்தான் அவங்ககிட்டே ‘பிருதிவ்-உமா ஜோடியை மறுபடி சேர்க்கணும்’னு சொன்னேன்.

‘காளை’, ‘கெட்டவன்’னு ரெண்டு படத்துல பிஸியா இருக்கேன். ‘இந்த நிகழ்ச்சியில் கலந்துகிட்டு கொஞ்சம் ரிலாக்ஸ்டா இருக்கலாம்னு வந்தா, டென்ஷனாகி மூட்-அவுட் ஆனதுதான் மிச்சம்’’ என்றார்.

இந்த மல்லுக்கட்டைப் பக்கத்திலிருந்து பார்த்த நடன இயக்குநர் சுந்தரத்திடம் பேசினோம்.

‘‘இப்படித்தான் ஒரு மாசத்துக்கு முன்னாடி ஜீ டி.வி. நடத்தின பாட்டுப் போட்டியில் ஏழு இந்தியப் பெண்களும், மூணு பாகிஸ்தானி பெண்களும் கலந்துகிட்டாங்க. நாலு நடுவர்கள்ல மியூசிக் டைரக்டர் பப்பிலஹரியும் ஒருத்தர். நிகழ்ச்சி சுவாரஸ்யமா போயிட்டிருக்கும்போது, ஒரு இந்திய பாடகியை மூணு நடுவர்கள் எலிமினேட் பண்ணி வெளியேத்தினாங்க. அதை எதிர்த்து அந்த நிகழ்ச்சியைவிட்டே வெளியேறினார் பப்பிலஹரி.

இப்ப உள்ள யங்ஸ்டர்ஸ் சின்ன விஷயத்துக்கெல்லாம் எமோஷனல் ஆயிடறாங்க. அன்னிக்கு ஜாலியா, விளையாட்டா ஆரம்பிச்ச விஷயம் ஒரு கட்டத்தில் எல்லை மீறிப் போச்சு’’ என்றார்.

சண்டையும் சச்சரவும் புலவர்களுக்கு மட்டுமல்ல, நடிகர்களுக்கும் சொந்தம் போலிருக்கிறது!
(நன்றி: ஜூவி)

11 Comments:

ரசிகன் said...

என்னத்தைச் சொல்ல...இவர்கள் பிடிவாதத்தை.
ஆமாம்.. உமாக்கா.. கமலா காமேஷின் மகளா? .இப்போது தான் முகத்தை ஒப்பிட தோன்றுகின்றது.
ஆடுபவர்கள் ஏதோ பணகாரர்கள்,பொழுது போகாமல் ஆட்டம் போடுகின்றார்கள் என நினைத்திருந்தேன்.
பாவம்...எல்லோரையும் போல அவர்களுக்கும் தேவைகள் உண்டு.துன்பங்கள் உண்டு என உங்கள் பதிவின் மூலம் புரிந்தது.

"சண்டையும் சச்சரவும் புலவர்களுக்கு மட்டுமல்ல, நடிகர்களுக்கும் சொந்தம் போலிருக்கிறது!"-சூப்பர் பஞ்ச்.
அசத்திடிங்க போங்க...

நாகை சிவா said...

அவங்க மேல் எல்லாம் தப்பு இல்லை... அத பாக்கும் நம்ம மேல தான் :)

IdlyVadai said...

ரசிகன் இந்த கட்டுரை ஜூவியில் வந்தது. எல்லா புகழும் அவர்களுக்கே :-)

யோசிப்பவர் said...

என்ன இருந்தாலும், இந்தச் சணடையை ஒளிபரப்பி, வீணான ஹைப்பை உருவாக்கிய விஜய் டீவியும் மிகவும் கண்டிக்க தகுந்தது.

Anonymous said...

Attitude pathi simbu pesaradhu, "Sathan Vedam oodaramadhiri"

First he has correct himself before he points out fingers on others.

Also, it's Vijay TV's mistake selecting Simbu as Jury. He is very immatured guy which has been shown to everyone now.

Simbu would have been more happy to be a dancer in the "Jodi" than being a Jury ....

jeevan said...

இதில் பாவம் யார் என்றால் ப்ரித்விராஜ் தான். அவர் ஒரு சீனியர் ஆர்டிஸ்ட்.. judgement தப்பா இருந்த பரவாயில்லை, மரியாதை கூட குடுக்கமாட்டேண் என்கிறார் சிம்பு... This is too muchhhhhhh.....

Jeevan

Anonymous said...

It's good that Prithivi moved out of the stage.

At least now onwards Vijay TV should learn to choose matured guy as Jury ....

Perhaps they would be happy to see the TRB than participant's dignity.

I am sure every dog has it's day !

Anonymous said...

".... இப்போது கிச்சன்களில் மட்டுமல்லாமல், வரவேற்பறைகளிலும் பரபரப்பாக அடிபட்டுக்கொண்டிருக்கிறது ...."

சராசரி தமிழ் சமூக மனம் எந்த அளவு வடிவமைக்கப்பட்டிருக்கிறது என்பதற்கு இந்த வரி மிகச்சிறந்த உதாரணம்.

அன்புடன்
முத்துக்குமார்

Anonymous said...

I still wonder why they had chosen Simbu as a judge!! Vijay tv should have done this job just to gain sponsors by creating a craze amongst people...

Above all, the opinion poll they had conducted all were against Prithivi( I dont know if they had went to some association of Simbu fans!!)...

Poor Prithivi...too much of an exagerration by Vijay Tv and Silambarasan...Simbu is perfectly inappropriate to talk of Attitude. He has nothing of that.

Prithivi did do well in that episode...

Lilly said...

Guys i dont accept on simbhu'reply on prithivi's comment...appadi romba nallava kaatina makkal nambikuvaangha nu simbhu ku ninappu...appadi evar manasula onnum illa na prithivi jodi ah thirumba kooptu erukalaam la...yeallam avangha appa politics panra maathiri simbhu kooda kathuka arambichitaar...summa rasigar manratha kilapi vita mathum pathathu know how to behave he is an immature guy....try to learn from vikram vijay surya and ajith these guys are really humble in nature but not simbhu 'sillra paiyan'

raj said...

simply it's a drama. But vijay tv's marketing method is appreciatable. b'cas i am a marketing man.