மைடியர் பாடிகாட் முனீஸ்வரனே! - 16-10-07

இந்த வாரம் இட்லிவடை முனிக்கு எழுதும் கடிதம்.
எச்சரிக்கை: அரசியல் நெடி கொஞ்சம் தூக்கலாக இருக்கும் :-)

மைடியர் முனிஸ் சவுக்கியமா ?
நவராத்திரி ஆரபிச்சாச்சு அதனால பிஸியாயிட்டேன், வீட்டில ஏகபட்ட வேலை. பரண் மேலே இருக்கிற கொலு பொம்மைய எடுக்கனும், ஒத்தபடையில கொலு படி செட் பண்ணனும், வீட்டுக்கு வரும் பெண்களுக்கு சுண்டல் கொடுக்கனும் இப்படி ஏகபட்ட வேலை. இதில கஷ்டமான வேலை வீட்டுக்கு வரும் பெண்களுக்கு வெத்தல பாக்குடன் பிளவுஸ் பிட் தரது தான். இந்த பிளவுஸ் பிட் வெச்சி தர நிறைய ஞாபக சக்தி வேணும். ஏன்னா எல்லா பிளவுஸ் பிட்டும் எப்பவுமே ரொட்டேஷனில தான் இருக்கும், பக்கதுவிட்டுல கொடுத்ததை எதிர்த்த வீட்டுக்கு கொடுத்தால் திரும்ப அது நம்ம வீட்டுக்கே வரும் தெரியுமா ?

இந்த பிளவுஸ் பிட் பிரச்சனைக்கு நான் ஒரு சூப்பர் ஐடியா வைச்சிருக்கேன் சொல்லட்டுமா ? பிளவுஸ் பிட்டுக்கு பதில் கிழக்கு பதிப்பகத்தின் வரம் பக்தி புத்தகங்களை கொடுக்கலாம். கலர் கலராக பிளவுஸ் பிட் மாதிரியே இருக்கு.

"மைலாப்பூர் எம்.எல்.ஏ" டைட்டில் எப்படி இருக்கு? இது சினிமா பட டைட்டில் இல்ல. நம்ம எஸ்.வி.சேகரோட வலைப்பதிவு. சமிபத்திய பேட்டியில் "ஜெயலலிதா ஜெயேந்திரரை கைது செஞ்சாங்க, உங்களுக்கோ சங்கரமடத்தின் மீது நிறைய பக்தி எப்படி அம்மா கட்சியில இருக்கீங்க?" என்ற கேள்விக்கு இவரின் பதில் என்ன தெரியுமா ? "ஜெயேந்திரை கைது பண்ணியது போலிஸ்தான் அம்மா கிடையாது". எஸ்.வி.சேகர்ன்னு சொல்லாலே காமெடி தான் நினைவுக்கு வருது உனக்கு ?

பட்டைய பார்த்தாலே தமிழ் வலைப்பதிவு மக்களுக்கு ரொம்ப டென்ஷன தான். அதுவும் அந்த பட்டை உபயோகபடுத்தும் கேபிளை பார்த்தால் இன்னும் டென்ஷன் ஆகிறாங்க. தோண்டி தோண்டி புதைக்கிறாங்க. புதைக்க புதைக்க வளருது. எவ்வளவு எதிர்ப்பு தெரிவிச்சாலும், பட்டைகளின் வளர்ச்சி நாளுக்கு நாள் அதிகரிச்சுகிட்டுதான் இருக்கு. இந்த பட்டையில்லையினா தமிழ் வலைப்பதிவு இவ்வளவு வளர்ச்சி அடைந்திருக்குமா ? சொல்லுங்க ? போன ஆண்டை காட்டிலும் இந்த பட்டையின் வளர்ச்சி இந்த ஆண்டு எவ்வளவு தெரியுமா 93%. அப்புறம் இந்த பட்டை இருப்பதால் தான் இந்தியா எல்லா துறையிலும் கொடிகட்டி பறக்குது. அட நான் சொன்னது அகலப்பட்டை நீங்க வேற பட்டையினு நினைச்சா நான் என்ன பண்ண முடியும் ?

கோடம்பாக்கத்தில் இரண்டு பேருக்கு அடி விழுந்திருக்கு தெரியுமா ? ஒண்ணு நடிகை பத்மபிரியாவை டைரக்டர் சாமி கன்னத்தில் அடித்தது, இன்னொரு அடி என்ன தெரியுமா ? 'இந்திரலோகத்தில் நா.அழகப்பன்' படத்தில் வடிவேல் ஜோடியாக ஸ்ரேயா நடனமாம். அதிர்ஷ்டம் அடிக்கிறதுன்னு சொல்லமாட்டாங்க அது தான் இது. சரி யார் அதிர்ஷ்டசாலி ?

ஜோடி நம்பர் 1 நிகழ்ச்சி பத்தி போன கடிதத்தில எழுதியிருந்தே? போன வாரம் பார்த்தா சிம்பு திரும்ப வந்துட்டார். வரத்துக்கு முன்னாடி சிம்பு ரசிகர்கள் பிருத்திவிராஜை திட்டுவது, சிம்புவின் சித்தப்பா புலம்புவதும் விஜய் டிவி சின்ன அரசியலையே அறங்கேற்றினார்கள். இதே மாதிரி டான்ஸ் நிகழ்ச்சி இப்ப மத்த செனல்களிலும் ஆரம்பித்துவிட்டார்கள். என்னுடைய மார்க்
விஜய் டிவி - ஜோடி நம்பர் 1 - சீசன் 2 - 60/100
மானாட மயிலாட - கலைஞர் டிவி - 70/100
மஸ்தானா மஸ்தானா - சன் டிவி - 80/100

கலைஞர் டிவியில் மேலும் இரண்டு சேனல் வர போகுதாம். சன் மியூசிக் மாதிரி 'இசை அருவி'யினு ஒரு சேனல் அப்புறம் சன் நியூஸ் மாதிரி 'கலைஞர் நியூஸ்'ன்னு ஒரு சேனல். மியூசிக் சேனல் நவம்பர் மாசமாம், 24 மணிநேர நியூஸ் சேனல் டிசம்பர் மாசம் வர போகுதாம். தமிழ் மக்களை அந்த ஆண்டவனே வந்தாலும்... . அப்புறம் கலைஞர் டிவியில் முக்கிய பொறுப்பு வகிக்கும் ஒருவருடன் பேசிக்கிட்டுயிருந்தேன் "என்ன சார் சன் டிவியுடன் சமாதானமாமே?" ஜூவியில் படித்தேன் என்றேன். அவர் சொன்ன பதில் .. சரி அரசியல் வேண்டாம்.

சரி இப்ப ஒரு ஜோக்-புதிர் - ஒரு நாள் நல்ல வெயில் பிரகாஷ் காரத்தும், சீத்தாராம் யெச்சூரியும் குடை பிடிச்சுகிட்டு ரேட்டில நடந்து போனார்கள். சரி வெயில் அதனால குடைபிடிக்கிறார்கள் என்று பார்த்தால், ரெயின் கோட்டும் மாட்டிகிட்டு போறாங்க ஏன் ? விடை கடைசியில்

இப்ப எங்கு பார்த்தாலும் சுய சேவை அதிகமாயிட்டுது. ஹோட்டல், வங்கி, விமான நிலையம், ரயில்வே... இப்படி பல இடங்களில் ATM இயந்திரம் போல ஓண்ணு வெச்சிருப்பாங்க, பணமோ, டிக்கோட்டோ உங்களுக்கு வேண்டியதை டச் ஸ்கிரினில் அழுத்தி பெற்றுக்கொள்ளலாம். இந்த இயந்திரத்துக்கு பேர் கியோஸ்க்(Kiosk). இப்ப நம்ம "கிரி டிரேடிங் ஏஜென்ஸி" 'ADD (Anytime Digital Downloads)' என்ற கியோஸ்கை அறிமுகம் செஞ்சிருக்காங்க. இந்த கியோஸ்கில் நிறைய கர்நாடக சங்கித பாடல்கள் வெச்சிருக்காங்க உங்களுக்கு வேண்டியதை நீங்கள் தேடலாம், தேர்ந்தடுக்கலாம். தேர்ந்தடுத்த பின் ஒரு சிடியை போட்டால், அதில் பதிவு செஞ்சு தரும். கூடவே நீங்க செலக்ட் செஞ்ச பாடல்களை பெயர்களை பிரிண்ட் எடுத்து சீடி டப்பாவில் போட்டு தருகிறார்கள். பாடல்களின் விலை 3 ருபாயிலிருந்து 30 ரூபாய் வரை.

முன்பு பேராசிரியர் பெரியார்தாசன் என்று ஒருவர் இருந்தார், ஒரு நாள் ராத்திரி பார்த்தால் டிவியில அதிர்ஷ்ட கல் விளம்பர நிகழ்ச்சியில உட்கார்ந்து தலையாட்டுகிறார். அடுத்து இந்த இரண்டு பேரையும் இந்த லிஸ்டில் சேர்க்கனும். T.R.Balu என்ற பெயரை T.R.Baaluன்னு கெசட்டில் பேரை மாத்திகினாரு. அப்பால நம்ம மின்சார அமைச்சர் ஆர்காடு வீராசாமி(Arcot Veraswami) டெல்லியில இருக்கும் எண் ஜோதிடர் சொன்னாருனு தன்னுடய பேரை ஆற்காடு வீராஸ்வாமின்னு(Veeraswamy) கெசட்டில் மாத்திகிட்டாராம். என்ன ஷாக் அடிக்கல ? முன்பு ராஜாஜியை இராசாசி அப்புறம் காமராஜரை காமராசர் என்றும் விடாமல் எழுதியும், பேசியும் வந்தார்கள் இந்த திராவிட குஞ்சுக்கள்.

கெசட்டில் இன்னும் ஒரேஒரு பேர மாத்த சிபாரிசு செய்யனும். திராவிட முன்னேற்ற கழகம் என்பதை "தி'ருந்தாத "மு'ரண்பாட்டுக் "க'ழகம் ! ன்னு. நான் சொல்லுவது சரி தானே ? இந்த பெயரை மாத்தும் ஆபிஸருக்கு மஞ்சள் துண்டு போத்தலாம் நான் ரெடி நீங்க ?

இரண்டு கேள்விகளுக்கு முடிந்தால் பதில் சொல்லு:

சாமியே இல்லை என்று சொல்லும் திரவிட கட்சிகாரர்கள். சாமி என்ற தமிழ்ப் பெயரை "ஸ்வாமி' என்ற வடமொழிப் பெயராக மாற்றுவது (தி.மு.க. கொள்கைப்படி) சரிதானா?

இது நியூமராலஜிக்காக மாற்றபட்டது என்பது வெளிப்படை. இந்த 'மூடநம்பிக்கை' பற்றித் தி.க. தலைவர் கி. வீரமணி என்ன கூறுகிறார்? இதை கண்டித்து பிட் நோட்டீஸ் தருவர்களா ?

விடை: அன்னிக்கு மாஸ்கோவில் நல்ல மழையாம் !