பாயும் வேகம் ஜெட் லீ தாண்டா
பன்ச் வெச்சா இட்லி தாண்டா
Rated PG - for Pseudo-DK, DMK, Liberals, Marxists....
ஊர்ல சொல்றது சொலவடை
உண்மையைச் சொல்றது இட்லிவடை

Tuesday, August 14, 2007

முடிவு எடுக்கும் காலம் நெருக்கிக் கொண்டிருக்கிறது- கருணாநிதி அறிக்கை

திமுக கூட்டணியிலிருந்து சில கட்சிகள் வெளியேற்றப்படும் காலம் நெருங்கி கொண்டிருப்பதாக முதலமைச்சர் கருணாநிதி அறிக்கை


இன்றைக்கு சாத்தான்குளம் பகுதியில் டாட்டாவின் டைட்டானியம் தொழிற்சாலை என்றதும்; ஏ, அப்பா! எத் தனை கட்சிகளின் குழுக்கள் - எத்தனை நெடிய பய ணங்கள் - எத்தனை கொடிய விமர்சனங்கள் எத்தனை எத்தனை மாற்று யோசனைகள் - மக்கள் கண்ணீரில் மாளிகை அமைக்காதீர் என்று எவ்வளவு அருமையான மாணிக்க வாசகங்கள் - எங்களூர் திருக்கு வளைக்கு மிக அருகில் உள்ள எட்டுகுடி முருகன் ஆலயத்துக்கு ஆண்டு தோறும் ஆயிரக்கணக்கான காவடிகள் வருகிற மகத்தான திருவிழா நடைபெறுவது கண்டு சிறுவனாக இருந்த நான் ரசித்

திருக்கிறேன்.எட்டுகுடியைச் சுற்றியுள்ள எல்லா கிராமங்கள், நகரங்களி லுமிருந்து "வேண்டுதல்'' செய்து கொண்ட பக்தர்கள் காவடிகள் எடுத்து வரும் காட்சி, கண்கொள்ளாக் காட்சியாக இருக்கும். சிறப்புக் காவடிகள் என்ற பெயரால் திருக்குவளையிலிருந்து சில கல் தொலைவில் உள்ள திருப்பூண்டி பகுதி யிலிருந்து ஆண்டுதோறும் ஒரு காவடிக் குழு வரும். அந்தக் குழுவுக்கு முன் பகுதியில் சில பேர் கோலாட்டம் அடித்துப் பாடிக் கொண்டு வருவர்! காவடி வருவதோ கோயிலுக்கு; முரு கன் சன்னதிக்கு! ஆனால் கோலாட்டம் அடித்துக் கொண்டு வருபவர்கள் பாடு கிற பாட்டோ பெரியாரைப் பற்றியதாக இருக்கும்.

"ஈரேழுலகம் புகழுகின்ற எட்டுகுடி முருகா!'' என்ற பக்தி வரிகளை பாடியவாறு கோலாட்டம் அடித்து ஆடுவார்கள். காரப் பிடாகை பக்கிரிசாமி என்பவர் தலை மையில் வரும் அந்தக் காவடிக் கோஷ்டியினர் - கடவுள் பற்றியும் பாடிக் கொண்டு; "ஈரோடு தந்த வள்ளல் ஈ.வெ.ரா. வாழ்க! வாழ்க!'' என்று பின்னர் கோலாட்டம் அடித்து முழக் கும் போது அந்தக் கிராமத்து இளைஞர்களாகிய எங்களை அந்த ஆட்டமும் பாட்டமும் கிறுகிறுக்க வைத்து விடும்.

இப்படிப் பல ஊர்களில் இருந்து காவடிகள் வந்து, திருக்குவளை குளத்தில் நீராடி விட்டு இறுதியாக எட்டுகுடி செல்லும். காலை முதல் பல ஊர்க் காவடிகள் வந்து போனாலும்; இன்னும் நாகையிலிருந்து "வேணு காவடி'' வரவில்லையே என்று நாங்கள் வழி மேல் விழி வைத்து காத்திருப் போம்.

கடைசியாக மாலை 6 மணிக்கு அந்த வேணு காவடி வரும். அப்போதிருந்த நாகை ரயில்வே தொழிலாளர்கள் சார்பில் வேணு நாயக்கர் எடுத்து வரும் காவடி தான்; வேணுக்காவடி எனப் படுவ தாகும்.

இப்படிக் காவடி கோஷ் டிகள் ஒவ்வொன்றாக வரு வதைப் பார்த்துப் பார்த்து ரசித்த அதே உணர்வுடன்; இன்றைக்கு சாத்தான்குளத்து மக்கள் தி.மு.க. உள்ளிட்ட எல்லா கட்சிகளும் அவர் களைச் சந்திக்கச் சாத்தான் குளத்துக்கு வந்து வந்து போவதைப் பார்த்து; "ஓ! இது இன்னைக்கு புதுக் காவடியாப இது என்ன சொல்லப்போவுது'' என்று காவடியைக் கண் கொட்டாமல் பார்த்து; காதுகளை வளைத்துக் கொண்டு கவனிக்கிறார்கள்.

ஆனால் அந்தப் பகுதி மக்களுக்கு ஒரு சந்தேகம்; இதே டைடானியம் தொழிற்சாலையை, இதே பகுதியில் அமைத்திட - ஜெயலலிதா ஆட்சியில் இதே "டாட்டா''வுடன் ஓர் ஒப்பந்தம் செய்து கொள்ளப்பட்டதே; அப்போது எந்தக் கட்சியும் இங்கே வந்து இது மாதிரி முகாம் அடித்து; முழக்கம் செய்ய வில்லையே - இப்போது மட்டும் தி.மு.க. ஆட்சி என்றதும் இத்தனை கட்சி கள் இங்கே வந்து போர் முழக்கம் செய்கின்றனவே என்ன காரணம் என்று புரியாமல் சில கட்சிகள் மட்டு மல்ல; சாத்தான்குளம் பகுதி மக்களும் விழிக்கிறார்கள்.

இதிலே இன்னும் வேடிக்கை என்னவென்றால், டாட்டாவுடன் ஏற்கனவே ஒப் பந்தம் செய்து கொண்டு, அந்தத் தொழிற் சாலை வருவதற்கான ஏற்பாடுகளையெல்லாம் செய்தவர்களே கூட, இப் போது அங்கே அந்தத் தொழிற் சாலை வருவது பற்றி அங்கே சென்று கருத்துக் கேட்பு நடத்து வோம் என்று சென்றி ருக்கிறார்கள்.

வன்முறையைத் தூண்டி விடும் பேச்சுக்கள் - "வரட் டும் பார்க்கலாம்'' என்று தோளைத் தட்டும் போர் முழக்கங்கள் - தி.மு.க. ஒரு திட்டத்தை அறிவித்து அதனை செயல்படுத்த முனைந்தாலே - இப்படிச் சில கட்சிகள் (தோழமைக் கட்சிகள் உட்பட) அறைகூவல் விடுத்து அரசை மிரட்டத் தொடங்குகின்றன.

16 ஆண்டுகளுக்கு முன்பு சென்னையை அடுத்த சோளிங்கநல்லூரில் வீட்டு வசதி வாரியம் எடுத்துள்ள நிலத்தை; இப்போது திருப்பிக் கொடுக்கச் சொல்லும் ஒரு போராட்டத்தை அறி வித்து, அதாவது பல ஆண்டு களுக்கு முன்பே அந்த இடத்தை வீட்டு வசதி வாரி யத்திடம் ஒப்படைத்து, அதற்கான இழப்பீட்டுத் தொகையைப் பெற்றுக் கொண்டவர்களே மீண்டும் அந்த இடத்தைத் தங்களிடம் கொடுக்க வேண்டுமென்று கேட்டு கோரிக்கை, அதற்கு ஆதரவாகப் போராட்டம் என்று கூறி, "சாவியைப்பிடுங்குங்கள் - பூட்டை உடையுங்கள்'' என்று ஒரு தலைவர் பகிரங்கமாகச் சொல்லி அது பத்திரிகையிலும் வெளி வருகிறது என்றால், என் செய்வது - தமிழகத்தின் அமைதி கருதி தலை குனிந்து கொண்டு தான் இருக்க வேண்டியுள்ளது. சில அரசியல் கட்சிகள் தம்மை வளர்த்துக் கொள்ள வேண்டுமென்பதற்காக எதையும் பேசலாம், எத்தகைய அராஜகப் போராட்டத்தையும் நடத்தலாம் என்று நிலைமை வளர்ந்து விட்டச் சூழலில்;

வன்முறையற்ற - அமைதி - நட்புறவு - தோழமை ஆகிய உணர்வு களுக்கு நாம் மதிப்பு கொடுப் பதாலேயே;

நாட்டைக் காடாக்கும் நாகரிகமற்ற முறைகளுக்குக் கைலாகு கொடுப்பவர்கள் என்ற குற்றத்திற்கு நாமும் ஆளாகி விடுவதா?

இதனை யோசித்து முடி வெடுக்கும் காலம் நம்மை நெருங்கிக் கொண்டிருக்கிறது.

1 Comment:

கவுண்டமணி said...

ஓஓ..வ் தமிழ்நாட்டுல காவடியாமுங்கோ, ஓஓ..வ் அமைதியாமுங்கோ, ஓஓஓ..வ் பிரண்டுசிப்பாமுங்கோ.

முடிவெடுக்கும் காலம் வருதாமாங்கோ. இந்த நாட்டுல ரவுசு தாங்க முடியலைங்கண்னா.

முருகா. நெஞ்ச நக்கிட்டாங்க முருகா.