பாயும் வேகம் ஜெட் லீ தாண்டா
பன்ச் வெச்சா இட்லி தாண்டா
Rated PG - for Pseudo-DK, DMK, Liberals, Marxists....
ஊர்ல சொல்றது சொலவடை
உண்மையைச் சொல்றது இட்லிவடை

Wednesday, May 09, 2007

வாரிசு அரசியல் வன்முறை

வாரிசு அரசியல் வன்முறை ஆரம்பமாகிவிட்டது.

* மதுரையில் மு.க.அழகிரி ஆதரவாளர்கள் தினகரன்/சன் டிவி அலுவலகத்தின் மேல் பெட்ரோல் குண்டு வீசி 2 (கோபி, வினோத் )பேர் மரணம்.
* பஸ்கள் உடைப்பு
* தயநிதி மாறன் கொடும்பாவி எரிப்பு
* மத்திய அமைச்சர் தயாநிதி மாறன், சன் டிவி அதிபர் கலாநிதி மாறனுக்கு எதிராக கோஷம்.
* தினகரன் நாளிதழ்களை எரித்து போராட்டம்.
( தினகரன் அலுவலகத்திலிருந்து வந்த தகவல்படி இறந்தவர்க்ள் இரண்டு பேரும் கணினி வல்லுனர்கள் என்று தெரிகிறது )
* 7 பஸ்களையும் தீ வைத்து எரித்தனர்.
* Stupid poll - N.Ram - The Hindu

"அழகிரி ரெளடி''-சன் டிவி கடும் தாக்கு: 'அன்று ஒரு நீதி, இன்று ஒரு நீதி"

வழக்கமாக 1.30 மணிக்கு ஒளிபரப்பாக வேண்டிய சன் செய்தி, பத்து நிமிடங்கள் தாமதமாகத்தான் ஒளிபரப்பானது.

முதல் செய்தியே அழகிரி செய்திதான். இதுவரை இல்லாத அளவுக்கு அழகிரி குறித்து செய்தியில் கடுமையாக குறிப்பிட்டனர்.

அழகிரியின் ஆதரவாளர்கள் மேற்கொண்ட வன்முறை வெறியாட்டத்தில் சிக்கி மதுரை மக்கள் தவிப்பதாகவும், மதுரை நகரம் ஸ்தம்பித்துள்ளதாகவும் செய்தியில் குறிப்பிடப்பட்டது.

அதைவிட மதுரை மேயர் தேன்மொழி கோபிநாதனை, அழகிரியின் ரவுடி என்று கடுமையாக குறிப்பிட்டனர். முதல்வரின் மூத்த மகன் அழகிரியை, முதல் முறையாக சன் டிவி மிகக் கடுமையாக குறிப்பிட்டுள்ளது குறிப்பிடத்தக்கது.

இதற்கு முன்பு ஒருமுறை மதுரையில் அழகிரியின் ஆதரவாளர்கள் மிகப் பெரும் வன்முறையில் குதித்தனர். அப்போது நூற்றுக்கணக்கான பேருந்துகள் அடித்து நொறுக்கப்பட்டன. மக்கள் பீதியடைந்து பயப்படும் நிலை காணப்பட்டது.

ஆனால் அதுகுறித்து சன் டிவியில் அன்று பெரிதாக அலட்டிக் கொண்டதில்லை.

எல்லா அமைச்சர்களும் கலைஞர் வீட்டில் கூடினர்
கலைஞர் Upset. பொன்விழா ஏற்பாடுகள் நிறுத்த சொல்லியிருக்கார்.


* இறந்தவர்கள் எண்ணிக்கை நான்காக உயர்ந்தது ( ஒரு Security, ஒரு office boy )
* 32 பேர் கைது
* மதுரை மேயருக்கு பங்கு என்று பேச்சு.
மு.க. அழகிரி பேட்டி கருத்துக்கணிப்பு வெளிவந்த அந்த நாளிதழை நான் படிப்பதே இல்லை. தலைவர் (கருணாநிதி) மீது ஆணையாக இதை சொல்கிறேன். கருத்துக்கணிப்பு வெளியிட்ட "ஜென்மங்கள்' நேரில் வரட்டும். தமிழகம் முழுதும் அழைத்துச்செல்கிறேன். எனக்கு எவ்வளவு ஆதரவு, அந்த ஜென்மங்களுக்கு எவ்வளவு ஆதரவு என்பதை தெரிந்து கொள்ளட்டும். இதை யார் செய்தார்களோ அவர்கள் மீது தலைவர் நடவடிக்கை எடுக்கட்டும். ஏற்கனவே யாரோ தெரிவித்த தவறான தகவலின் அடிப்படையில் என் மீது நடவடிக்கை எடுத்தனர். அதே போல இப்போதும் நடவடிக்கை எடுக்க வேண்டும்.
நான் பதவிக்கு வர வேண்டும் என்ற எண்ணத்தில் இருந்தால் என்னை பற்றி கருத்துக்கணிப்பு எடுக்கலாம். கட்சிப் பதவியிலேயே நான் கிடையாது. இவ்வாறு இருக்கும் போது என் தம்பி (ஸ்டாலின்) இடத்திற்கு வரவேண்டும் என நான் எப்படி நினைப்பேன். கட்சிக்கு நல்லது செய்ய வேண்டும் என உழைக்கிறேன். எனவே கட்சி வளர்கிறது.
கருத்துக்கணிப்பை பார்த்து என் தம்பி என்னிடம் பேசி வருத்தப்பட்டார். அதை கண்டித்தார். தமிழ்ப் புத்தாண்டு அன்று தலைவரின் வாழ்த்துச் செய்தியை கூட அந்த நாளிதழ் வெளியிடவில்லை. நான் எதற்கும் ஆத்திரப்படவில்லை. பதவிக்கு வரவேண்டும் என்றும் எதிர்பார்க்கவில்லை. இந்த கருத்துக்கணிப்பை வெளியிட தேவையே இல்லை. இப்போது தேர்தலா வருகிறது? தேர்தல் நேரம் என்றால் நான் பதவிக்கு போட்டியிடுகிறேன் என்றால் கருத்துக்கணிப்பை வெளியிடலாம்.
"அவர்கள்' நிறைய பணம் வைத்துள்ளனர். பணத்தை வைத்து என்ன வேண்டுமானாலும் செய்யலாம், எதை வேண்டுமானாலும் வாங்கலாம் என நினைக்கின்றனர். அது தவறானது. தலைவருக்கு பொன்விழா நடக்க இருக்கும் இந்த நேரத்தில் அவருக்கு மனகசப்பையும், மனஉளைச்சலையும் ஏற்படுத்த வேண்டும் என்ற உள்நோக்கத்தில் கருத்துக்கணிப்பை வெளியிட்டுள்ளனர்.
பஸ்கள் மீது கல்வீச்சு நடந்தது பற்றி எனக்கு தகவல் இல்லை. அவர்களாகவே வேண்டும் என்றே இதை செய்திருக்கலாம்


* ஆஸ்பத்திரியில் 25 பேர் சிகிச்சை
* ஜெயா டிவி சிறப்பு செய்திகள் ஒளிபரப்பு
* கலைஞர் கூட்டணிக் கட்சி தலைவர்களுடன் அவரச ஆலோசனை.
* பொன்விழா நிகழ்ச்சிகள் வேண்டாம் - கலைஞர்.
* கூட்டணிக் கட்சிகளின் தலைவர்கள் சமாதானப்படுத்திய பின்பு தன் மனதை மாற்றிக் கொண்டார்.
* கருத்துக்கணிப்பு வெளியிட்ட ஜென்மங்கள் நேரில் வரட்டும்: மு.க. அழகிரி சவால் ( மேலே )
* எது உண்மை ? சன் டிவி செய்தியா ? ஜெயா டிவி செய்தியா மக்கள் குழப்பம்
(இவை எல்லாம் சன் டிவியில் வந்த செய்திகள்)
* இறந்தவர்களின் குடும்பத்திற்கு 15 லட்சம் - கலாநிதி மாறன், 2 லட்சம் - கலைஞர்
* மதுரையை கண்ணகி எரித்து பார்த்ததில்லை, இன்று பார்த்தேன் - விஜயகாந்த்
* த.கிருட்டிணன் கொலை, தினமலர் அலுவலகம், மதுரை இட்லிகடை விவகாரம் எல்லாம் செய்தது அழகிரி - தினகரன் ஊழியர்கள்
* போலீஸ் வேடிக்கை பார்த்தது, சட்டம் ஒழுங்கு இல்லை - தினகரன் ஊழியர்கள்


* திமுக ஜனநாயக கட்சி வாரிசு அரசியலுக்கு இடமே இல்லை - கலைஞர்
* மதுரையில் கேபிள் டிவி முடக்கம்.




தர்மபுரி பஸ் எரிப்பு வழக்கில் குற்றவாளிகள் 3 பேருக்கு தூக்கு தண்டனை வழங்கப்பட்டது. அதே போல் இதற்கும் தீர்ப்பு வந்தால் நன்றாக இருக்கும்.

தினகரன் செய்தி கீழே
கருத்துக் கணிப்பு வெளியிட்டதால் அழகிரி வெறியாட்டம் ரவுடிகளை ஏவி தாக்குதல் மேயர் தலைமையில் வன்முறை! தினகரன் அலுவலகம் எரிப்பு !


மதுரை, மே 10&திமுக தலைவர் கருணாநிதியின் வாரிசு யார் என்பது குறித்து Ôதினகரன்Õ நடத்திய கருத்துக் கணிப்பில் தமிழகம் முழுவதும் 70 சதவீதம் பேர் மு.க.ஸ்டாலின் பெயரை கூறியுள்ளனர். இதனால் ஆத்திரமடைந்த அழகிரி ஆதரவாளர்கள், மதுரையில் பெரும் ரகளையில் ஈடுபட்டனர். பல இடங்களில் கல்வீசி பஸ்களை உடைத்தனர். பத்திரிகையை கட்டுகட்டாக தீ வைத்துக் கொளுத்தினர். மேயர் தலைமையில் தினகரன் அலுவலகத்துக்குள் புகுந்த ஒரு கும்பல் அங்கு கொலை வெறித் தாக்குதலில் ஈடுபட்டது.

பெட்ரோல் குண்டு வீசியதால் அலுவலகம் தீப்பற்றி எரிந்தது. இதில் இரண்டு ஊழியர்கள் தீயில் சிக்கி பரிதாபமாக இறந்தனர். இந்த ரகளையால் மதுரை முழுவதும் இன்று பரபரப்பு ஏற்பட்டது.

சமூகம், அரசியல், விளையாட்டு உள்பட பல்வேறு அம்சங்கள் குறித்து தமிழக மக்களிடம் Ôதினகரன்Õ பத்திரிகை மெகா கருத்துக் கணிப்பை நடத்தியது. உலகப் புகழ்பெற்ற ஏ.சி.நீல்சன் நிறுவனத்துடன் இணைந்து இந்தக் கருத்துக் கணிப்பு நடத்தப்பட்டது. Ôஇந்திய கிரிக்கெட் அணியை கலைத்து விடலாமா?Õ, ஜெயலலிதாவின் வாரிசாக யார் வரவேண்டும்?Õ, Ôசிறந்த நகைச்சுவை நடிகர் யார்?Õ என்று ஏராளமான கேள்விகளுக்கு மக்கள் அளித்த பதில்களின் அடிப்படையில் இந்தக் கருத்துக் கணிப்பு நடத்தப்பட்டது. இதன் முடிவுகள் கடந்த சில நாட்களாக தினகரனில் வெளியாகி வருகிறது.

இதன் தொடர்ச்சியாக Ôகலைஞரின் அரசியல் வாரிசாக யார் வரவேண்டும்Õ என்பது பற்றிய கருத்துக் கணிப்பு முடிவு இன்று வெளியானது. தமிழகம் முழுவதும் 70 சதவீதம் பேர் மு.க.ஸ்டாலின்தான் கருணாநிதியின் வாரிசாக வரவேண்டும் என்று கருத்து தெரிவித்திருந்தனர். Ôகட்சியிலும் ஆட்சியிலும் பல பொறுப்புகளை வகித்துள்ளார். அரசியலில் அவர் அனுபவசாலிÕ என்று இதற்கு பலர் காரணம் கூறியுள்ளனர்.

20 சதவீதம் பேர் மற்றவர்களின் பெயரை கூறியுள்ளனர். மு.க.அழகிரி பெயரை 2 சதவீதத்தினரும், கனிமொழியை 2 சதவீதத்தினரும் சொல்லியுள்ளனர். சென்னையில் அழகிரிக்கு 0 சதவீத ஆதரவு மட்டுமே தெரிவித்திருந்தனர்.
இந்தக் கருத்துக் கணிப்பு முடிவால் ஆத்திரமடைந்த அழகிரி ஆதரவாளர்கள் இன்று காலை முதல் பெரும் ரகளையில் ஈடுபட்டனர். மதுரை, தேனி, திண்டுக்கல், ராமநாதபுரம், விருதுநகர் உள்பட பல பகுதிகளில் வன்முறையில் இறங்கினர். கல்வீசி தாக்குதலில் ஈடுபட்டனர். கல்வீச்சில் பல பஸ்கள் சேதமடைந்தன. தினகரன் நாளிதழ்களை கட்டுக்கட்டாக ரோட்டில் போட்டு கொளுத்தினர்.

மதுரையில் வன்முறைக் கும்பல் ஆங்காங்கே ரகளையில் ஈடுபட்டு வருகிறது. மேயர் தேன்மொழி தலைமையில் அவரது கணவர் கோபிநாதன், முன்னாள் மேயர் குழந்தைவேலு உள்பட 50 பேர் காலை 9.30 மணிக்கு மதுரை தினகரன் அலுவலகத்துக்கு வந்தனர். கருத்துக் கணிப்புக்கு எதிராக அவர்கள் கோஷம் போட்டபடி மறியலில் ஈடுபட்டனர்.

சிறிது நேரத்தில் மதுரை 4&வது பகுதி திமுக செயலாளர் சரவணன், கவுன்சிலர் அருண்குமார், சிங்கத்தேவன் மகன் ராஜா, வக்கீல் கோபி ஆகியோர் தலைமையில் வந்த ஒரு கும்பல், தினகரன் அலுவலகத்தின் மீது சரமாரியாக கற்களை வீசித் தாக்கியது. இதில், அலுவலக கண்ணாடிகள் உடைந்து சிதறின. தடுக்க முயன்ற செக்யூரிட்டிகள், ஊழியர்களை அந்த கும்பல் தாக்கியது. இதனால் அங்கு பெரும் பதற்றம் நிலவியது.

அதைத் தொடர்ந்து கவுன்சிலர் அருண்குமார் தலைமையில் ஆட்டோக்களில் வந்த ஒரு கும்பல், தினகரன் அலுவலகத்துக்குள் நுழைந்து அங்கிருந்த பொருட்களை அடித்து நொறுக்கியது. பேப்பர் கட்டுகளை தீ வைத்து எரித்தது. அந்த நேரத்தில் திபுதிபுவென அலுவலகத்துக்குள் புகுந்த மற்றொரு கும்பல், பெட்ரோல் குண்டுகளை வீசியது. இதில் அலுவலகம் முழுவதும் தீப்பற்றி எரிந்தது. அலுவலகத்துக்குள் இருந்தவர்கள் உயிருக்கு பயந்து நாலாபுறமும் சிதறி ஓடினர். அந்த பகுதி முழுவதும் புகை மண்டலமாக காட்சி அளித்தது.

தினகரன் அலுவலக கம்ப்யூட்டர் இன்ஜினியர்கள் கோபி, வினோத் ஆகியோர் இருந்த அறையில் தீ சூழ்ந்தது. இதில் அவர்கள் இருவரும் சிக்கிக்கொண்டனர். பலத்த தீக்காயங்களுடன் மருத்துவமனையில் சேர்க்கப்பட்ட இருவரும் பரிதாபமாக உயிர் இழந்தனர்.

அலுவலக வளாகத்தில் நிறுத்தப்பட்டிருந்த வாகனங்கள் எரிந்து சாம்பலாயின. தினகரன் அலுவலகத்தில் காலையில் இருந்து அழகிரி ஆதரவாளர்கள் நடத்தி வரும் இந்த வெறித் தாக்குதலால் பல லட்சம் மதிப்புள்ள பொருட்கள் சேதமாயின.

இந்த வன்முறைக் கும்பல் சாலையில் சென்ற வாகனங்களையும் விட்டுவைக்கவில்லை. கல்வீச்சில் ஈடுபட்டனர். இதில் பல வாகனங்கள் சேதமடைந்தன. பொதுமக்கள் அலறி அடித்து ஓடினர். நகரம் முழுவதும் வன்முறை பரவியது. இதையடுத்து போலீசார் குவிக்கப்பட்டுள்ளனர்.

கலைஞர் அறிக்கை
நாளேட்டில் வெளியிடப்பட்ட கருணாநிதியின் வாரிசாக யார் வரவேண்டும் என்ற கேள்விக்கு தரப்பட்ட பதில்களின் விளைவாக விலை மதிக்க முடியாத மூன்று வாலிபர்களின் உயிர்கள் பிரிந்து சென்றுவிட்டன. நடந்த அந்த வன்முறைச் சம்பவத்தை வன்மையாகக் கண்டிப்பதுடன், இவற்றுக்குக் காரணமாக யார் இருந்தாலும் அவர்கள் மீது கண்டிப்பாக சட்டப்படியான நடவடிக்கை இந்த அரசால் எடுக்கப்படும். எந்தப் பத்திரிகையாக இருந்தாலும் அதன் மீது தாக்குதல் நடத்துவதை எந்தக் காலத்திலும் ஏற்றுக் கொண்டவன் இல்லை. நடந்த செயலுக்காக வருத்தத்தை தெரிவித்துக் கொள்கிறேன். இச்சம்பவத்தில் உயிரிழந்தவர்களின் குடும்பங்களுக்கு தலா இரண்டு லட்சம் ரூபாய் அளிக்கப்படும்.

தி.மு.க.,வைப் பொறுத்தவரை இது ஒரு ஜனநாயக அமைப்பு. வாரிசு அடிப்படையில் யாரும் பொறுப்புக்கு தேர்ந்தெடுக்கப்பட மாட்டார் என்று பல முறை நான் தெரிவித்திருக்கிறேன். வாரிசு பிரச்னை என்ற பெயரால் இது போன்ற கருத்துக்களை தெரிவிக்க யாரும் இனி முயன்றிட வேண்டாம். அப்படியே யார் முயன்றாலும் அதை மனதிலே எடுத்துக் கொண்டு வன்முறை செயல்கள் உருவாக யாரும் வழி வகுக்க வேண்டாம்.

ஜெயலலிதா அறிக்கை

மதுரையில் திமுகவினரால் பெரிய அளவில் வன்முறை நிகழ்த்தப்பட்டு இருக்கிறது. இதில், ஈடுபட்ட திமுகவினர் மீது போலீஸôர் எந்த நடவடிக்கையும் எடுத்ததாகத் தெரியவில்லை.

ஆனால், மக்கள் நலனுக்காக அதிமுகவினர் ஜனநாயக வழியில் ஆர்ப்பாட்டம் செய்தாலே, கட்சியினர் அனைவரையும் அடித்துத் துன்புறுத்திச் சிறையில் அடைக்கின்றனர்.

மதுரையில் நடைபெற்ற வன்முறை வெறியாட்டங்களுக்குத் தெளிவான டிவி ஆதாரங்கள் உள்ளன. கட்டடங்களைச் சேதப்படுத்தியது, தீ வைத்தது உள்பட வன்முறையில் ஈடுபட்டவர்கள் யார் என்பது தெள்ளத்தெளிவாக படம்பிடித்துக் காட்டப்பட்டுள்ளது.

இதுகுறித்து காவல்துறையினர் எந்தவித நடவடிக்கையும் எடுக்காமல் நடைபெற்ற சம்பவங்களை வேடிக்கை பார்த்துக் கொண்டு இருந்ததாகத் தெரிகிறது.

காவல் மற்றும் உள்துறை பொறுப்பை ஏற்றிருக்கின்ற முதல்வர் கருணாநிதி சட்டம் ஒழுங்கை காப்பாற்றத் தவறி விட்டார். காவல் துறையை அவரால் கட்டுப்படுத்த முடியவில்லை.

அதிமுக ஆட்சியில் காவல்துறை மிகுந்த கட்டுக்கோப்புடன் இருந்தது. அப்போது, தமிழகத்தில் இதுபோன்ற சம்பவங்கள் எங்கேயும் நடைபெற்றது இல்லை.

சட்டம் ஒழுங்கைக் காப்பாற்ற முடியாத முதல்வராக கருணாநிதி இருக்கிறார். ஆட்சி செய்கிற தகுதியை அவர் முற்றிலும் இழந்து விட்டார். ஆளுங்கட்சியான திமுகவினருக்கே தமிழகத்தில் பாதுகாப்பு இல்லை; எதிர்க்கட்சிகளுக்கும், சாமானிய மக்களுக்கும் எப்படி திமுக அரசால் பாதுகாப்பு அளிக்க முடியும்?

எனவே, சட்டம் ஒழுங்கைக் காக்கத் தவறிய திமுக அரசை, மத்திய அரசு உடனடியாகக் கலைக்க வேண்டும்"

விஜயகாந்த் அறிக்கை


மதுரையில் புதன்கிழமை காலை "தினகரன்' அலுவலகமும் சன் டி.வி. அலுவலகமும் தி.மு.க. ரவுடிகளால் தாக்கப்பட்டுள்ளன. பெட்ரோல் குண்டுகள் வீசப்பட்டதில் வெளியே வர முடியாமல் மூன்று பணியாளர்கள் உயிரிழந்துள்ளனர்.

அவர்கள் தங்களைக் காப்பாற்ற சொல்லி கூக்குரலிட்டும் யாரும் முன்வரவில்லை. காவல்துறையினர் கைகட்டிக் கொண்டு இருந்தனர். அரசு பஸ்கள் அடித்து நொறுக்கப்பட்டுள்ளன. இந்த வன்முறை சம்பவங்களால் மதுரை மாநகரமே வெறிச்சோடி கிடக்கிறது.

மதுரை மாநகரில் இவ்வளவு அத்துமீறிய செயல்கள் நடைபெற்றும் மாவட்ட நிர்வாகம், காவல்துறை மற்றும் தீயணைப்புத்துறை அங்கேயே இருந்தும் யாரால் கைகள் கட்டப்பட்டு இருந்தன என்று மக்கள் அறிய விரும்புகிறார்கள்.

மக்களின் உயிருக்கும் உடமைக்கும் பாதுகாப்புத் தர வேண்டியது ஒரு அரசின் கடமை ஆகும். தீ பரவாமல் தடுத்திருக்க வேண்டியது தீயணைப்புத்துறையின் கடமையாகும். ஆனால் எல்லாத் தரப்பினரையும் செயலிழக்க வைத்தது எது?

ஏற்கெனவே, மதுரையில் முன்னாள் அமைச்சர் கிருஷ்ணன் படுகொலைக்குப் பிறகு மக்கள் நடக்கவே பயப்படுகிறார்கள். இன்றைய வன்முறை வெறியாட்டத்திற்குப் பிறகு மதுரையில் மக்கள் நிம்மதியாக இருக்க முடியுமா என்பதே கேள்விக்குறி ஆகிவிட்டது.

தர்மபுரி பஸ் எரிப்பு வழக்கில் குற்றவாளிகளுக்கு தூக்குத் தண்டனை விதிக்கப்பட்டதோ, அதேபோன்று இந்த படுகொலையிலும் பாரபட்சமற்ற முறையில் விசாரித்து உண்மையான குற்றவாளிகளை கண்டுபிடித்து தூக்குத் தண்டனை வழங்க வேண்டும்.

தனது குடும்பப் பிரச்சினை காரணமாக மக்களுக்கு ஏற்பட்டுள்ள அவ நம்பிக்கையைப் போக்க, முதல்வர் கருணாநிதி தார்மீக பொறுப்பேற்று பதவி விலக வேண்டும் என்று விஜயகாந்த் கூறியுள்ளார்.

இந்தியக் கம்யூனிஸ்ட் கட்சியின் மாநிலச் செயலாளர் தா. பாண்டியன்:
காட்டுமிராண்டித் தனமான இத்தாக்குதலில் ஈடுபட்டவர்கள் யாராக இருப்பினும் அவர்கள் மீது பாரபட்சமற்ற முறையில் நடவடிக்கை எடுக்க வேண்டும். பத்திரிகைத்துறையினருக்கு தக்க பாதுகாப்பு வழங்கிட வேண்டும்.

மார்க்சிஸ்ட் கட்சியின் மாநிலச் செயலாளர் என். வரதராஜன்:
மதுரையில் மு.க. அழகிரியின் ஆதரவாளர்களின் ஜனநாயக விரோதமான வன்முறை நடவடிக்கைகளை மார்க்சிஸ்ட் கட்சி வன்மையாகக் கண்டிக்கிறது. வன்முறையாளர்கள் மீது தமிழக அரசு கடுமையான நடவடிக்கை எடுக்க வேண்டும்.

வைகோ அறிக்கை

மதுரையில் தினகரன் அலுவலகம் தாக்கப்பட்டு அதில் மூவர் படுகொலை செய்யப்பட்டதற்கு தமிழக முதல்வரின் மகன் மு.க. அழகிரியே காரணம்; இதற்குப் பொறுப்பேற்று தமிழக முதல்வர் கருணாநிதி உடனடியாகப் பதவி விலக வேண்டும்

42 Comments:

Anonymous said...

உடன்பிறப்பு என்ற வார்த்தைக்கு சரியான அர்த்தம் கொடுக்கிறாங்க போல

இந்த சர்வே தொடர் இத்தோடு முடித்துக் கொள்ளப் பட்டது என்ற அறிவிப்பு விரைவில் வரும் என்று எதிர்பார்க்கலாம்

செல்வன் said...

பதிவு போட்ட ஐந்து நிமிடத்தில் பதில் பதிவு போடப்பட்ட பதிவு இதாகத்தான் இருக்குமோ?:-))

பதிவைப்பற்றிய கருத்து:

என்னப்பா இது மதுரைக்கு வந்த சோதனை:-))

Anonymous said...

Vithai vithaithavan vithai aruppan.

சொந்த செலவில் சூன்னியம் said...

தயாநிதி சர்வே எடுக்கறேன் பேர்வழி என்று சொந்த செலவில் தனக்கும், தனது கட்சிக்கும், தனது அண்ணன் கம்பேனிக்கும், தனது தாத்தாவுக்கும் சூன்னியம் வைத்துவிட்டார்.

ஹரன்பிரசன்னா said...

இவர்களுக்குள் பிரச்சினை வரும் என்று எதிர்பார்த்ததுதான். ஆனால் கருணாநிதியின் காலத்திற்குப் பிறகே வரும் என நினைத்திருந்தேன். தினகரன் அவலை நினைத்து உரலை இடித்துவிட்டது. இப்போது சன் டிவி, தினகரன், கருணாநிதி, மாறன் என எல்லோருக்கும் தர்மசங்கடம். தேவையற்ற வேலை.

IdlyVadai said...

Some more updates..

IdlyVadai said...

ஹரன் பிரசன்னா - காலையில் குடும்ப அரசியில் என்று ஒரு பதிவு போட்டேன். சிலர் ஜல்லி என்றார்கள். ஆனால் 3 மணி நேரத்தில் அதை திமுக உண்மை என்று நிருப்பித்துவிட்டார்கள். அவர்களுக்கு நன்றி.

Anonymous said...

கலைஞர் கனவுல அண்ணா மாறனுக்கும், பெரியார் அழகிரிக்கும், காமராஜர் ஸ்டாலினிக்கும் ஆதரவு தெரிவிச்சுட்டாங்க போல இருக்கு. அதான் குழப்பம்!

Anonymous said...

கழகத்திற்காக உண்மையாக உழைக்கும் எவருக்கும் இந்த கதிதான் என்பது கழகத்தின் இரத்த வரலாற்றைப் புரட்டிப் பார்த்தால் தெரியும். உயிரிழந்த அந்த அப்பாவி இளைஞர்களுக்கும், அவர்களோடு சமாதியான அவர்களின் கனவுகளுக்கும், அவர்களின் குடும்பத்தினருக்கும் ஆழ்ந்த அஞ்சலி, மற்றும் மன வருத்தங்கள்.
சட்டம் ஒழுங்கை கையில் வைத்திருக்கும் முதல்வர் ஒரு முடிவெடுக்க வேண்டிய தருணமிது. அப்பாவி மக்கள் உயிருக்கும் உடமைக்கும் சேதம் விளைவிக்கும் எவரையும் கண்டவுடன் சுட வேண்டும்.
(நல்ல வேளை - இதில் பார்பன சதி என வலையுலக திம்மிக்கள் கும்மியடிக்க வாய்ப்பில்லை. பூணூல் அறுப்புகளும் நிகழ வாய்ப்பில்லை)

IdlyVadai said...

Updates..
அமைச்சர்கள் கூடினார்கள். கலைஞர் அப்செட்
பொன்விழா ஏற்பாடுகளை நிறுத்த சொல்லியிருக்கார்.

உண்மைத் தமிழன் said...

//கலைஞர் அப்செட்
பொன்விழா ஏற்பாடுகளை நிறுத்த சொல்லியிருக்கார்.//

இல்லேன்னா ரோம் பற்றியெறிந்தபோது நீரோ பிடில் வாசித்தது மாதிரி ஆகிவிடும் என்று அவரது பகுத்தறிவு அவருக்கு சொல்லியிருக்கும். அந்திம காலத்திலாவது தமிழின தலைவருக்கு பகுத்தறிவு வந்தால் சரிதான்.

We The People said...

//தர்மபுரி பஸ் எரிப்பு வழக்கில் குற்றவாளிகள் 3 பேருக்கு தூக்கு தண்டனை வழங்கப்பட்டது. அதே போல் இதற்கும் தீர்ப்பு வந்தால் நன்றாக இருக்கும்.//

அட வெயிட் பண்ணுங்க, ரொம்ப ஓவரா திங் பண்ணாதிங்க இட்லிவடை. இனி வருவாரு கருணாநிதி விளக்கம் கொடுக்க!!! அதுக்கப்புறம் அந்த ரெண்டு பேரையும் கொலை செய்தார்களா? தற்கொலையான்னு முடிவு பண்ணுங்க!

ஏற்கனவே ஒரு தடவை நாம் பார்த்து தானே பஸ் எரிப்பும் அராஜகமும், அன்று தந்தையின் ஆதரவு தனையனுக்கு கிடைத்தது இன்றும் கிடைக்கும்!!!

IdlyVadai said...

இறந்தவர்களின் எண்ணிக்கை நான்காக உயர்ந்தது

We The People said...

//சட்டம் ஒழுங்கை கையில் வைத்திருக்கும் முதல்வர் ஒரு முடிவெடுக்க வேண்டிய தருணமிது. அப்பாவி மக்கள் உயிருக்கும் உடமைக்கும் சேதம் விளைவிக்கும் எவரையும் கண்டவுடன் சுட வேண்டும்.//

யாரப்பா இவரு! ரொம்ப ஃபீல் பண்ணறாரு! இருங்க மாலையில் பத்திரிக்கையாளர் சந்திப்பு நடத்துவாரு முதல்வர் அப்ப பாருங்க மக்கள் மேல் எவ்வளவு பாசம் அவருக்குன்னு! அட அவர் சொந்த மக்களை பற்றி சொல்லறேன் ;)

Anonymous said...

Yengal "Thanmana Tamilan" MK ithukellam porupetrru CM pathaviya resign panna porar parunga!

IdlyVadai said...

Some more updates..

IdlyVadai said...

மு.க.அழகிரி பேட்டி...

அருண்மொழி said...

செய்திகளை தொகுத்து தரும் இட்லிவடையாருக்கு நன்றி. இதுபோன்ற LIVE செய்திகளை பதிவிடும் போது உங்கள் தனிப்பட்ட கருத்தை தவிர்க்கலாமே!

kaveri ganesan said...

anne , enke maduraiele cabletv morning onwrads theriyale, iyo kapathunga, enne nadakuthu, maduraiele??

from 9 o clock morning onwards whole madurai totally off all cable connection.

whats this??
where we are going ??
ethula vera thagaval puratichyam??

anne enke annan da solli cable tv theriya seiyunga,, pl pl , pl .

neraya serial pakkanum.
ennathu nalu peru sethu poitangala?

thirumbamum solren , enke annana paikichukathinga??

iyo cable tv theriyale?

iya kapathungaaa,,kapthunga,,

one auto crossing

Anonymous said...

The family feud is obvious now.SUN TV covered the issue in news to create sympathy for Dinakaran daily.MK will ask Azhagiri to
keep a low profile for some time
and try to broker some peace among siblings and cousins.But that will be a short lived peace. In the evening of his life MK may feel like a powerless patriarch who
realises that power hungry siblings
and cousins can do more damage than
political opponents.He wanted to destroy the political opponents and
used every trick in the book. But the enemies within the family
will do what his opponents could
not achieve.By the time he realises that it would be too late.
As you sow, so you reap.

IdlyVadai said...

அருண்மொழி நன்றி. தனிப்பட்ட கருத்து என்று எதை குறிப்பிடுகிறீர்கள் ?

Anonymous said...

பொய் புரட்டை வெளியிடும் தினகரன் பத்திரிகையை தி.மு.க.வினர் புறக்கணிப்போம் - மதுரை தி.மு.கவினர் சபதம்.

இது குறித்து தி.மு.க. பூத் ஏஜண்ட் என்ன கருத்தையும் சொல்லக் காணும்?

Anonymous said...

இட்லி வடை அய்யா,

தி மு கவை இனி திராவிட பொரிக்கிகள் கட்சி என்று அழைக்கலாம்.

வாழ்க திராவிட கலாசாரம்.

பாலா

ஜோ / Joe said...

வெட்கக்கேடு!

உள்கட்சி ,குடும்ப மோதலுக்கு அப்பாவிகள் உயிர்களை பலிவாங்கி பொது சொத்தை நாசப்படுத்திய நாய்களை தயவு தாட்சணியம் இல்லாமல் தண்டிக்க வேண்டும்

IdlyVadai said...

more updates... vijayakanth about this etc.,

Anonymous said...

//தி மு கவை இனி திராவிட பொரிக்கிகள் கட்சி என்று அழைக்கலாம்.//


Sorry... Itz already like that only.

Anonymous said...

லக்கி, உடன்பிறப்புக்கு எல்லாம் இன்னிக்கு லீவு போல ஆளையே காணோம் ?

We The People said...

//செய்திகளை தொகுத்து தரும் இட்லிவடையாருக்கு நன்றி. இதுபோன்ற LIVE செய்திகளை பதிவிடும் போது உங்கள் தனிப்பட்ட கருத்தை தவிர்க்கலாமே!//

//தர்மபுரி பஸ் எரிப்பு வழக்கில் குற்றவாளிகள் 3 பேருக்கு தூக்கு தண்டனை வழங்கப்பட்டது. அதே போல் இதற்கும் தீர்ப்பு வந்தால் நன்றாக இருக்கும்.//

இட்லிவடை இன்னுமா புரியல, சன் டி.வி மாதிரி பழைய கதையை கிளராதீங்க, அது தி.மு.கவுக்கும் அவர்கள் தலைவர் குடும்பத்துக்கும் பிரச்சனை ஆயிடும்ன்னு சொல்லவறாரு!!! ;)

அ.தி.மு.க பண்ணா மட்டும் தான் அப்படி சொல்லனும், தி.மு.க பண்ணா அப்படி சொல்லக்கூடாதுன்னு சொல்லவறாரு!!!

We The People said...

//லக்கி, உடன்பிறப்புக்கு எல்லாம் இன்னிக்கு லீவு போல ஆளையே காணோம் ?//

மதுரைக்கு ஒரு வேலையா போயிருக்காங்க, வந்திடுவாங்க வெயிட் ப்ளீஸ் :)

IdlyVadai said...

wethepeople ஐயோ சன் டிவி இன்று தா.கிருட்டிணன் கொலை, தினலமலர் அலுவலகம் அடித்து நொறுக்கப்பட்டது, முருகன் இட்லிகடை பூட்டு போட்ட விவகாரம் எல்லம் கிளரியது.

Anonymous said...

Madurai continues to suffer from illegal gundas and porrikis and political parties. Madurai people has to standup against the ongoing culture of violence and behave as civilized society.

I think the localbody elections started the violence bandwagon.

With wet eyes and heavy heart, I pray for the victims of violence.

*******************************

நெஞ்சு பொறுக்குதில்லையே - இந்த
நிலைகெட்ட மனிதரை நினைந்துவிட்டால்
"கொஞ்சமோ பிரிவினைகள் - ஒரு
கோடியென் றாலது பெரிதாமோ ?

- Mahakavi Bharathiyar
*******************************

IdlyVadai said...

திமுக ஜனநாயக கட்சி வாரிசு அரசியலுக்கு
இடமே இல்லை - கலைஞர்

We The People said...

//wethepeople ஐயோ சன் டிவி இன்று தா.கிருட்டிணன் கொலை, தினலமலர் அலுவலகம் அடித்து நொறுக்கப்பட்டது, முருகன் இட்லிகடை பூட்டு போட்ட விவகாரம் எல்லம் கிளரியது.//

அட விசயமே தெரியல உங்களுக்கு, சன் டி.வி இன்று காலை முதல் தி.மு.கவுக்கு எதிரான டி.வி ஆயிடுச்சு தல! உடன்பிறப்புக்கள் சில பதிவு போட்டிருந்தாங்க படிக்கலையா!!!??

P.M. Mannan said...

All Cable TV channels have been thretened in madurai, and none of the TV channels are being telecasted.

If ashagiri is rowdy in madurai so is stalin in chennai. Both should be booked and Hanged for disrupting public harmony and killing democracy.

The reason de etre of these goons existence, our Hon. CM should think why is he still alive. To see how his sons kill common people to keep power with in the family ? or to see his grandson Maran trying to play between rowdy brothers and get some mileage out of it ?

Anonymous said...

starding itself this police not deal this matter properly.who is reponsible for leelavathy murder?
who is responsible for tha.Krishnan murder.what is punishment given for them?.bad things samll iruukappava remove ponnida ivalavu problem varathu.

IdlyVadai said...

இதை பற்றி தினகரன் செய்தி கடைசியில்..

Anonymous said...

தா.கி கொல்லப்பட்டபோது தா.கி கொல்லப்பட்டார் தாக்கி கொல்லப்பட்டார் என்று எதுகை மோனை, வைகோவுக்கு சீட் ஒதுக்கும் பிரச்சினையில் எண்ணிக்கை யில் தமிழ் 'விளையாடல்' என்று வார்த்தை ஜாலம் காட்டியவர் இதற்கும் ஏதாவது வைத்திருக்காமலா இருப்பார்? பொறுங்கள்! பொறுங்கள்!!
நல்ல காலம் வைகோ பற்றி தனக்கு சிபிஐ எழுதிய கடிதம் (புலிகள் தன்னை கொலை செய்யப்போகிறார்கள் என்று) தமிழ்நாடு பொலிஸ் கமிசனரின் தமிழ் மீனவர்கள் கொலைக்கு புலிகள் தான் காரணம் என சொன்னதை வெளியிட்டதற்கு தமிழ்நாட்டின் நற்பெயரை காப்பாற்றத்தான் என கதை விட்டது போல் இதற்கும் புலிகள் தான் என சொல்லாமல் விட்டால் சரி!!!

Anonymous said...

http://holyox.blogspot.com/2007/05/285.html

அன்றைக்கு கருணாநிதி அண்ணாமலைப் பல்கலைக் கழகத்தில் தான் கேட்டுப் பெற்ற டாக்டர் பட்டத்தை ஒரு மாணவனின் பிணத்தின் மீது நின்று வாங்கினார். அன்று தகுதியில்லாத ஒரு கபோதிக்கு டாக்டர் பட்டமா என்று எதிர்த்த மாணவர்கள் போலீசாரின் கண்மூடித்தனமான தாக்குதலுக்கு உள்ளாயினர். அதில் ஒருவன் கொல்லப் பட்டான், அந்த உதயகுமாரனின் பெற்றோர்களிடம் அது தன் மகனே இல்லையென்று எழுதி வாங்கினர் ஈவு இரக்கமில்லாத மிருகங்கள். கொஞ்சம் கூட வெட்கம் மானம் இன்றி பிணத்தின் மீது அன்று பட்டம் வாங்கிய கருணாநிதி, இன்று மீண்டும் வரலாற்றை அரங்கேற்றுகிறார்.

ஆம் இன்றும் இவருக்கு 50 ஆண்டு கொண்டாட்டங்கள் பிணத்தின் மீது நடக்கின்றன, ஒன்றல்ல இரண்டல்ல 4 பிணங்கள், பிணங்கள் ஏற்பாடு இவரது உத்தம புத்திரன். இந்த அயோக்கியர்கள் கோர வெறியாட்டம் என்று அடங்கும், இனியும் எத்தனை பிணங்கள் பலி கேட்க்கப் போகிறது இந்த அரக்கர் கூட்டம்?

தி மு க அரசு உடனடியாக டிஸ்மிஸ் செய்யப் பட வேண்டும்

ரவுடிக் கும்பலுக்கும் கூட்டமாக மரண தண்டனை வழங்கப் பட வேண்டும்

சன் டி வி யை தடை செய்து அதன் சொத்து பொது மக்களுக்குப் பிரித்து வழங்கப் பட வேண்டும்

IdlyVadai said...

Update: வைகோ, ஜெ, விஜயகாந்த், தா.பாண்டியன் மற்றும் பலர் அறிக்கை..

Anonymous said...

Tomorrow MK will organize a family peace meet and make SUN TV withdraws all cases against Alagiri. That is going to happen. This is a mafia family. They will do any murder.

Anna Nagar Ramesh was murdered by whom?

Tha Ki was murdered by whom?

who killed Tharasu employees ?

who helped Rajiv's killers ?

who killed Padhmanaba killers?

who exonerated Venmani landlord killers?

who killed Udthatakuramarn?

who raped Fatima Babu?

who kidnapped SSR's wife?

Who killed CPM councillor Leelavathi in Madurai?

Karunanidhi and his family's hands hands are blood stained. This fellow will shamelessly sit over the dead bodies and enjoy skimply claded actresses dancing on the stage.

துளசி கோபால் said...

உண்மைத்தமிழன் இப்பத்தான் நாலு நாளைக்குமுன்னே பொது சொத்தை அழிக்கறதைப்
பத்தி எழுதுனார். க.கண்மணிகள் அதைச் சரியாச் செஞ்சுட்டாங்க.

kaveri ganesan said...

dear all,

still to time all cable tv: s not showing all chanells, only sun , jaya, win coming.

i need coverage of cnn ibn , headline , ndtv about attack on madurai dinakaran office.

why kalingar keeping so silent, what he is going to take decesion inthis regard?

still only 3 people arrested in madurai?