என்ன தலைப்பு வைக்கலாம் ?

என்ன தலைப்பு வைக்கலாம் என்று கீழே படித்துவிட்டு நீங்களே சொல்லுங்கள்

......துக்ளக்கும் மற்ற பத்திரிக்கைகளை போலவே இருந்திருந்தால் இந்த வாசகர் விழாக்களில் பெரிய சுவாரஸ்யம் இருந்திருக்காது. அரசாங்கத்தினால் மிகவும் கோபத்துடன் பார்க்கப்பட்ட பத்திரிக்கை - அரசாங்கத்தினால் மிகவும் ஆத்திரத்துடன் அணுகப் பட்ட ஆசிரியன் என்ற தகுதிகள் துக்ளக்கிற்கும், எனக்கும் முதலாண்டிலேயே கிடைத்துவிட்டதால் தான் இந்த ஆண்டு விழாக்கூட்டங்கள் களை கட்டின. யாருமே விமர்சனம் செய்யாத போது, ஒரு பத்திரிக்கை தங்களை கிண்டல் செய்யவும் முற்பட்ட போது, அதை சாதாரணமாக எடுத்துக்கொள்ளும் பக்குவம் அன்றைய திமுக அரசுக்கு இருக்கவில்லை. அரசின் அன்றைய போபம் தான் துக்ளக்கை இன்று வரை வாழ வைத்துக் கொண்டிருக்கிறது.

மற்ற பத்திரிக்கைகளைப் போல் அல்லாமல், துக்ளக் பத்திரிக்கை அதன் ஆசிரியனுடைய ஒரு அங்கமாகவே பார்க்கப்பட்டாதால் அந்த ஆசிரியனுக்குக் கிடைக்கும் விளம்பரம், பத்திரிக்கைக்குப் பெரிதும் உதவியது. ஆசிரியனுக்கு விளம்பரம் தந்து உதவியதும் அன்றைய அரசு தான். அதன் முதல்வர் கருணாநிதிதான். ஆசிரியனின் எழுத்துக்குப் பதில் சொல்ல முடியாத திமுகவினர், அவருடைய ஜாதியைக் குறிப்பிட்டு, 'முரசொலி' யில் விமர்சனங்கள் எழுதினார்கள். மேடைகளில் பேசினார்கள். அவர்கள் எதிர்பார்த்த பலனை இது தரவில்லை. 'வாதமில்லாததால், ஜாதியத்தில் இறங்கிகிறார்கள்' என்பது மக்களுக்கு புரிந்தது. இப்படி தங்களுடைய ஜாதி ரீதியான தக்குதலில் எடுபடாமல் போன ஆத்திரத்தில் தான் ஒரு துக்ளக் இதழின் எல்லாப் பிரதிகளையும் அரசு பறிமுதல் செய்தது. ஏற்கெனவே சொன்னது மாதிரி, அது துக்ளக்கிற்கு பெரும் விளம்பரமாயிற்று.....

( நன்றி : அதிர்ஷ்டம் தந்த அனுபவங்கள், சோ, அலையன்ஸ் பதிப்பகம் )

....நாளேட்டில் வெளியிடப்பட்ட கருணாநிதியின் வாரிசாக யார் வரவேண்டும் என்ற கேள்விக்கு தரப்பட்ட பதில்களின் விளைவாக விலை மதிக்க முடியாத மூன்று வாலிபர்களின் உயிர்கள் பிரிந்து சென்றுவிட்டன. நடந்த அந்த வன்முறைச் சம்பவத்தை வன்மையாகக் கண்டிப்பதுடன், இவற்றுக்குக் காரணமாக யார் இருந்தாலும் அவர்கள் மீது கண்டிப்பாக சட்டப்படியான நடவடிக்கை இந்த அரசால் எடுக்கப்படும். எந்தப் பத்திரிகையாக இருந்தாலும் அதன் மீது தாக்குதல் நடத்துவதை எந்தக் காலத்திலும் ஏற்றுக் கொண்டவன் இல்லை.....

( நன்றி : கலைஞர் அறிக்கை )