திமுக கூட்டம், தயாநிதி பற்றி முடிவு

தி.மு.க., தலைமை நிர்வாகக் குழு கூட்டம், சென்னையில் இன்று நடக்கிறது. தி.மு.க., பொதுச்செயலர் அன்பழகன் நேற்று வெளியிட்ட அறிக்கை: தி.மு.க., தலைவர் கருணாநிதி தலைமையில் கட்சியின் தலைமை நிர்வாகக் குழு கூட்டம், நாளை (இன்று) மாலை 5 மணியளவில் சென்னை, அண்ணா அறிவாலயத்தில் நடக்கிறது. இதில், நிர்வாகக் குழு உறுப்பினர்கள் அனைவரும் தவறாமல் கலந்து கொள்ள வேண்டும். இதில் முக்கியமாக தயாநிதி மாறன் பற்றி முடிவெடுக்கப்படும் என்று தெரிகிறது.
சன் டிவி கட்சி என்ன செய்யபோகிறது என்று இன்னும் சில நாட்களில் தெரியும். அரசியலில் எதுவும் நடக்கலாம். தகவல் சேகரித்து சொல்லுகிறேன்.

தயாநிதியை சந்திக்க கலைஞர் மறுப்பு ....


கருணாநிதியைச் சந்திக்க தயாநிதி மாறன் கடந்த 2 நாள்களாக முயற்சித்தார். ஆனால், அவரைச் சந்திப்பதற்கு அனுமதி கிடைக்கவில்லை என்று திமுக வட்டாரங்கள் தெரிவித்தன.

கருணாநிதியைச் சந்திக்க வந்த தயாநிதி மாறனிடம், "மத்திய அமைச்சர் என்கிற முறையில் அனுமதி பெற்றுக் கோட்டையில் சந்திக்கலாம். திமுகவைச் சேர்ந்தவர் என்ற முறையில் அனுமதிபெற்று அறிவாலயத்தில் சந்திக்கலாம். உறவினர் என்ற முறையில் சந்திக்க முடியாது' என்று கருணாநிதி தரப்பில் தெரிவிக்கப்பட்டிருக்கிறது.

இதனால், கருணாநிதி வீட்டில் இருந்து வெளியில் வரும்வரை காத்திருந்த தயாநிதி அவரிடம் ஒரு கடிதத்தைக் கொடுத்துவிட்டு அங்கிருந்து சென்று விட்டார்.

ராஜிநாமாவா? அந்தக் கடிதத்தில் என்ன எழுதப்பட்டிருந்தது என்பது குறித்து எந்தத் தகவலும் வெளியிடப்படவில்லை. எனினும், அது தயாநிதி மாறனின் ராஜிநாமா கடிதமாக இருக்கலாம் என்றும் கூறப்படுகிறது.

தயாநிதி மாறன் புறக்கணிப்பு: சென்னைக்கு வெள்ளிக்கிழமை கருணாநிதியின் பேரவைப் பொன் விழா நிகழ்ச்சிக்காக வந்த மன்மோகன் சிங், சோனியா காந்தி ஆகியோரை வரவேற்க விமான நிலையத்துக்கு வந்திருந்த தயாநிதி மாறனிடம் பேசுவதை மற்ற திமுக அமைச்சர்கள் தவிர்த்தனர்.

மன்மோகன் சிங்கும், சோனியா காந்தியும்கூட அவரிடம் முகம் கொடுத்துப் பேசுவதைத் தவிர்த்தனர்.

தயாநிதி, கலாநிதி உள்ளிட்டோர் தீவுத் திடலில் நடைபெற்ற கருணாநிதியின் சட்டப்பேரவை பணிகளைப் பாராட்டி நடைபெற்ற பிரமாண்டமான விழாவைப் புறக்கணித்தனர்.

மேலும், இந்நிகழ்ச்சியை நேரடியாக ஒளிபரப்ப சன் டி.வி.க்கு அனுமதி மறுக்கப்பட்டது.

உதகைக்குப் பயணம்: இந்நிலையில், சனிக்கிழமை சென்னையிலிருந்து விமானம் மூலம் கோவைக்கு வந்தார் தயாநிதி மாறன்.