மண்டபத்தை தானே இடிக்கிறார் விஜயகாந்த்

கோயம்பேடு மேம்பால பணிக்காக தனது திருமண மண்டபத்தை சொந்த செலவில் இடித்து தர முன் வந்திருக்கிறார் விஜயகாந்த்.


கோயம்பேட்டில் மேம்பால பணிக்காக கட்டிடங்கள் இடிக்கப்படுகின்றன. இதில் விஜயகாந்தின் திருமண மண்டபமும் அடங்கும்.

மண்டபத்திற்கான இழப்பீட்டு தொகையை பெற்றுக்கொண்டு நெடுஞ்சாலைத் துறையிடம் இந்த மாதம் 15ஆம் தேதிக்குள் ஒப்படைக்குமாறு உயர்நீதி மன்றம் உத்தரவிட்டிருந்தது.

இதனால் மண்டபத்திலுள்ள பொருட்களை மாற்று இடத்திற்கு கொண்டு செல்லும் பணி நடந்து வருகிறது.

இந்நிலையில், விஜயகாந்த் திருமண மண்டத்தை 15ஆம் தேதிக்கு முன்னதாக தனது சொந்த செலவில் இடிக்க முடிவு செய்துள்ளார். எனவே மண்டபத்தை இடிப்பதற்காக தனியார் நிறுவனத்திடம் ஒப்பந்தம் செய்துள்ளார். இதன்படி, வரும் 7ஆம் தேதி இடிப்பு பணிகள் ஆரம்பமாகின்றன.