கலைஞர் பொன்விழா குழு - Jaya Says 'NO'

வழக்கம் போல் ஜெயின் அறிக்கை:

தமிழ்நாடு சட்டமன்றப் பேரவையில் வருகின்ற 10.5.2007 மற்றும் 11.5.2007 ஆகிய தேதிகளில் "சட்டமன்றத்தில் கலைஞர் - பொன் விழா'' என்று கூட்டத் தொடர் 2 நாட்கள் நீட்டிக்கப்பட்டு நடக்க உள்ளது. இதற்காக விழாக் குழு அமைக்கவும் ஏற்பாடாகி, "அ.தி.மு.க. சார்பில் யாரை குழுவில் நியமிக்கிறீர்கள்'' என்று கேட்கக் கூடிய அளவிற்கு துணிச்சல் வந்து இருக்கிறது.

அ.தி.மு.க. பொதுச் செயலாளரும், முன்னாள் முதல்வரும், தற்போது சட்டமன்ற எதிர்க்கட்சித் தலைவரும் ஆகிய என்னை இழிவான வார்த்தைகளில் அசிங்கப்படுத்திய கருணாநிதிக்கு பொன் விழா என்றும், அதற்கான குழுவில் அ.தி.மு.க. இடம் பெற வேண்டும் என்றும் கேட்டால், எப்படி இசைவு அளிப்பார்கள்

இன்று நாடு இருக்கின்ற இருப்பில், இது தேவைதானா? என்பதை மக்கள் தான் எண்ணிப் பார்க்க வேண்டும்.

முதலாவதாக பொன் விழா என்பது 50 ஆண்டுகள் முடிவடைந்த பிறகு கொண்டாடப்படுவது ஆகும். ஆனால், கருணாநிதி சட்டமன்றத்தில் 50 ஆண்டுகள் பணியாற்றவில்லை என்பதுதான் மறுக்க முடியாத உண்மை.

2001 முதல் 2006 வரை கருணாநிதி சட்டமன்றத்திற்கே வரவில்லை. பதவி நீக்கத்தை தடுக்க சட்டமன்ற வராண்டாவிலும், எதிர்க்கட்சித் தலைவரின் அறைக்கு வருகை பதிவேட்டினை வரவழைத்து கையொப்பம் இட்டும், பதவியை தக்க வைத்துக் கொண்டார்.

இந்த பொன்விழாவில் இந்திய ஜனாதிபதி அப்துல்கலாம் கலந்து கொள்ளப் போவதாக பொன்விழா குழுவினர் அறிவித்திருக்கிறார்கள்.

இந்த விழாவில் ஜனாதிபதி அப்துல்கலாம் கலந்து கொள்ளக்கூடாது என்று அ.தி.மு.க. கேட்டுக் கொள்கிறது.

அப்பாடா இந்த அறிக்கையில் மைனாரிட்டி திமுக என்று சொல்லவில்லை.