'ஆப்பு' ரைசல்லப்பா

வ.வா.சங்கம் ஆரம்பித்து ஒரு வருடம் ஆகிறது, 'ஆப்பு'ரைசல் எழுதனும் என்று இலவசமாக கேட்டாரகள்.

இந்த கவிதை(?) 'ஆப்பு' ரைசல்லப்பா என்ற இலக்கண விதி படி எழுதியது. அதனால் நீங்க இதை

இரண்டு முறை படித்தால் கவிதை
படிக்காமல் விட்டால் மேதை

------- + ------ + ----------

மூவேந்தர் வளர்த்த சங்கத்திற்கு ஆனது இரண்டு மில்லியன் ஆண்டு
இன்று இரண்டு டஜன் சிங்கத்திற்கு ஆனது ஒரு முழு ஆண்டு

வந்தாரை வாழ்த்தி வாழ வைக்கும் தமிழகம்
படித்தாரை சிரித்து வாழ வைக்கும் வவாச(ங்)கம்

மனசுக்குள் சம்மணமிட்ட கைப்பிள்ளை இவர்
ரவுசுக்குள் சஞ்சலப்பட்ட பெண்பிள்ளை பலர்

கிட்டாருடன் சிங்கம் இவர்களின் லோகோ
சிங்கங்கள் பார்ப்பதோ போகோ

மொக்கை என்றாலும் வெக்கையைத் தணிக்கும்
சிக்கெனத் தென்றலாய் கிக் பல கொடுக்கும்

அ(ச்)சிங்கங்கள் உறுமுகின்றன வாருங்கள்
இ(ம்)சைகள் பிளிறுகின்றன கேளுங்கள்

கணினி முன்னே சிரிக்க வைப்பது இவர்களின் ஹாபி,
பின்னூட்டம் போட்டுக் கொல்லுவது (கொள்வது) இவர்களின் ஜோலி

உயிரை எடுக்கும் பதிவு
செந்திலும் கவுண்டரும் சென்சஸ் எடுக்கும் பதிவு

'வருத்த முற்றும்' கொடுத்தது தெரசாவின் சாதல்
'சந்தோஷ முற்றும்' கொடுத்தது மாமாவின் காதல்

ஒரு கூடை சன் நெட்வர்க்
ஒரு கூடை மூன் நெட்வர்க்
ஒன்றாகச் சேர்ந்தால்
சிவாஜிபடத்தின் FlashWork

கலாய்ப்பதோ இவர்களுக்கு காக்டெயில்
பின்னால் இருப்பதோ நீளமான டெயில்

ஃபிகரு இவர்களின் கரு
வடிவேலு இவர்களின் குரு

சிரியஸ் பதிவுகள் சிரிப்பாய் சிரிக்கும்
ஆனால் சங்கம் பதிவுகள் சிரிக்கவைக்கும்

இவர்கள் பதிவுகளைப்
படித்தால்
எண்ணத் தோன்றும்-
ஏண்டா பிறந்தோம்
யோசித்தால்
சொல்லத் தோன்றும்-
கலக்கிப்புட்டாங்கய்யா, கலக்கிப்புட்டாய்ங்க!

(இரண்டு வரி 'ஆப்பு' ரைசல்லப்பா)

அடுத்ததாக நண்பர் பினாத்தல் இந்த வெட்டி வேலையை செய்வார் :-)