சச்சின் மனவருத்தம்

உலக கோப்பை தோல்விக்கு பின்னர் இந்திய வீரர் சச்சின் டெண்டுல்கர் முதல்முறையாக பவுண்டரி அடித்துள்ளார். தனியார் செய்தி நிறுவனத்திற்கு பேட்டியளித்த அவர், பயிற்சியாளர் கிரேக் சாப்பல் சீனியர் பிளேயர்களை குறைகூறியிருப்பது தனக்கு மிகுந்த மனவருத்தத்தை அளித்துள்ளதாக தெரிவித்துள்ளார்.மேலும், உலக கோப்பை வெல்வதே தங்களது லட்சியமாக இருந்ததாகவும், தற்போது ஏற்பட்டுள்ள தோல்வி தனது 17 வருட அனுபவத்தில் மிகவும் சோகமான தருணமாக அமைந்துவிட்டதாக தெரிவித்துள்ளார்.தான் இந்திய அணிக்காக 17 வருடங்களாக ஆத்மார்த்தமாக விளையாடியுள்ளதாகவும் தனது கிரிக்கெட் பற்றை முதல் முறையாக பயிற்சியாளர் கேள்வி எழுப்பியிருப்பதாகவும் கூறினார். மேலும் மற்றொரு சீனியர் பிளேயர் குறிப்பிடுகையில் . பயிற்சியாளர் சாப்பல் உலக கோப்பையின் போது 3 - 4 நாடகள் யாரிடமும் பேசவில்லை எனவும், எந்த கருத்தையும் ஏற்க மறுத்ததாகவும், இப்படி ஒரு பயிற்சியாளர் இருந்தால் எப்படி சிறப்பாக விளையாட முடியும் என கூறியுள்ளார்.