Big Man, Big Mistake

இன்போசிஸ் நிறுவனத் தலைவர் திரு நாராயண மூர்த்தி அவர்களுக்கு,

கும்புட்றேன் சாமி!.

இப்பெல்லாம் பதிவு எழுதினால பலருக்கு வயத்தகலக்குதுங் சாமி. சரி விஷயத்துக்கு வாரேன். உங்களுக்கு வெஜ்ஜர்ன் மீஜிக் புடிக்குமுன்னு முன்னால ஒரு தபா சொல்லியிருக்கீங்க. அதற்கு அர்த்தம் இப்போ தான் நமக்கு விளங்கிச்சு சாமி. வெஜ்ஜர்ன் மீஜிக் மட்டும் இல்ல வெஜ்ஜர்ன் சம்பந்த பட்ட அல்லாமே உங்களுக்கு பிடிக்குமுனு.

மூனு நாள் முன்னால நம்ப இந்தியாவோட மொத குடிமகன், அதான் அப்துல் கலாமு வந்திருந்தாரு.. குடியரசு தலைவரு கலந்துக்கற விழா ஆரம்பத்துலயும் முடிக்க சொல்லயும் நம்ம தேசிய கீதம் இசைக்குமாமில்ல. நான் இஸ்கூல்ல படிக்க சொல்ல கடைசீயா தேசிய கீதமுனு சொல்லுவாங்க. அல்லோரும் பேசாம எழுந்து நிப்போம். அத்த விடுங்க எங்க நைனா ஜனாதிபதி ஒரை ரேடியோவ்ல வந்தாலே கடேசியா தேசிய கீதம் வரும். அதுக்கும் எழுந்து நிக்க சொல்லுவாரு. இப்போ எல்லாம் "தேசிய கீதம், எழுந்து நில்லுங்க" என்னு மைக்கில கூவ வேண்டி ஆகிப்போச்சு. பழைய கதை எதுக்கு? குடியரசு தலைவர் விழால நீங்களுந்தேன் அந்த மரபை ஃபாலோ செஞ்சீங்க அதற்கு ரொம்ப டாங்க்ஸ். ஆனா நம்ம பத்திரிக்கைகாரங்க குசும்புதான் தெரியுமே, ஏன் பாடலைன்னு கேட்டத்துக்கு நீங்க இங்கிலிபீச்சுல இந்த மாதிரி சொல்லியிருக்கீங்களாம்.

"The original idea was to have five youngsters sing the National Anthem. Then I felt we had several foreigners and we did not want to put them in an embarassing position of them being silent and others singing it, so we decided on the instrumental version. This was fine because the National Anthem need not be sung always. The important thing was to show solidarity and our respect"

"அட, வாய்விட்டு பாடினாத்தான் என்ன தப்பூ?"ன்னு கோடிவீட்டு குப்பம்மா கழுதை கேக்கிறா.

"தே, அவரு படிச்சவரு, அவர் சொன்னா கரீட்டா தான் இருக்கு!"முன்னு நானும் சொல்லிப் பாத்தேன்.

ஆனா அந்த வாயாடி "சரி, இதே போல இவரு துரைநாட்டுக்கு போனா அவுங்க இந்த மாதிரி செய்யுவாங்களா ?"ன்னு குதர்க்கமா கேக்கிறா.

"நீ ரொம்ப படிக்கல புள்ள, இந்த மாதிரியெல்லாம் பேசகூடாது!"ன்னு சொன்னேன்.

குப்பமாவுக்கு கோபம் ரொம்ப வந்து "இந்தியாவோட மொத குடிமகனைக் காட்டிலும், அவருக்கு வந்திருந்த சில வெளிநாட்டு துரைகள் தான் முக்கியமா?"ன்னு ஒரே படபடப்பு.

"புள்ள நிதானமா இரு!"ன்னு நாந்தேன் உப்பு போட்டு மோர் கொடுத்தேன். மோர் குடிச்ச தெம்புல கழுதை இன்னொரு கேள்வி கேட்டா..

"சரி துரைமாரு இக்கிளையண்ட்ஸ் எல்லாம் நம்ம பசங்க பேரை கூப்பிடச் சொல்ல ரொம்ப சங்கடபட்றாங்கன்னு அவங்க பேரையெல்லாமும் tom, steveன்னு மாத்திட சொல்லப் போறாரு பெரியவரு, எல்லாம் சாமியை நேந்துகிட்டு வெச்ச குலசாமிப் பேரு.." ன்னு ஏளனம் செய்யறா.

"சரி புள்ள, செஞ்சாத்தான் என்ன? இது என்ன பெரிய குற்றமான்னு ?" கேட்டேன். அவ்ளோதான். உடனே அவளுக்கு ரொம்ப ரோஷம் வந்திட்டுது.

அவ புள்ளை ஒரு வக்கீலு, அதனால செல்புல இருந்த ஒரு பெரிய புத்தகத்தை எடுத்து இத்தைக் காண்பிக்கிறா..

"The Prevention of Insult to National Honour Act, 1971 - In the case of insult to the national Tricolour, the Act provides: "Whoever in any public place or in any other place within public view burns, mutilates, defaces, disfigures, destroys, tramples upon or otherwise shows disrespect to or brings into contempt (whether by words, either spoken or written, or by acts) the Indian National Flag or the Constitution of India or any part thereof, shall be punished with imprisonment for a term which may extend to three years, or with fine, or with both."

நானும், "சரி புள்ள, அதான் அவர் மாப்பு கேட்டாச்சே!"ன்னு சென்னேன்.

அதுக்கு அவ "மாப்பு, அது எந்த மொளிலயும் எனக்கும் புடிக்காத வார்த்தை"ன்னு பொங்கறா சாமி. ( போன தேர்தல்ல இந்த மூதேவி தேமுதிகவுக்கு தான் ஓட்டுப் போட்டுச்சு. அத்த ஊர் முழுக்க சொல்லிகிட்டும் திரிஞ்சுச்சு.)

நான் சிரிச்சேன்.

"என்ன சிரிக்கிற? எனக்கு அவ்வளவு இங்கிலிபீசி தெரியாது, அவரு சொல்லியிருக்கறதை பாரு!"ன்னு இன்னிக்கு வந்த நிவிஸ் பேப்பரை என் முன்னால நீட்டினா..

"We are a proud Indian company, with strong universal ethos of transparency, accountability and honesty. If the media statement has hurt anybody's sentiments, I deeply apologise,"

"பார்த்தியாய்யா, இப்ப கூட இவர் செஞ்சது தப்புன்னு இவருக்கு தெரியலையே. தப்பா நீங்க நினைச்சா மன்னிச்சுடுங்க!"ன்னில்ல சொல்றாரு.

"சரி, விடு புள்ள, விசயம் என்னன்னா, இவரை அடுத்த ஜனாதிபதிக்கு பதிவிக்கு சிபாரிசு செய்யப் போறாங்களாம்."
.
"அட போய்யா, இவரு ஜனாதிபதியானா, குடியரசு தினத்துல வர துரைமாருங்களுக்கு கஷ்டமா இருக்குமுன்னு தேசிய கீதத்தையே இவர் பாடாமல் இருந்துட போறாரு. அப்றம் வெளிநாட்டு காரவுங்களுக்கு அனுகுண்டு பிடிக்காதுன்னு என்று அதையும் செய்ய மாட்டாரு.. துரைமாருங்களுக்குப் பிடிக்காதுன்னு......".

"சரிங் சாமி, உங்களுக்கு நெறைய வேலையிருக்கும். ஆனால் கடைசியா குப்பம்மா "mentor" ன்னா குரு மாதிரியாம், இப்ப சொல்லு, அவரு நிச்சயம் நல்ல இந்திய குடிமகனுக்கு நல்ல குருவா?ன்னு கேட்கிறா ?"

பதிலை எதிர்பார்க்கும்,
இட்லிவடை
( ஒரு சராசரி இந்திய ஃஸாப்ட்வேர் குடிமகன் )