திமுக , பா.ம.க, காங்கிரஸ் ..

கூட்டணி மந்திரிசபை - கருணாநிதி அதிரடி முடிவு! என்ற தலைப்பில் இரண்டு மாதம் முன் ஒரு பதிவு எழுதியிருந்தேன்.

இப்போது காங்கிரஸ் கட்சிக்கு 4-5 மந்திரி பதவி நிச்சயம் என்று தெரிகிறது. தமிழக பட்ஜெட் கூட்டத் தொடர் வரும் 22-ந்தேதி தொடங்குகிறது. இந்த கூட்ட தொடர் முடிந்த பிறகு தமிழக அமைச்சரவை விஸ்தரிப்பு நடைபெறும் என்று எதிர்பார்க்கப்படுகிறது.


சமீபகாலமாக மருத்துவர் ஐயா கலைஞருக்கு ரொம்ப குடைச்சல் கொடுக்கிறார் அரசின் திட்டங்களையும், கொள்கை முடிவுகளையும் பா.ம.க. விமர்சித்து வருகிறது. எதை கலைஞர் செய்தாலும் அதற்கு பா.ம.க எதிர்ப்பு தெரிவிக்கிறது. இது கலைஞரை ரொம்ப அப்செட் செய்துள்ளது. இந்த நிலையில் ஆளும் கூட்டணி யில் இருந்தே பா.ம.க.வை கழற்றி விட்டு விடலாமா என்று கூட தி.மு.க. மூத்த தலைவர்கள் நினைப்பதாக கூறப்படுகிறது. பா.ம.க.வை கழற்றி விடும் பட்சத்தில் காங்கிரசை தங்கள் பிடியில் வைத்து இருப்பதற்காக அவர்களுக்கு அமைச்சரவையில் இடம் கொடுக்கலாம் என்று பிரச்சினை செய்து வருவதாக தகவல்கள் வெளியாகி உள்ளது.

தற்போது சட்டசபையில் தி.மு.க.வுக்கு 96 எம்.எல்.ஏ.க்களும் காங்கிரசுக்கு 34 எம்.எல்.ஏ.க்களும் உள்ளனர். காங்கிரசுக்கு 4 மந்திரி பதவிகளை விட்டுக்கொடுக்க தி.மு.க. தலைவர் கள் சம்மதித்து இருப்பதாக தெரிகிறது.

எது எப்படியோ, தமிழகத்தில் பா.ம.க வளரவில்லை என்றால் அது தமிழகத்துக்கு நல்லது தான்.