டாப் 5 பெண் பதிவாளர்கள் - முடிவுகள் !

மகளிர் தினம் ஸ்பெஷலாக பெண் பதிவாளர்கள் டாப் 5 யார் என்று ஒரு வாக்குபதிவு வைத்திருந்தேன்.

* ஆண்களை காட்டிலும் பெண் பதிவாளர்களே தைரியமாக தங்கள் வாக்குகளை பதிவு செய்திருந்தார்கள். ( இப்போது தான் தெரிகிறது, ஏன் அரசியல் கட்சிகள் தாய்குலத்தை டார்கெட் செய்கிறார்கள் என்று ).

* நிறைய ஆண் சிங்கங்கள், ஏதுக்கு இந்த மாதிரி ஒரு வீண் விளையாட்டு, ஆண் பெண் வித்தியாசம் இருக்க கூடாது, பெண் பதிவாளர்களுக்குள் கோஷ்டி பூசல் உண்டு பண்ணுகிறீர்கள்(இவர்கள் என்ன காங்கிரஸ் காட்சியை விடவா மோசம்), உங்கள் மேல் நம்பிக்கை இல்லை ... என்று சொல்லி ஜகா வாங்கினார்கள். சிலர் என்னை கேவலமாக திட்டினார்கள். எனக்கு அது பழக்கம் ஆகிவிட்டதால் பாதிப்பு இல்லை :-)

* ஓட்டு போட்ட எல்லா பெண் பதிவாளர்களும் தங்களுக்கு ஓட்டு போட்டுக்கொள்ளவில்லை. தனக்கு தானே ஓட்டு போட்டுக்கொள்ளுவதை அவர்கள் கேவலமாக நினைத்தார்கள் என்று நினைக்கிறேன்.

* இந்த முடிவை தெரிந்து கொள்ளுவதில் நிறைய பேர் ஆர்வம் காட்டினார்கள். கடந்த இரண்டு நாட்களாக என்னிடம் கூகிள் டாக்கில், ஈ-மெயில் மூலம் தொடர்பு கொண்டவர்கள் எல்லோரும் முடிவையே கேட்டார்கள். இதில் ஒரு பிரபல எழுத்தாளரும், ஒரு பிரபல வலைப்பதிவாளரும் அடங்கும்.

* இட்லிவடையை ஆண்களை விட பெண்களே அதிகம் விரும்படிக்கிறார்கள் :-)

* சிலர் குசும்பாக இட்லிவடைக்கு ஓட்டு போட்டிருந்தார்கள். ( அந்த ஓட்டு வழக்கம் போல் செல்லாத ஓட்டு :-).

முடிவு ... கிழே..




1. துளசி கோபால் 20% வாக்குகள் வாங்கி முதல் இடத்தில் இருக்கிறார். ஓட்டு போட்ட பெரும்பாலோர் துளசிக்கு ஓட்டு போட்டிருந்தார்கள். மிகவும் பாப்புலர் பெண் பதிவாளர்.

2. அடுத்த இடத்தில் இருப்பவர் பொன்ஸ் 14% வாக்குகள் வாங்கியுள்ளார்.

3. மூன்றாம் இடத்தில் மூன்று பெண் பதிவாளர்கள் செல்வநாயகி, மதி, உஷா 11% வாக்குகள் வாங்கியுள்ளார்கள்.

4. 9% ஓட்டுகள் வாங்கி நான்காம் இடத்தில் கவிதா இருக்கிறார்.

ஐந்தாம் இடத்தில் நான்கு பேர் இருக்கிறார்கள் கீதா சாம்பசிவம், வல்லி சிம்ஹன், முத்துலெட்சுமி, பத்மா அரவிந்த். 6 % ஓட்டுகள் வாங்கியுள்ளார்கள்.

வெற்றி பெற்றவர்கள் அனைவருக்கும் இட்லிவடையின் வாழ்த்துக்கள்.