வீராசாமி - விமர்சனம்

அனுபவ ஐயங்கார் மற்றும் உருளைக்கிழங்கு போண்டா சாப்பிடும் இயக்குநரின் படம். அவரே வீராச்சாமி என்ற பாத்திரம் ஏற்று நடித்திருக்கிறார்.

கதை:
இடைவேளி வரை இவர் பல போலி விலங்குகளுடன் சண்டை போடுகிறார். குறிப்பாக கருப்புப் பூனையுடன் இவர் போடும் சண்டையைக் கண்டு குழந்தைகள் மட்டும் பயப்படும் அபாயம் இருக்கிறது. இடைவேளிக்கு பின் இவரை ஒரு கொசு கடித்துவிட சுருண்டு விழுகிறார்.

'தசாவதானி' என்ற பெயருக்குத் தகுதியானவராக இவர் இப்படத்தில் தயாரிப்பு, கதை, திரைக்கதை, வசனம், இயக்கம், பாடல், இசை, நடனம், கலை மற்றும் சண்டைப் பயிற்சி என்ற அனைத்தையும் வருமான வரிக்கு பயந்து சர்வாண்டிஸ், ஹேரி பார்ட்டர், வரதன், பரதன், பஜ்ஜி, சொஜ்ஜி, நாட்டாமை, கண்ணம்மா, முரளி மனோஹர் என்று வெவ்வேறு புனை பெயரில் செய்துள்ளார் என்பதும் குறிப்பிடத் தக்கது.

இது வருமான வரி ஏய்ப்பு என்று ஒரு பிரிவினர் படத்தைத் தடை செய்ய வழக்குத் தொடர, 'அவனவன் அடுத்தவன் திறமையில் செய்ததை எல்லாம் தன் பெயரில் போட்டுக் கொண்டிருக்கும் வேளையில் தான் செய்தவைகளையும் அடுத்தவன் பெயரில் எழுதி வைக்கும் தயாள டோண்டுவின் சேவை நாட்டுக்குத் தேவை' என்று ஒரு கோஷ்டி ஆதரவுக் கொடி பிடிப்பது கதையின் நகைச்சுவை கலந்த திருப்பம். பெரிய அளவில் எதிர்பார்த்த போராட்டம் இவ்வளவு நகைச்சுவையாகப் பிசுபிசுத்துப் போனதில், "இந்த மேட்டருக்கு உங்க டோட்டல் ரியாக்ஷனே இவ்ளோதானாடா?" என்று எதிரணியினர் ஏமாற்றம்.

மீதிக் கதையை (இருந்தால்) தமிழ்மணத் திரையில் காண்க!!