பாயும் வேகம் ஜெட் லீ தாண்டா
பன்ச் வெச்சா இட்லி தாண்டா
Rated PG - for Pseudo-DK, DMK, Liberals, Marxists....
ஊர்ல சொல்றது சொலவடை
உண்மையைச் சொல்றது இட்லிவடை

Tuesday, February 27, 2007

லாலு ஆடிய கிரிக்கெட்




* ரெயில்களில் எந்த வகுப்புக்கும் பயணிகள் கட்டணம் உயர்த்தப்படவில்லை.

* சீசன் டிக்கெட் கட்டணமும் உயர்த்தப்படவில்லை.

* புறநகர் அல்லாத சாதாரண ரெயில்களில் 2-ம் வகுப்பு கட்டணமும், அதி விரைவு அல்லாத விரைவு ரெயில்களுக்கான 2-ம் வகுப்பு கட்டணமும் 1 ரூபாய் குறைக்கப்பட்டு உள்ளது. இந்த சலுகை அன்றாடம் டிக்கெட் வாங்கி பயணம் செய்வோருக்கு மட்டும் பொருந்தும்.

குளிர்சாதன வசதி பெட்டி

* ஏ.சி. (குளிர்சாதன வசதி செய்யப்பட்ட) முதல் வகுப்பு கட்டணம் கூட்ட நெரிசல் உள்ள விழாக்காலங்களில் (ஏப்ரல் 16-ந் தேதி முதல் ஜூலை 14-ந் தேதி வரையும் செப்டம்பர் 16-ந் தேதி முதல் ஜனவரி 14-ந் தேதி வரையும்) 3 சதவீதமும், சாதாரண காலங்களில் (ஜனவரி 15 முதல் ஏப்ரல் 15-ந் தேதி வரையும் ஜூலை 15 முதல் செப்டம்பர் 15-ந் தேதி வரையும்) 6 சதவீதமும் குறைக்கப்பட்டு இருக்கிறது.

* ஏ.சி. இரண்டு அடுக்கு பெட்டிகளில் விழாக்காலங்களில் 2 சதவீதமும், சாதாரண காலங்களில் 4 சதவீதமும் குறைக்கப்பட்டு உள்ளது.

* ஏ.சி. மூன்று அடுக்கு கட்டணம் (81 படுக்கை) விழாக்காலங்களில் 4 சதவீதமும், சாதாரண காலங்களில் 8 சதவீதமும் குறைக்கப்பட்டு இருக்கிறது.

* ஏ.சி. மூன்று அடுக்கு (64 படுக்கை) கட்டணம் விழா மற்றும் சாதாரண காலங்களில் 4 சதவீதம் குறைக்கப்படுகிறது.

* ஏ.சி. சேர் கார் (102 இருக்கை) கட்டணம் விழாக்காலங்களில் 4 சதவீதமும், சாதாரண காலங்களில் 8 சதவீதமும் குறைக்கப்பட்டு இருக்கிறது.

கூடுதல் படுக்கை வசதி

* படுக்கை வசதி கொண்ட பெட்டிகளில் படுக்கைகளின் எண்ணிக்கை 72-ல் இருந்து 84 ஆக அதிகரிக்கப்படும். இந்த ஆண்டு முதல் தயாரிக்கப்படும் பெட்டிகள் 84 படுக்கை வசதிகள் கொண்டதாக தயாரிக்கப்படும்.

* குளிர்சாதன வசதி கொண்ட பெட்டிகளில் இருக்கை எண்ணிக்கை 67-ல் இருந்து 102 ஆக அதிகரிக்கும். 3 அடுக்கு குளிர்சாதன வசதி கொண்ட பெட்டிகளில் படுக்கைகளின் எண்ணிக்கை 64-ல் இருந்து 81 ஆகவும், 2 அடுக்கு பெட்டிகளில் 46-ல் இருந்து 48 ஆகவும், குளிர்சாதன வசதி கொண்ட முதல் வகுப்பு பெட்டிகளில் இந்த எண்ணிக்கை 18-ல் இருந்து 22 ஆகவும் கூட்டப்படும்.

இதேபோல் ஏ.சி. 3 அடுக்கு பெட்டிகளும் கூடுதல் படுக்கைகளுடன் தயாரிக்கப்படும். ஏ.சி.சேர் கார் பெட்டிகளும் கூடுதல் இருக்கை வசதிகளுடன் தயாராகும்.

4 சதவீதம் குறைப்பு

* புதிய படுக்கை வசதி கொண்ட பெட்டிகளிலும் (84 படுக்கை), மற்றும் படுக்கை வசதி கொண்ட பெட்டிகளிலும் (72 படுக்கை) விழாக்காலங்களிலும் சாதாரண காலங்களிலும் 4 சதவீதம் கட்டணம் குறைக்கப்பட்டு உள்ளது.

* படுக்கை வசதி கொண்ட வகுப்புக்கான கட்டணம் விழா மற்றும் சாதாரண காலங்களில் 4 சதவீதம் குறைக்கப்பட்டு இருக்கிறது.

* பிரபலமான ரெயில்களில் பண்டிகை காலத்தின் போது கொடுக்கப்படும் சலுகைகள் ஆண்டு முழுவதும் நீடிக்கப்படும். இதற்கான பட்டியல் பின்னர் வெளியிடப்படும்.

* அதிவிரைவு ரெயில்களில் 2-ம் வகுப்பு கட்டணங்களில் வசூலிக்கப்படும் இதர கட்டணங்கள் 10 ரூபாயில் இருந்து 8 ரூபாயாக குறைக்கப்பட்டு உள்ளது.

* அதிவிரைவு ரெயில்களில் 2-வது வகுப்பு டிக்கெட்டுகளுக்கு வசூலிக்கப்படும் கூடுதல் கட்டணம் 20 சதவீதம் (10 ரூபாயில் இருந்து 8 ரூபாய்) குறைக்கப்பட்டு இருக்கிறது.

இணைய தளத்தின் மூலம் முன்பதிவு

படுக்கை வசதி கொண்ட பெட்டியில் பயணம் செய்ய இணையதளத்தின் மூலம் முன்பதிவு செய்யும் போது ஒரு டிக்கெட்டுக்கு வசூலிக்கப்படும் கூடுதல் கட்டணம் 20 ரூபாயில் இருந்து 15 ரூபாயாக குறைக்கப்படுகிறது. இதேபோல் ஏ.சி. வகுப்பு டிக்கெட்டுக்கு வசூலிக்கப்படும் கூடுதல் தொகை 40 ரூபாயில் இருந்து 20 ரூபாயாக குறைக்கப்படுகிறது. ஒவ்வொரு கூடுதல் டிக்கெட்டுக்கும் கூடுதலாக 5 ரூபாய் வசூலிக்கப்படும்.

இணைய தளத்தின் மூலம் முன்பதிவு செய்வதை ஊக்குவிக்கும் வகையில் இந்த சலுகை அளிக்கப்பட்டு உள்ளது.

பெட்ரோல் விற்பனை நிலையங்களில் முன்பதிவு

* பெட்ரோல் விற்பனை நிலையங்களிலும் ஏ.டி.எம்.மையங்களிலும் ரெயில் டிக்கெட் முன்பதிவு வசதி அமைக்கப்படும்.

* மத்திய தேர்வு ஆணையம் மற்றும் ரெயில்வே தேர்வு ஆணையம் நடத்தும் தேர்வுகளில் கலந்து கொள்ள செல்பவர்களுக்கு 50 சதவீத கட்டண சலுகை அளிக்கப்படும்.

* மூத்த குடிமகன்களுக்கும், தனியாக பயணம் செய்யும் 45 வயதுக்கு மேற்பட்ட பெண்களுக்கும் ரெயில் பெட்டிகளில் கீழே உள்ள படுக்கை ஒதுக்கப்படும்.

* அடுத்த 2 ஆண்டுகளுக்குள், உடல் ஊனமுற்றவர்கள் பயணம் செய்வதற்கு வசதியாக சிறப்பாக வடிவமைக்கப்பட்ட ரெயில் பெட்டிகள் அனைத்து சாதாரண மற்றும் விரைவு ரெயில்களில் அறிமுகப்படுத்தப்படும். ஏற்கனவே நடைமுறையில் உள்ள 1250 பெட்டிகளில் கூடுதலான வசதிகள் செய்து தரப்படும். அதன்படி சக்கர நாற்காலியில் உள்ள பயணிகள், ஊனமுற்றவர்கள் பயன்படுத்துவதற்கு வசதியாக விரிவான வாசல்கள், நடக்கும் வசதி, கழிப்பிட வசதி போன்றவை ஏற்படுத்தப்படும்.

கூடுதல் பெட்டிகள்

* பயணிகள் ரெயிலில் பால், பழம், காய்கறி வியாபாரிகளுக்கு தனி பெட்டிகள் இணைக்கப்படும்.

* முன்பதிவு செய்யாத 2-வது வகுப்பு பெட்டிகளில் சாதாரண மர இருக்கைகள் மாற்றப்பட்டு மெத்தை (குஷன்) இருக்கைகள் அமைக்கப்படும்.

* முக்கியமான எக்ஸ்பிரஸ் ரெயில்களில் கூடுதல் பெட்டிகள் இணைக்கப்படும். இந்த வகையில் எல்லா முக்கிய ரெயில்களிலும் சேர்த்து மொத்தம் 800 பெட்டிகள் இணைக்கப்படும்.

* புதிதாக விடப்படும் ஒவ்வொரு ரெயிலிலும் முன்பதிவு செய்யப்படாத பெட்டிகளின் எண்ணிக்கை 4-ல் இருந்து 6-ஆக அதிகரிக்கப்படும்.

* ஏற்கனவே இயக்கப்படும் ரெயில்களிலும் முன்பதிவு செய்யப்படாத பெட்டிகளின் எண்ணிக்கை அதிகரிக்கப்படும்.

* முன்பதிவு, காலி இருக்கைகள் பற்றிய விவரங்களை அறிய டிக்கெட் பரிசோதகர்களுக்கு கையடக்க கம்ப்யூட்டர்கள் (பாம்டாப்) வழங்கப்படும். இந்த ஆண்டு 4 ரெயில்களில் இத்திட்டம் அறிமுகப்படுத்தப்படும்.

* மும்பை புறநகர் ரெயில் போக்குவரத்தில் சுற்றுலா பயணிகளுக்கான புதிய திட்டம் அறிமுகப்படுத்தப்பட்டு உள்ளது. அதன்படி ஒரு நாளைக்கு ரூ.40 கட்டணத்திலும், 2 நாட்களுக்கு ரூ.75 கட்டணத்திலும், 5 நாட்களுக்கு ரூ.90 கட்டணத்திலும் பயணம் செய்யலாம்.

32 புதிய ரெயில்கள்

* அடுத்த 2 ஆண்டுகளில் நாடு முழுவதிலும் உள்ள முக்கிய நகரங்களில் கணினி அடிப்படையிலான முன்பதிவு அல்லாத ரெயில் டிக்கெட் மையங்கள் அமைக்கப்படும். முக்கிய நகரங்களில் முன்பதிவு சேவை மையத்துடன் இணைந்த 6 ஆயிரம் தானியங்கி ரெயில் டிக்கெட் வழங்கும் இயந்திரங்கள் அமைக்கப்படும்.

* ஸ்மார்ட் கார்டு அல்லது நாணயங்கள் மூலம் ரெயில் டிக்கெட் பெறுவதற்கான வசதியும் விரைவில் செயல்படுத்தப்படும்.

* 32 புதிய ரெயில்களும், 8 ஏழைகள் ரதம் ரெயில்களும் இந்த ஆண்டில் விடப்படும். தமிழ்நாட்டில் 5 புதிய ரெயில்கள் விடப்படுகின்றன.

* பயணிகள் தங்களுடன் எடுத்துச் செல்லும் சரக்குகளுக்கான (லக்கேஜ்) கட்டணம் 60 சதவீதம் குறைக்கப்படுகிறது.

* மேலும் 300 ரெயில் நிலையங்கள் மாதிரி ரெயில் நிலையங்களாக ஆக்கப்படும்.

* பதட்டம் நிறைந்த பகுதிகளில் உள்ள ரெயில் நிலையங்களில், வெடிகுண்டுகளை கண்டுபிடிக்க கைகளால் கையாளும் மெட்டல் டிடெக்டர் கருவி பயன்படுத்தப்படும். கண்காணிப்பு கேமராக்களும் பொருத்தப்படும்.

சரக்கு கட்டணம்

* சரக்கு கட்டணங்கள் உயர்த்தப்படவில்லை.

* பெட்ரோல், டீசல் ஆகியவற்றை கொண்டு செல்வதற்கான சரக்கு கட்டணம் 5 சதவீதம் குறைக்கப்பட்டு உள்ளது.

* இரும்புத் தாது, சுண்ணாம்புக் கல் கொண்டு செல்வதற்கான கட்டணம் 6 சதவீதம் குறைக்கப்பட்டு இருக்கிறது.

* போக்குவரத்து மிகுந்த பாதைகளில் இரும்புத் தாது கொண்டு செல்வதற்காக விதிக்கப்பட்டு வந்த 10 சதவீத கூடுதல் கட்டணம் ரத்து செய்யப்படுகிறது.

* 9 மாதங்களில் சரக்கு போக்குவரத்தின் மூலம் கிடைத்த வருவாய் 17 சதவீதம் அதிகரித்து உள்ளது.

ரூ.20 ஆயிரம் கோடி

* ரெயில்வே பாதுகாப்பு படையில் உள்ள 8 ஆயிரம் காலிப் பணியிடங்கள் நிரப்பப்படும்.

* பிற்படுத்தப்பட்டவர்களுக்கான 27 சதவீத இடஒதுக்கீட்டை நிரப்ப நடவடிக்கை எடுக்கப்படும்.

* சென்னையிலும், கொல்கத்தாவிலும் பயணச்சீட்டு வினியோகிக்க கூப்பன் முறை அறிமுகம் செய்யப்படும்.

* 3 ஆயிரம் ரெயில் நிலையங்கள் மாதிரி ரெயில் நிலையங்களாக மேம்படுத்தப்படும்.

* நாடு முழுவதும் உள்ளவர்கள் உள்ளூர் கட்டணத்தில் ரெயில்கள் பற்றி தகவல்களை 139 என்ற தொலைபேசி எண்ணில் தொடர்பு கொண்டு தெரிந்து கொள்ளலாம்.

* 2007-2008-ம் ஆண்டுக்கான ரெயில்வே திட்ட ஒதுக்கீடு ரூ.31 ஆயிரம் கோடி.

* சரக்கு போக்குவரத்தின் மூலம் 46 ஆயிரத்து 943 கோடி ரூபாயும், பயணிகள் போக்குவரத்து மூலம் 20 ஆயிரத்து 75 கோடியும் வருவாய் கிடைத்து உள்ளது.

இந்த ஆண்டில் ரெயில்வே துறைக்கு ரூ.20 ஆயிரம் கோடி லாபம் கிடைக்கும் என எதிர்பார்க்கப்படுகிறது.

புதிய பாதைகள்

* 500 கிலோ மீட்டர் தூரத்துக்கு புதிய ரெயில் பாதை அமைக்கப்படுவதோடு, 1800 கிலோ மீட்டர் நீள பாதை அகல ரெயில் பாதையாக மாற்றப்படும். 700 கிலோ மீட்டர் தூரத்துக்கு இரட்டை வழிப்பாதை அமைக்கப்படும்.

* புதிய கட்டண விகிதம் மற்றும் சலுகைகள் வருகிற ஏப்ரல் 1-ந் தேதி முதல் அமலுக்கு வரும் என்று அறிவிக்கப்பட்டு உள்ளது.

0 Comments: