பாயும் வேகம் ஜெட் லீ தாண்டா
பன்ச் வெச்சா இட்லி தாண்டா
Rated PG - for Pseudo-DK, DMK, Liberals, Marxists....
ஊர்ல சொல்றது சொலவடை
உண்மையைச் சொல்றது இட்லிவடை

Monday, July 31, 2006

ஜெ vs கலைஞர் - சட்டசபை விவாதம்

சட்டசபையில் இன்று பட்ஜெட் மீதான விவாதத்தில் அ.தி.மு.க. பொதுச் செயலாளரும், எதிர்க்கட்சி தலைவருமான ஜெயலலிதா கலந்து கொண்டு பேசியதாவது:-

மைனாரிட்டி தி.மு.க. அரசு தாக்கல் செய்துள்ள நிதி நிலை அறிக்கை முழுவதும் படித்து பார்த்தேன். அதில் நல்ல விஷயங்கள் இருக்கிறதா? என்றும் அரும்பாடுபட்டு தேடினேன். நல்ல கருத்துக்கள் இருந்தால் அவர்களை பாராட்டலாம் என்று முயற்சி செய்தேன். ஆனால் பாராட்டும்படி பட்ஜெட்டில் எதுவுமில்லை என்பது கசப்பான உண்மை ஆகும்.

தமிழக மக்களுக்கு நம்பிக்கை துரோகம் செய்வதை இந்த பட்ஜெட் வெளிச்சம் போட்டு காட்டுகிறது. நன்மை தருவது போன்று மாயமான தோற்றத்தை ஏற்படுத்தி இருக்கிறார்கள். தமிழ் நாட்டின் முன்னேற்றத்திற்கு விரோதமான பட்ஜெட் இது.

தீபாவளி காலத்தில் வாண வேடிக்கை காட்டுவது போல பட்ஜெட் அமைந்துள்ளது. வாண வேடிக்கையின் போது வானத்தில் இருந்து பல வண்ணங்களில் சிதறும் ஒளி மத்தாப்புகள் சிறிது நேரத்தில் சாம்பலாகி மண்ணில் விழுந்து விடும் இதை தூரத்தில் இருந்து பார்க்கும் போது அழகாக இருக்கும். பறக்கும் மின்மினி பூச்சி போல இந்த பட்ஜெட் அமைந்துள்ளது.

போலி ஆவணம் மூலம் தயாரித்தது போல இந்த நிதிநிலை அறிக்கை உள்ளது.

கடந்த தி.மு.க. ஆட்சியில் நிதிநிலை நெருக்கடி ஏற்பட்டது. அதே போல தமிழ்நாட்டில் மீண்டும் நிதிநிலை நெருக்கடி ஏற்பட போகிறது. ஜனவரி 2006-ல் தாக்கல் செய்த இடைநிலை அறிக்கையில் வருவாய் பற்றாக்குறை ரூ.207.27 கோடியாக இருந்தது. தற்போது ரூ.1,129.23 கோடி உயர்ந்துள்ளது.

அப்போது அமைச்சர் பொன்முடி குறுக்கிட்டு பேச எழுந்தார். (அதற்கு அ.தி.மு.க. உறுப்பினர்கள் எதிர்ப்பு தெரிவித்து கூச்சல் போட்டனர். அவர்களை உட்காரும்படி சபாநாயகர் எச்சரித்தார்.)

அமைச்சர் பொன்முடி:- எதிர்க்கட்சி தலைவர் ஆதாரம் இல்லாமல் பேசுகிறார். சர்ச்பாÖர்க் காண்வெண்டில் படித்த அவருக்கு கணக்கு கூட தெரியவில்லை என்பதை நான் எதிர்பார்க்கவில்லை. சட்டசபையில் எதிர்க்கட்சி உறுப்பினர்கள் சத்தம் போடுவது, கூச்சலிடுவது, மிரட்டுவது போன்ற செயல்களை செய்வது சரியல்ல.

(இதற்கு அ.தி.மு.க. உறுப்பினர்கள் எதிர்ப்பு தெரிவித்து எழுந்து நின்று கூச்சல் போட்டனர்)

ஜெயலலிதா:- நான் பிளஸ்-2 தேர்வில் கணக்கு பாடத்தில் 200க்கு 200 மதிப்பெண் வாங்கி இருக்கிறேன். அதனால் நான் நிச்சயமாக கணக்கில் `வீக்' இல்லை. 103 சட்டமன்ற உறுப்பினர்களை கொண்ட மைனாரிட்டி தி.மு.க. அரசை மைனாரிட்டி என்று சொல்லாமல் என்ன சொல்வது.

அமைச்சர் அன்பழகன்:- மைனாரிட்டி அரசு என்றால் அதை நிலைநாட்ட நம்பிக்கை இல்லா தீர்மானம் கொண்டு வந்து இந்த அரசை வீட்டுக்கு அனுப்ப வேண்டும். அது இல்லாத வரை இது மெஜாரிட்டி அரசுதான்.

சபாநாயகர்:- அடுத்த சப்ஜெட்டுக்கு போங்கள். (ஜெயலலிதாவை பார்த்து)

ஜெயலலிதா:- அவர்கள் சொல்வதை நாங்கள் ஏற்றுக்கொள்ளவில்லை.

(அப்போது இந்திய கம்ïனிஸ்டு உறுப்பினர் சிவ புண்ணியம் பேச எழுந்தார். அதற்கு அ.தி.மு.க. உறுப்பினர் கள் எதிர்ப்பு தெரிவித்தனர். அவரை பேச அனுமதிக்க கூடாது என்றனர்).

சிவபுண்ணியம்:- (இந்திய கம்ïனிஸ்டு) அ.தி.மு.க.மைனா ரிட்டியாக இருக்கின்ற கார ணத்தால் தான் முன்னால் இருக்கிறீர்கள் தி.மு.க. அர சுக்கு வெளியே இருந்து கம் ïனிஸ்டு கட்சிகள், காங் கிரஸ், பா.ம.க. ஆகியவை ஆதரவு கொடுத்து இருக் கிறது. அதனால் இது மைனா ரிட்டி அரசு அல்ல.

அமைச்சர் அன்பழகன்:- இந்த அரசு மைனாரிட்டி அரசு என்று சொல்கிறார்கள். ஆளும் கட்சியினர் கருத்தை ஏற்க மாட்டோம் என்று வாதம் வைக்கிறார்கள். அவர்கள் இதை விட மைனாரிட்டியாக இருந்து கொண்டு இப்படி சொல்லக்கூடாது.

ஜெயலலிதா:- எங்களை நாங்கள் ஏன் சொல்ல வேண்டும். 63 சட்டமன்ற உறுப்பினர்கள் வெற்றி பெற்று இருக்கிறார்கள். அதனால் தான் பிரதான எதிர்க்கட்சியாக இருக்கிறோம். தி.மு.க.வில் 95 உறுப்பினர்கள்தான் இருக்கிறார்கள். ஏன் கோபம் வருகிறது.

அமைச்சர் பொன்முடி:- கடந்த காலத்தில் நாங்கள் எதிர்க்கட்சியாக இருந்த போது குறுக்கீடு செய்தனர். நீங்கள் குறுக்கீடு செய்யக்கூடாது என்று கூறினீர்கள். அதே முன் உதாரணத்தின் அடிப் படையில் நாங்கள் இப்போது சொல்கிறோம்.

(அப்போது அ.தி.மு.க. உறுப்பினர்கள் கைகளை நீட்டி பேசினார்கள்).

பொன்முடி:- எனக்கு எதிர்க்கட்சி துணை தலைவர் பதில் சொல்லட்டும் கைகளை காட்டி மிரட்டுவது சரியல்ல. இந்த அரசு பெரும்பான்மையான அரசு. 163 உறுப்பினர்களின் ஆதரவை பெற்றுள்ள அரசு பெரும்பான்மை அரசுதானே. அரசியல் அமைப்பு சட்டம் தெரியாதவர்கள் தெரிந்து கொள்ள வேண்டும்.

ஜெயலலிதா:- எங்கள் ஆட்சி காலத்தில் அன்பழகன் எதிர்க்கட்சி தலைவராக இருந்த போது அவருக்கு உரிய மரியாதை கொடுத்து பேச அனுமதித்தோம். ஆனால் இன்று என்னை பேச முடியாத படி அச்சுறுத்துகிறார்கள். யாருக்கும் எதற்கும் என் னால் பதில் சொல்ல முடி யும். எனது ஆட்சியில் திறம்பட செயல்பட்டதன் மூலம் நிதி நெருக்கடி இல் லாமல் பொருளாதார முன் னேற்றத்தை கண்டு கம்பீரமாக நின்றது. அதை 2 மாதத்தில் தி.மு.க. ஆட்சி கெடுத்து தலைக்கீழாக மாற்றி விட்டது. மீண்டும் நிதி நெருக்கடி தி.மு.க. ஆட்சியில் ஏற்பட போகிறது.

பொன்முடி: பேசக்கூடிய வார்த்தைகள் உணர்ச்சிகளை உருவாக்காமல் இருந்தால் நாங்களும் இந்த அவைக்கு பெருமை சேர்ப்போம்.

ஜெயலலிதா: இந்த நிதிநிலை அறிக்கையில் மொத்த கடன் பற்றி சம்பந்தம் இல்லாமல் கூறப்பட்டுள்ளது. மொத்த வருவாய் வரவுகள் தி.மு.க. ஆட்சியில் அபாயகரமாக இருந்தது. அவற்றை எனது ஆட்சியில் கட்டுப்படுத்தினேன். 2006-07-ல் மொத்த வருவாய் ரூ. 38,478 கோடியாக குறிப் பிடப்பட்டுள்ளது. வருவாய் வரவுகளை அதிகமாக மதிப்பீடு செய்தும், வருவாய் செலவுகளை குறைவாக மதிப்பீடு செய்தும் இந்த அரசு தங்களையே ஏமாற்றி கொள்கிறது.

அமைச்சர் ஆற்காடு வீராசாமி: ஆயத்தீர்வை வருவாய் கடந்த ஆட்சியில் சரியாக வசூலிக்கப்படவில்ல. இந்த ஆட்சியில் முழுமையாக வசூலிக்கப்படும்.
அமைச்சர் அன்பழகன்: 100 சதவீதம் பற்றாகுறை யிருப்பதாக கூறுகிறார். சமூக நலனை பாதுகாக்க இந்த பற்றாக்குறை பெரிய விஷயம் அல்ல. நாட்டுக்காக எங்களை நாங்களே ஏமாற்றிக்கொள்ள தயாராக இருக்கிறோம்.

ஜெயலலிதா: இந்த பற்றாகுறை அதிகமாக இருக்கிறது.

அன்பழகன்: ரூ. 28 ஆயிரம் கோடி கடன்களை நாங்கள் விட்டுச்சென்றோம். நீங்கள் ரூ. 56 ஆயிரம் கோடிக்கு கடன் களை வைத்து விட்டு சென்றீர்கள் பெரிய கடன் சுமையை நாங்கள் எதிர் கொள்கிறோம்.

ஜெயலலிதா: நாங்கள் கடன்களை பெற்று பல் வேறு நலத்திட்டங்களை மேற் கொண்டோம்.

பொன்முடி: நாங்கள் பெருந்தன்மையோடு செயல்படுகிறோம். நீங்கள் வீட்டுச்சென்ற சுமையை நாங்கள் பெரிதுபடுத்த வில்லை.

ஜெயலலிதா: கடன் தள்ளுபடி செய்ததில் நாங்கள் வழங்கிய ரூ.400 கோடியை சேர்ந்ததா இல்லையா?

அமைச்சர் அன்பழகன்: இந்த அரசு விவசாயிகளுக்கு ரூ. 6,800 கோடி கடன் தள்ளுடி செய்தது.

ஜெயலலிதா: என் சிந்தனையில் உதித்ததை பேசி இருக்கிறேன். யாரும் எழுதி தரவில்லை.

முதல்-அமைச்சர் கருணாநிதி:-அப்படியானால் அம்மையார் இதுவரை சொந்தக் கருத்துக்களை கூறவில்லை என்று கூறுகிறாரா? இதுவரை யாரோ எழுதிக் கொடுத்தததை ஒப்புக் கொள்கிறாரா?

ஜெயலலிதா:- கடந்த முறை சில குறிப்புகள் வைத்து பேசினேன். ஆளும் கட்சி குறுக்கீடுகள் இருந்ததால் எனது சிந்தனை ஓட்டம் தடைபட்டது. பதில் சொல்லும் திறமை எப்போதும் எனக்கு உண்டு.

கருணாநிதி:- எதற்கும் பதில் அளிக்க கூடிய இயற்கையான மொழிவளம், உடல் வலிமை எனக்கு உண்டு.

ஜெயலலிதா:- முதல்- அமைச்சர் என் பேச்சை கேட்டு திணறவில்லை என்கிறார். தேர்தல் வாக்குறுதியை அளித்து மக்களை சந்தித்த போது மக்கள் முன்பு திக்குமுக்காடி திணறி போனார்.

கருணாநிதி:- எதிர்க்கட்சி தலைவர் ரூ. 1,600 கோடி கடனை தள்ளுபடி செய்ததாக கூறினார். அதற்கு நிதி அமைச்சர் பதில் அளித்தார். அந்த பதிலுக்கு அம்மையார் எந்த விளக்கமும் அளிக்காமல் வேறு பிரச்சினைக்கு சென்று விட்டார்.

ஜெயலலிதா:- நான் எதை பார்த்தும் நழுவவில்லை. மெட்ரோரெயில் திட்டத்தை விட மோனோ ரெயில் திட்டம் தான் சிறப்பானது. அதனால்தான் அதை நாங்கள் நிறைவேற்ற திட்டமிட்டோம். நிறைவேற்றக்கூடிய திட்டம் தான் மோனோரெயில் திட்டம். எனவே அதை மீண்டும் செயல்படுத்த வேண்டும். கடந்த ஆட்சியில் தரிசு நில மேம்பாட்டு திட்டத்தை நாங்கள் கொண்டு வந்தோம். ஆனால் முதல்வரும் பல்வேறு கட்சி தலைவர்களும் அதை புரிந்து கொள்ளாமல் மனம் போன போக்கில் பேசியிருக்கிறார்கள். அதன்பிறகு அவர் பேசிய சில வார்த்தைகளுக்கு கடுமையான எதிர்ப்பு தெரிவிக்கப்பட்டது. இதற்கு அ.தி.மு.க.வினரும் எதிர்ப்புதெரிவித்தனர். இதனால் கூச்சல் குழப்பம் ஏற்பட்டது.

அமைச்சர் வீரபாண்டிஆறுமுகம்: அவை மரபு இல்லாத வார்த்தைகளை எதிர்கட்சி தலைவர் பேசுகிறார். இது போன்ற முன் உதாரணங்கள் எதிர்விளைவுகளை ஏற்படுத்தும். (மீண்டும் அ.தி.மு.க. -தி.மு.க. உறுப்பினர் கள் ஒருவருக்கொருவர் எதிராக கோஷமிட்டனர்)

பீட்டர் அல்போன்ஸ்:- 6 கோடி மக்கள் சட்டமன்ற உறுப்பினர்களை தேர்ந்தெடுத்து அனுப்பி இருக்கிறார்கள். அவர்களை குறை சொல்லும் வகையில் வார்த்தைகளை பயன்படுத்துவது மரபு அல்ல.

கோவிந்தசாமி(மா.கம்ïனிஸ்டு), ஜி.கே.மணி (பா.ம.க.), சிவப்புண்ணியம்(இந்திய கம்ïனிஸ்டு) ஆகியோர் இதே கருத்தை வலியுறுத்தி பேசினார்கள்.

பொன்முடி:- உணர்வுகளை தூண்டும் வகையில் பேசக்கூடாது என்று கடந்த ஆட்சியில் சட்டமன்றத்தில் ஆளும்கட்சியினர் பேசி இருக்கிறார்கள். இதை கடைபிடித்தால் நல்லது. (மீண்டும் கூச்சல்குழப்பம் ஏற்பட்டது. சபாநாயகர் எதிர்கட்சி தலைவர் பேசிய வார்த்தைகளை நீக்கியதாக அறிவித்தார்)

இதைத்தொடர்ந்து ஜெயலலிதா கடந்த ஆட்சியில் கொண்டுவரப்பட்ட நில மேம்பாட்டுதிட்டம் பற்றி விளக்கி பேசினார். அப்போது ஏழைகளுக்கு 2 ஏக்கர் நிலம் திட்டம் நிறைவேற்ற முடியாது என்று குறிப்பிட்டார்.

இதற்கு அமைச்சர் அன்பழகன், ஆற்காடு வீராசாமி, பொன்முடி, பெரியசாமி ஆகியோர் விளக்கம் அளித்தனர். காரசார வாக்குவாதம் நடந்தது.

மேலும் ஜெயலலிதா பேசும் போது, அரசு ஊழியர்கள் நீக்கப்பட்டது. ஒரு தாய் குழந்தைக்கு கொடுத்த கசப்பு மருந்து என்று குறிப்பிட்டார். இது குறித்து ஜெயலலிதாவுக்கு அமைச்சர் அன்பழகன் இடையே கடும்வாக்குவாதம் நடந்தது.

பின்னர் சபாநாயகர் பேசும் போது, "நீங்கள் 1 மணி 46 நிமிடம் பேசியிருக்கிறீர்கள் பேச்சை சீக்கிரம் முடிக்க வேண்டும்'' என்று கூறினார். அப்போது ஜெயலலிதா சபாநாயகரிடம் வாக்குவாதம் செய்தார்.

தொடர்ந்து பேசிய ஜெயலலிதா கடந்த ஆட்சியில் நாங்கள் 50 லட்சம் ஏக்கர் நிலம் இருப்பதாக சொல்லவில்லை. தரிசு நிலங்களை பல்வேறு நிறுவனங்கள் மூலம் பயன்படுத்தி கொடுப்பதற்காகத்தான் சொன்னோம். 3.5 லட்சம் ஏக்கர் தரிசி நிலம் மட்டும் தான் உள்ளது. இதை நான் பல முறை சொல்லியும் தி.மு.க., கம்ïனிஸ்டு, பா.ம.க. உள்ளிட்ட கட்சிகள் இதை ஏற்காமல் அதை குற்றச்சாட்டை கூறுகிறார்கள்.

முதல்-அமைச்சர் கருணாநிதி: அம்மையார், கம்ïனிஸ்டு, பா.ம.க., காங்கிரஸ் உள்ளிட்டவர்களை ஏமாற்றுபவர்கள் என்று குறிப்பிடுகிறார். அவர்கள் அப்படி ஏமாற்றுபவர்கள் அல்ல. நான் ஏமாளியும் அல்ல.என்பதை சொல்லிக்கொள்கிறேன். எவ்வளவு நிலம் இருந்தாலும் அதை பங்குவைத்து கொடுப்போம்.

4 Comments:

Sivabalan said...

ஒரு நாள் கிரிகெட் போட்டி பார்த்த Effect...

நன்றி.. இட்லி வடை...

We The People said...

என்ன கொடுமைடா இது, ஓட்டு போட்டு இவங்களை சட்டமன்றத்துக்கு அனுப்பினா அங்க போயி, பென்சில் திருடிட்டான், ரப்பரை காணேம் கணக்கா சண்டை போடறாங்களே! நம்ம தலைவிதி! யாரை குறை சொல்லறது??!! நாயிக்கு வாக்கப்பட்ட பெள! பெள!ன்னு தானா சொல்லனும்!

மகேந்திரன்.பெ said...

தரிசு நிலம் குறித்த தவறான தகவல்களை தொடர்ந்து சட்டமன்றத்தில் தரும் ஜெயலலிதாவின் பார்வைக்கும் இட்லிவடைக்கு வருகைதரும் வாசகர்களின் பார்வைக்காகவும்

GOVERNMENT OF TAMIL NADU

ABSTRACT

Comprehensive waste Land Programme 2003 - 2004 – Participatory Watershed Development – Approval for Extending the Programme to 13 new Districts and Sanction of Funds – Orders Issued.


--------------------------------------------------------------------

AGRICULTURE (WLD) DEPARTMENT

G.O.MS.NO.437
Dated: 13.10.2003

READ:

1. G.O.Ms.No.338, Agri (WLD) Dept, dated, 27.11.2001

2. G.O.Ms.No.84, Agri (WLD) Dept, dated, 26.03.2002

3. G.O.Ms.No.97, Agri (WLD) Dept, dated, 28.03.2002

4. G.O.Ms.No.91, Agri (WLD) Dept, dated, 13.03.2003

5. G.O.Ms.No.389, Agri (WLD) Dept, dated, 18.08.2003

6. G.O.Ms.No.194, Agri (WLD) Dept. dated, 08.07.2002

7. From the M.D.TAWDEVA Letter No. 471 / TAWDEVA 2003, dated 21.8.03 and 9.9.2003.

ORDER

In the Government Orders 1st to 4th read above a sum of Rs.30.00 Crores was sanctioned to implement Comprehensive Wasteland Programme on a Pilot basis involving 29 Blocks and 360 Villages to cover an area of 55,000 ha in the 10 Pilot Districts viz., Vellore, Thiruvannamalai, Salem, Namakkal, Pudukottai, Tiruchirapalli, Dindigul, Theni, Tirunelveli and Ramanathapuram in the first phase.

2. In the G.O. 6th read above the Government approved the cost norms for planting activity.

3. During the review meeting held on 27.8.2003 Chaired by the Development Commissioner and Finance Secretary, the overall target for the year 2003-04 have been fixed as 50000 ha. The present target of 50000 ha. includes the left over area of 33229 ha. in 10 Pilot Districts and 16771 ha. in the 13 new additional Districts viz. Dharmapuri, Tiruvallur, Villupuram, Kancheepuram, Thoothukudi, Coimbatore, Erode, Sivaganga, Viruthunagar, Madurai, Perambalur, Karur & Cuddalore.

4. The M.D.TAWDEVA has now requested the Government for approval for taking up 50000 ha. Under CWP during 2003-2004 (including 33,229 ha. of previous year 2002-03) and 16771 ha. of coverage in 13 new additional districts. The M.D. has also requested to sanction for fund release to the tune of Rs.1.80 crores to enable procurement of the additional 15 lakhs seedlings from Forest and Horticulture Departments (at the approved rate of Rs.12 per seedling).

5. The Government after careful consideration approve for taking up planting activity in 50000 ha. during 2003-04 which includes the left over area of 33229 ha. in 10 Pilot Districts and 16771 ha. in 13 new additional Districts. The Government also approve for extending the implementation of the programme to 13 new additional Districts viz, Dharmapuri, Tiruvallur, Villupuram, Kancheepuram, Thoothukudi, Coimbatore, Erode, Sivaganga, Viruthunagar, Madurai, Perambalur, Karur & Cuddalore.

6. The Government accord sanction for the release of Rs.1.80 Crores (Rupees one Crore and Eighty Lakhs only) for obtaining the supply of 15 Lakhs seedlings from the Horticulture and Forest Departments, required for the 13 new additional Districts.

7. The Expenditure sanctioned in para 6 above shall be debited to “2402-00 Soil and Water Conservation 103 – Land reclamation and Development - Schemes in the Tenth Five Year Plan – II State Plan – JE – Comprehensive Wasteland Development Programme – participatory approach – 09 Grants in aid – 02 Grants for capital Expenditure (DP CODE No.2402-00-103-JE-0925.”)

8. The Commissioner of Agriculture is authorised to draw the amount sanctioned in para 6 above. The amount shall not be paid in cash but shall be credited to the following Personal Deposit Account of Tamil Nadu Watershed Development Agency.(TAWDEVA)

“8443-00 Civil Deposits-800-Other Deposits-AE-Deposits of Government Companies, Corporations etc., 92 Deposits of Tamil Nadu Watershed Development Agency. (DP CODE 8443-00-800-AE-9201) (Receipt) 8443 00 800 AE. 9202 (outgo).

9.This Order issues with the concurrence of Finance Department –vide its U.O.No. 290/JS (TB) /03 dated 13.10.2003

(BY ORDER OF THE GOVERNOR)

T.S SRIDHAR
AGRICULTURAL PRODUCTION COMMISSIONER AND SECRETARY TO GOVERNMENT

To

The Managing Director, TAWDEVA, Chennai - 5

The Commissioner of Agriculture, Chennai-5.

The Director of Horticulture and Plantation Crops, Chennai-5.

The Principle Chief Conservator of Forest, Chennai-15.

The Chief Engineer (AE) Chennai-35.

The Collectors/Joint Directors of Agriculture of the Districts.

The Accountant General, Chennai-18.

The Accountant General, Chennai-18 (by name)

The Accountant General, Chennai-35.

The Accountant General, Chennai-35 (by name)

The Pay and Accounts Officer, Chennai-5.

The Finance Department, Chennai-9.

The Secretary –II to Chief Minister, Chennai - 9



Copy to :

The P.A. to Minister for Agriculture, Chennai-9.

The P.S to APC & Secretary to Government, Agriculture Department, Chennai-9.

The Secretary, E & F/SWD, Chennai – 9.



FORWARDED / BY ORDER

SECTION OFFICER

அருண்மொழி said...

//நான் பிளஸ்-2 தேர்வில் கணக்கு பாடத்தில் 200க்கு 200 மதிப்பெண் வாங்கி இருக்கிறேன்.//

+2 அறிமுகப்படுத்தப்பட்டது 1980களில் என்று நினைக்கின்றேன். அப்படி என்றால் அம்மாவிற்கு 40+ வயதுதானா?