இறுதிகட்ட ஓட்டுவேட்டை

தமிழக சட்டசபை தேர்தல்: 234 தொகுதிகளிலும் பிரசாரம் இன்று மாலையுடன் ஓய்கிறது- வேட்பாளர்கள் இறுதிகட்ட ஓட்டுவேட்டை

* தேர்தல் வாக்குறுதிகளை கருணாநிதி நிறைவேற்றமாட்டார். ஆசிரியர்- டாக்டர்களுக்கான தொகுப்பூதியம் கால ஊதியமாக மாற்றப்படும் - ஜெயலலிதா

* மீனவர்களுக்கு மானிய விலையில் பெட்ரோல், டீசல்: ராயபுரத்தில் மீன்பிடி துறைமுகம் அமைக்கப்படும் - கருணாநிதி

* மத்திய அரசை மிரட்டும் கருணாநிதி தி.மு.க. மந்திரிகளை வாபஸ் பெற தயாரா?- நாஞ்சில் சம்பத்

* 'ஞாபகங்களைக்' கிளறும் சன் டிவி!: ராஜீவ் கொலையை கிளறும் ஜெயா டிவி! திமுகவின் சன் டிவியும், அதிமுகவின் ஜெயா டிவியும் மாறி மாறி போட்டி போட்டுக் கொண்டு செய்து வரும் பிரசாரம் ஏற்கனேவே சூடாகிப் போயுள்ள தேர்தல் களத்தை பயங்கர கதகதப்பாக்கியுள்ளது.

* இன்பதமிழன் மீது முதல்வர் ஜெயலலிதாவை அவதூறாக பேசியதற்காக வழக்கு பதிவு செய்யப்பட்டுள்ளது. அதிமுகவில் விளையாட்டு துறை அமைச்சராக இருந்த இன்பதமிழன் திமுகவில் சேர்ந்தார். ஸ்ரீ வில்லிபுத்தூரில் நடந்த மே தின கூட்டத்தில் இன்பதமிழன் முதல்வர் ஜெயலலிதாவை பற்றி அவதூறாக பேசியதாக வழக்கு பதிவு செய்யப்பட்டுள்ளது.

* இன்று மாலை 5 மணிக்கு மேல் கருத்து கணிப்பு வெளியிட கூடாது - தேர்தல் அதிகாரி நரேஷ்குப்தா

* தேர்தல் விதிகளை மீறி பிரசாரத்திற்கு அதிகளவில் வாகனங்களை பயன்படுத்தியதாக அதிமுக, திமுகவுக்கு தேர்தல் ஆணையம் நோட்டீஸ் அனுப்பியுள்ளது.

* பத்திரிகைகள் தேர்தல் விதிமுறைகளை மீறியதாக தேர்தல் அதிகாரியிடம் கருணாநிதி புகார்:

சனிக்கிழமை காலை ஒரு ஆங்கிலப் பத்திரிகை மற்றும் தமிழ் பத்திரிகையில் ஆபாசமான, அவதூறு பரப்பும் வகையில், தேர்தல் விதிமுறைகளுக்கு எதிராக விளம்பரம் வெளிவந்துள்ளது.

இதுகுறித்து இன்று காலை தமிழகத் தலைமைத் தேர்தல் அதிகாரி நரேஷ்குப்தாவிடம் தொலைபேசியில் பேசினேன். அவர் இந்த விளம்பரம் குறித்து விசாரித்து நடவடிக்கை எடுப்பதாக உறுதியளித்தார்"