வைகோ - ஜெ - செய்திகள்

வைகோ - ஜூவி
இன்று மதுரையில் ஜெயா டிவிக்கு வைகோ அளித்த பேட்டியில்
"அதிமுக மற்றும் அதன் கூட்டணிக்கு நாளுக்கு நாள் செல்வாக்கு அதிகரித்து வருவதாக பல்வேறு கருத்துக் கணிப்புகளும் தெரிவிக்கின்றன. இதை தயாநிதி மாறனால் பொறுத்துக் கொள்ள முடியவில்லை.

இதனால் பல்வேறு பத்திரிக்கைககளுக்கு நெருக்கடி கொடுத்து திமுகவுக்கு ஆதரவாக கருத்துக் கணிப்புகளை வெளியிட முயற்சித்து வருகிறார்.

கேரளாவின் பிரபலமான மலையாள மனோரமா நாளிதழ் நிறுவனத்தைச் சேர்ந்த தி வீக் ஆங்கில வார இதழ், கேரளாவில் நடந்த தேர்தல் தொடர்பாக ஒரு கருத்துக் கணிப்பையும் நடத்தவில்லை.

ஆனால் தமிழகத்தில் மட்டும் திடீரென ஒரு கருத்துக் கணிப்பை நடத்தி முடிவுகளை வெளியிட்டுள்ளது. இல்லாத ஒன்றை இட்டுக் கட்டிக் கூறி திமுகவுக்கு ஆதரவாக கருத்துக் கணிப்பு முடிவுகளை வெளியிடடுள்ளது.

இப்போது இவர்கள் ஜூனியர் விகடனை வளைத்து விட்டார்கள். இதில் வேதனையான விஷயம் என்னவென்றால் தினகரனை பணம் கொடுத்து வாங்கினார்கள். அதன் மூலம் பொய்யான செய்திகளை வெளியிட்டு வருகிறார்கள்.

இப்போது ஆனந்த விகடனை வளைத்துள்ளார்கள். ஆனந்த விகடன் பத்திரிக்கை தரதமான, மிகச் சிறந்த, உயர்ந்த பத்திரிக்கை. நேர்மைக்கு இலக்கணமான பத்திரிக்கைக் குடும்பம் அது.

அப்படிப்பட்ட பத்திரிக்கை சமீப காலமாக, சில வெளியில் சொல்ல முடியாத பிரத்யேக காரணங்களினால், சன் தொலைக்காட்சியின் தயவு தேவைப்படும் இக்கட்டில் இருப்பதால் அவர்களுக்கு சாதகமான செய்திகளை வெளியட வேண்டிய நிலையில் உள்ளது.

அப் பத்திரிக்கையின் நடுநிலை கொஞ்சம் கொஞ்சமாக சரிந்து இப்போது முற்றிலும் போய் விட்டது.

வருகிற நாட்களில் திமுக கூட்டணிக்கு 200 இடங்கள் வரை கிடைக்கும் என்ற அப்பட்டமான, பொய்யான செய்தியை வெளியிட அவர்கள் முடிவு செய்துள்ளார்கள்.

அந்த செய்தியை தினகரன், சன் டிவியில் வெளியிட்டு வாக்காளர்கள் மத்தியில் திமுகவுக்கு ஆதரவான பிரமையை ஏற்படுத்தி அதன் மூலம் கொஞ்சம் ஓட்டுக்கள் கிடைக்காதா என்று முயற்சிக்க நினைக்கிறார்கள்.

ஜூனியர் விகடனின் நிருபர்கள் பலர் மிரட்டப்பட்டுள்ளார்கள். உண்மையைச் சொன்னதற்காக அச்சுறுத்தப்பட்டுள்ளார்கள்.

அந்தப் பத்திரிக்கையை விலைக்கு வாங்க தீவிரமாக முயற்சித்து வந்தனர். அந்த முயற்சியில் அனேகமாக வெற்றி பெற்று விட்டதாகவே எனக்கு தெரிய வந்துள்ளது"

இந்த செய்தி குறித்து பத்திரிக்கை வட்டாரத்தில் இருக்கும் நண்பர்களிடம் கேட்டதற்கு இந்த செய்தியில் கொஞ்சமும் உண்மை இல்லை என்றனர்.

ஜெ சூப்பர் அறிவிப்புக்கள் ?
ஜெயலலிதா தமிழகம் முழுவதும் சூறாவளி சுற்றுப் பயணம் செய்து 32 நாட்கள் ஆதரவு திரட்டினார். வரும் 4 நாட்கள் சென்னை, காஞ்சீபுரம், திருவள்ளூர் மாவட்டங்களில் ஓட்டு சேகரிக்கிறார். இன்று மாலை சைதாப் பேட்டை தொகுதியில் ஆதரவு திரட்டினார்.

இந்த நான்கு நாட்களில் சில சூப்பர் அறிவிப்புக்கள் வரும் என்று அதுமுகவில் உள்ள ஒரு முக்கிய நபர் தெரிவித்தார்.