விசி வேட்பாளர் பட்டியல் - திருமா போட்டியில்லை

அதிமுக கூட்டணியில் இடம்பெற்றுள்ல விடுதலைச் சிறுத்தைகளுக்கு 9 தொகுதிகள் வழங்கப்பட்டுள்ளன. வேட்பாளர் பட்டியல் இன்று வெளியிடப்பட்டது அதில் விடுதலைச் சிறுத்தைகள் கட்சி பொதுச் செயலாளர் தொல்.திருமாவளவன் சட்டசபைத் தேர்தலில் போட்டியிடவில்லை.

1. ஸ்ரீபெரும்புதூர் இளமாறன்
2. முகையூர் சிந்தனைச் செல்வன்
3. செங்கம் (தனி) ஆற்றலரசு
4. உளுந்தூர்பேட்டை (தனி) வெற்றிச் செல்வன்
5. காட்டு மன்னார்கோவில் (தனி) எழுத்தாளர் ரவிக்குமார்
6. மங்களூர் (தனி) செல்வப் பெருந்தகை
7. அரூர் (தனி) கோவிந்தசாமி
8. வால்பாறை (தனி) சுசி கலையரசன்
9. சீர்காழி (தனி) துரைராஜன்

வைகோ வழியில் திருமா ?

Update - திருமா பேட்டி

கேள்வி:- விடுதலை சிறுத்தை கட்சியில் பெண் களுக்கு முக்கியத்துவம் கொடுக்கப்படவில்லையே?

பதில்:- கடந்த தேர்தலில் 2 பெண்களுக்கு வாய்ப்பு கொடுத்தோம். இந்த முறை வாய்ப்பு கொடுக்க இயல வில்லை. எதிர்காலத்தில் கட்டாயம் வாய்ப்பு கொடுப்போம்.

கே:-வைகோவும், நீங்களும் தேர்தலில் போட்டியிடாததற்கு என்ன காரணம்?

ப:- வைகோ போட்டியிடாதது எனக்கு தெரியாது. நேற்று இரவுதான் தெரிவித்து இருக்கிறார். அவர் போட்டியிடாதது அவருடைய விருப்பம். அவருடைய முடிவு. 12 நாட்கள் இடைவெளியில்தான் பிரசாரம் செய்ய வேண்டி இருப்பதால் நான் போட்டியிடவில்லை.

கே: இலவச கலர் டிவி வழங்கப்படும் என திமுக தேர்தல் அறிக்கையில் கூறப்பட் டுள்ளதே?

ப: இலவச திட்டம் என அறிவித்து வாக்குகளை அல்ல திட்டமிட்டுள்ளார் கள். இலவச கல்வி என்று அளிக்காமல், ஒடுக்கப்பட்ட மக்களுக்கு இலவச டிவி வழங்கு வோம் என்று அறிவித்திருப்பது அவர்களது சமூகப் பார்வையை காட் டுகிறது.

கே: அதிமுகவும் இலவச திட்டங்களை அறிவித்ததே?

ப: அதிமுக அறிவித்துள்ள பள்ளி மாணவ, மாணவிகளுக்கு இலவச சைக் கிள் என்ற திட்டம், யாராலும் குறை சொல்ல முடியாதது.

கே:- கேபிள் டி.வி.யை அரசு உடைமையாக்குவது சரியா?

ப: அது அற்புதமான திட்டம் வரவேற்க கூடியது. சுமங்கலி கேபிள் டி.வி. தமிழகத்தில் ஊடக ஏகாதிபத்தியத்தை காட்டுகிறது.

ஒரு பத்திரிகையின் விலையை உற்பத்தி செலவை விட பலமடங்கு குறைத்து கொடுப்பது மற்ற பத்திரிகையை நசுக்கும் செயலாகும். இது தமிழ் மக்களுக்கும், தமிழ் நாட்டின் நலனுக்கும் நல்லதல்ல. உற்பத்தி செலவை விட குறைத்து கொடுப்பதால் மற்ற பத்திரிகைகள் பாதிக்கப்படுகின்றன.