திமுக கூட்டணியில் மதிமுக தொடரும்: - வைகோ

திமுக கூட்டணியில் மதிமுக இருக்குமா அல்லது இருக்காதா என்று கடந்த சில நாள்களாக இருந்து வந்த சந்தேகங்கள் இதன் மூலம் முடிவுக்கு வந்துள்ளது. திமுக கூட்டணி வெற்றிக்குப் பாடுபடப்போவதாக வைகோ திங்கள்கிழமை வெளியிட்ட அறிக்கையில் தெரிவித்துள்ளார். திமுக தலைவரும் அக்கட்சியின் தொண்டர்களும் மனம் காயப்படும் வகையில் சொல்லப்பட்ட கருத்துகளுக்காக அவர் அந்த அறிக்கையில் வருத்தம் தெரிவித்துள்ளார். தொகுதிப் பங்கீடு குறித்துப் பூர்வாங்கமாகப் பேசிவிட்ட நிலையில் கட்சி நிர்வாகிகளுடனும் மாவட்டச் செயலாளர்களுடனும் ஆலோசனை நடத்தி வருகிறோம் என்றார் வைகோ.