பாயும் வேகம் ஜெட் லீ தாண்டா
பன்ச் வெச்சா இட்லி தாண்டா
Rated PG - for Pseudo-DK, DMK, Liberals, Marxists....
ஊர்ல சொல்றது சொலவடை
உண்மையைச் சொல்றது இட்லிவடை

Thursday, September 22, 2005

பிளின்டாப் அதிர்ச்சி தகவல்

லண்டன்: ""டில்லி போட்டியில் ஆர்வமாக பீல்டிங் செய்து கொண்டிருந்தேன். அப்போது ஏதோ ஒன்று என் மீது பயங்கரமாக தாக்கியது. உடனே குனிந்து பார்த்தேன். மைதானத்தில் ஆங்காங்கே துப்பாக்கி குண்டுகள் சிதறிக் கிடந்தன. அப்படியே அதிர்ந்து போனேன், '' என பரபரப்பு தகவலை வெளியிட்டுள்ளார் இங்கிலாந்து அணியின் ஆஷஸ் நாயகன் ஆன்ட்ரூ பிளின்டாப்.

சவுரவ் பதிலடி:கடந்த 2002ல் இங்கிலாந்து அணி இந்தியாவில் சுற்றுப் பயணம் மேற்கொண்டது. 6 ஒரு நாள் போட்டிகள் கொண்ட தொடரில் பங்கேற்றது. இங்கிலாந்து 13 என்ற கணக்கில் பின்தங்கியிருந்தது. இந்தச்
சூழலில் அதிரடி வீரராக கலக்கிய பிளின்டாப் தொடர் சமநிலையில்(33) முடிய முக்கிய காரணமாக இருந்தார். சர்ச்சைக்குரிய டில்லி ஐந்தாவது ஒரு நாள் போட்டியில் 3 சிக்சர், 1 பவுண்டரியுடன் 39 பந்தில் 52 ரன் விளாசி வெற்றி தேடி தந்தார். அடுத்து மும்பையில் நடந்த 6வது ஒரு நாள் போட்டியில் இங்கிலாந்து வெற்றி பெற்றது. உடனே கால்பந்து வீரர் பாணியில் பிளின்டாப் சட்டையை கழற்றி சுழற்றினார். இதற்கு பதிலடியாகத் தான் லார்ட்ஸ் அரங்கில் நாட்வெஸ்ட் தொடரை நமது அணி வென்ற போது கேப்டன் கங்குலியும் சட்டையை கழற்றி சுழற்றினார்.


சரிதை:இப்படி பல்வேறு விதத்திலும் முக்கியத்துவம் வாய்ந்த இந்திய தொடர் குறித்து தனது "பீயிங் பிரட்டி' சுயசரிதையில் பிளின்டாப் குறிப்பிட்டுள்ளார். இதில் டில்லி ஒரு நாள் போட்டியில் யாரோ ஒருவர் தன்னை குறி வைத்து துப்பாக்கியால் சுட்டதாக தெரிவித்துள்ளார். இந்த விஷயத்தை வெளியில் தெரிவிக்க அணி நிர்வாகம் தடுத்து விட்டதாகவும் குற்றம்சாட்டியுள்ளார். இது பற்றி பிளின்டாப் எழுதியிருப்பதாவது:

ஐந்தாவது ஒரு நாள் போட்டி டில்லி பெரோஷா கோட்லா மைதானத்தில் 2002, ஜன.31ல் நடந்தது. நான் துடிப்பாக பீல்டிங் செய்து கொண்டிருந்தேன். அப்போது ஏதோ ஒன்று என் மீது பயங்கரமாக தாக்கியது. குனிந்து பார்த்த போது மைதானத்தில் துப்பாக்கி குண்டுகள் சிதறிக் கிடந்தன. பொதுவாக இந்திய துணைக் கண்டத்தில் நடக்கும் போட்டிகளின் போது ரசிகர்கள் தண்ணீர் பாட்டில்களை தான் வீசி எறிவர். ஆனால் துப்பாக்கியால் சுடுவார்கள் என்று சற்றும் எதிர்பார்க்கவில்லை. இந்த சம்பவத்தால் கடும் அதிர்ச்சி அடைந்தேன். அப்போதைய கேப்டன் நாசர் ஹூசைன் மிகுந்த ஆத்திரமடைந்தார். ஆனால் இங்கிலாந்து கிரிக்கெட் போர்டின் மீடியா அதிகாரி ஆன்ட்ரூ வால்போல் சம்பவத்தை பெரிதாக்க வேண்டாம் என்று கூறி விட்டார். அடுத்த நாள் நிருபர்களை சந்திக்கும் போது எதையும் தெரிவிக்க வேண்டாம் என்றும் அறிவுறுத்தினார். இப்போது அந்த சம்பவத்தை நினைக்கும் போது எல்லாவற்றையும் அப்போதே தெரிவித்திருக்க வேண்டும் என்று தோன்றுகிறது. ஏöன்றால் நான் சுட்டு வீழ்த்துவதற்காக களத்தில் நிற்கவில்லை. அணி நிர்வாகத்தின் கட்டுப்பாடுகளால் எல்லாவற்றையும் மூடி மறைக்க வேண்டியதாயிற்று.

இவ்வாறு டில்லி அதிர்ச்சி சம்பவம் குறித்து பிளின்டாப் குறிப்பிட்டுள்ளார்.

ஏன் மறைத்தார்?

பிளின்டாப் புகாரை மறுத்துள் ளார் டில்லி கிரிக்கெட் சங்க துணைத் தலைவர் சி.கே.கண்ணா. "" இது மிகவும் வேடிக்கையான குற்றச்சாட்டு. அப்போது டில்லி போலீசார் பலத்த பாதுகாப்பு ஏற்பாடுகளை செய்து இருந்தனர். அப்படியிருக்கையில் துப்பாக்கியால் ஒருவர் சுடுவது எல்லாம் நடக்காத காரியம். பிளின்டாப் சொல்வது உண்மையானால் இத்தனை காலம் ஏன் மறைத்தார்? எனவே அவரது புகாரை சீரியசாக எடுத்துக் கொள்ள முடியாது,'' என்றார் கண்ணா.

3 Comments:

பழூர் கார்த்தி said...

போங்க பிளிண்டாப், உங்களுக்கு எப்ப்ப்ப்பவுமே விளையாட்டுதான் :-)

பழூர் கார்த்தி said...

ஏங்க இட்லி வடை, பிளிண்டாப்தான் ஏதோ ஜோக்கடிக்கிறார்னா, நீங்க வேற அதை பின்பற்றனுமா :-)

சிரிச்சி சிரிச்சி வயிரே வலிக்கிதுங்க....

Amala Singh said...

Hello,

It is air gun pellets, not gun bullets. If some one shoots at Flintoff, and no one cares about it is it? This is not America where every one carries guns in their trousers.