பாயும் வேகம் ஜெட் லீ தாண்டா
பன்ச் வெச்சா இட்லி தாண்டா
Rated PG - for Pseudo-DK, DMK, Liberals, Marxists....
ஊர்ல சொல்றது சொலவடை
உண்மையைச் சொல்றது இட்லிவடை

Thursday, January 06, 2005

2005 ராசிபலன் - டாப் டென்+2

இந்த வருடமும் வழக்கம் போல் எல்லா பத்திரிக்கைகளும் 2005 ஆம் வருடத்திற்க்கான ராசி பலன் மினி புத்தகத்தை வழங்கினார்கள். என்னுடைய ராசிக்கு நான் ஒரு ராசிபலன் எழுதுவேன் என்று எழுதியிருந்தது.
இட்லிவடை ராசி பலன் இங்கே.. இலவசமாக !

1. மேஷம்: சந்திரன் ஏழாம் வீட்டில் விளையாடுவதால் குழந்தைகளுக்கு நிறைய சாகலேட் கிடைக்கும். பெப்ஸோடண்ட் விளம்பரம் பார்த்துக்கொண்டு சாப்பிடுவார்கள்.


2. ரிஷபம்: டிசம்பர் மாதம் குருவின் பலவீனத்தால் வெளிநாட்டிலிருந்து இந்தியா வருபவர்கள், சோப், சாக்லேட் கொண்டு வருவார்கள்.


3. மிதுனம்: ராகுவும் கேதுவும் வீடு மாறும் போது, 'மரத்தடி'யில் பிள்ளையாருக்கு பதில் முருகன் வந்தாலும் ஆச்சரிய பட கூடாது!.


4. கடகம்: சனியின் ஆதிக்கம் அதிகமானதால் ஜனவரியில் சென்னை புத்தக கண்காட்சியில் அட்டை மட்டும் நன்றாக உள்ள தமிழ் புத்தகங்கள் நிறைய கிடைக்கும். உஷாராக இருக்கவும்.


5. சிம்மம்: புதன் வேறு பக்கம் திரும்பி கொண்டதால் போன வருடத்தைவிட இந்த வருஷம் செலவுகள் கூடும். அடுத்த வருடம் மேலும் கூடும்.


6. கன்னி: முன்றாவது இடத்தில் உலவும் செவ்வாயினால் விசேஷமான திருப்பம் எதுவும் இல்லையென்றாலும், டிவி சீரியல்களில் சிலர் சிரிப்பார்கள்.


7. விருச்சிகம்: சுக்கிரன் தாண்டவமாடுவதால் இளம் தாத்தாக்கள் வெளிநாட்டில் உள்ள தங்கள் பேரன்,பேத்தியை 'வெப் கேம்'மில் பார்பார்கள்.


8. துலாம்: சூரியன் தன் சொந்த வீட்டிற்கு வருவதால் மே மாதம் சென்னையில் கடும் வெப்பம் இருக்கும். செப்டம்பருக்கு பிறகு வேறு வீட்டுக்கு செல்லவதால் வெப்பம் குறைய வாய்ப்பிருக்கிறது.


9. தனுசு: குரு (ஒத்தக் கண்ணால்)பார்பதால் அடிக்கடி ஒத்த தலைவலி வரும். டாக்டரிடம் போனால் தலைவலி அதிகம் ஆகும். ஜாக்கிரதையாக இருக்கவும்.


10. மகரம்: செவ்வாயும் புதனும் அடுத்தடுத்து வருவதால் பெட்ரோல், டிசல் விலை உயரும். வாகனம் ஓட்டுபவர்கள் வண்டியை தள்ளிகொண்டு செல்லவும்.


11. கும்பம்: கேது வீட்டுக்கு லேட்டாக வருவதால் மனைவியால் கணவனுக்கு ஆபத்து ஏற்படும். ஐயோடெக்ஸ் வைத்துக் கொள்ளவும்.


12. மீனம்: சுக்கிரன் சுறுசுறுப்பாக இருப்பதால் கம்ப்பூட்டர் தொழில் புரிபவர்கள், தூக்கத்தில் Java, J2EE, XML என்று பிலம்புவார்கள். கிரீன் கார்டு கிடைத்தவுடன் அடங்கிவிடுவார்கள்.